 |
ການວາງພວງມາລາຄັ້ງນີ້, ກໍເພື່ອເປັນການສະແດງເຖິງຄວາມເຄົາລົບຮັກ, ຄວາມກະຕັນຍູຮູ້ບຸນຄຸນເຖິງຄຸນງາມຄວາມດີ ແລະ ນໍ້າໃຈຕໍ່ສູ້ຢ່າງພິລະອາດຫານ, ບໍ່ຍອມຈຳນົນຂອງບັນດານັກຮົບປະຕິວັດລາວ ທີ່ໄດ້ເຄີຍຮ່ວມສຳພັນຮົບກັບອ້າຍນ້ອງທະຫານຫວຽດນາມໃນຂະບວນການຕໍ່ສູ້ປະຕິວັດສາມຊາດອິນດູຈີນ ເວົ້າລວມ, ເວົ້າສະເພາະ ແມ່ນການຮ່ວມສຳພັນຮົບ ຮ່ວມຂຸມຕະຄອງດຽວກັນ ເປັນຕາຍຮ່ວມກັນ ຕ້ານສັດຕູລວມໂຕດຽວ ໃນການປົດປ່ອຍຊາດຍາດເອົາເອກະລາດມາໃຫ້ປະຊາຊົນຂອງແຕ່ລະປະເທດ ລາວ-ຫວຽດນາມ.
 |
ໃນປະຫວັດສາດການປະຕິວັດສາມຊາດອິນດູຈີນ ກໍຄື ລາວ, ຫວຽດນາມ ແລະ ກຳປູເຈຍ ເວົ້າລວມ, ເວົ້າສະເພາະແມ່ນ ລາວ-ຫວຽດນາມ, ໃນການຮ່ວມສຳພັນຮົບ ເປັນຕົ້ນແມ່ນໄດ້ຊ່ວຍກັນປົກປ້ອງເສັ້ນທາງໂຮ່ຈິມິນ ທີ່ເປັນເສັ້ນທາງຍຸດທະສາດ, ລໍາລຽງຂົນສົ່ງກອງກໍາລັງປະຕິວັດ, ອາວຸດຍຸດທະພັນ, ນໍ້າມັນ, ສະບຽງອາຫານຈາກພາກເໜືອລົງໄປສົມທົບ ແລະ ສະໜັບສະໜູນກໍາລັງປະຕິວັດຢູ່ພາກໃຕ້ຫວຽດນາມ ກໍຄື ກໍາລັງປະຕິວັດທີ່ເຄື່ອນໄຫວຢູ່ພາກກາງ ແລະ ພາກໃຕ້ຂອງລາວ ຊຶ່ງໄດ້ເຮັດໃຫ້ເກີດເຫງົ້າພະລັງ ແລະ ກໍາລັງແຮງຊະນະເລີດໃນການຜາບແພ້ອິດທິກໍາລັງຈັກກະພັດຜູ້ຮຸກຮານ ຈົນສາມາດປົດປ່ອຍ ແລະ ທ້ອນໂຮມປະເທດຫວຽດນາມເຂົ້າເປັນອັນໜຶ່ງອັນດຽວ.
 |
ໃນປະຫວັດສາດ, ສະໜາມຮົບບົນເສັ້ນທາງໂຮ່ຈິມິນ ແມ່ນສະໜາມຮົບອັນດຸເດືອດ ທີ່ໄດ້ສ້າງຄວາມສູນເສຍທັງຊີວິດ ແລະ ຊັບສິນຂອງປະຊາຊົນລາວເປັນຈຳນວນຫຼວງຫຼາຍ; ທະຫານຫວຽດນາມ ໄດ້ສາມັກຄີກັບທະຫານ ແລະ ປະຊາຊົນລາວ ຕໍ່ສູ້ບົນຈິດໃຈທີ່ເປັນນັກຮັກເອກະລາດອິດສະຫຼະພາບ ຮ່ວມສໍາພັນຮົບເພື່ອປົດປ່ອຍຊາດຂອງແຕ່ລະປະເທດ ຖານສະຫາຍອ້າຍນ້ອງ, ຢາດເຫື່ອ ແລະ ນໍ້າຕາ, ຢາດເລືອດ ແລະ ຊີວິດຂອງເຂົາເຈົ້າ ໄດ້ເຈືອຈານເຂົ້າກັນ ເພື່ອໄຊຊະນະຂອງການປະຕິວັດ ແລະ ທ້ອນໂຮມປະເທດຊາດຂອງຫວຽດນາມ ແລະ ເປັນເງື່ອນໄຂປົດປ່ອຍປະເທດຊາດຂອງລາວ.
(ຂ່າວ-ພາບ: ສຸກສະຫວັນ)
ຄໍາເຫັນ