 |
ໃນການປະຕິບັດໜ້າທີ່ຂຸດຄົ້ນອັດທິທະຫານອາສາສະໝັກ ແລະ ຊ່ຽວຊານຫວຽດນາມ ທີ່ເສຍສະຫຼະຊີວິດໃນປາງສົງຄາມຢູ່ລາວ ລະດູແລ້ງ 2025-2026 ນີ້, ຄະນະປະຕິບັດງານທັງສອງຝ່າຍ ລາວ-ຫວຽດນາມ ໂດຍສະເພາະແມ່ນນະຄອນເຫວ້ ແລະ ແຂວງສາລະວັນ-ເຊກອງ ໄດ້ປະສານສົມທົບກັນ ຊອກຫາແຫຼ່ງຂໍ້ມູນພ້ອມທັງປະສານສົມທົບກັບອຳນາດການປົກຄອງຂັ້ນທ້ອງຖິ່ນ ສາມາດຂຸດຄົ້ນອັດທິໄດ້ 8 ອັດທິ ທີ່ໄດ້ເສຍສະຫຼະຊີວິດເພື່ອພາລະກິດປົດປ່ອຍຊາດ ສະຫາຍ ຫງຽນ ວັນ ແມັນ ແລະ ສະຫາຍ ແຫວນເພັດ ລັດດາວົງ ໄດ້ຜັດປ່ຽນກັນຂຶ້ນກ່າວຄຳສະດຸດີ ສະແດງຄວາມຮູ້ບຸນຄຸນຢ່າງລົ້ນເຫຼືອຕໍ່ຜົນງານ ວິລະກຳອັນກ້າຫານຂອງພະນັກງານນັກຮົບທີ່ໄດ້ເສຍສະຫຼະຊີວິດເພື່ອປົກປ້ອງປະເທດຊາດ ຕໍ່ສູ້ຕ້ານຈັກກະພັດລ່າເມືອງຂຶ້ນສອງຊາດ ລາວ-ຫວຽດນາມ ໄດ້ຮ່ວມສຳພັນສູ້ຮົບຕີຕ້ານສັດຕູໂຕດຽວກັນ ຍອມເສຍສະຫຼະເລືອດເນື້ອເພື່ອປົກປ້ອງອະທິປະໄຕ ແລະ ຜືນແຜ່ນ ດິນອັນຄົບຖ້ວນຂອງສອງຊາດ ລາວ-ຫວຽດນາມ ໃວ້ໃຫ້ໝັ້ນຄົງຕະຫຼອດໄປ.
 |
ໃນພິທີ, ຄະນະທັງສອງຝ່າຍໄດ້ວາງພວງມາລາ ແລະ ນຳເອົາອັດທິລົງສູ່ຫຼຸມຝັງສົບ ແລະ ປັກທູບ ຮ່ວມອະທິຖານໃຫ້ດວງວິນຍານຂອງທະຫານອາສາສະໝັກ ແລະ ຊ່ຽວຊານຫວຽດນາມຈຳນວນ 8 ອັດທິ ທີ່ໄດ້ກັບຄືນສູ່ບ້ານເກີດເມືອງນອນຂອງຕົນ ຈົ່ງໄປສູ່ສຸຂະຕິ. ຂ່າວ-ພາບ: ສຸກັນ ວົງສະຫວັດ
ຄໍາເຫັນ