ໃນຕອນເຊົ້າຂອງວັນທີ 29 ກຸມພານີ້ ທີ່ຄະນະພົວພັນຕ່າງປະເທດສູນກາງພັກ, ທ່ານ ທອງສະຫວັນ ພົມວິຫານ ຫົວໜ້າຄະນະພົວພັນຕ່າງປະເທດສູນກາງພັກ (ຄຕພ) ໄດ້ຕ້ອນຮັບການເຂົ້າຢ້ຽມຂໍ່ານັບຂອງ ທ່ານ ນາງ ເມແກັນ ຈອນສ (Megan Jones) ໃນໂອກາດຖືກແຕ່ງຕັ້ງໃຫ້ດຳລົງຕຳແໜ່ງເປັນເອກອັກຄະລັດຖະທູດວິສາມັນຜູ້ມີອຳນາດເຕັມແຫ່ງອົສຕຣາລີປະຈຳ ສປປ ລາວ ຄົນໃໝ່.
ທ່ານ ທອງສະຫວັນ ພົມວິຫານ ໄດ້ສະແດງຄວາມຊົມເຊີຍຕໍ່ທ່ານ ນາງ ເມແກັນ ຈອນສ ທີ່ໄດ້ຮັບການແຕ່ງຕັ້ງມາດຳລົງຕຳແໜ່ງເປັນເອກອັກຄະລັດຖະທູດວິສາມັນຜູ້ມີອຳນາດເຕັມແຫ່ງອົສຕຣາລີ ປະຈຳ ສປປ ລາວ ແລະ ເຊື່ອໝັ້ນວ່າທ່ານທູດຈະສືບຕໍ່ຮ່ວມມືກັບຄະນະພົວພັນຕ່າງປະເທດສູນກາງພັກ ແລະ ພາກສ່ວນກ່ຽວຂ້ອງຂອງລາວເພື່ອປະກອບສ່ວນເຂົ້າໃນການເສີມຂະຫຍາຍສາຍພົວພັນ ແລະ ການຮ່ວມມືລະຫວ່າງລາວ - ອົສຕຣາລີ ໃຫ້ມີຄວາມແໜ້ນແຟ້ນ ແລະ ແຕກດອກອອກຜົນຍິ່ງໆຂຶ້ນ. ພ້ອມນັ້ນ, ທ່ານ ທອງສະຫວັນ ພົມວິຫານ ຍັງໄດ້ແຈ້ງໃຫ້ຊາບ ກ່ຽວກັບທີ່ຕັ້ງ ແລະ ພາລະບົດບາດຂອງ ຄຕພ, ສະພາບພົ້ນເດັ່ນຂອງ ພັກ, ລັດລາວ ໃນການສ້າງສາພັດທະນາເສດຖະກິດ-ສັງຄົມ ຂອງປະເທດ ພາຍໃຕ້ການນໍາຂອງ ພັກ ປປ ລາວ ໃນໄລຍະຜ່ານມາກໍຄືໃນປັດຈຸບັນ, ລວມທັງການເປັນປະທານໝູນວຽນອາຊຽນ ແລະ ສຸມໃສ່ການຈັດງານປີທ່ອງທ່ຽວລາວ ປະຈໍາປີ 2024. ໃນໂອກາດດັ່ງກ່າວ, ທ່ານຍັງໄດ້ສະແດງຄວາມຂອບໃຈ ຕໍ່ການຊ່ວຍເຫຼືອ ແລະ ສະໜັບສະໜູນດ້ານຕ່າງໆຂອງລັດຖະບານອົສຕຣາລີ ຕໍ່ ສປປ ລາວ ໃນຕະຫຼອດໄລຍະຜ່ານມາ, ໂດຍສະເພາະການພັດທະນາພື້ນຖານໂຄງລ່າງ, ການເກັບກູ້ລະເບີດບໍ່ທັນແຕກ, ການພັດທະນາຊັບພະຍາກອນມະນຸດ, ສາທາລະນະສຸກ, ການຄ້າ-ການລົງທຶນ ແລະ ອື່ນໆ.
ທ່ານທູດ ໄດ້ສະແດງຄວາມຂອບໃຈເປັນຢ່າງສູງຕໍ່ການຕ້ອນຮັບຂອງທ່ານຫົວໜ້າຄະນະພົວພັນຕ່າງປະເທດສູນກາງພັກໃນໂອກາດທີ່ຕົນມາຮັບໜ້າທີ່ເປັນເອກອັກຄະລັດຖະທູດວິສາມັນຜູ້ມີອຳນາດເຕັມແຫ່ງອົສຕຣາລີ ປະຈຳ ສປປ ລາວ, ສະແດງຄວາມຂອບໃຈຕໍ່ ສປປ ລາວ ໃນການເປັນຝ່າຍປະສານງານ ອາຊຽນ-ອົສຕຣາລີ ຕະຫຼອດໄລຍະ 2 ປີ ຜ່ານມາ ເພື່ອປະກອບສ່ວນໃຫ້ແກ່ການຈັດກອງປະຊຸມສຸດຍອດພິເສດເພື່ອສະເຫຼີມສະຫຼອງຄົບຮອບ 50 ປີການເປັນຄູ່ເຈລະຈາ ອາຊຽນ-ອົສຕຣາລີ ແລະ ເນັ້ນວ່າຈະເຮັດສຸດຄວາມສາມາດ ເພື່ອສືບຕໍ່ປະຕິບັດໜ້າທີ່ການທູດໃນການເປັນຂົວເຊື່ອມມິດຕະພາບອັນດີງາມ ລະຫວ່າງ ສອງລັດຖະບານ ອົສຕຣາລີ-ລາວ ແລະ ຍິນດີສະໜັບສະໜູນການເປັນປະທານໝູນວຽນອາຊຽນຂອງ ສປປ ລາວ ໃນປີນີ້.
ສອງຝ່າຍໄດ້ເອກະພາບກັນ ຕີລາຄາສູງຕໍ່ການພົວພັນຮ່ວມມື ລະຫວ່າງ ສອງປະເທດ ລາວ-ອົສຕຣາລີ ໃນໄລຍະ 72 ປີ ຜ່ານມາ ແລະ ຍິນດີສືບຕໍ່ປະສານສົມທົບກັນຢ່າງແໜ້ນແຟ້ນ ເພື່ອຮ່ວມກັນຊອກຫາຊ່ອງທາງຍົກລະດັບການຮ່ວມມືດ້ານເສດຖະກິດ-ການຄ້າ, ການພົວພັນດ້ານພັກ ແລະ ການທູດປະຊາຊົນລະຫວ່າງ ສອງປະເທດຕື່ມໃນຕໍ່ໜ້າ.
ທ່ານ ຫົວໜ້າຄະນະພົວພັນຕ່າງປະເທດສູນກາງພັກ ໄດ້ອວຍພອນໃຫ້ ທ່ານທູດ ຈົ່ງປະສົບຜົນສໍາເລັດໃນການປະຕິບັດໜ້າທີ່ການທູດຢູ່ ສປປ ລາວ ເພື່ອປະກອບສ່ວນຊຸກຍູ້ ແລະ ເພີ່ມພູນຄູນສ້າງສາຍພົວພັນສອງປະເທດ, ນໍາເອົາຜົນປະໂຫຍດຕົວຈິງມາສູ່ ປະຊາຊົນສອງຊາດ ລາວ-ອົສຕຣາລີ ກໍຄື ປະກອບສ່ວນເຂົ້າໃນພາລະກິດເສີມສ້າງສັນຕິພາບ, ມິດຕະພາບ ແລະ ການຮ່ວມມືໃນພາກພື້ນ ແລະ ໃນໂລກ.
(ຂ່າວ: ຄຕພ; ພາບ: ແສງຈັນ)
ທ່ານ ທອງສະຫວັນ ພົມວິຫານ ໄດ້ສະແດງຄວາມຊົມເຊີຍຕໍ່ທ່ານ ນາງ ເມແກັນ ຈອນສ ທີ່ໄດ້ຮັບການແຕ່ງຕັ້ງມາດຳລົງຕຳແໜ່ງເປັນເອກອັກຄະລັດຖະທູດວິສາມັນຜູ້ມີອຳນາດເຕັມແຫ່ງອົສຕຣາລີ ປະຈຳ ສປປ ລາວ ແລະ ເຊື່ອໝັ້ນວ່າທ່ານທູດຈະສືບຕໍ່ຮ່ວມມືກັບຄະນະພົວພັນຕ່າງປະເທດສູນກາງພັກ ແລະ ພາກສ່ວນກ່ຽວຂ້ອງຂອງລາວເພື່ອປະກອບສ່ວນເຂົ້າໃນການເສີມຂະຫຍາຍສາຍພົວພັນ ແລະ ການຮ່ວມມືລະຫວ່າງລາວ - ອົສຕຣາລີ ໃຫ້ມີຄວາມແໜ້ນແຟ້ນ ແລະ ແຕກດອກອອກຜົນຍິ່ງໆຂຶ້ນ. ພ້ອມນັ້ນ, ທ່ານ ທອງສະຫວັນ ພົມວິຫານ ຍັງໄດ້ແຈ້ງໃຫ້ຊາບ ກ່ຽວກັບທີ່ຕັ້ງ ແລະ ພາລະບົດບາດຂອງ ຄຕພ, ສະພາບພົ້ນເດັ່ນຂອງ ພັກ, ລັດລາວ ໃນການສ້າງສາພັດທະນາເສດຖະກິດ-ສັງຄົມ ຂອງປະເທດ ພາຍໃຕ້ການນໍາຂອງ ພັກ ປປ ລາວ ໃນໄລຍະຜ່ານມາກໍຄືໃນປັດຈຸບັນ, ລວມທັງການເປັນປະທານໝູນວຽນອາຊຽນ ແລະ ສຸມໃສ່ການຈັດງານປີທ່ອງທ່ຽວລາວ ປະຈໍາປີ 2024. ໃນໂອກາດດັ່ງກ່າວ, ທ່ານຍັງໄດ້ສະແດງຄວາມຂອບໃຈ ຕໍ່ການຊ່ວຍເຫຼືອ ແລະ ສະໜັບສະໜູນດ້ານຕ່າງໆຂອງລັດຖະບານອົສຕຣາລີ ຕໍ່ ສປປ ລາວ ໃນຕະຫຼອດໄລຍະຜ່ານມາ, ໂດຍສະເພາະການພັດທະນາພື້ນຖານໂຄງລ່າງ, ການເກັບກູ້ລະເບີດບໍ່ທັນແຕກ, ການພັດທະນາຊັບພະຍາກອນມະນຸດ, ສາທາລະນະສຸກ, ການຄ້າ-ການລົງທຶນ ແລະ ອື່ນໆ.
ທ່ານທູດ ໄດ້ສະແດງຄວາມຂອບໃຈເປັນຢ່າງສູງຕໍ່ການຕ້ອນຮັບຂອງທ່ານຫົວໜ້າຄະນະພົວພັນຕ່າງປະເທດສູນກາງພັກໃນໂອກາດທີ່ຕົນມາຮັບໜ້າທີ່ເປັນເອກອັກຄະລັດຖະທູດວິສາມັນຜູ້ມີອຳນາດເຕັມແຫ່ງອົສຕຣາລີ ປະຈຳ ສປປ ລາວ, ສະແດງຄວາມຂອບໃຈຕໍ່ ສປປ ລາວ ໃນການເປັນຝ່າຍປະສານງານ ອາຊຽນ-ອົສຕຣາລີ ຕະຫຼອດໄລຍະ 2 ປີ ຜ່ານມາ ເພື່ອປະກອບສ່ວນໃຫ້ແກ່ການຈັດກອງປະຊຸມສຸດຍອດພິເສດເພື່ອສະເຫຼີມສະຫຼອງຄົບຮອບ 50 ປີການເປັນຄູ່ເຈລະຈາ ອາຊຽນ-ອົສຕຣາລີ ແລະ ເນັ້ນວ່າຈະເຮັດສຸດຄວາມສາມາດ ເພື່ອສືບຕໍ່ປະຕິບັດໜ້າທີ່ການທູດໃນການເປັນຂົວເຊື່ອມມິດຕະພາບອັນດີງາມ ລະຫວ່າງ ສອງລັດຖະບານ ອົສຕຣາລີ-ລາວ ແລະ ຍິນດີສະໜັບສະໜູນການເປັນປະທານໝູນວຽນອາຊຽນຂອງ ສປປ ລາວ ໃນປີນີ້.
ສອງຝ່າຍໄດ້ເອກະພາບກັນ ຕີລາຄາສູງຕໍ່ການພົວພັນຮ່ວມມື ລະຫວ່າງ ສອງປະເທດ ລາວ-ອົສຕຣາລີ ໃນໄລຍະ 72 ປີ ຜ່ານມາ ແລະ ຍິນດີສືບຕໍ່ປະສານສົມທົບກັນຢ່າງແໜ້ນແຟ້ນ ເພື່ອຮ່ວມກັນຊອກຫາຊ່ອງທາງຍົກລະດັບການຮ່ວມມືດ້ານເສດຖະກິດ-ການຄ້າ, ການພົວພັນດ້ານພັກ ແລະ ການທູດປະຊາຊົນລະຫວ່າງ ສອງປະເທດຕື່ມໃນຕໍ່ໜ້າ.
ທ່ານ ຫົວໜ້າຄະນະພົວພັນຕ່າງປະເທດສູນກາງພັກ ໄດ້ອວຍພອນໃຫ້ ທ່ານທູດ ຈົ່ງປະສົບຜົນສໍາເລັດໃນການປະຕິບັດໜ້າທີ່ການທູດຢູ່ ສປປ ລາວ ເພື່ອປະກອບສ່ວນຊຸກຍູ້ ແລະ ເພີ່ມພູນຄູນສ້າງສາຍພົວພັນສອງປະເທດ, ນໍາເອົາຜົນປະໂຫຍດຕົວຈິງມາສູ່ ປະຊາຊົນສອງຊາດ ລາວ-ອົສຕຣາລີ ກໍຄື ປະກອບສ່ວນເຂົ້າໃນພາລະກິດເສີມສ້າງສັນຕິພາບ, ມິດຕະພາບ ແລະ ການຮ່ວມມືໃນພາກພື້ນ ແລະ ໃນໂລກ.
(ຂ່າວ: ຄຕພ; ພາບ: ແສງຈັນ)
ຄໍາເຫັນ