 |
ໂຄງການພັດທະນາຕົວເມືອງຕາມແລວທາງອະນຸພາກພື້ນແມ່ນໍ້າຂອງ 2 ຢູ່ແຂວງຫຼວງນໍ້າທາ ຊຶ່ງມີບັນດາໂຄງການຍ່ອຍຢູ່ຕົວເມືອງຫຼວງນໍ້າທາ ປະກອບມີ: ການຟື້ນຟູ ແລະ ປັບປຸງສະໜາມເກັບມ້ຽນຂີ້ເຫຍື້ອໃຫ້ເປັນສະ ໜາມທີ່ມີການຄວບຄຸມ, ປັບປຸງໂຄງລ່າງບ້ານ (ເສັ້ນທາງ, ຂົວ, ຮ່ອງລະບາຍນໍ້າ) ແລະ ປັບປຸງລະບົບອ່າງບໍາບັດນໍ້າເປື້ອນ, ປັບປຸງຮ່ອງລະບາຍນໍ້າຕາມເສັ້ນທາງສາຍຫຼັກ ແລະ ໂຄງການປັບປຸງສູນພັກຜ່ອນ, ສະໂມສອນກິລາ ແລະ ຕະຫຼາດກາງຄືນ ແລະ ກໍ່ສ້າງຂົວນໍ້າທາ ໂດຍການນໍາພາຂະແໜງການທີ່ກ່ຽວຂ້ອງ ຈາກພະແນກໂຍທາທິການ ແລະ ຂົນສົ່ງ ແລະ ພະແນກກະສິກຳ ແລະ ສິ່ງແວດລ້ອມ ແຂວງຫຼວງນໍ້າທາ.
ຈຸດປະສົງ ເພື່ອຕິດຕາມຜົນສຳເລັດ ແລະ ຮັບຟັງຄວາມຄິດເຫັນຈາກພາກສ່ວນກ່ຽວຂ້ອງຂອງທ້ອງຖິ່ນ ກ່ຽວກັບຜົນປະໂຫຍດທີ່ປະຊາຊົນໄດ້ຮັບຈາກໂຄງການ.
ໃນການຢ້ຽມຢາມຄັ້ງນີ້, ຄະນະໄດ້ພົບປະກັບ ຄະນະຮັບຜິດຊອບໂຄງການ GMS2 ແລະ ອຳນາດການປົກຄອງບ້ານ ພ້ອມດ້ວຍບັນດາປະຊາຊົນທີ່ໄດ້ຮັບຜົນປະໂຫຍດຈາກໂຄງການທີ່ສ້າງສຳເລັດເປັນຕົ້ນກິດຈະກຳໂຄງ ການພັດທະນາຕົວເມືອງຫຼວງນໍ້າທາ, ໂຄງການ GMS2 ພັດທະນາພື້ນຖານໂຄງລ່າງຕົວເມືອງ, ການບໍລິການຕົວເມືອງ ເພື່ອສົ່ງເສີມເສດຖະກິດເມືອງຫຼວງນໍ້າທາ ແຂວງຫຼວງນໍ້າທາ, ໄດ້ພົບການຈັດຕັ້ງບ້ານດອນສຳພັນ ເພື່ອຕິດ ຕາມຜົນສຳເລັດໂຄງການ ແລະ ພົບປະຊາຊົນຜູ້ໄດ້ຮັບຜົນປະໂຫຍດ, ພົບປະການຈັດຕັ້ງບ້ານຫາດຍາວ, ການຈັດ ຕັ້ງບ້ານນໍ້າດີ ບ້ານວຽງເໜືອ ແລະ ຢ້ຽມຢາມຕະຫຼາດກາງຄືນ ພ້ອມທັງ ພົບປະກັບບັນດາຜູ້ຄ້າ-ຂາຍ ກ່ຽວກັບຜົນປະໂຫຍດທີ່ພວກເຂົາເຈົ້າໄດ້ຮັບ ພາຍຫຼັງທີ່ຕະຫຼາດກາງຄືນໄດ້ຮັບການປັງປຸງ-ຈັດສັນໃຫ້ສວຍງາມ ແລະ ຄວາມເປັນລະບຽບຮຽບຮ້ອຍ.
 |
ນອກນີ້, ຍັງໄດ້ຢ້ຽມຢາມໂຄງການພັດທະນາພື້ນຖານໂຄງລ່າງກະສິກຳເປັນຕົ້ນໄດ້ພົບປະກັບຜູ້ຮັບຜິດຊອບໂຄງ ການ ຈາກພະແນກກະສິກຳ ແລະ ສິ່ງແວດລ້ອມ ແຂວງຫຼວງນໍ້າທາ ກ່ຽວກັບກິດຈະກຳຂອງໂຄງການ, ໂຄງການດັ່ງກ່າວຍັງໄດ້ຊ່ວຍປະກອບສ່ວນໃນການສົ່ງເສີມການພັດທະນາກະສິກຳ ແລະ ພັດທະນາເສດຖະກິດ-ສັງຄົມ ພາຍໃນແຂວງຫຼວງນໍ້າທາ ພ້ອມທັງໄດ້ພົບປະໂອ້ລົມກັບອຳນາດການປົກຄອງບ້ານ-ປະຊາຊົນ ຜູ້ທີ່ໄດ້ຮັບຜົນປະໂຫຍດຈາກໂຄງການພາຍໃນບ້ານ, ກ່ອນ ແລະ ຫຼັງໂຄງການເປັນຕົ້ນຄອບຄົວຕົວແບບ, ລະບົບຊົນລະປະທານ, ເຕັກນິກ ການຜະລິດກະສິກຳ, ການຄຸ້ມຄອງຊົນລະປະທານ, ການອອກໃບຕາດິນທີ່ໄດ້ຮັບຈາກໂຄງການ, ໄດ້ຊ່ວຍສົ່ງເສີມການຜະລິດກະສິກຳ ສາມາດສ້າງລາຍຮັບ ແລະ ຍົກສູງຄຸນນະພາບຊີວິດການເປັນຢູ່ຂອງປະຊາຊົນ ແລະ ວຽກງານອື່ນໆຢູ່ພາຍໃນເມືອງຫຼວງນໍ້າທາຕື່ມອີກ.
(ຂ່າວ: ແສງຈັນ)
ຄໍາເຫັນ