ໃນວັນທີ 15 ມັງກອນຜ່ານມາ, ເນື່ອງໃນໂອກາດບຸນປີໃໝ່ປະຈຳຊາດຂອງຊາວຫວຽດນາມ, ໂດຍການຕ້ອນຮັບຂອງ ສະຫາຍ ເລ່ ວັນ ຍຸງ ຮອງເລຂາພັກແຂວງ ປະທານຄະນະກຳມະການປະຊາຊົນແຂວງ ຫົວໜ້າຄະນະສະມາຊິກສະພາແຫ່ງຊາດ ປະຈໍາແຂວງກວາງນາມ.
ໃນໂອກາດນີ້, ສະຫາຍ ສົມບູນ ເຮືອງວົງສາ ໄດ້ສະແດງຄວາມຂອບໃຈຢ່າງຈິງໃຈ ຕໍ່ການຕ້ອນຮັບດ້ວຍໄມຕີຈິດ, ມິດຕະພາບອັນອົບອຸ່ນ ແລະ ພາກພູມໃຈເປັນຢ່າງຍິ່ງ ທີ່ໄດ້ຕ່າງໜ້າຄະນະພັກ, ອົງການປົກຄອງ ແລະ ປະຊາຊົນບັນດາເຜົ່າຊາວແຂວງຈຳປາສັກ ໄດ້ນຳພາຄະນະຜູ້ແທນແຂວງຈຳປາສັກ ມາເຄື່ອນໄຫວຢ້ຽມຢາມ ແລະ ອວຍພອນ ເນື່ອງໃນໂອກາດບຸນປີໃໝ່ປະຈໍາຊາດຂອງຊາວຫວຽດນາມ ທີ່ແຂວງກວາງນາມ.
ສະຫາຍ ເລ່ ວັນ ຍຸງ ໄດ້ສະແດງຄວາມຂອບໃຈຕໍ່ການມາຢ້ຽມຢາມ ແລະ ອວຍພອນປີໃໝ່ປະຈໍາຊາດຂອງຊາວຫວຽດນາມ ແກ່ຄະນະພັກ-ຄະນະກຳມະການປະຊາຊົນແຂວງ ກໍຄື ປະຊາຊົນແຂວງກວາງນາມ ແລະ ໃນໂອກາດອັນເປັນສີລິມຸງຄຸນ ງານບຸນປີໃໝ່ປະຈຳຊາດຫວຽດນາມ ຂໍອວຍພອນໄຊອັນປະເສີດມາຍັງ ສະຫາຍຈົ່ງມີສຸຂະພາບເຂັ້ມແຂງ, ມີພະລານາໄມສົມບູນມີຄວາມຜາສຸກ ແລະ ປະສົບຜົນສຳເລັດອັນໃຫຍ່ຫຼວງກວ່າເກົ່າ, ອວຍພອນແດ່ສາຍພົວພັນຄວາມມິດຕະພາບອັນຍິ່ງໃຫຍ່, ຄວາມສາມັກຄີພິເສດ ແລະ ການຮ່ວມມືຮອບດ້ານ ລະຫວ່າງ ສອງຊາດ ຫວຽດນາມ-ລາວ ເວົ້າລວມ, ເວົ້າສະເພາະ ແຂວງກວາງນາມ ກັບ ແຂວງຈຳປາສັກ ຍາມໃດກໍຂຽວສົດງົດງາມ ແລະ ໝັ້ນຄົງ ຂະນົງແກ່ນ ຕະຫຼອດການລະນາ.
(ຂ່າວ: ທັດຊະນະ)
ຄໍາເຫັນ