ອະນາຄົດທີ່ປອດໄພ.ໂດຍການເປັນປະທານ ຂອງທ່ານ ສຸພາບ ຄູນວິໄຊ ຮອງຫົວໜ້າຫ້ອງການກະຊວງສຶກສາທິການ ແລະ ກິລາ, ມີບັນດາທ່ານຜູ້ຕາງໜ້າຈາກພະແນກການກະຊວງສຶກສາທິການ ແລະ ກິລາ, ຄະນະກຳມາທິການເພື່ອຄວາມກ້າວໜ້າຂອງແມ່ຍິງ, ແມ່ ແລະ ເດັກ ກະຊວງ ສສກ, ພ້ອມດ້ວຍຄູ-ອາຈານ ແລະ ນັກຮຽນເຂົ້າຮ່ວມ.
ໃນພິທີ, ຜູ້ເຂົ້າຮ່ວມໄດ້ຮັບຟັງການອ່ານສານອວຍພອນວັນເດັກສາກົນຂອງທ່ານນາຍົກລັດຖະມົນຕີ ໂດຍໄດ້ຍົກໃຫ້ເຫັນເຖິງການພັດທະນາບັນດານິຕິກໍາໃນໄລຍະຜ່ານມາຊຶ່ງເປັນບາດກ້າວທີ່ສໍາຄັນສໍາລັບສິດທິເດັກໃນ ສປປ ລາວ ຄື: ການຫ້າມລົງໂທດທາງຮ່າງກາຍຢ່າງຄົບຊຸດ, ໄດ້ຮັບຮອງເອົາໃນວັນທີ 30 ເມສາ 2024 ແລະ ມີຜົນບັງຄັບໃຊ້ໃນປີ 2023. ກົດໝາຍວ່າດ້ວຍການປົກປ້ອງສິດ ແລະ ຜົນປະໂຫຍດຂອງເດັກ ສະບັບປັບປຸງ ໄດ້ກໍານົດໃຫ້ ສປປ ລາວ ເປັນປະເທດທີ 66 ຂອງການລົງໂທດຢ່າງຄົບຊຸດໃນໂລກ, ລວມທັງການລົງໂທດທັງໝົດໃນອາຊຽນ; ບ້ານເຮືອນແລະໂຮງຮຽນ. ຖະແຫຼງການໄດ້ຢືນຢັນຄືນຄຳໝັ້ນສັນຍາຂອງແຕ່ລະປະເທດໃນການສ້າງສະພາບແວດລ້ອມທີ່ປອດໄພ, ສົ່ງເສີມສິດທິຂອງເດັກທຸກຄົນ.ເພື່ອແນໃສ່ຊຸກຍູ້ການປົກປ້ອງເດັກໃນດ້ານການສຶກສາ. ໂດຍໄດ້ຮັບການສະໜັບສະໜູນຈາກລັດຖະບານປະເທດອົສຕຣາລີ ໂດຍຜ່ານແຜນງານປັບປຸງຄຸນນະພາບ ແລະ ຂະຫຍາຍໂອກາດເຂົ້າຮຽນສຳລັບການສຶກສາຂັ້ນພື້ນຖານໃນ ສປປ ລາວ ໂດຍແຜນງານບີຄວາ
ທ່ານ ສຸພາບ ຄູນວິໄຊໄດ້ມີຄໍາເຫັນແລະຮຽກຮ້ອງໃຫ້ຄູສອນທຸກຄົນໃຫ້ບຸລິມະສິດການປົກປ້ອງເດັກ ແລະ ໂຄສະນາຢ່າງຈິງຈັງເພື່ອຄວາມປອດໄພຂອງນັກຮຽນ ການປົກປ້ອງເດັກແມ່ນຄວາມຮັບຜິດຊອບຂອງທຸກຄົນ. ພວກເຮົາຫວັງວ່າບັນດາຄຳແນະນຳດ້ານການປົກປ້ອງນີ້ຈະສືບຕໍ່ຖືກນຳໃຊ້ຢ່າງກວ້າງຂວາງໂດຍຄູສອນ ແລະ ທຸກຄົນທີ່ເຮັດວຽກກັບເດັກເພື່ອສ້າງສະພາບແວດລ້ອມໃນໂຮງຮຽນທີ່ປອດໄພ ແລະ ມີສ່ວນຮ່ວມ..
ໃນຕອນບ່າຍວັນດຽວກັນ, ນັກຮຽນໄດ້ໄປຢ້ຽມຢາມຄະນະວິສະວະກໍາສາດຊຶ່ງນັກຮຽນຈະໄດ້ຮັບແຮງບັນດານໃຈໃນການຄົ້ນຄວ້າວິທະຍາສາດ, ເຕັກໂນໂລຊີ, ວິສະວະກໍາ, ຄະນິດສາດ (STEM) ສໍາລັບເດັກຍິງແລະເດັກຊາຍ. ນີ້ເປັນສິ່ງສໍາຄັນໂດຍສະເພາະສໍາລັບເດັກຍິງ, ແມ່ຍິງໃນຂະແໜງການ STEM ຖືວ່າຍັງມີອັດຕາຕໍ່າກວ່າຜູ້ຊາຍຢູ່ໃນທົ່ວໂລກ.
ຂ່າວ-ພາບ: ຍຸພິນທອງ
ຄໍາເຫັນ