ກະຊວງກະສິກຳ ແລະ ປ່າໄມ້ ມອບໃບຍ້ອງຍໍ ໃຫ້ໂຮງງານປຸງແຕ່ງປາສະຫວາຍ

ໃນວັນທີ 21 ກໍລະກົດ ຜ່ານມານີ້, ທ່ານ ທອງສະຫວັນ ພົມວິຫານ ຮອງນາຍົກລັດຖະມົນຕີ ລັດຖະມົນຕີກະຊວງການຕ່າງປະເທດແຫ່ງ ສປປ ລາວ ໄດ້ພົບປະກັບ ສົມເດັດ ເຈົ້າຊາຍ ອັບດູລ ມາທີນ ໂບລເກຍ (His Royal Highness Prince Abdul Mateen Bolkiah) ລັດຖະມົນຕີກະຊວງການຕ່າງປະເທດ ແຫ່ງ ບຣູໄນ ດາຣູຊາລາມ ໃນໂອກາດເຂົ້າຮ່ວມກອງປະຊຸມລັດຖະມົນຕີຕ່າງປະເທດອາຊຽນ ຄັ້ງທີ 59 ແລະ ບັນດາກອງປະຊຸມທີ່ກ່ຽວຂ້ອງທີ່ ນະຄອນຫຼວງມະນິລາສາທາລະນະລັດ ຟິລິບປິນ.

ໃນວັນທີ 21 ກໍລະກົດນີ້, ທ່ານ ທອງສະຫວັນ ພົມວິຫານ ຮອງນາຍົກລັດຖະມົນຕີ ລັດຖະມົນຕີກະຊວງການຕ່າງປະເທດແຫ່ງ ສປປ ລາວ ໄດ້ພົບປະສອງຝ່າຍກັບ ທ່ານ ນາງ ເພັນນີ ວອງ (Penny WONG) ລັດຖະມົນຕີກະຊວງການຕ່າງປະເທດ ແຫ່ງອົສຕຣາລີ, ໃນໂອກາດເຂົ້າຮ່ວມກອງປະຊຸມລັດຖະມົນຕີຕ່າງປະເທດອາຊຽນ ຄັ້ງທີ 59 ແລະ ບັນດາກອງປະຊຸມທີ່ກ່ຽວຂ້ອງ ຊຶ່ງໄດ້ຈັດຂຶ້ນໃນລະຫວ່າງວັນທີ 19-25 ກໍລະກົດ 2026 ທີ່ນະຄອນຫຼວງມະນິລາ ສາທາລະນະລັດ ຟີລິບປິນ.

ທ່ານ ບຸນເຖິງ ດວງສະຫວັນ ກຳມະການສູນກາງພັກເລຂາຄະນະບໍລິຫານງານພັກແຂວງປະທານສະພາປະຊາຊົນແຂວງອັດ​ຕະ​ປືໄດ້ຕ້ອນຮັບການເຂົ້າຢ້ຽມຢາມ ແລະ ພົບປະຂອງ ທ່ານ ດາວ ບົດມຸນີ ກົງສູນໃຫຍ່ ແຫ່ງ ຣາຊະອານາຈັກ ກຳປູເຈຍ ປະຈຳພາກໃຕ້ຂອງ ສ​ປ​ປລາວ ( ທີ່ນະຄອນປາກເຊ)ພ້ອມດ້ວຍຄະນະ ເມື່ອ​ວັນ​ທີ 21 ກໍ​ລະ​ກົດ​ນີ້ ທີ່​ ແຂວງ​ອັດ​ຕະ​ປື, ເນື່ອງໃນໂອກາດທີ່ມາຮັບໜ້າທີ່ເປັນ​ກົງ​ສູນ​ໃຫຍ່ ປະ​ຈຳ​ພາກ​ໃຕ້​ຂອງ ສ​ປ​ປລາວຄົນໃໝ່.

ມູນນິທິ GX ຮົງກົງ ຮ່ວມກັບ ສຳນັກງານໃຫຍ່ທາງລົດໄຟລາວ-ຈີນ ໄດ້ຈັດກິດຈະກຳເຜີຍແຜ່ກ່ຽວກັບການປ້ອງກັນ ແລະ ຄວບຄຸມພະຍາດໄຂ້ເລືອດອອກ ຂຶ້ນໃນວັນທີ 20 ກໍລະກົດ ນີ້ ທີ່ສໍານັກງານໃຫຍ່ທາງລົດໄຟລາວ-ຈີນ ໂດຍມີ ທ່ານ ລຽງ ເຈິງຢິງ (LEUNG Chun-ying) ປະທານມູນນິທິ GX, ທ່ານ ລູ່ ຫາຍໂຈວ (Mr.Lu haizhou) ຜູ້ອຳນວຍການໃຫຍ່ບໍລິສັດທາງລົດໄຟລາວ-ຈີນ, ທ່ານ ນາງ ພູນ ເຢີນເຢິນ (POON Yen-yen) ຜູ້ອຳນວຍການໂຄງການອາຊີຕາເວັນອອກສ່ຽງໃຕ້ ພ້ອມດ້ວຍພາກສ່ວນກ່ຽວຂ້ອງ ແລະ ພະນັກງານເຂົ້າຮ່ວມ.

ໃນວັນທີ 20 ກໍລະກົດ ຜ່ານມານີ້ ທີ່ ​ກະຊວງການຕ່າງປະເທດ, ທ່ານ ໄມທອງ ທໍາມະວົງ​ສາຮອງລັດຖະມົນຕີກະຊວງການຕ່າງປະເທດ ໄດ້​ຕ້ອນ​ຮັບ ແລະ ພົບປະກັບ ທ່ານ ມອກຕາ ລາມ(Moctar LAM) ລັດຖະມົນຕີ ເລຂາທິການລັດຖະບານ ສາທາລະນະລັດ ອິດສະລາມ ໂມຣີຕານີ ພ້ອມດ້ວຍຄະນະ ໃນໂອກາດເດີນທາງມາຢ້ຽມຢາມເຮັດວຽກຢູ່ ສປປ ລາວ ໃນລະຫວ່າງວັນທີ 18-21 ກໍລະກົດ 2026 ນີ້.

ໃນວັນທີ 20 ກໍລະກົດຜ່ານມານີ້ ທີ່ມະນິລາ ປະເທດຟີລິບປິນ, ທ່ານ ທອງສະຫວັນ ພົມວິຫານ ຮອງນາຍົກລັດຖະມົນຕີ ລັດຖະມົນຕີກະຊວງການຕ່າງປະເທດພ້ອມດ້ວຍຄະນະໄດ້ເຂົ້າຮ່ວມກອງປະຊຸມຄະນະກໍາມະການເຂດປອດອາວຸດນິວເຄລຍອາຊີຕາເວັນອອກສ່ຽງໃຕ້ ແລະ ກອງປະຊຸມພົບປະລະຫວ່າງລັດຖະມົນຕີຕ່າງປະເທດອາຊຽນ ແລະ ຄະນະກຳມາທິການລະຫວ່າງລັດຖະບານອາຊຽນວ່າດ້ວຍສິດທິມະນຸດ ໂດຍການເປັນປະທານຂອງ ລັດຖະມົນຕີຕ່າງປະເທດຟີລິບປິນ ພ້ອມດ້ວຍບັນດາລັດຖະມົນຕີຕ່າງປະເທດອາຊຽນ ແລະ ເລຂາທິການໃຫຍ່ອາຊຽນ ເຂົ້າຮ່ວມ.

ໃນວັນທີ 20 ກໍລະກົດນີ້ ທີ່ ກະຊວງການຕ່າງປະເທດ, ທ່ານ ໄມທອງ ທໍາມະວົງສາຮອງລັດຖະມົນຕີກະຊວງການຕ່າງປະເທດ, ໄດ້ຕ້ອນຮັບການພົບປະຂອງທ່ານ ໂຣເບີດ ໂຟລຍ(Robert Floyd), ເລຂາທິການບໍລິຫານງານຂອງອົງການສົນທິສັນຍາວ່າດ້ວຍການເກືອດຫ້າມການທົດລອງອາວຸດນິວເຄລຍທຸກຮູບແບບ (Comprehensive Nuclear-Test-Ban Treaty Organization: CTBTO) ໃນໂອກາດທີ່ມາເຮັດວຽກກັບບັນດາປະເທດໃນພາກພື້ນອາຊີຕາເວັນອອກສ່ຽງໃຕ້ ກໍຄືຢູ່ ສປປ ລາວ ໃນລະຫວ່າງວັນທີ 19-22 ກໍລະກົດ 2026.

ໃນລະຫວ່າງ ວັນທີ 13-17 ກໍລະກົດຜ່ານມານີ້, ທ່ານລັດຖະມົນຕີກະຊວງກະສິກຳ ແລະ ສິ່ງແວດລ້ອມ ພ້ອມດ້ວຍຄະນະ ໄດ້ເຄື່ອນໄຫວວຽກງານທາງລັດຖະການທີ່ ສສ ຫວຽດນາມ ໂດຍໄດ້ພົບປະສອງຝ່າຍຢ່າງເປັນທາງການ ກັບ ກະຊວງກະສິກຳ ແລະ ສິ່ງແວດລ້ອມ ຂອງ ສສ ຫວຽດນາມ. ນອກຈາກນັ້ນ, ຄະນະຝ່າຍລາວ ຍັງໄດ້ເຂົ້າຢ້ຽມຂ່ຳນັບ ທ່ານ ຟາມ ຢາ ຕຸກກຳມະການກົມການເມືອງສູນກາງພັກຮອງນາຍົກລັດຖະມົນຕີແຫ່ງ ສສ ຫວຽດນາມ ຊຶ່ງໄດ້ລາຍງານສະພາບ ການຮ່ວມມື ແລະ ຜົນສຳເລັດໃນການຈັດຕັ້ງປະຕິບັດ ວຽກງານການຮ່ວມມື ໃນຂະແໜງກະສິກຳ ແລະ ສິ່ງແວດລ້ອມ ໃນໄລຍະ 5 ປີຜ່ານມາ.

ພິທີເຊັນບົດບັນທຶກຄວາມເຂົ້າໃຈວ່າດ້ວຍການສົ່ງເສີມການຮ່ວມມືທາງດ້ານການເງິນ ແລະ ຕະຫຼາດຄຳ ລະຫວ່າງ ກະຊວງການເງິນ ແລະ ສຳນັກງານບໍລິການດ້ານການເງິນ ແລະ ຄັງເງິນ ເຂດປົກຄອງພິເສດຮົງກົງ ສປ ຈີນ ໄດ້ຈັດຂຶ້ນໃນວັນທີ 20 ກໍລະກົດ 2026, ທີ່ນະຄອນຫຼວງວຽງຈັນ ໂດຍການຮ່ວມລົງນາມລະຫວ່າງ ທ່ານ ສັນຕິພາບ ພົມວິຫານ ຮອງນາຍົກລັດຖະມົນຕີ, ລັດຖະມົນຕີກະຊວງການເງິນ ແລະ ທ່ານ ຄຣິສໂຕເຟີ ຮຸຍ (Christopher Hui)ລັດຖະມົນຕີກະຊວງບໍລິການທາງດ້ານການເງິນ ແລະ ຄັງເງິນ ແຫ່ງເຂດປົກຄອງພິເສດຮົງກົງ ສປ ຈີນ. ພ້ອມນີ້, ຍັງໄດ້ເຊັນບົດບັນທຶກຄວາມເຂົ້າໃຈວ່າດ້ວຍການຮ່ວມມືທາງດ້ານທຸລະກິດ ລະຫວ່າງ ທ່ານ ຈັນທອນ ສິດທິໄຊ ຜູ້ອໍານວຍການໃຫຍ່ ທະນາຄານຄໍາລາວ ແລະ ທ່ານ ດາມຽນ ຮານ (Damien Han) ຫົວໜ້າຝ່າຍຂາຍ ປະຈຳພາກພື້ນອາຊີ-ປາຊີຟິກ ຂອງບໍລິສັດ ເອັມເຄເອັດພຳ (MKS PAMP) ໂດຍມີທ່ານ ສັນຕິພາບ ພົມວິຫານ ແລະ ທ່ານ ຄຣິສໂຕເຟີ ຮຸຍ ພ້ອມດ້ວຍພາກສ່ວນກ່ຽວຂ້ອງທັງສອງຝ່າຍເຂົ້າຮ່ວມເປັນສັກຂີພິຍານ.

ທ່ານ ນາງ ເມແກນ ຈອນສ ເອກອັກຄະລັດຖະທູດອົດສະຕາລີ ປະຈຳ ສປປ ລາວ ໄດ້ໄປຢ້ຽມຢາມກຸ່ມຫັດຖະກຳ ຂອງບຸກຄົນທີ່ມີຄວາມພິການ ຢູ່ບ້ານຊ່າງໄຫ ເມືອງປາກອູ ແຂວງຫຼວງພະບາງເມື່ອ​ບໍ່​ດົນ​ມາ​ນີ້, ໂດຍໄດ້ພົບປະກັບບັນດາແມ່ຍິງຜູ້ປະກອບການ ແລະ ບຸກຄົນມີຄວາມພິການ ທີ່ໄດ້ຂະຫຍາຍທຸລະກິດຂອງຕົນ ຜ່ານການສະໜັບສະໜູນ ຈາກອົງການການຄ້າລະດັບພາກພື້ນ ເພື່ອການພັດທະນາ (RT4D), ຊຶ່ງໄດ້ຮັບການຕ້ອນຮັບຈາກ ທ່ານ ວຽງສະຫວ່າງ ທິບພະວົງ ຮອງຫົວໜ້າ ສະຖາບັນອຸດສາຫະກຳການຄ້າ ແລະພະລັງງານ (IICE) ກະຊວງອຸດສາຫະກໍາ ແລະ ການຄ້າ, ພ້ອມດ້ວຍພາກສ່ວນກ່ຽວຂ້ອງຈກ​ພາກ​ລັດ ແລະຜູ້ປະກອບການ ໂອດັອບ ທີ່ເຂົ້າຮ່ວມໂຄງການ.