ວິທະຍາໄລເຕັກນິກລາວເຢຍລະມັນ ແລະ ບໍລິສັດບໍ່ແຮ່ລາວວຽງຈັນ ຈໍາກັດ ໃນລະຫວ່າງວັນທີ 4 ຫາ 5 ພະຈິກ ຜ່ານມາ ເພື່ອເສີມຂະຫຍາຍການຮ່ວມມືມິດຕະພາບລະຫວ່າງໂຮງຮຽນ ແລະ ເປີດ “ສູນພາສາຈີນບໍ່ແຮ່ລາວວຽງຈັນ” “ວິທະຍາໄລລາວ-ບ້ານໂມ”, ຊຸກຍູ້ການແລກປ່ຽນ ແລະ ຮ່ວມມືວຽກງານສຶກສາວິຊາຊີບລາວ-ຈີນ. ວິທະຍາໄລວິຊາຊີບເວີຍຝາງ ເປັນວິທະຍາໄລວິຊາຊີບຊັ້ນສູງທົ່ວໄປທີ່ຮຽນເຕັມເວລາ ຊຶ່ງໄດ້ສ້າງຕັ້ງຂຶ້ນໃນປີ 2001 ໂດຍໄດ້ຮັບອະນຸຍາດຢ່າງເປັນທາງການຈາກລັດຖະບານແຂວງຊານຕົງ, ເປັນໂຮງຮຽນວິຊາຊີບຊັ້ນສູງແລະໜ່ວຍງານກໍ່ສ້າງວິຊາຊີບຂັ້ນສູງທີ່ມີຄຸນລັກສະນະຂອງຈີນ, ເປັນວິທະຍາໄລວິຊາຊີບຊັ້ນສູງທີ່ມີວິຊາສະເພາະຊັ້ນດີຂອງປະເທດ, ຖືກຄັດເລືອກເປັນວິທະຍາໄລວິຊາຊີບຊັ້ນສູງດີເດັ່ນແຫ່ງຊາດ “ຕິດTop 50 ຂອງໂຮງຮຽນທີ່ມີອິດທິພົນໃນເວທີສາກົນ, Top 50 ໃນການປະກອບສ່ວນດ້ານການບໍລິການດີ ແລະ Top 50 ໂຮງຮຽນທີ່ມີຊັບພະຍາກອນການສອນດີ".
ໃນວັນທີ 4 ຄະນະຜູ້ແທນໄດ້ມີການພົບປະທ່ານ ພູເພັດ ກຽວພິລາວົງ ຮອງອະທິການບໍດີ ມະຫາວິທະຍາໄລແຫ່ງຊາດ ແລະ ທ່ານ ບຸນເຮືອງ ປັນຍາທອງ ຮອງຫົວໜ້າຫ້ອງການສາກົນ ພ້ອມຄະນະ. ຜ່ານການໂອ້ລົມສົນທະນາມິດຕະພາບ ທັງສອງຝ່າຍໄດ້ທໍາຄວາມເຂົ້າໃຈສະພາບການເຄື່ອນໄຫວຂອງໂຮງຮຽນ ແລະ ລັກສະນະພິເສດຊຶ່ງກັນ ແລະ ກັນ, ທັງສອງຝ່າຍໄດ້ບັນລຸຈຸດປະສົງໃນການຮ່ວມມືໃນການແລກປ່ຽນ ແລະ ຝຶກອົບຮົມຄູ-ອາຈານ, ການຈັດນັກສຶກສາລາວໄປຝຶກອົບຮົມຢູ່ ສປ ຈີນ ແລະ ອື່ນໆ ແລະ ໃນຕອນບ່າຍຂອງວັນດຽວກັນ, ທີ່ວິທະຍາໄລເຕັກນິກລາວເຢຍລະມັນ ທາງຄະນະຜູ້ແທນໄດ້ຮັບການຕ້ອນຮັບຢ່າງອົບອຸ່ນຈາກ ທ່ານ ສຸລິຍາ ພະໄຊ ອໍານວຍການວິທະຍາໄລເຕັກນິກລາວເຢຍລະມັນພ້ອມດ້ວຍບັນດາການນຳວິທະຍາໄລ, ຜ່ານການແລກປ່ຽນທາງຄະນະໄດ້ທໍາຄວາມເຂົ້າໃຈຢ່າງເລິກເຊິ່ງກ່ຽວກັບຮູບແບບການຝຶກອົບຮົມດ້ານວິຊາການ, ຮູບແບບການຮ່ວມມື ແລະ ຮູບແບບທຸລະກິດຂອງວິທະຍາໄລ, ໄດ້ປຶກສາຫາລືການຮ່ວມມືຝຶກອົບຮົມນັກສຶກສາ, ການໄປຝຶກງານ ແລະ ຝຶກອົບຮົມຢູ່ ສປ ຈີນ. ການຢ້ຽມຢາມຄັ້ງນີ້ ສອງໂຮງຮຽນໄດ້ເພີ່ມທະວີຄວາມໄວ້ເນື້ອເຊື່ອໃຈຊຶ່ງກັນ ແລະ ກັນ, ສ້າງສາຍພົວພັນມິດຕະພາບຂອງໂຮງຮຽນ, ເປີດໂອກາດໃໝ່ໃນການຮ່ວມມືດ້ານອາຊີບ.
ໃນວັນທີ 5ພະຈິກ ນີ້ ຢູ່ບໍລິສັດ ບໍ່ແຮ່ລາວວຽງຈັນ ຈໍາກັດ ໄດ້ຈັດພິທີເປີດ “ສູນພາສາຈີນບໍ່ແຮ່ລາວວຽງຈັນ” ແລະ “ວິທະຍາໄລລາວ-ບ້ານໂມ”. ໃນປີ 2021 ສູນແລກປ່ຽນ ແລະ ການຮ່ວມມືດ້ານພາສາຕ່າງປະເທດຂອງກະຊວງສຶກສາທິການຈີນ,ວິທະຍາໄລວິຊາຊີບເວີນຝາງ ແລະ ບໍລິສັດບໍ່ແຮ່ລາວວຽງຈັນຈຳກັດ ສາມຝ່າຍໄດ້ຮ່ວມກັນສ້າງ "ສູນພາສາຈີນ-ລາວ" ຢູ່ລາວເພື່ອຈັດໃຫ້ມີການຝຶກອົບຮົມ "ພາສາຈີນ + ວິຊາຊີບ" ໃຫ້ແກ່ບຸກຄະລາກອນໃນ ສປປ ລາວ. ປີ 2024 ພະແນກສຶກສາແຂວງຊານຕົງໄດ້ມອບໃບອະນຸຍາດໃຫ້ "ວິທະຍາໄລລາວ-ບ້ານໂມ". ສອງຝ່າຍໄດ້ປຶກສາຫາລືຢ່າງເລິກເຊິ່ງກ່ຽວກັບບັນຫາການດຳເນີນງານຂອງໂຄງການໃນຕໍ່ໜ້າ ແລະ ພ້ອມກັນຊຸກຍູ້ໂຄງການຝຶກອົບຮົມພະນັກງານຢູ່ທ້ອງຖິ່ນ ແລະ ພັດທະນາການສອນຫຼາຍປະເພດ ແລະ ຫຼາຍພາສາ. ຄະນະຜູ້ແທນ ຍັງໄດ້ລົງສຳຫຼວດພື້ນທີ່ຂຸດຄົ້ນບໍ່ແຮ່ ຢູ່ແຂວງສະຫວັນນະເຂດ ຂອງກຸ່ມບໍລິສັດຂຸດຄົ້ນບໍ່ແຮ່ລາວວຽງຈັນ ເພື່ອທໍາຄວາມເຂົ້າໃຈຕົວຈິງກ່ຽວກັບຄວາມຕ້ອງການການຝຶກອົບຮົມທັກສະຂອງພະນັກງານ, ເພື່ອເປັນພື້ນຖານໃນການຄັດເລືອກສາຂາວິຊາສະເພາະ ມີລັກສະນະເຈາະຈົງໃນການອົບຮົມພາສາຈີນ ແລະ ວິທະຍາໄລລາວ-ບ້ານໂມ ໃນຕໍ່ໜ້າ.
ການຢ້ຽມຢາມຄັ້ງນີ້ບໍ່ພຽງແຕ່ໄດ້ຊ່ວຍໃຫ້ທຸກຝ່າຍເພີ່ມທະວີຄວາມໄວ້ເນື້ອເຊື່ອໃຈຊຶ່ງກັນແລະ ກັນໃນການຮ່ວມມືເທົ່ານັ້ນ, ຫາກຍັງໄດ້ຊຸກຍູ້ການແລກປ່ຽນວັດທະນະທຳລະຫວ່າງ ສປ ຈີນ ກັບ ສປປ ລາວ ເພີ່ມບົດບາດຂອງທຸກຝ່າຍໃນເວທີສາກົນອີກດ້ວຍ. ທຸກຝ່າຍຈະສືບຕໍ່ສົມທົບກັນເພື່ອພັດທະນາການຮ່ວມມືສາກົນດ້ານອາຊີວະສຶກສາໃຫ້ມີຄຸນນະພາບສູງ ແລະ ປູກຝັງບຸກຄະລາກອນທີ່ມີຄວາມສາມາດດ້ານເຕັກນິກ ແລະ ທັກສະທີ່ມີຄຸນະພາບສູງຫຼາຍຂຶ້ນ ເພື່ອຮັບໃຊ້ການຮ່ວມມືດ້ານການຜະລິດລະຫວ່າງປະເທດ.
ຂ່າວ-ພາບສຸດໃຈ
ຄໍາເຫັນ