ຄະນະຜູ້ແທນຂັ້ນສູງນວ- ຮ່າໂນ້ຍ ຮັດແໜ້ນການຮ່ວມມືສອງຝ່າຍ

, ຝ່າຍ ສສ ຫວຽດນາມ ນໍາໂດຍສະຫາຍ ເຈີ່ນ ສີ ແທ່ງ ປະທານຄະນະກຳມະການປະຊາຊົນ ນະຄອນຫຼວງຮ່າໂນ້ຍ ພ້ອມຄະນະ, ພ້ອມດ້ວຍຂະແໜງການກ່ຽວຂ້ອງສອງຝ່າຍເຂົ້າຮ່ວມ.
ທ່ານ ອາດສະພັງທອງ ສີພັນດອນ ໄດ້ສະແດງຄວາມຕ້ອນຮັບຢ່າງອົບອຸ່ນຖານເພື່ອນມິດສະຫາຍອ້າຍນ້ອງມາຍັງສະຫາຍ ແລະ ຄະນະຜູ້ແທນຂັ້ນສູງນະຄອນຫຼວງຮ່າໂນ້ຍ ພ້ອມຕີລາຄາສູງຕໍ່ຜົນການຮ່ວມມືຂອງສອງນະຄອນຫຼວງໃນໄລຍະຜ່ານມາ ຊຶ່ງເຫັນໄດ້ວ່າຈະຢູ່ໃນໄລຍະໃດ, ເວລາໃດກໍຍັງຢຶດໝັ້ນອຸດົມການ ແລະ ຄວາມຮັກແພງສະໜິດສະໜົມຖານເພື່ອນມິດຍຸດທະສາດຕໍ່ກັນໃຫ້ນັບມື້ໄດ້ຮັບໝາກຜົນຢ່າງເປັນຮູບປະທໍາ ແລະ ມີຄວາມໝາຍເລິກເຊິ່ງ ການເດີນທາງມາເຂົ້າຮ່ວມກອງປະຊຸມ ຂອງຄະນະຜູ້ແທນຂັ້ນສູງນະຄອນຫຼວງຮ່າໂນ້ຍໃນຄັ້ງນີ້, ຖືວ່າເປັນການປະກອບສ່ວນເຮັດໃຫ້ກອງປະຊຸມມີຄວາມສຳ
ເລັດ ເປັນການຍົກສູງພາລະບົດບາດຂອງກອງປະຊຸມບັນດາເຈົ້າຄອງນະຄອນຫຼວງອາຊຽນ (MGMAC) ຢູ່ນວ ໃຫ້ມີຄວາມໝາຍຄວາມສຳຄັນຍິ່ງໆຂຶ້ນ ທັງເປັນການສະແດງໃຫ້ເຫັນເຖິງນໍ້າໃຈຮັກແພງອັນດູດດື່ມຊ່ວຍເຫຼືອສະໜັບສະໜູນ ຊຶ່ງກັນ ແລະ ກັນດັ່ງມິດສະຫາຍອ້າຍນ້ອງທີ່ເກີດໃນຄອບຄົວເຮືອນຫຼັງດຽວກັນ. ພ້ອມນັ້ນ, ຍັງເປັນການເສີມຂະຫຍາຍສາຍພົວພັນມິດຕະພາບອັນຍິ່ງໃຫຍ່ ຄວາມສາມັກຄີແບບພິເສດ ແລະ ການຮ່ວມມືຮອບດ້ານລະຫວ່າງສອງພັກ-ສອງລັດ ກໍຄື ປະຊາຊົນສອງຊາດລາວ-ຫວຽດນາມອ້າຍນ້ອງໃຫ້ຍືນຍົງ ແລະ ໜັກແໜ້ນຍິ່ງໆຂຶ້ນ.
ໃນໂອກາດນີ້, ທ່ານ ອາດສະພັງທອງ ສີພັນດອນ ໄດ້ລາຍງານແຜນການພັດທະນາເສດຖະກິດຂອງ ນວ ໃນ 6 ເດືອນຕົ້ນປີ 2024 ນວ. ໃນນັ້ນ, ມີແຜນການດຶງດູດການລົງທຶນທັງໝົດ 55 ໂຄງການ ມີມູນຄ່າການລົງທຶນ 716.187.362.000 ກີບ ເປັນໂຄງການທີ່ຂຶ້ນກັບພາລະບົດບາດຂັ້ນ ນວ ພິຈາລະ
ນາ ມີທັງໝົດ 45 ໂຄງການ ມີມູນຄ່າການລົງທຶນ 5.600.000.000 ກີບ ນອນໃນກິດຈະການລົງທຶນສໍາປະທານ 18 ໂຄງການມີມູນຄ່າການລົງທຶນ 342.780.662.000 ກີບ ແລະ ນອນໃນກິດຈະການທົ່ວໄປ (ຄວບຄຸມ) 27 ໂຄງການ ມີມູນຄ່າການລົງທຶນ 361.636.700.000 ກີບ ເຫັນດີເຊັນບົດບັນທຶກຄວາມເຂົ້າໃຈ 2 ໂຄງການ ແລະ ເຊັນສັນຍາສໍາປະທານ 2 ໂຄງການ ໂຄງການປະກອບຄໍາເຫັນໃຫ້ສູນກາງ 10 ໂຄງການມີມູນຄ່າການລົງທຶນ 6.170.000.000 ໂດລາ. ສຸມທຸກກໍາລັງໃນການຈັດຕັ້ງປະຕິບັດວາລະແຫ່ງຊາດວ່າດ້ວຍການແກ້ໄຂບັນຫາເສດຖະກິດ-ການເງິນແນໃສ່ສ້າງຄວາມເຂັ້ມແຂງໃຫ້ແກ່ການຜະລິດ (ອຸດສາຫະກໍາ-ກະສິກຳ ແລະ ຫັດຖະກຳ) ສ້າງເຄືອຂ່າຍ ແລະ ຂະຫຍາຍການຜະລິດພາຍໃນ ແລະ ຍົກສູງມາດຕະຖານສິນຄ້າ ສ້າງຕະຫຼາດສິນຄ້າພາຍໃນ ແລະ ຕ່າງປະເທດ ຕິດພັນກັບການສ້າງບຸກຄະລາກອນທີ່ຊຳນານງານ ນຳໃຊ້ເຕັກໂນໂລຊີທີ່ທັນສະໄໝ ແລະ ເປັນມິດກັບສິ່ງແວດລ້ອມ. ສຳລັບແຜນການພັດທະນາເສດຖະກິດຂອງ ນວ ໃນ 6 ເດືອນທ້າຍປີ 2024ຈະສືບຕໍ່ແກ້ໄຂຄວາມຫຍຸ້ງຍາກທາງດ້ານເສດຖະກິດ-ການເງິນ ແລະ ຍັງສືບຕໍ່ຈັດຕັ້ງປະຕິບັດ 4 ບຸກລະທຸດ້ານຈິນຕະນາການ ດ້ານການພັດທະນາຊັບພະຍາກອນມະນຸດ ດ້ານກົນໄກນອກລະບອບລະບຽບການ ແລະ ດ້ານແກ້ໄຂຄວາມທຸກຍາກຂອງປະຊາຊົນຢ່າງຕັ້ງໜ້າ ແຂວງແຮງ ແລະ ກ້າວເຂົ້າສູ່ລວງເລິກກວ່າເກົ່າເພື່ອໃຫ້ສາມາດຜ່ານຜ່າອຸປະສັກ
ແລະ ສິ່ງທ້າທາຍຕ່າງໆເປັນຕົ້ນ ຄວາມສ່ຽງທາງດ້ານເສດຖະກິດມະຫາພາກ, ບັນຫາໜີ້ສິນ ການເກັບລາຍຮັບງົບປະມານເຂົ້າລັດ, ການຄຸ້ມຄອງລາຍຈ່າຍ ແລະ ການລົງທຶນ, ບັນຫາການຄຸ້ມຄອງອັດຕາໄພເງິນເຟີ, ການແກ້ໄຂບັນຫາການວ່າງງານເພື່ອບໍ່ໃຫ້ຕົກຢູ່ໃນສະພາວະວິກິດ, ຮັບປະກັນຢ່າງຮອບດ້ານໃນການປະຕິບັດໂຄງສ້າງເສດຖະກິດຢ່າງເຖິງຖອງ ເສີມຂະຫຍາຍ ແລະ ນຳໃຊ້ທ່າແຮງບົ່ມຊ້ອນຂອງ ນວ ຢ່າງມີປະສິດທິຜົນ ຫັນການພັດທະນາໄປຕາມທິດຄຸນນະພາບ ມີຈຸດສຸມ ສີຂຽວ ແລະ ຍືນຍົງ.
ໃນໄລຍະຜ່ານມາທີ່ສອງນະຄອນຫຼວງໄດ້ລົງນາມຮ່ວມກັນໃນປີ 2022 ຫຼາຍໜ້າວຽກແມ່ນມີຄວາມຄືບໜ້າດີເຊັ່ນ: ການໃຫ້ທຶນການສຶກສາແກ່ ນວ20 ທຶນຕໍ່ປີ ໃນສົກປີ 2024 ກໍໄດ້ກະກຽມ ແລະ ຄັດເລືອກເພື່ອສົ່ງມາສຶກສາຮໍ່າຮຽນ ແລະ ກຳລັງລໍຖ້າການແຈ້ງຄືນຂອງນະຄອນຫຼວງຮ່າໂນ້ຍ. ພ້ອມກັນນັ້ນ,ກໍໄດ້ບິແບ່ງນໍ້າໃຈໃຫ້ທຶນການສຶກສາປະລິນຍາຕີດ້ານພາສາລາວໃຫ້ແກ່ ສສ ຫວຽດນາມ ເປັນຕົ້ນ ນະຄອນຫຼວງຮ່າໂນ້ຍ, ນະຄອນໂຮ່ຈິມິນ ແລະ ແຂວງແທ່ງຮວາ ປີລະ 2 ທຶນ ການຊ່ວຍເຫຼືອໂຄງການກໍ່ສ້າງອາຄານຂອງພະແນກຍຸຕິທໍາ ແລະ ອົງການໄອຍະການປະຊາຊົນ ນວ ມູນຄ່າ 3 ລ້ານໂດລາກໍໄດ້ຮັບການຈັດຕັ້ງປະຕິບັດສໍາເລັດໃນຕົ້ນເດືອນມີນາ 2024. ສໍາລັບການຮ່ວມມືຂອງບັນດາພະແນກການກ່ຽວຂ້ອງຂອງສອງນະຄອນກໍໄດ້ມີການແລກປ່ຽນຂໍ້ມູນຂ່າວສານ ແລະ ລົງນາມຮ່ວມກັນເພື່ອສ້າງໂຄງການຮ່ວມມືລະອຽດໂດຍສະເພາະບັນດາໂຄງການຮ່ວມມືຂອງບັນດາອົງການຈັດຕັ້ງການເມືອງ ແລະ ອົງການຈັດຕັ້ງມະຫາຊົນໄດ້ມີການແລກປ່ຽນສະໜັບສະໜູນຊ່ວຍເຫຼືອກັນໃນດ້ານການຝຶກອົບຮົມແລກ
ປ່ຽນມູນຂ່າວສານເຊັ່ນ: ສະຫະພັນກໍາມະບານ, ສະຫະພັນແມ່ຍິງ ຄະນະບໍລິຫານງານຊາວໜຸ່ມ ປະຊາຊົນ ປະຕິວັດລາວ ພະແນກແຮງງານ ແລະ ສະຫວັດດີການສັງຄົມນວ ກໍໄດ້ມີແຜນໄປຝຶກອົບຮົມຢູ່ນະຄອນຫຼວງຮ່າໂນ້ຍ. ນອກນັ້ນ, ຍັງມີການຮ່ວມມືຂອງບັນດາພະແນກການເມືອງ ແລະ ວຽກງານອື່ນໆ ຄຽງຄູ່ກັບຜົນງານທີ່ຍາດມາໄດ້ນັ້ນຍັງມີຫຼາຍໜ້າວຽກການຮ່ວມມືທີ່ຍັງບໍ່ທັນແຂງແຮງທີ່ສອງນະຄອນຈະໄດ້ຍູ້ແຮງການຈັດຕັ້ງປະຕິບັດຕື່ມເຊັ່ນ: ວຽກງານຄຸ້ມຄອງລັດ, ສ້າງລັດຖະບານເອເລັກໂຕຣນິກ, ການນຳໃຊ້ເຕັກໂນໂລຊີຂໍ້ມູນຂ່າວສານໃນອົງການບໍລິຫານລັດ, ການເພີ່ມທະວີການຮ່ວມມືໃນຂົງເຂດສະກັດກັ້ນຢາເສບຕິດຄຸ້ມຄອງ ແລະ ຊ່ວຍເຫຼືອຜູ້ຕິດຢາເສບຕິດຊຶ່ງຜູ້ຮັບຜິດຊອບແມ່ນກອງບັນຊາການປ້ອງກັນຄວາມສະຫງົບ ນວ ແລະ ພະແນກຕຳຫຼວດນະຄອນຫຼວງຮ່າໂນ້ຍ ການຮ່ວມມືໃນວຽກງານການຜະລິດກະສິກໍາ ແລກປ່ຽນບົດຮຽນໃນຂົງເຂດງົບປະມານແຫ່ງລັດ, ຈັດເກັບລາຍຮັບ ແລະ ປະຕິບັດນະໂຍບາຍປະຢັດຕ້ານການຟຸມເຟືອຍ ປະຕິບັດຕາມກົນໄກກຸ້ມຕົນເອງທາງດ້ານການເງິນຂອງຫົວໜ່ວຍທຸລະກິດຂອງລັດສ້າງຕັ້ງຈັດສັນສັບຊ້ອນ, ການຫັນທຶນບັນດາລັດວິສາຫະກິດ, ບັນດາຫົວໜ່ວຍທຸລະກິດຂອງລັດ ການແບ່ງປັນບົດຮຽນໃນວຽກງານຄຸ້ມຄອງ ແລະ ດຶງດູດການລົງທຶນຈາກພາຍໃນສັງຄົມ ແລະ ການລົງທຶນຈາກຕ່າງປະເທດ ການພັດທະນາການທ່ອງທ່ຽວ ແລະ ບັນດາການບໍລິການທີ່ກ່ຽວຂ້ອງ. ນອກຈາກນີ້, ທ່ານ ອາດສະພັງທອງ ສີພັນດອນ ໄດ້ສະເໜີໃຫ້ສອງນະຄອນສືບຕໍ່ຮ່ວມມືໃນດ້ານຕ່າງໆທີ່ສອງຝ່າຍໃຫ້ຄວາມສົນໃຈ.
(ຂ່າວ: ວັນເພັງ-ພາບ: ສຸກສະຫວັນ)