 |
ສະຫາຍ ເຢືອງ ເຕີດ ຖັງ ໄດ້ອວຍພອນໄຊອັນປະເສີດມາຍັງ ສະຫາຍ ໄຊຊະນະ ໂຄດພູທອນ ພ້ອມດ້ວຍບັນດາການນຳຂອງແຂວງ, ພະນັກງານ, ທະຫານ, ຕຳຫຼວດ ຕະຫຼອດປະຊາຊົນບັນດາເຜົ່າຊາວແຂວງຄຳມ່ວນ ເນື່ອງໃນໂອກາດປີໃໝ່ລາວ ທີ່ໃກ້ຈະມາເຖິງໃນໝໍ່ໆນີ້ ຈົ່ງມີແຕ່ສຸຂະພາບເຂັ້ມແຂງ, ແຂງແຮງ, ມີຜົນສໍາເລັດໃນໜ້າທີ່ວຽກງານອັນສູງສົ່ງ, ມີຄວາມເບີກບານມ່ວນຊື່ນ ສືບຕໍ່ພັດທະນາແຂວງຄຳມ່ວນ ໃຫ້ຈະເລີນກ້າວໜ້າຍິ່ງຂຶ້ນ.
 |
ສະຫາຍ ໄຊຊະນະ ໂຄດພູທອນ ໄດ້ສະແດງຄວາມຂອບໃຈຕໍ່ ສະຫາຍ ເຢືອງ ເຕິດ ຖັງ ພ້ອມດ້ວຍຄະນະ ທີ່ໄດ້ສະຫຼະເວລາອັນມີຄ່າ ເດີນທາງມາອວຍພອນຄະນະການນໍາແຂວງຄໍາມ່ວນ ແລະ ປະຊາຊົນບັນດາເຜົ່າ ເນື່ອງໃນໂອກາດປີໃໝ່ລາວ ພສ 2569 ແລະ ຖືໂອກາດດັ່ງກ່າວ ຝາກຄວາມຢ້ຽມຢາມຖາມຂ່າວຜ່ານບັນດາສະຫາຍໄປຍັງ ສະຫາຍ ເລຂາພັກແຂວງ, ຄະນະບໍລິຫານງານພັກແຂວງ, ສະມາຊິກພັກ-ພະນັກງານ ແລະ ປະຊາຊົນຊົນ ແຂວງຮ່າຕິ່ງ ຈົ່ງມີຄວາມສຸກໃນຊີວິດສ່ວນຕົວ ແລະ ຄອບຄົວ, ທັງອວຍພອນໃຫ້ແກ່ສາຍພົວພັນມິດຕະພາບອັນຍິ່ງໃຫຍ່, ຄວາມສາມັກຄີແບບພິເສດ ແລະ ການຮ່ວມມືຮອບດ້ານ ຂອງສອງຊາດ ລາວ-ຫວຽດນາມ, ເວົ້າສະເພາະແມ່ນ ແຂວງຄຳມ່ວນ ແລະ ແຂວງຮ່າຕິ່ງ ຈົ່ງນັບມື້ນັບໝັ້ນຄົງທະນົງແກ່ນ ຕະຫຼອດໄປ.
(ຂ່າວ: ມະນີວັນ)
ຄໍາເຫັນ