ສະຫາຍ ພັນເອກ ຟ້າມມິງຕ໋ວນ ເລຂາຄະນະພັກ ຄະນະກຳມະການ ການເມືອງໂຮງງານ A31 ໄດ້ຍົກໃຫ້ເຫັນທີ່ຕັ້ງ, ພາລະບົດບາດ, ໜ້າທີ່, ປະຫວັດຄວາມເປັນມາ ແລະ ຜົນງານທີ່ພົ້ນເດັ່ນໃນການປະຕິບັດໜ້າທີ່ການເມືອງໂຮງງານ A31 ຊຶ່ງໄລຍະຜ່ານມາ, ພະນັກງານ-ລັດຖະກອນພາຍໃນໂຮງງານ ສາມາດສ້າງໄດ້ຜົນງານ ແລະ ປະສົບການຢ່າງຫຼວງຫຼາຍໃນການປະຕິບັດວຽກງານຂົນຂວາຍ ພ້ອມດຽວກັນນີ້, ທັງສອງຝ່າຍຍັງໄດ້ແລກ ປ່ຽນບົດຮຽນໃນການປະຕິບັດວຽກງານຂົນຂວາຍຂອງສອງກອງທັບ. ຈາກນັ້ນ, ໄດ້ໄປຢ້ຽມຢາມໂຮງງານສ້ອມແປງບາງແຫ່ງຂອງໂຮງງານ A31 ຕື່ມອີກ.
ໂອກາດນີ້, ສະຫາຍ ພັນເອກ ຄຳຮຸ່ງ ໄຊມຸງຄຸນ ໄດ້ສະແດງຄວາມຍ້ອງຍໍຊົມເຊີຍ ຕໍ່ຜົນງານອັນພົ້ນເດັ່ນໃນການປະຕິບັດໜ້າທີ່ການເມືອງ ໂດຍສະເພາະວຽກງານຂົນຂວາຍ ຊຶ່ງໂຮງງານ A31 ບັນລຸໄດ້ຕາມຄາດໝາຍ. ພ້ອມທັງກ່າວຄໍາຂອບໃຈ ຕໍ່ຄະນະອຳນວຍການໂຮງງານ A31 ທີ່ໄດ້ໃຫ້ການຕ້ອນຮັບຢ່າງອົບອຸ່ນ ແລະ ໄມຕີຈິດມິດຕະພາບຕໍ່ຄະນະຜູ້ແທນກົມກໍ່ສ້າງຮາກຖານ ກົມໃຫຍ່ການເມືອງກອງທັບປະຊາຊົນລາວ ໃນໂອກາດເຄື່ອນໄຫວຢ້ຽມຢາມໂຮງງານ A31 ໃນຄັ້ງນີ້, ເຮັດໃຫ້ຄະນະຜູ້ແທນໄດ້ຮັບປະສົບການອັນລ້ຳຄ່າໃນການປະຕິບັດວຽກງານກໍ່ສ້າງການເມືອງຂອງກອງທັບປະຊາຊົນຫວຽດນາມ ປະກອບສ່ວນເຂົ້າໃນການເພີ່ມທະວີຮັດແໜ້ນສາຍພົວພັນມິດຕະພາບ ຄວາມສາມັກຄີແບບພິເສດ ແລະ ການຮ່ວມມືຮອບດ້ານລະຫວ່າງສອງປະເທດລາວ-ຫວຽດນາມ, ຫວຽດນາມ-ລາວ ນັບມື້ນັບສະໜິດແໜ້ນ ແລະ ເຂັ້ມແຂງ.
ຂ່າວ-ພາບ: ໂຈ່ລີ້ ວົງໄຊ
ຄໍາເຫັນ