ທ່ານ ໂພໄຊ ໄຂຄຳພິທູນ ຮອງລັດຖະມົນຕີກະຊວງການຕ່າງປະເທດ ພ້ອມດ້ວຍທ່ານ ສີວິໄລ ແສງຈະເລີນ ຮອງເຈົ້າແຂວງຊຽງຂວາງ ປະທານຄະນະກຳມະການ ເພື່ອແກ້ໄຂລະເບີດບໍ່ທັນແຕກ (ລບຕ) ແຂວງຊຽງຂວາງ ໄດ້ນຳພາຄະນະຜູ້ແທນທູຕານຸທູດ, ອົງການຈັດຕັ້ງສາກົນ ແລະ ຕາງໜ້າປະເທດຜູ້ໃຫ້ທຶນ ລົງພົບປະຢ້ຽມຢາມປະຊາຊົນ ບ້ານດ່ອງ ເມືອງແປກ ແຂວງຊຽງຂວາງ ທີ່ເປັນບ້ານໜຶ່ງໄດ້ຮັບຜົນກະທົບຈາກລະເບີດບໍ່ທັນແຕກໃນສະໄໝສົງຄາມ ໃນວັນທີ 9 ພະຈິກນີ້ ທີ່ແຂວງຊຽງຂວາງ ຊຶ່ງການລົງຢ້ຽມຢາມຄັ້ງນີ້, ໂຄງການເກັບກູ້ລະເບີດແຫ່ງຊາດ (UXO) ປະຈຳແຂວງຊຽງຂວາງ ໄດ້ຈັດກິດຈະກຳໂຄສະນາວຽກງານເກັບກູ້ລະເບີດບໍ່ທັນແຕກ ແນໃສ່ ແນວຄິດຂອງຊຸມຊົນຕໍ່ບັນຫາລະເບີດບໍ່ທັນແຕກ, ພຶດຕິກຳຂອງຊຸມຊົນໂດຍຕັ້ງຄຳຖາມທົດສອບຄວາມຮູ້, ຮັບຟັງລາຍງານປະສົບການຜູ້ຖືກເຄາະຮ້າຍ ແລະ ອື່ນໆ.
ທ່ານ ບຸນມີ ພົມວົງກອງ ເລຂາພັກບ້ານນາຍບ້ານໆດ່ອງໄດ້ລາຍງານວ່າ: ບ້ານດ່ອງ ເປັນບ້ານໜຶ່ງໃນບັນດາບ້ານຂອງແຂວງຊຽງຂວາງທີ່ຖືກຜົນກະທົບຈາກບັນດາລະເບີດບໍ່ທັນແຕກ, ມີເນື້ອທີ່ 2.427 ເຮັກຕາ, ມີຜູ້ຖືກເຄາະຮ້າຍຈາກລະເບີດບໍ່ທັນແຕກ 25 ຄົນ, ເສຍຊີິວິດ 2 ຄົນ ແລະ ບາດເຈັບ 1 ຄົນ. ຈຸດພິເສດຂອງບ້ານດ່ອງໄລຍະຜ່ານມາ ແມ່ນຖືກສົງຄາມຖະຫຼົ່ມລູກລະເບີດຢ່າງໜັກ ເຮັດໃຫ້ເຮືອນຊານ, ໄຮ່ນາ, ພູຜາ-ປ່າໄມ້ ໄດ້ກາຍເປັນພື້ນທີ່ສີແດງ ພໍ່ແມ່ລູກປະຊາຊົນໄດ້ຕາຍພັດພາກກັນ. ປັດຈຸບັນ ປະຊາຊົນຍັງມີຄວາມສຽງຕໍ່ລະເບີດໃນການດຳລົງຊີວິດ ໂດຍສະເພາະການເຮັດໄຮ່-ນາ, ຮົ້ວສວນ ແລະ ອື່ນໆ. ພ້ອມນີ້, ທ່ານນາຍບ້ານ ບ້ານດ່ອງ ຍັງໄດ້ສະເໜີນຳອົງການຈັດຕັ້ງສາກົນ ແລະ ຜູ້ໃຫ້ທຶນກວດກູ້ພື້ນທີ່ມີລະເບີດຕົກຄ້າງ ເປັນຕົ້ນ ລັດຖະບານປະເທດ ນິວຊີແລນ ຈົ່ງສືບຕໍ່ຫາແຫ່ງທຶນມາສຸມໃສ່ກວດກູ້ລະເບີດໃຫ້ຊາວບ້ານດ່ອງ ໄດ້ນຳໃຊ້ເນື້ອທີ່ດິນຢ່າງປອດໄພເພື່ອການດຳລົງຊີວິດຂອງລູກຫຼານໃນອະນາຄົດ.
ໃນຕອນບ່າຍວັນດຽວກັນ, ຄະນະຜູ້ແທນຍັງໄດ້ໄປ ຢ້ຽມຢາມສະໜາມການສຳຫຼວດ ແລະ ເກັບກູ້ລະເບີດບໍ່ທັນແຕກ ແລະ ການສາທິດວຽກການການສຳຫຼວດດ້ານວິຊາການ ຢູ່ບ້ານດັ່ງກ່າວ. ການລົງຢ້ຽມຢາມຄັ້ງນີ້, ຍັງເປັນສ່ວນຂອງແຜນ 5 ປີ ລັດຖະບານ ສປປ ລາວ ແລະ ອົງການ ສປຊ ເພື່ອການພັດທະນາ ປະຈຳ ສປປ ລາວ “ການສະໜັບສະໜູນດ້ານປະສິດທິຜົນ ແລະ ປະສິດທິພາບ ຂອງຂະແໜງແກ້ໄຂບັນຫາ ລບຕ ເພື່ອປະກອບສ່ວນເຂົ້າໃນການບັນລຸເປົ້າໝາຍການພັດທະນາແບບຍືນຍົງທີ 18 ແລະ ເສັ້ນທາງກ້າວສູ່ຄວາມປອດໄພ III ທີ່ໄດ້ຮັບທຶນສະໜັບສະໜູນ ຈາກລັດຖະບານເກົາຫຼີ, ນູແວນເຊລັງ, ອຽກລັງ ແລະ ລຸກຊຳບວກ ແຕ່ປີ 2022 ຫາ 2026.
ເລີ່ມແຕ່ ປີ 2008 ຫາ ເດືອນຕຸລາ 2023 ຢູ່ແຂວງຊຽງຂວາງ ມີອຸບັດເຫດຈາກລະເບີດບໍ່ທັນແຕກທັງໝົດ 232 ຄັ້ງ, ເຮັດໃຫ້ມີຜູ້ເສຍຊີວິດ ຫຼື ບາດເຈັບ 331 ຄົນ, ເສຍຊີວິດ 52 ຄົນ.
(ຂ່າວ-ພາບ:ວັນເພັງ)
ທ່ານ ບຸນມີ ພົມວົງກອງ ເລຂາພັກບ້ານນາຍບ້ານໆດ່ອງໄດ້ລາຍງານວ່າ: ບ້ານດ່ອງ ເປັນບ້ານໜຶ່ງໃນບັນດາບ້ານຂອງແຂວງຊຽງຂວາງທີ່ຖືກຜົນກະທົບຈາກບັນດາລະເບີດບໍ່ທັນແຕກ, ມີເນື້ອທີ່ 2.427 ເຮັກຕາ, ມີຜູ້ຖືກເຄາະຮ້າຍຈາກລະເບີດບໍ່ທັນແຕກ 25 ຄົນ, ເສຍຊີິວິດ 2 ຄົນ ແລະ ບາດເຈັບ 1 ຄົນ. ຈຸດພິເສດຂອງບ້ານດ່ອງໄລຍະຜ່ານມາ ແມ່ນຖືກສົງຄາມຖະຫຼົ່ມລູກລະເບີດຢ່າງໜັກ ເຮັດໃຫ້ເຮືອນຊານ, ໄຮ່ນາ, ພູຜາ-ປ່າໄມ້ ໄດ້ກາຍເປັນພື້ນທີ່ສີແດງ ພໍ່ແມ່ລູກປະຊາຊົນໄດ້ຕາຍພັດພາກກັນ. ປັດຈຸບັນ ປະຊາຊົນຍັງມີຄວາມສຽງຕໍ່ລະເບີດໃນການດຳລົງຊີວິດ ໂດຍສະເພາະການເຮັດໄຮ່-ນາ, ຮົ້ວສວນ ແລະ ອື່ນໆ. ພ້ອມນີ້, ທ່ານນາຍບ້ານ ບ້ານດ່ອງ ຍັງໄດ້ສະເໜີນຳອົງການຈັດຕັ້ງສາກົນ ແລະ ຜູ້ໃຫ້ທຶນກວດກູ້ພື້ນທີ່ມີລະເບີດຕົກຄ້າງ ເປັນຕົ້ນ ລັດຖະບານປະເທດ ນິວຊີແລນ ຈົ່ງສືບຕໍ່ຫາແຫ່ງທຶນມາສຸມໃສ່ກວດກູ້ລະເບີດໃຫ້ຊາວບ້ານດ່ອງ ໄດ້ນຳໃຊ້ເນື້ອທີ່ດິນຢ່າງປອດໄພເພື່ອການດຳລົງຊີວິດຂອງລູກຫຼານໃນອະນາຄົດ.
ໃນຕອນບ່າຍວັນດຽວກັນ, ຄະນະຜູ້ແທນຍັງໄດ້ໄປ ຢ້ຽມຢາມສະໜາມການສຳຫຼວດ ແລະ ເກັບກູ້ລະເບີດບໍ່ທັນແຕກ ແລະ ການສາທິດວຽກການການສຳຫຼວດດ້ານວິຊາການ ຢູ່ບ້ານດັ່ງກ່າວ. ການລົງຢ້ຽມຢາມຄັ້ງນີ້, ຍັງເປັນສ່ວນຂອງແຜນ 5 ປີ ລັດຖະບານ ສປປ ລາວ ແລະ ອົງການ ສປຊ ເພື່ອການພັດທະນາ ປະຈຳ ສປປ ລາວ “ການສະໜັບສະໜູນດ້ານປະສິດທິຜົນ ແລະ ປະສິດທິພາບ ຂອງຂະແໜງແກ້ໄຂບັນຫາ ລບຕ ເພື່ອປະກອບສ່ວນເຂົ້າໃນການບັນລຸເປົ້າໝາຍການພັດທະນາແບບຍືນຍົງທີ 18 ແລະ ເສັ້ນທາງກ້າວສູ່ຄວາມປອດໄພ III ທີ່ໄດ້ຮັບທຶນສະໜັບສະໜູນ ຈາກລັດຖະບານເກົາຫຼີ, ນູແວນເຊລັງ, ອຽກລັງ ແລະ ລຸກຊຳບວກ ແຕ່ປີ 2022 ຫາ 2026.
ເລີ່ມແຕ່ ປີ 2008 ຫາ ເດືອນຕຸລາ 2023 ຢູ່ແຂວງຊຽງຂວາງ ມີອຸບັດເຫດຈາກລະເບີດບໍ່ທັນແຕກທັງໝົດ 232 ຄັ້ງ, ເຮັດໃຫ້ມີຜູ້ເສຍຊີວິດ ຫຼື ບາດເຈັບ 331 ຄົນ, ເສຍຊີວິດ 52 ຄົນ.
(ຂ່າວ-ພາບ:ວັນເພັງ)
ຄໍາເຫັນ