ກອງປະຊຸມພົບປະແລກປ່ຽນບົດຮຽນ ລະຫວ່າງ ຄະນະຜູ້ແທນສະພາປະຊາຊົນແຂວງຄໍາມ່ວນ ສປປ ລາວ ແລະ ຄະນະຜູ້ແທນສະພາປະຊາຊົນແຂວງກວ່າງບິ່ງ ສສ ຫວຽດນາມ ໄດ້ຈັດຂຶ້ນເມື່ອບໍ່ດົນມານີ້ ທີ່ສະພາປະຊາຊົນແຂວງຄໍາມ່ວນ. ຄະນະຜູ້ແທນສະພາປະຊາຊົນແຂວງຄໍາມ່ວນ ນໍາໂດຍສະຫາຍ ບຸນມີ ພິມມະສອນ ຮອງເລຂາພັກແຂວງ ປະທານສະພາປະຊາຊົນແຂວງ ແລະ ແຂວງກວາງບິ່ງ ນໍາໂດຍສະຫາຍ ເຈິ່ນ ຮ໋າຍ ເຈົາ ຮອງເລຂາພັກແຂວງ ປະທານສະພາປະຊາຊົນແຂວງກວາງບິ່ງ ໂດຍມີຜູ້ແທນທັງສອງຝ່າຍເຂົ້າຮ່ວມ.
ໃນການພົບປະຄັ້ງນີ້, ສະຫາຍ ບຸນມີ ພິມມະສອນ ໄດ້ຕີລາຄາສູງຕໍ່ການມາຢ້ຽມຢາມ ແລະ ພົບປະແລກປ່ຽນບົດຮຽນຂອງປະທານສະພາປະຊາຊົນແຂວງກວາງບິ່ງ ພ້ອມດ້ວຍຄະນະ ຊຶ່ງເປັນການເພີ່ມພູນຄູນສ້າງສາຍພົວພັນມິດຕະພາບອັນຍິ່ງໃຫຍ່, ຄວາມສາມັກຄີພິເສດ ແລະ ການຮ່ວມມືຮອບດ້ານລະຫວ່າງສອງພັກ, ສອງລັດ ແລະ ປະຊາຊົນສອງຊາດລາວ-ຫວຽດນາມເວົ້າລວມ, ເວົ້າສະເພາະແມ່ນສະພາປະຊາຊົນແຂວງຄໍາມ່ວນ ແລະ ສະພາປະຊາຊົນແຂວງກວາງບິ່ງໃຫ້ນັບມື້ ນັບກ້າວເຂົ້າສູ່ລວງເລິກ ແລະ ເປັນຮູບປະທຳຂຶ້ນເທື່ອລະກ້າວ. ພ້ອມນັ້ນ ສອງຝ່າຍຍັງໄດ້ຜັດປ່ຽນກັນລາຍງານໂດຍສັງເຂບກ່ຽວກັບສະພາບການເຄື່ອນໄຫວວຽກງານຂອງສະພາປະຊາຊົນຂອງແຕ່ລະແຂວງໂດຍສະເພາະແມ່ນສະພາບລວມດ້ານໂຄງປະກອບການຈັດຕັ້ງ, ຜົນສໍາເລັດໃນການຈັດຕັ້ງປະຕິບັດວຽກງານໃນການປະຕິບັດພາລະບົດບາດ, ສິດ ແລະ ໜ້າທີ່, ດ້ານການຕົກລົງບັນຫາສໍາຄັນພື້ນຖານຂອງທ້ອງຖິ່ນ, ຕະຫຼອດເຖິງການພົວພັນຮ່ວມມືລະຫວ່າງສະພາປະຊາຊົນແຂວງຄຳມ່ວນ ແລະ ສະພາປະຊາຊົນແຂວງກວາງບິ່ງ ໃນໄລຍະຜ່ານມາ. ຈາກນັ້ນ ຄະນະຜູ້ແທນສອງຝ່າຍໄດ້ມີຄໍາຖາມແລກປ່ຽນຮ່ວມກັນເພື່ອແນໃສ່ຍົກສູງຄຸນນະພາບການຈັດຕັ້ງປະຕິບັດເຄື່ອນໄຫວວຽກງານສະພາປະຊາຊົນສອງແຂວງໃຫ້ມີປະສິດທິພາບສູງຂຶ້ນ.
ໂອກາດດັ່ງກ່າວນີ້, ສະຫາຍ ເຈິ່ນ ຮ໋າຍ ເຈົາ ໄດ້ອ່ວຍພອນເນື່ອງໃນໂອກາດປີໃໝ່ລາວ ພສ 2567 ໃກ້ທີ່ຈະມາເຖິງນີ້ ຂໍໃຫ້ ສະຫາຍ ບຸນມີ ພິມມະສອນ ພ້ອມດ້ວຍຄະນະ ຈົ່ງມີແຕ່ສຸຂະພາບເຂັ້ມແຂງ, ແຂງແຮງ, ມີຜົນສໍາເລັດໃນໜ້າທີ່ວຽກງານອັນສູງສົ່ງ, ມີຄວາມເບີກບານມ່ວນຊື່ນສືບຕໍ່ພັດທະນາແຂວງຄຳມ່ວນ ໃຫ້ຈະເລີນກ້າວໜ້າຍິ່ງໆຂຶ້ນ.
(ຂ່າວ: ມະນີວັນ)
ໃນການພົບປະຄັ້ງນີ້, ສະຫາຍ ບຸນມີ ພິມມະສອນ ໄດ້ຕີລາຄາສູງຕໍ່ການມາຢ້ຽມຢາມ ແລະ ພົບປະແລກປ່ຽນບົດຮຽນຂອງປະທານສະພາປະຊາຊົນແຂວງກວາງບິ່ງ ພ້ອມດ້ວຍຄະນະ ຊຶ່ງເປັນການເພີ່ມພູນຄູນສ້າງສາຍພົວພັນມິດຕະພາບອັນຍິ່ງໃຫຍ່, ຄວາມສາມັກຄີພິເສດ ແລະ ການຮ່ວມມືຮອບດ້ານລະຫວ່າງສອງພັກ, ສອງລັດ ແລະ ປະຊາຊົນສອງຊາດລາວ-ຫວຽດນາມເວົ້າລວມ, ເວົ້າສະເພາະແມ່ນສະພາປະຊາຊົນແຂວງຄໍາມ່ວນ ແລະ ສະພາປະຊາຊົນແຂວງກວາງບິ່ງໃຫ້ນັບມື້ ນັບກ້າວເຂົ້າສູ່ລວງເລິກ ແລະ ເປັນຮູບປະທຳຂຶ້ນເທື່ອລະກ້າວ. ພ້ອມນັ້ນ ສອງຝ່າຍຍັງໄດ້ຜັດປ່ຽນກັນລາຍງານໂດຍສັງເຂບກ່ຽວກັບສະພາບການເຄື່ອນໄຫວວຽກງານຂອງສະພາປະຊາຊົນຂອງແຕ່ລະແຂວງໂດຍສະເພາະແມ່ນສະພາບລວມດ້ານໂຄງປະກອບການຈັດຕັ້ງ, ຜົນສໍາເລັດໃນການຈັດຕັ້ງປະຕິບັດວຽກງານໃນການປະຕິບັດພາລະບົດບາດ, ສິດ ແລະ ໜ້າທີ່, ດ້ານການຕົກລົງບັນຫາສໍາຄັນພື້ນຖານຂອງທ້ອງຖິ່ນ, ຕະຫຼອດເຖິງການພົວພັນຮ່ວມມືລະຫວ່າງສະພາປະຊາຊົນແຂວງຄຳມ່ວນ ແລະ ສະພາປະຊາຊົນແຂວງກວາງບິ່ງ ໃນໄລຍະຜ່ານມາ. ຈາກນັ້ນ ຄະນະຜູ້ແທນສອງຝ່າຍໄດ້ມີຄໍາຖາມແລກປ່ຽນຮ່ວມກັນເພື່ອແນໃສ່ຍົກສູງຄຸນນະພາບການຈັດຕັ້ງປະຕິບັດເຄື່ອນໄຫວວຽກງານສະພາປະຊາຊົນສອງແຂວງໃຫ້ມີປະສິດທິພາບສູງຂຶ້ນ.
ໂອກາດດັ່ງກ່າວນີ້, ສະຫາຍ ເຈິ່ນ ຮ໋າຍ ເຈົາ ໄດ້ອ່ວຍພອນເນື່ອງໃນໂອກາດປີໃໝ່ລາວ ພສ 2567 ໃກ້ທີ່ຈະມາເຖິງນີ້ ຂໍໃຫ້ ສະຫາຍ ບຸນມີ ພິມມະສອນ ພ້ອມດ້ວຍຄະນະ ຈົ່ງມີແຕ່ສຸຂະພາບເຂັ້ມແຂງ, ແຂງແຮງ, ມີຜົນສໍາເລັດໃນໜ້າທີ່ວຽກງານອັນສູງສົ່ງ, ມີຄວາມເບີກບານມ່ວນຊື່ນສືບຕໍ່ພັດທະນາແຂວງຄຳມ່ວນ ໃຫ້ຈະເລີນກ້າວໜ້າຍິ່ງໆຂຶ້ນ.
(ຂ່າວ: ມະນີວັນ)
ຄໍາເຫັນ