ຊຶ່ງປະກອບມີຕາງໜ້າຈາກຕະຊວງການຕ່າງປະເທດ,ຄະນະກໍາມະການແຫ່ງຊາດເພື່ອຄວາມກ້າວໜ້າແມ່ຍິງ,ແມ່ແລະເດັກແລະສູນກາງສະຫະພັນແມ່ຍິງລາວເຂົ້າຮ່ວມກອງປະຊຸມສາກົນລະດັບສູງວ່າດ້ວຍແມ່ຍິງ, ສັນຕິພາບແລະຄວາມໝັ້ນຄົງ (International Conference on Women, Peace and Security) ທີ່ມານິລາປະເທດຟີລິບປິນ.
ຈຸດປະສົງຂອງກອງປະຊຸມດັ່ງກ່າວເພື່ອສົ່ງເສີມການຈັດຕັ້ງປະຕິບັດຍັດຕິສະພາຄວາມໝັ້ນຄົງອົງການສະຫະປະຊາຊາດເລກທີ 1325 ວ່າດ້ວຍແມ່ຍິງ, ສັນຕິພາບແລະຄວາມໝັ້ນຄົງ, ກໍຄືການສະເຫຼີມສະຫຼອງຄົບຮອບ 25 ປີໃນການຮັບຮອງຍັດຕິດັ່ງກ່າວ. ກອງປະຊຸມລະດັບສູງຄັ້ງນີ້ເປັນການປຶກສາຫາລື, ແລກປ່ຽນຄຳເຫັນໃນວຽກງານການສົ່ງເສີມຄວາມກ້າວໜ້າແມ່ຍິງ, ຄວາມສະເໝີພາບຍິງ-ຊາຍແລະການເຊື່ອມສານວຽກງານດັ່ງກ່າວເຂົ້າທຸກຂົງເຂດວຽກງານທີ່ກ່ຽວຂ້ອງໂດຍສະເພາະການສົ່ງເສີມການມີສ່ວນຮ່ວມຂອງແມ່ຍິງໃນທຸກຂະບວນການສ້າງສັນຕິພາບ, ການພັດທະນາເສດຖະກິດ, ສັງຄົມແລະວັດທະນະທຳ. ນອກຈາກນັ້ນແມ່ນໄດ້ແລກປ່ຽນບົດຮຽນການຈັດຕັ້ງປະຕິບັດໃນການແກ້ໄຂບັນຫາທີ່ໄດ້ເອົາໃຈໃສ່ແມ່ຍິງເປັນໃຈກາງ,ໂດຍໄດ້ມີການຮັບຮອງຖະແຫຼງການມະນິລາວ່າດ້ວຍແມ່ຍິງ,ສັນຕິພາບແລະຄວາມໝັ້ນຄົງທີ່ມີເນື້ອໃນສົ່ງເສີມການພົວພັນຮ່ວມມືລະຫວ່າງພາກລັດ,ອົງການຈັດຕັ້ງທາງສັງຄົມ,ອົງການຈັດຕັ້ງສາກົນໃນການປະກອບສ່ວນຮ່ວມມືກັນຈັດຕັ້ງປະຕິບັດວາລະແມ່ຍິງ, ສັນຕິພາບແລະຄວາມໝັ້ນຄົງໃຫ້ບັນລຸຕາມຈຸດປະສົງເປົ້າໝາຍ.
ໃນໂອກາດທີ່ເຂົ້າຮ່ວມກອງປະຊຸມດັ່ງກ່າວຄະນະຜູ້ແທນສປປລາວກໍໄດ້ປະກອບຄຳເຫັນຕໍ່ກອງປະຊຸມໂດຍຢ້ຳຄືນຄຳໝາຍໝັ້ນຂອງລັດຖະບານສປປລາວໃນການສະໜັບສະໜູນສົ່ງເສີມຄວາມກ້າວໜ້າຂອງແມ່ຍິງ,ຄວາມສະເໝີພາບຍິງຊາຍໃນທຸກຂົງເຂດວຽກງານໂດຍການສົ່ງເສີມບົດບາດແລະການມີສ່ວນຮ່ວມຂອງແມ່ຍິງຕຳແໜ່ງນຳພາຄຸ້ມຄອງແລະຂັ້ນຕັດສິນບັນຫານັບມື້ຫຼາຍຂຶ້ນ, ຍົກໃຫ້ເຫັນຜົນສຳລັດການຈັດຕັ້ງປະຕິບັດຜ່ານມາ, ໄດ້ແລກປ່ຽນບົດຮຽນໃນນາມປະເທດທີ່ໄດ້ຮັບຜົນກະທົບຫຼາຍທີ່ສຸດຈາກລະເບີດບໍ່ທັນແຕກ (ລບຕ) ທີ່ວຽກການແກ້ໄຂບັນຫາ(ລບຕ)ໄດ້ສົ່ງເສີມການມີສ່ວນຮ່ວມຂອງແມ່ຍິງໂດຍເຊື່ອມສານບົດບາດຍິງ-ຊາຍເຂົ້າໃນຂະແໜງການເພື່ອຮັບປະກັນການແກ້ໄຂບັນຫາ(ລບຕ)ໃຫ້ທຸກຄົນໄດ້ຮັບຜົນປະໂຫຍດແລະຊີວິດປະຊາຊົນປອດໄພຈາກ(ລບຕ)ນອກນັ້ນ,ໄດ້ຍົກໃຫ້ເຫັນຜົນງານການເປັນເຈົ້າພາບອາຊຽນຂອງສປປລາວທີ່ໄດ້ກຳນົດເອົາການສົ່ງເສີມຄວາມກ້າວໜ້າແມ່ຍິງແລະຄວາມສະເໝີພາບຍິງ-ຊາຍເປັນໜຶ່ງໃນວຽກງານບຸລິມະສິດ, ໂດຍພາຍໃຕ້ການເປັນປະທານຂອງສປປລາວ, ໄດ້ເປັນເຈົ້າພາບຈັດກອງປະຊຸມສຸດຍອດການນຳແມ່ຍິງອາຊຽນຄັ້ງທີ 3 ແລະໄດ້ຮັບຮອງເອກະສາານດັ່ງກ່າວໃນກອງປະຊຸມສຸດຍອດອາຊຽນທີ່ຈັດຂຶ້ນຢູ່ນະຄອນຫຼວງວຽງຈັນ.
ກອງປະຊຸມຄັ້ງນີ້ເປັນກອງປະຊຸມຄັ້ງທຳອິດທີ່ໄດ້ຈັດໃນອາຊີຕາເວັນອອກສ່ຽງໃຕ້, ມີຜູ້ເຂົ້າຮ່ວມຫຼາຍກວ່າ 400 ຄົນຈາກ 85 ປະເທດທີ່ມາຈາກບັນດາຂະແໜງການກ່ຽວຂ້ອງຈາກພາກລັດຖະບານ, ລັດຖະສະພາຂອງຫຼາຍປະເທດ, ອົງການຈັດຕັ້ງທາງສັງຄົມແລະອົງການຈັດຕັ້ງສາກົນ.
ຂ່າວ-ພາບ:ກະຊວງການຕ່າງປະເທດ
ຄໍາເຫັນ