 |
ໂອກາດນີ້, ທ່ານ ເຫີຈູຄຸນ ໄດ້ສະແດງຄວາມຕ້ອນຮັບຢ່າງອົບອຸ່ນ ແລະ ຕີລາຄາສູງ ພ້ອມລາຍງານໃຫ້ຮູ້ກ່ຽວກັບການກໍາເນີດ ແລະ ເຕີບໃຫຍ່ຂະຫຍາຍຕົວໃນແຕ່ລະໄລຍະຜ່ານມາຂອງກຸ່ມໜັງສືພິມລາຍວັນຢຸນນານ ພ້ອມທັງລາຍງານກ່ຽວກັບການພົວພັນຮ່ວມມື, ແລກປ່ຽນຂໍ້ມູນຂ່າວສານລະຫວ່າງສື່ມວນຊົນ ສປປ ລາວ ກໍຄືໜັງສືພິມປະຊາຊົນ ສຽງຂອງສູນກາງພັກ ແລະ ກຸ່ມໜັງສິມພິມລາຍວັນຢຸນນານ ໃນໄລຍະຜ່ານມາ.
 |
ທ່ານ ຄໍາພັນ ເຜີຍຍະວົງ ກໍໄດ້ສະແດງຄວາມຂອບໃຈທ່ານ ເຫີຈູຄຸນ ພ້ອມດ້ວຍພະນັກງານຂອງກຸ່ມໜັງສືພິມຢຸນນານ ທີ່ໄດ້ໃຫ້ການຕ້ອນຮັບຢ່າງອົບອຸ່ນໃນການມາຢ້ຽມຢາມໃນຄັ້ງນີ້ ຊຶ່ງການຢ້ຽມຢາມໃນຄັ້ງນີ້, ແມ່ນມີຄວາມສໍາຄັນຫຼາຍ ພ້ອມຢືນຢັນຈະນໍາເອົາບົດຮຽນຈາກກຸ່ມໜັງສືພິມລາຍວັນຢຸນນານ ໄປຈັດຕັ້ງປະຕິບັດເຂົ້າໃນວຽກງານໂຄສະນາ ກໍຄືວຽກງານສື່ມວນຊົນລາວ ໂດຍສະເພາະນໍາໃຊ້ເຂົ້າໃນສໍານັກງານຂອງຕົນ ບໍ່ວ່າຈະເປັນສື່ໜັງສືພິມ, ວິທະຍຸ, ໂທລະພາບ ໃຫ້ເກີດປະໂຫຍດສູງສຸດໃນອະນາຄົດ.
 |
ທ່ານ ຄໍາພັນ ເຜີຍຍະວົງ ຍັງໄດ້ສະເໜີໃຫ້ກຸ່ມໜັງສືພິມລາຍວັນຢຸນນານສືບຕໍ່ໃຫ້ການຊ່ວຍເຫຼືອສະໜັບສະໜູນສື່ມວນຊົນລາວໃນການແລກປ່ຽນຂໍ້ມູນຂ່າວສານ, ການຈັດຝຶກອົບຮົມນັກຂ່າວ, ດ້ານເຕັກນິກ, ອຸປະກອນ ແລະ ອື່ນໆ ໃນຕໍ່ໜ້າຕື່ມອີກ.
ທ່ານ ເຫີຈູຄຸນ ໄດ້ຢືນຢັນຈະສືບຕໍ່ໃຫ້ການພົວພັນຮ່ວມມືໃນວຽກງານຕ່າງໆໂດຍສະເພາະການພັດທະນາວຽກງານສື່ມວນຊົນລາວໃນຕໍ່ໜ້າ.
ການຢ້ຽມຢາມໃນຄັ້ງນີ້, ແມ່ນໄດ້ຢ້ຽມຢາມເບິ່ງຫ້ອງເຮັດວຽກຂອງນັກຂ່າວ, ຫ້ອງກວດແກ້-ຈັດໜ້າໜັງສືພິມລາຍວັນຢຸນນານ, ວາລະສານຈໍາປາ, ຫ້ອງຫໍສະໝຸດຈັດວາງສະແດງໜັງສືພິມ, ວາລະສານຈໍາປາ ແລະ ອື່ນໆ.
(ຂ່າວ-ພາບ: ວັນເພັງ)
ຄໍາເຫັນ