ບັນດາສະຫາຍອະດີດເລຂາທິການໃຫຍ່ຄະນະບໍລິຫານງານສູນກາງພັກປະຊາຊົນປະຕິວັດລາວປະທານປະເທດແຫ່ງ ສປປລາວ ໃນວັນທີ 8 ເມສາຜ່ານມາ.ໃນນີ້ໄດ້ເຂົ້າພົບປະ ແລະ ອວຍພອນສະຫາຍ ຈູມມະລີ ໄຊຍະສອນ; ສະຫາຍ ບຸນຍັງ ວໍລະຈິດ; ສະຫາຍພົນເອກ ວິໄລ ຫຼ້າຄຳຟອງ ກຳມະການກົມການເມືອງສູນກາງພັກຮອງນາຍົກລັດຖະມົນຕີລັດຖະມົນຕີກະຊວງປ້ອງກັນຄວາມສະຫງົບ (ປກສ) ແລະ ບັນດາການນຳກະຊວງການເງິນ; ກະຊວງປ້ອງກັນປະເທດ; ສຳນັກງານລັດຖະບານ; ກະຊວງພະລັງງານ ແລະ ບໍ່ແຮ່ ແລະ ກອງບັນຊາການທະຫານນະຄອນຫຼວງວຽງຈັນ.
ໂອກາດດັ່ງກ່າວ, ສະຫາຍ ພົນໂທ ຫ່າ ໂທ ບິ່ງໄດ້ສະແດງຄວາມເສຍໃຈຢ່າງສຸດຊຶ້ງຕໍ່ການຈາກໄປຂອງສະຫາຍພົນເອກ ຄຳໄຕ ສີພັນດອນອະດີດປະທານພັກ ອະດີດປະທານປະເທດແຫ່ງ ສປປລາວພ້ອມດຽວກັນນີ້, ສະຫາຍຍັງໄດ້ອວຍພອນປີໃໝ່ລາວໃຫ້ບັນດາການນຳທຸກໆສະຫາຍຈົ່ງມີສຸຂະພາບເຂັ້ມແຂງ, ມີຄວາມສຸກ, ນຳພາລັດຖະບານ ແລະ ບັນດາກະຊວງ, ຂະແໜງການສູນກາງໃຫ້ມີການພັດທະນາຈະເລີນຮຸ່ງເຮືອງຍິ່ງຂຶ້ນ ແລະ ສະແດງຄວາມຂອບໃຈຢ່າງຈິງໃຈຕໍ່ຄວາມເອົາໃຈໃສ່, ສ້າງເງື່ອນໄຂອຳນວຍຄວາມສະດວກທຸກຢ່າງ, ຊ່ວຍເຫຼືອກຳລັງຕ່າງໆຂອງກອງບັນຊາການທະຫານເຂດ 4 ກອງທັບປະຊາຊົນຫວຽດນາມ ປະຕິບັດໜ້າທີ່ການຕ່າງປະເທດດ້ານການປ້ອງກັນຊາດຢູ່ສປປ ລາວໄດ້ສຳເລັດຜົນເປັນຢ່າງດີ.
ຂ່າວ-ພາບ: ກອງທັບ
ຄໍາເຫັນ