ພິທີເຊັນບົດບັນທຶກ ຄວາມເຂົ້າໃຈ (MOU) ການຮ່ວມມືດ້ານວຽກງານປ່າໄມ້ ລະຫວ່າງ ກະຊວງກະສິກໍາ ແລະ ປ່າໄມ້ ຂອງ ສປປ ລາວ ແລະ ກະຊວງກະສິກຳ ແລະ ພັດທະນາຊົນນະບົດ ຂອງ ສສ ຫວຽດນາມ ໄດ້ມີຂຶ້ນໃນວັນທີ 22 ທັນວາ ນີ້ ທີ່ນະຄອນດານັງ ສສ ຫວຽດນາມ ລະຫວ່າງ ທ່ານ ທ່ານ ທອງພັດ ວົງມະນີ ຮອງລັດຖະມົນຕີກະຊວງກະສິກໍາ ແລະ ປ່າໄມ້ ສປປ ລາວ ແລະ ທ່ານ ຫງວຽນ ກວັກ ຈີ່ ຮອງລັດຖະມົນຕີກະຊວງກະສິກຳ ແລະ ພັດທະນາຊົນນະບົດ ສສ ຫວຽດນາມ ໂດຍມີ ພາກສ່ວນກ່ຽວຂ້ອງທັງສອງຝ່າຍເຂົ້າຮ່ວມເປັນສັກຂີພິຍານນຳ.
ທ່ານ ທອງພັດ ວົງມະນີ ກ່າວວ່າ: ບົດບັນທຶກຄວາມເຂົ້າໃຈ ການຮ່ວມມືດ້ານວຽກງານປ່າໄມ້ ລະຫວ່າງ ກະຊວງກະສິກຳ ແລະ ປ່າໄມ້ ສປປ ລາວ (ລວມມີ ກົມປ່າໄມ້ ແລະ ກົມກວດກາປ່າໄມ້) ແລະ ກະຊວງກະສິກຳ ແລະ ພັດທະນາຊົນນະບົດ ຂອງ ສສ ຫວຽດນາມ (ລວມມີກົມປ່າໄມ້ ແລະ ກົມປ້ອງກັນປ່າໄມ້) ເປັນການຜັນຂະຫຍາຍ ຈາກບົດບັນທຶກກອງປະຊຸມພົບປະປະຈຳປີ 2022 ລະຫວ່າງ ກະຊວງກະສິກຳ ແລະ ປ່າໄມ້ ຂອງ ສປປ ລາວ ແລະ ກະຊວງກະສິກຳ ແລະ ພັດທະນາຊົນນະບົດ ຂອງ ສສ ຫວຽດນາມ ໃນທ້າຍປີ 2022. ຊຶ່ງກອງປະຊຸມ ດັ່ງກ່າວ ໄດ້ຕົກລົງເຫັນດີ ຮ່ວມມື ໃນ 5 ຂົງເຂດວຽກງານ ໃນຂະແໜງການປ່າໄມ້. ໃນນັ້ນ ລວມມີທັງການ ກະກຽມເນື້ອໃນ ເຊັນບົດບັນທຶກຄວາມເຂົ້າໃຈ ແລະ ຜັນຂະຫຍາຍ ຂໍ້ຕົກລົງການຮ່ວມມື ຮອບດ້ານໃນຂົງເຂດປ່າໄມ້ ໂດຍສູ່ມໃສ່ ເພີ່ມທະວີ ການຄຸ້ມຄອງປ່າໄມ້ ຕາມຊາຍແດນ, ຕ້ານ ແລະ ສະກັດກັ້ນ ການຄ້າຂາຍໄມ້ ແລະ ຜະລິດຕະພັນໄມ້ ທີ່ບໍ່ຖືກຕ້ອງຕາມກົດໝາຍ.
ໃນໄລຍະຜ່ານມາ, ຂະແໜງການກະສິກຳ ແລະ ປ່າໄມ້ ຂອງ ສປປ ລາວ ແລະ ສສ ຫວຽດນາມ ກໍໄດ້ຮ່ວມມືກັນ ທາງດ້ານວິຊາການຕັ້ງແຕ່ໃດມາ, ຊຶ່ງການຮ່ວມມືດັ່ງກ່າວ ແມ່ນນັບມື້ນັບມີທ່າກ້າວ ຂະຫຍາຍຕົວຢ່າງບໍ່ຢຸດຢັ້ງ ໂດຍສະເພາະແມ່ນ ການແລກປ່ຽນຂໍ້ມູນຂ່າວສານ ແລະ ແລກປ່ຽນບົດຮຽນ ແລະ ປະສົບການທາງດ້ານວິຊາການນັບມື້ຫຼາຍຂຶ້ນ. ເນື່ອງຈາກມີການພົວພັນຄືແນວນັ້ນ ຈຶ່ງເຮັດໃຫ້ ການຮ່ວມມື ແລະ ການລົງທຶນ ຈາກພາກທຸລະກິດ ສສ ຫວຽດນາມ ເຂົ້າໄປລົງທຶນ ໃນຂົງເຂດ ກະສິກຳ ແລະ ປ່າໄມ້ ແລະ ຂົງເຂດບໍລິການນັບມື້ນັບຫຼາຍຂຶ້ນ; ມາຮອດປັດຈຸບັນ ມີຜູປະກອບການຈາກ ສສຫວຽດນາມ ເຂົ້າໄປລົງທຶນ ໃນ ສອງຂົງເຂດດັ່ງກ່າວ ທັງໝົດຈໍານວນ 73 ບໍລິສັດ, ລວມມູນຄ່າການລົງທຶນທັງໝົດ ປະມານ 2,5 ຕື້ໂດລາ. ໃນນັ້ນ, ການລົງທຶນໃນຂະແໜງການປ່າໄມ້ ມີທັງໝົດ 25 ບໍລິສັດ, ລວມມູນຄ່າການລົງທຶນ ປະມານ 900 ລ້ານກວ່າໂດລາ.
ຂ່າວ: ຄ. ຄໍາປະສິດ
ທ່ານ ທອງພັດ ວົງມະນີ ກ່າວວ່າ: ບົດບັນທຶກຄວາມເຂົ້າໃຈ ການຮ່ວມມືດ້ານວຽກງານປ່າໄມ້ ລະຫວ່າງ ກະຊວງກະສິກຳ ແລະ ປ່າໄມ້ ສປປ ລາວ (ລວມມີ ກົມປ່າໄມ້ ແລະ ກົມກວດກາປ່າໄມ້) ແລະ ກະຊວງກະສິກຳ ແລະ ພັດທະນາຊົນນະບົດ ຂອງ ສສ ຫວຽດນາມ (ລວມມີກົມປ່າໄມ້ ແລະ ກົມປ້ອງກັນປ່າໄມ້) ເປັນການຜັນຂະຫຍາຍ ຈາກບົດບັນທຶກກອງປະຊຸມພົບປະປະຈຳປີ 2022 ລະຫວ່າງ ກະຊວງກະສິກຳ ແລະ ປ່າໄມ້ ຂອງ ສປປ ລາວ ແລະ ກະຊວງກະສິກຳ ແລະ ພັດທະນາຊົນນະບົດ ຂອງ ສສ ຫວຽດນາມ ໃນທ້າຍປີ 2022. ຊຶ່ງກອງປະຊຸມ ດັ່ງກ່າວ ໄດ້ຕົກລົງເຫັນດີ ຮ່ວມມື ໃນ 5 ຂົງເຂດວຽກງານ ໃນຂະແໜງການປ່າໄມ້. ໃນນັ້ນ ລວມມີທັງການ ກະກຽມເນື້ອໃນ ເຊັນບົດບັນທຶກຄວາມເຂົ້າໃຈ ແລະ ຜັນຂະຫຍາຍ ຂໍ້ຕົກລົງການຮ່ວມມື ຮອບດ້ານໃນຂົງເຂດປ່າໄມ້ ໂດຍສູ່ມໃສ່ ເພີ່ມທະວີ ການຄຸ້ມຄອງປ່າໄມ້ ຕາມຊາຍແດນ, ຕ້ານ ແລະ ສະກັດກັ້ນ ການຄ້າຂາຍໄມ້ ແລະ ຜະລິດຕະພັນໄມ້ ທີ່ບໍ່ຖືກຕ້ອງຕາມກົດໝາຍ.
ໃນໄລຍະຜ່ານມາ, ຂະແໜງການກະສິກຳ ແລະ ປ່າໄມ້ ຂອງ ສປປ ລາວ ແລະ ສສ ຫວຽດນາມ ກໍໄດ້ຮ່ວມມືກັນ ທາງດ້ານວິຊາການຕັ້ງແຕ່ໃດມາ, ຊຶ່ງການຮ່ວມມືດັ່ງກ່າວ ແມ່ນນັບມື້ນັບມີທ່າກ້າວ ຂະຫຍາຍຕົວຢ່າງບໍ່ຢຸດຢັ້ງ ໂດຍສະເພາະແມ່ນ ການແລກປ່ຽນຂໍ້ມູນຂ່າວສານ ແລະ ແລກປ່ຽນບົດຮຽນ ແລະ ປະສົບການທາງດ້ານວິຊາການນັບມື້ຫຼາຍຂຶ້ນ. ເນື່ອງຈາກມີການພົວພັນຄືແນວນັ້ນ ຈຶ່ງເຮັດໃຫ້ ການຮ່ວມມື ແລະ ການລົງທຶນ ຈາກພາກທຸລະກິດ ສສ ຫວຽດນາມ ເຂົ້າໄປລົງທຶນ ໃນຂົງເຂດ ກະສິກຳ ແລະ ປ່າໄມ້ ແລະ ຂົງເຂດບໍລິການນັບມື້ນັບຫຼາຍຂຶ້ນ; ມາຮອດປັດຈຸບັນ ມີຜູປະກອບການຈາກ ສສຫວຽດນາມ ເຂົ້າໄປລົງທຶນ ໃນ ສອງຂົງເຂດດັ່ງກ່າວ ທັງໝົດຈໍານວນ 73 ບໍລິສັດ, ລວມມູນຄ່າການລົງທຶນທັງໝົດ ປະມານ 2,5 ຕື້ໂດລາ. ໃນນັ້ນ, ການລົງທຶນໃນຂະແໜງການປ່າໄມ້ ມີທັງໝົດ 25 ບໍລິສັດ, ລວມມູນຄ່າການລົງທຶນ ປະມານ 900 ລ້ານກວ່າໂດລາ.
ຂ່າວ: ຄ. ຄໍາປະສິດ
ຄໍາເຫັນ