ເນື່ອງໃນໂອກາດທີ່ເດີນທາງເຂົ້າຮ່ວມງານວາງສະແດງອຸປະກອນເຕັກນິກການທະຫານສາກົນ 2024 ໃນລະຫວ່າງວັນທີ 12- 14 ສິງຫາ 2024 ນີ້ ທີ່ ສຣັດເຊຍ.
ການພົບປະຄັ້ງນີ້, ສອງຝ່າຍໄດ້ຕີລາຄາສູງຕໍ່ສາຍພົວພັນມິດຕະພາບ ແລະ ການຮ່ວມມືອັນເປັນມູນເຊື້ອມາແຕ່ດົນນານລະຫວ່າງສອງຊາດ ແລະ ສອງກອງທັບຊຶ່ງມາຮອດປັດຈຸບັນໄດ້ຮັບການສືບຕໍ່ເພີ່ມທະວີຮັດແໜ້ນ ແລະ ເສີມຂະຫຍາຍເຂົ້າສູ່ລວງເລິກໂດຍສະເພາະໃນຂົງເຂດການຮ່ວມມືດ້ານການທະຫານ ແລະ ເຕັກນິກການທະຫານລະຫວ່າງສອງກອງທັບລາວ-ຣັດເຊຍນັບມື້ນັບແໜ້ນແຟ້ນຈະເລີນງອກງາມຍິ່ງໆຂຶ້ນ.
ໂອກາດດັ່ງກ່າວ, ສະຫາຍ ພົນເອກ ຈັນສະໝອນ ຈັນຍາລາດ ຍັງໄດ້ສະແດງຄວາມຮູ້ບຸນຄຸນຢ່າງສູງມາຍັງລັດຖະບານ ກໍຄືກະຊວງປ້ອງກັນປະເທດແຫ່ງ ສຣັດເຊຍ ທີ່ໄດ້ໃຫ້ການຊ່ວຍເຫຼືອອັນລ້ຳຄ່າແກ່ ສປປ ລາວ ກໍຄືກອງທັບປະຊາຊົນລາວໃນຫຼາຍດ້ານຕະຫຼອດໄລຍະຜ່ານມາເປັນຕົ້ນການກໍ່ສ້າງພະນັກງານ-ນັກຮົບ ແລະ ວິຊາການ ໃຫ້ຂະແໜງການຕ່າງໆຢູ່ບັນດາສະຖາບັນການສຶກສາຂອງກະຊວງປ້ອງກັນປະເທດ ສຣັດເຊຍ, ການຊ່ວຍເຫຼືອດ້ານເຕັກນິກການທະຫານ, ການຮ່ວມມືດ້ານເກັບກູ້ລະເບີດເພື່ອມະນຸດສະທຳຢູ່ ສປປ ລາວ ແລະ ວຽກງານດ້ານອື່ນໆ ຊຶ່ງເປັນການປະກອບສ່ວນອັນສໍາຄັນເຂົ້າໃນການປົກປັກຮັກສາ ແລະ ສ້າງສາພັດທະນາປະເທດຊາດ ກໍຄືສ້າງກອງທັບປະຊາຊົນລາວໃຫ້ເຕີບໃຫຍ່ເຂັ້ມແຂງ ແລະ ທັນສະໄໝເປັນກ້າວໆ. ພ້ອມນັ້ນສອງຝ່າຍຍັງໄດ້ປຶກສາຫາລື ແລະ ສືບຕໍ່ເພີ່ມທະວີການພົວພັນຮ່ວມມືໃນຕໍ່ໜ້າ.
ຈາກນັ້ນ, ສະຫາຍລັດຖະມົນຕີກະຊວງປ້ອງກັນປະເທດແຫ່ງສປປ ລາວ ແລະ ສຣັດເຊຍ ໄດ້ລົງນາມເຊັນສັນຍາລະຫວ່າງສອງລັດຖະບານກ່ຽວກັບການຮ່ວມມືດ້ານການທະຫານສະບັບໃໝ່ ເພື່ອເປັນບ່ອນອີງໃນການເສີມຂະຫຍາຍການຮ່ວມມືດ້ານວຽກງານການທະຫານສອງຝ່າຍ ຊຶ່ງເປັນການສືບຕໍ່ເສີມຂະຫຍາຍສາຍພົວພັນທີ່ເປັນມູນເຊື້ອລະຫວ່າງສອງປະເທດ, ສອງກອງທັບ ແລະ ປະຊາຊົນສອງຊາດລາວ-ຣັດເຊຍ, ຣັດເຊຍ-ລາວ ທີ່ມີມາແຕ່ດົນນານແລ້ວນັ້ນໃຫ້ໝັ້ນຄົງຂະໜົງແກ່ນແຕກດອກອອກຜົນຈະເລີນງອກງາມຂຶ້ນຢ່າງບໍ່ຢຸດຢັ້ງ.
ຂ່າວ-ພາບ: ຮ້ອຍເອກ ທອງມາ ໄຊຍະເພັງສາ
ຄໍາເຫັນ