ກອງປະຊຸມກຽມຄວາມພ້ອມວຽກງານລາດຕະເວນຮ່ວມຕາມລໍາແມ່ນ້ຳຂອງຊາຍແດນລາວ-ໄທ, ໄທ-ລາວ ລະຫວ່າງແຂວງບໍ່ແກ້ວ ສປປ ລາວ ກັບອຳເພີຊຽງຂອງຈັງຫັວດຊຽງຮາຍ ຣາຊອານາຈັກໄທຄັ້ງທີ III ປະຈໍາປີ 2023 ຈັດຂຶ້ນເມື່ອບໍ່ດົນມານີ້, ທີ່ດ່ານສາກົນຂົວມິດຕະພາບແຫ່ງທີ 4 ປະເທດໄທ ໂດຍການເປັນປະທານຮ່ວມຝ່າຍລາວນໍາໂດຍສະຫາຍ ພັນໂທ ຫົງແກ້ວ ວັນນະສານ ຫົວໜ້າຫ້ອງການປ້ອງກັນຊາດແຂວງບໍ່ແກ້ວ, ຝ່າຍໄທນຳໂດຍສະຫາຍ ນາວາເອກ ສະລາວຸດ ເຖື່ອນບຸນ ຜູ້ບັງຄັບໜ່ວຍເຮືອຮັກສາຄວາມສະຫງົບຮຽບຮ້ອຍຕາມລໍາແມ່ນໍ້າຂອງເຂດຊຽງຮາຍ, ມີຮອງຫົວໜ້າຊຸດປະສານງານປະຈຳພື້ນທີ່ຊາຍແດນໄທ-ລາວພື້ນທີ່ພາກເໜືອຂອງໄທ ພ້ອມດ້ວຍພາກສ່ວນກ່ຽວຂ້ອງສອງຝ່າຍເຂົ້າຮ່ວມ.
ກອງປະຊຸມຄັ້ງນີ້ທັງສອງຝ່າຍໄດ້ເປັນເອກະພາບໃນການລາດຕະເວນທາງນ້ຳຕາມລຳແມ່ນ້ຳຂອງຮ່ວມ ລາວ-ໄທ ບໍ່ແກ້ວ-ຊຽງຣາຍ ແລະ ແລກປ່ຽນບົດຮຽນຊຶ່ງກັນ ແລະ ກັນ ໂດຍສະເພາະເອກະພາບຕໍ່ບັນດາເນື້ອໃນຂັ້ນຕອນການປະສານງານ ກໍຄືຂັ້ນຕອນແຕ່ລະບາດກ້າວໃນການລາດຕະເວນທາງນ້ຳແນໃສ່ຮັບປະກັນໃຫ້ການລາດຕະເວນທາງນ້ຳໄດ້ຮັບຜົນສຳເລັດຢ່າງຈົບງາມ ແລະ ຮັບປະກັນໄດ້ຄວາມປອດໄພ. ນອກນັ້ນຍັງໄດ້ສະແດງໃຫ້ເຫັນເຖີງການພົວພັນຮ່ວມມືທີ່ດີຂອງທັງ 2 ປະເທດ ກໍຄືແຂວງບໍ່ແກ້ວ ສປປ ລາວ ກັບອໍາເພີຊຽງຂອງຈັງ ຫັວດຊຽງຣາຍ ຣາຊອານາຈັກໄທ ໃນການແກ້ໄຂບັນຫາຕ່າງໆຕາມຊາຍແດນເປັນຕົ້ນ ບັນຫາຢາເສບຕິດ, ການຄ້າຂາຍເຖື່ອນ, ການເຂົ້າ-ອອກເມືອງຜິດກົດໝາຍ ຕະຫຼອດຮອດບັນຫາອາສະຍາກຳຕາມລຳແມ່ນ້ຳຂອງເຂດແຂວງບໍ່ແກ້ວ ແລະ ຈັງຫວັດຊຽງຣາຍໃຫ້ນັບມື້ຫຼຸດໜ້ອຍຖອຍລົງເທື່ອລະກ້າວ. ແນໃສ່ເຮັດໃຫ້ຊາຍແດນກາຍເປັນຊາຍແດນແຫ່ງສັນຕິພາບ, ມິດຕະພາບ ແລະ ມີການພັດທະນາຢ່າງຍືນຍົງ. ຈາກນັ້ນວິຊາການທັງສອງຝ່າຍໄດ້ ອະທິບາຍ ແລະ ເອກະພາບບັນດາຂັ້ນຕອນແຕ່ລະບາດກ້າວໃນການລາດຕະເວນຮ່ວມລາວ-ໄທ ເພື່ອປະກອບ ສ່ວນແກ້ໄຂບັນຫາຕາມຊາຍແດນລາວ-ໄທ, ໄທ-ລາວໃຫ້ມີຄວາມຄືບໜ້າດີຂຶ້ນ, ມີຄວາມສອດຄ່ອງກ້າວໄປສູ່ການຮ່ວມມື 2 ຊາດໃຫ້ມີປະສິດທິພາບ ກໍຄືແຂວງບໍ່ແກ້ວກັບຈັງຫວັດຊຽງຣາຍໃຫ້ມີຄວາມສະຫງົບໂດຍພື້ນຖານ.
ຂ່າວ: ວໍລະສິດ ພິດສະຫາຍ
ກອງປະຊຸມຄັ້ງນີ້ທັງສອງຝ່າຍໄດ້ເປັນເອກະພາບໃນການລາດຕະເວນທາງນ້ຳຕາມລຳແມ່ນ້ຳຂອງຮ່ວມ ລາວ-ໄທ ບໍ່ແກ້ວ-ຊຽງຣາຍ ແລະ ແລກປ່ຽນບົດຮຽນຊຶ່ງກັນ ແລະ ກັນ ໂດຍສະເພາະເອກະພາບຕໍ່ບັນດາເນື້ອໃນຂັ້ນຕອນການປະສານງານ ກໍຄືຂັ້ນຕອນແຕ່ລະບາດກ້າວໃນການລາດຕະເວນທາງນ້ຳແນໃສ່ຮັບປະກັນໃຫ້ການລາດຕະເວນທາງນ້ຳໄດ້ຮັບຜົນສຳເລັດຢ່າງຈົບງາມ ແລະ ຮັບປະກັນໄດ້ຄວາມປອດໄພ. ນອກນັ້ນຍັງໄດ້ສະແດງໃຫ້ເຫັນເຖີງການພົວພັນຮ່ວມມືທີ່ດີຂອງທັງ 2 ປະເທດ ກໍຄືແຂວງບໍ່ແກ້ວ ສປປ ລາວ ກັບອໍາເພີຊຽງຂອງຈັງ ຫັວດຊຽງຣາຍ ຣາຊອານາຈັກໄທ ໃນການແກ້ໄຂບັນຫາຕ່າງໆຕາມຊາຍແດນເປັນຕົ້ນ ບັນຫາຢາເສບຕິດ, ການຄ້າຂາຍເຖື່ອນ, ການເຂົ້າ-ອອກເມືອງຜິດກົດໝາຍ ຕະຫຼອດຮອດບັນຫາອາສະຍາກຳຕາມລຳແມ່ນ້ຳຂອງເຂດແຂວງບໍ່ແກ້ວ ແລະ ຈັງຫວັດຊຽງຣາຍໃຫ້ນັບມື້ຫຼຸດໜ້ອຍຖອຍລົງເທື່ອລະກ້າວ. ແນໃສ່ເຮັດໃຫ້ຊາຍແດນກາຍເປັນຊາຍແດນແຫ່ງສັນຕິພາບ, ມິດຕະພາບ ແລະ ມີການພັດທະນາຢ່າງຍືນຍົງ. ຈາກນັ້ນວິຊາການທັງສອງຝ່າຍໄດ້ ອະທິບາຍ ແລະ ເອກະພາບບັນດາຂັ້ນຕອນແຕ່ລະບາດກ້າວໃນການລາດຕະເວນຮ່ວມລາວ-ໄທ ເພື່ອປະກອບ ສ່ວນແກ້ໄຂບັນຫາຕາມຊາຍແດນລາວ-ໄທ, ໄທ-ລາວໃຫ້ມີຄວາມຄືບໜ້າດີຂຶ້ນ, ມີຄວາມສອດຄ່ອງກ້າວໄປສູ່ການຮ່ວມມື 2 ຊາດໃຫ້ມີປະສິດທິພາບ ກໍຄືແຂວງບໍ່ແກ້ວກັບຈັງຫວັດຊຽງຣາຍໃຫ້ມີຄວາມສະຫງົບໂດຍພື້ນຖານ.
ຂ່າວ: ວໍລະສິດ ພິດສະຫາຍ
ຄໍາເຫັນ