ເມື່ອບໍ່ດົນມານີ້ທີ່ສະຖານເອກອັກຄະຣາຊະທູດ ຍີ່ປຸ່ນ ປະຈໍາ ສປປ ລາວ ໄດ້ມີພິທີເຊັນສັນຍາສະໜອງທຶນຮອນ ເພື່ອກໍ່ສ້າງຂົວເບຕົງໃໝ່ ໃນບ້ານນາຮັງນ້ອຍ ເມືອງອາດສະພອນ ແຂວງສະຫວັນນະເຂດ ຊຶ່ງແນໃສ່ປະກອບສ່ວນເຂົ້າໃນການຍົກລະດັບການຄົມມະນາຄົມ, ໄປມາຫາສູ່ຂອງປະຊາຊົນໃນເຂດດັ່ງກ່າວ ດ້ວຍມູນຄ່າ 71.500 ໂດລາ.
ພິທີເຊັນສັນຍາດັ່ງກ່າວ, ເປັນການລົງນາມ ລະຫວ່າງ ທ່ານ ໂຄບະຢະຊິ ເຄັນອິຈິ ເອກອັກຄະຣາຊະທູດຍີ່ປຸ່ນ ປະຈໍາ ສປປ ລາວ ແລະ ທ່ານ ຄຳພອນ ສົມວິຈິດ ຫົວໜ້າພະແນກໂຍທາທິການ ແລະ ຂົນສົ່ງ ແຂວງສະຫວັນນະເຂດ ໂດຍມີ ທ່ານ ແສນສັກ ສຸລິສັກ ຮອງເຈົ້າແຂວງສະຫວັນນະເຂດ ເຂົ້າຮ່ວມເປັນສັກຂີພິຍານ.
ທ່ານ ແສນສັກ ສຸລິສັກ ໄດ້ມີຄຳເຫັນວ່າ: ເນື່ອງຈາກມີຝົນຕົກໜັກ ແລະ ລົມພັດແຮງໃນແຕ່ລະປີ ເຮັດໃຫ້ຂົວໄມ້ ເກົ່າໃນບ້ານນາຮັງນ້ອຍ ເປ່ເພເສຍຫາຍ ແລະ ມີຄວາມສ່ຽງອັນຕະລາຍໃນການໄປ-ມາຂອງປະຊາຊົນ ຊຶ່ງຜ່ານການຊ່ວຍເຫຼືອຈາກລັດຖະບານຍີ່ປຸ່ນໃນໂຄງການດັ່ງກ່າວ ພວກເຮົາຈະສາມາດສ້າງຂົວທີ່ໄດ້ຕາມມາດຕະຖານຂອງກະຊວງໂຍທາທິການ ແລະ ຂົນສົ່ງກໍານົດໄວ້, ການຊ່ວຍເຫຼືອອັນລ້ໍາຄ່າໃນຄັ້ງນີ້ ບໍ່ພຽງແຕ່ເປັນການຍົກລະດັບໂຄງລ່າງພື້ນຖານ ການຄົມມະນາຄົມໃນເມືອງອາດສະພອນເທົ່ານັ້ນ, ແຕ່ຍັງໄດ້ປະກອບສ່ວນເຂົ້າໃນການກະຕຸ້ນເສດຖະກິດ ລວມເຖິງການຄ້າຂາຍຜົນຜະລິດກະສິກໍາ ແລະ ການທ່ອງທ່ຽວ; ພ້ອມທັງ, ເປັນການປັບປຸງຊີວິດການເປັນຢູ່ຂອງປະຊາຊົນ ທີ່ອາໄສຢູ່ໃກ້ຄຽງກັບຂົວອີກດ້ວຍ.
ການສະໜອງທຶນຄັ້ງນີ້, ແມ່ນພາຍໃຕ້ໂຄງການເສີມສ້າງຄວາມຫມັ້ນຄົງຂອງມະນຸດຂັ້ນ ຮາກຖານ (GGP) ຊຶ່ງ ທ່ານ ໂຄບະຢະຊິ ເຄັນອິຈິ ກໍໄດ້ກ່າວວ່າ: ໂຄງການນີ້, ແມ່ນການສະໜອງທຶນທີ່ຈໍາເປັນ ໃຫ້ແກ່ໂຄງການຂະໜາດນ້ອຍ ທີ່ໃຫ້ຜົນປະໂຫຍດໂດຍກົງແກ່ປະຊາຊົນຜູ້ອາໄສ ແລະ ມີຈຸດປະສົງ ເພື່ອການ ພັດທະນາເສດຖະກິດ-ສັງຄົມຂອງປະເທດລາວ ໂດຍອີງຕາມຄວາມຕ້ອງການພື້ນຖານຂອງມະນຸດເປັນຫຼັກ. ຂະນະທີ່, ຂົວບ້ານນາຮັງນ້ອຍ ທີ່ມີໃນປັດຈຸບັນ ໄດ້ເກົ່າແກ່ຊຸດໂຊມລົງ ເຮັດໃຫ້ເກີດມີຄວາມສ່ຽງທີ່ຈະຖະຫຼົ່ມລົງ ຈຶ່ງໄດ້ມີການຫ້າມລົດບັນທຸກທີ່ຂົນຜົນຜະລິດຈາກຫມູ່ບ້ານເຂົ້າໄປໃນເມືອງ ຊຶ່ງໄດ້ສົ່ງຜົນກະທົບອັນໃຫຍ່ຫຼວງຕໍ່ຊີວິດການເປັນຢູ່ຂອງເຂົາເຈົ້າ. ດັ່ງນັ້ນ, ຊາວບ້ານຈຶ່ງຈໍາເປັນຕ້ອງໄດ້ນໍາໃຊ້ຂົວຂອງເມືອງໃກ້ຄຽງ ແລະ ຕ້ອງໄດ້ນໍາໃຊ້ທາງອ້ອມ ເພື່ອເຂົ້າໃນເມືອງ ອັນໄດ້ສ້າງຄວາມລໍາບາກໃຫ້ແກ່ປະຊາຊົນເປັນຢ່າງຍິ່ງ. ສະນັ້ນ, ການຊ່ວຍເຫຼືອນີ້ຈະຊ່ວຍໃຫ້ ການເດີນທາງໄປມາຂອງປະຊາຊົນໃນບ້ານນາຮັງນ້ອຍ ແລະ ບ້ານອ້ອມຂ້າງ ໄດ້ຮັບການປັບປຸງ; ພ້ອມທັງ, ເປັນການກະຕຸ້ນເສດຖະກິດ ແລະ ຍົກລະດັບສະພາບຊີວິດການເປັນຢູ່ຂອງປະຊາຊົນ ຜ່ານການຊ່ວຍເຫຼືອໃນຄັ້ງນີ້.
ຈາກການໃຫ້ທຶນຄັ້ງນີ້, ເຮັດໃຫ້ຈໍານວນເງິນທີ່ລັດຖະບານຍີ່ປຸ່ນ ໄດ້ໃຫ້ການສະໜັບສະໜຸນ ແກ່ແຂວງສະຫວັນນະເຂດ ລວມເປັນມູນຄ່າຫຼາຍກວ່າ 1.190.000 ໂດລາ ໂດຍເຂົ້າໃນດ້ານການສຶກສາ, ໂຄງລ່າງພື້ນຖານ ແລະ ດ້ານອື່ນໆຢ່າງກວ້າງຂວາງ ໃນໄລຍະ 5 ປີຜ່ານມາ. ປະເທດຍີ່ປຸ່ນຈະສືບຕໍ່ໃຫ້ການຊ່ວຍເຫຼືອປະເທດລາວ ໃນການປັບປຸງພື້ນຖານຊີວິດການເປັນຢູ່ຂັ້ນຮາກຖານຕໍ່ໄປ ເພື່ອຮັບປະກັນ “ບໍ່ໃຫ້ມີໃຜຖືກຖິ້ມໄວ້ທາງຫຼັງ” ຜ່ານການແກ້ໄຂຄວາມແຕກໂຕນໃນພາກພື້ນ.
(ຂ່າວ: ສຸກສະຫວັນ, ຂໍ້ມູນຈາກ: ສະຖານທູດຍີ່ປຸ່ນ)
ພິທີເຊັນສັນຍາດັ່ງກ່າວ, ເປັນການລົງນາມ ລະຫວ່າງ ທ່ານ ໂຄບະຢະຊິ ເຄັນອິຈິ ເອກອັກຄະຣາຊະທູດຍີ່ປຸ່ນ ປະຈໍາ ສປປ ລາວ ແລະ ທ່ານ ຄຳພອນ ສົມວິຈິດ ຫົວໜ້າພະແນກໂຍທາທິການ ແລະ ຂົນສົ່ງ ແຂວງສະຫວັນນະເຂດ ໂດຍມີ ທ່ານ ແສນສັກ ສຸລິສັກ ຮອງເຈົ້າແຂວງສະຫວັນນະເຂດ ເຂົ້າຮ່ວມເປັນສັກຂີພິຍານ.
ທ່ານ ແສນສັກ ສຸລິສັກ ໄດ້ມີຄຳເຫັນວ່າ: ເນື່ອງຈາກມີຝົນຕົກໜັກ ແລະ ລົມພັດແຮງໃນແຕ່ລະປີ ເຮັດໃຫ້ຂົວໄມ້ ເກົ່າໃນບ້ານນາຮັງນ້ອຍ ເປ່ເພເສຍຫາຍ ແລະ ມີຄວາມສ່ຽງອັນຕະລາຍໃນການໄປ-ມາຂອງປະຊາຊົນ ຊຶ່ງຜ່ານການຊ່ວຍເຫຼືອຈາກລັດຖະບານຍີ່ປຸ່ນໃນໂຄງການດັ່ງກ່າວ ພວກເຮົາຈະສາມາດສ້າງຂົວທີ່ໄດ້ຕາມມາດຕະຖານຂອງກະຊວງໂຍທາທິການ ແລະ ຂົນສົ່ງກໍານົດໄວ້, ການຊ່ວຍເຫຼືອອັນລ້ໍາຄ່າໃນຄັ້ງນີ້ ບໍ່ພຽງແຕ່ເປັນການຍົກລະດັບໂຄງລ່າງພື້ນຖານ ການຄົມມະນາຄົມໃນເມືອງອາດສະພອນເທົ່ານັ້ນ, ແຕ່ຍັງໄດ້ປະກອບສ່ວນເຂົ້າໃນການກະຕຸ້ນເສດຖະກິດ ລວມເຖິງການຄ້າຂາຍຜົນຜະລິດກະສິກໍາ ແລະ ການທ່ອງທ່ຽວ; ພ້ອມທັງ, ເປັນການປັບປຸງຊີວິດການເປັນຢູ່ຂອງປະຊາຊົນ ທີ່ອາໄສຢູ່ໃກ້ຄຽງກັບຂົວອີກດ້ວຍ.
ການສະໜອງທຶນຄັ້ງນີ້, ແມ່ນພາຍໃຕ້ໂຄງການເສີມສ້າງຄວາມຫມັ້ນຄົງຂອງມະນຸດຂັ້ນ ຮາກຖານ (GGP) ຊຶ່ງ ທ່ານ ໂຄບະຢະຊິ ເຄັນອິຈິ ກໍໄດ້ກ່າວວ່າ: ໂຄງການນີ້, ແມ່ນການສະໜອງທຶນທີ່ຈໍາເປັນ ໃຫ້ແກ່ໂຄງການຂະໜາດນ້ອຍ ທີ່ໃຫ້ຜົນປະໂຫຍດໂດຍກົງແກ່ປະຊາຊົນຜູ້ອາໄສ ແລະ ມີຈຸດປະສົງ ເພື່ອການ ພັດທະນາເສດຖະກິດ-ສັງຄົມຂອງປະເທດລາວ ໂດຍອີງຕາມຄວາມຕ້ອງການພື້ນຖານຂອງມະນຸດເປັນຫຼັກ. ຂະນະທີ່, ຂົວບ້ານນາຮັງນ້ອຍ ທີ່ມີໃນປັດຈຸບັນ ໄດ້ເກົ່າແກ່ຊຸດໂຊມລົງ ເຮັດໃຫ້ເກີດມີຄວາມສ່ຽງທີ່ຈະຖະຫຼົ່ມລົງ ຈຶ່ງໄດ້ມີການຫ້າມລົດບັນທຸກທີ່ຂົນຜົນຜະລິດຈາກຫມູ່ບ້ານເຂົ້າໄປໃນເມືອງ ຊຶ່ງໄດ້ສົ່ງຜົນກະທົບອັນໃຫຍ່ຫຼວງຕໍ່ຊີວິດການເປັນຢູ່ຂອງເຂົາເຈົ້າ. ດັ່ງນັ້ນ, ຊາວບ້ານຈຶ່ງຈໍາເປັນຕ້ອງໄດ້ນໍາໃຊ້ຂົວຂອງເມືອງໃກ້ຄຽງ ແລະ ຕ້ອງໄດ້ນໍາໃຊ້ທາງອ້ອມ ເພື່ອເຂົ້າໃນເມືອງ ອັນໄດ້ສ້າງຄວາມລໍາບາກໃຫ້ແກ່ປະຊາຊົນເປັນຢ່າງຍິ່ງ. ສະນັ້ນ, ການຊ່ວຍເຫຼືອນີ້ຈະຊ່ວຍໃຫ້ ການເດີນທາງໄປມາຂອງປະຊາຊົນໃນບ້ານນາຮັງນ້ອຍ ແລະ ບ້ານອ້ອມຂ້າງ ໄດ້ຮັບການປັບປຸງ; ພ້ອມທັງ, ເປັນການກະຕຸ້ນເສດຖະກິດ ແລະ ຍົກລະດັບສະພາບຊີວິດການເປັນຢູ່ຂອງປະຊາຊົນ ຜ່ານການຊ່ວຍເຫຼືອໃນຄັ້ງນີ້.
ຈາກການໃຫ້ທຶນຄັ້ງນີ້, ເຮັດໃຫ້ຈໍານວນເງິນທີ່ລັດຖະບານຍີ່ປຸ່ນ ໄດ້ໃຫ້ການສະໜັບສະໜຸນ ແກ່ແຂວງສະຫວັນນະເຂດ ລວມເປັນມູນຄ່າຫຼາຍກວ່າ 1.190.000 ໂດລາ ໂດຍເຂົ້າໃນດ້ານການສຶກສາ, ໂຄງລ່າງພື້ນຖານ ແລະ ດ້ານອື່ນໆຢ່າງກວ້າງຂວາງ ໃນໄລຍະ 5 ປີຜ່ານມາ. ປະເທດຍີ່ປຸ່ນຈະສືບຕໍ່ໃຫ້ການຊ່ວຍເຫຼືອປະເທດລາວ ໃນການປັບປຸງພື້ນຖານຊີວິດການເປັນຢູ່ຂັ້ນຮາກຖານຕໍ່ໄປ ເພື່ອຮັບປະກັນ “ບໍ່ໃຫ້ມີໃຜຖືກຖິ້ມໄວ້ທາງຫຼັງ” ຜ່ານການແກ້ໄຂຄວາມແຕກໂຕນໃນພາກພື້ນ.
(ຂ່າວ: ສຸກສະຫວັນ, ຂໍ້ມູນຈາກ: ສະຖານທູດຍີ່ປຸ່ນ)
ຄໍາເຫັນ