ເມື່ອບໍ່ດົນມານີ້, ລັດຖະບານຍີ່ປຸ່ນ ໄດ້ໃຫ້ການຊ່ວຍເຫຼືອ ມູນຄ່າປະມານ 188.000 ໂດລາ ໃນການສະໜັບສະໜູນໂຄງການສະໜອງອຸປະກອນ ເກັບຮັກສາ ແລະ ຂົນສົ່ງເລືອດ ໃຫ້ແກ່ສະຖາບັນເລືອດແຫ່ງຊາດ ອົງການກາແດງລາວ ເພື່ອຍົກລະດັບການນຳສົ່ງເລືອດ ໃນ 6 ແຂວງພາກເໜືອ ພາຍໃຕ້ໂຄງການເສີມສ້າງຄວາມໝັ້ນຄົງຂອງມະນຸດຂັ້ນຮາກຖານ (GGP)ໂດຍຈະໃຫ້ການສະໜັບສະໜູນທຶນຮອນ ເພື່ອຈັດຫາອຸປະກອນການແພດທີ່ສຳຄັນ ແລະ ຈໍາເປັນໃນວຽກງານການບໍລິການເລືອດໃນສູນເລືອດ ແຂວງຫຼວງພະບາງ ໂດຍການຮ່ວມລົງນາມ ລະຫວ່າງ ທ່ານ ໂຄບະຢະຊິ ເຄັນອິຈິເອກອັກຄະຣາຊະທູດຍີ່ປຸ່ນ ປະຈໍາ ສປປ ລາວ ແລະ ທ່ານ ຈັນທະລາ ສຸກສາຄອນ ຫົວໜ້າສະຖາບັນເລືອດແຫ່ງຊາດ ໂດຍມີ ທ່ານ ພູທອນ ເມືອງປາກ ປະທານອົງການກາແດງລາວ ແລະ ທ່ານ ຊິນຊຸເກະ ໂອກິລິ ຜູ້ອຳນວຍການບໍລິສັດ ໄດໂດ ຈຳກັດຜູ້ດຽວ ເຂົ້າຮ່ວມເປັນສັກຂີພິຍານ.
ທ່ານ ພູທອນ ເມືອງປາກ ໄດ້ມີຄຳເຫັນວ່າ: ໂຄງການດັ່ງກ່າວ ຊ່ວຍສ້າງຄວາມເຂັ້ມແຂງ ໃຫ້ແກ່ສູນເລືອດແຂວງຫຼວງພະບາງ ໃນການຕອບສະໜອງເລືອດ ແລະ ສ່ວນປະກອບຂອງເລືອດ ໃຫ້ແກ່ບັນດາແຂວງໃກ້ຄຽງ, ທັງເປັນການປະກອບສ່ວນເຂົ້າໃນການປັບປຸງ ການບໍລິການດ້ານສາທາລະນະສຸກ ຂອງລັດຖະບານລາວ ໂດຍຜ່ານການພັດທະນາ ແຜນຍຸດທະສາດເລືອດແຫ່ງຊາດ 2021-2030. ໂຄງ ການດັ່ງກ່າວແມ່ນ ລັດຖະບານຍີ່ປຸ່ນ ຈະໄດ້ສະໜອງອຸປະກອນການແພດ ທີ່ມີຄຸນນະພາບສູງ ຜ່ານການຮ່ວມມືກັບ ບໍລິສັດ ໄດໂດ ຈຳກັດຜູ້ດຽວ ປະເທດຍີ່ປຸ່ນ.ທ່ານ ຊິນຊຸເກະ ໂອກິລິ ຜູ້ອຳນວຍການບໍລິສັດ ໄດໂດ ຈຳກັດຜູ້ດຽວ ໄດ້ໃຫ້ຮູ້ວ່າ: ພວກເຮົາ ໄດ້ເລີ່ມສະໜອງອຸປະກອນຊ່ວຍເຫຼືອ ໃຫ້ແກ່ປະເທດລາວ ໃນໂຄງການຂັ້ນຮາກຖານປີ 2021, ນັບແຕ່ປີ 2022 ກໍໄດ້ມີການໝູນໃຊ້ໂຄງການຊ່ວຍເຫຼືອ ດ້ານການຖ່າຍທອດເຕັກນິກການແພດ ຈາກກະຊວງແຮງງານ-ສະຫວັດດີການສັງຄົມ ແລະ ສາທາລະນະສຸກຍີ່ປຸ່ນ ໂດຍການສົ່ງຜູ້ຊ່ຽວຊານດ້ານເລືອດຍີ່ປຸ່ນມາປະຈຳຢູ່ປະເທດລາວ ເພື່ອເປັນການປະກອບສ່ວນໃນການຍົກລະດັບຄວາມຮູ້ດ້ານການແພດ ແລະ ເລືອດໃນປະເທດລາວ. ນອກຈາກນີ້, ເພື່ອເພີ່ມປະລິມານການເກັບຮັກສາເລືອດໃນທົ່ວປະເທດ ຈຶ່ງມີຄວາມຈຳເປັນໃນການພັດທະນາ ລະບົບຕ່ອງໂສ້ຄວາມເຢັນ ແລະ ວິຊາສະເພາະການແພດລະດັບສູງເຊັ່ນ: ການປົວມະເຮັງ, ພວກເຮົາຈະສືບຕໍ່ໃຫ້ຄວາມຮ່ວມມື ເພື່ອສ້າງຄວາມເຂັ້ມແຂງດ້ານການບໍລິການເລືອດໃນອະນາຄົດ.
ຂ່າວ-ພາບ:ກະຊວງການຕ່າງປະເທດ
ທ່ານ ພູທອນ ເມືອງປາກ ໄດ້ມີຄຳເຫັນວ່າ: ໂຄງການດັ່ງກ່າວ ຊ່ວຍສ້າງຄວາມເຂັ້ມແຂງ ໃຫ້ແກ່ສູນເລືອດແຂວງຫຼວງພະບາງ ໃນການຕອບສະໜອງເລືອດ ແລະ ສ່ວນປະກອບຂອງເລືອດ ໃຫ້ແກ່ບັນດາແຂວງໃກ້ຄຽງ, ທັງເປັນການປະກອບສ່ວນເຂົ້າໃນການປັບປຸງ ການບໍລິການດ້ານສາທາລະນະສຸກ ຂອງລັດຖະບານລາວ ໂດຍຜ່ານການພັດທະນາ ແຜນຍຸດທະສາດເລືອດແຫ່ງຊາດ 2021-2030. ໂຄງ ການດັ່ງກ່າວແມ່ນ ລັດຖະບານຍີ່ປຸ່ນ ຈະໄດ້ສະໜອງອຸປະກອນການແພດ ທີ່ມີຄຸນນະພາບສູງ ຜ່ານການຮ່ວມມືກັບ ບໍລິສັດ ໄດໂດ ຈຳກັດຜູ້ດຽວ ປະເທດຍີ່ປຸ່ນ.ທ່ານ ຊິນຊຸເກະ ໂອກິລິ ຜູ້ອຳນວຍການບໍລິສັດ ໄດໂດ ຈຳກັດຜູ້ດຽວ ໄດ້ໃຫ້ຮູ້ວ່າ: ພວກເຮົາ ໄດ້ເລີ່ມສະໜອງອຸປະກອນຊ່ວຍເຫຼືອ ໃຫ້ແກ່ປະເທດລາວ ໃນໂຄງການຂັ້ນຮາກຖານປີ 2021, ນັບແຕ່ປີ 2022 ກໍໄດ້ມີການໝູນໃຊ້ໂຄງການຊ່ວຍເຫຼືອ ດ້ານການຖ່າຍທອດເຕັກນິກການແພດ ຈາກກະຊວງແຮງງານ-ສະຫວັດດີການສັງຄົມ ແລະ ສາທາລະນະສຸກຍີ່ປຸ່ນ ໂດຍການສົ່ງຜູ້ຊ່ຽວຊານດ້ານເລືອດຍີ່ປຸ່ນມາປະຈຳຢູ່ປະເທດລາວ ເພື່ອເປັນການປະກອບສ່ວນໃນການຍົກລະດັບຄວາມຮູ້ດ້ານການແພດ ແລະ ເລືອດໃນປະເທດລາວ. ນອກຈາກນີ້, ເພື່ອເພີ່ມປະລິມານການເກັບຮັກສາເລືອດໃນທົ່ວປະເທດ ຈຶ່ງມີຄວາມຈຳເປັນໃນການພັດທະນາ ລະບົບຕ່ອງໂສ້ຄວາມເຢັນ ແລະ ວິຊາສະເພາະການແພດລະດັບສູງເຊັ່ນ: ການປົວມະເຮັງ, ພວກເຮົາຈະສືບຕໍ່ໃຫ້ຄວາມຮ່ວມມື ເພື່ອສ້າງຄວາມເຂັ້ມແຂງດ້ານການບໍລິການເລືອດໃນອະນາຄົດ.
ຂ່າວ-ພາບ:ກະຊວງການຕ່າງປະເທດ
ຄໍາເຫັນ