ເນື່ອງໃນໂອກາດທີ່ທ່ານສີຈິ້ນຜິງເລຂາທິການໃຫຍ່ຄະນະກຳມະການສູນກາງພັກກອມມູນິດຈີນ ປະທານປະເທດຈີນເດີນທາງໄປຢ້ຽມຢາມຫວຽດນາມທາງລັດຖະກິດ, ລາຍການ“ຄຳບູຮານທີ່ທ່ານສີຈິ້ນຜິງມັກ” ພາກທີ 2 (ພາສາຫວຽດນາມ)ທີ່ຜະລິດໂດຍວິທະຍຸໂທລະພາບສູນກາງຈີນ ຫຼື CMG ນັ້ນໄດ້ເລີ່ມອອກອາກາດຢູ່ຫວຽດນາມໃນວັນທີ 11 ທັນວາຜ່ານມາ.
ທ່ານເຊີ້ນໄຫສົງ ຜູ້ອຳນວຍການໃຫຍ່ວິທະຍຸໂທລະພາບສູນກາງຈີນໄດ້ກ່າວໃນພິທີເລີ່ມອອກອາກາດລາຍການດັ່ງກ່າວວ່າ: ປີນີ້ແມ່ນປີທີ່ຈີນແລະ ຫວຽດນາມສ້າງສາຍພົວພັນຄູ່ຮ່ວມມືຍຸດທະສາດຮອບດ້ານຄົບຮອບ 15 ປີ. ປະມຸກລັດສອງປະເທດກ່າວເນັ້ນວ່າ, ຄວນເພີ່ມທະວີການແລກປ່ຽນບົດຮຽນດ້ານການປົກຄອງບໍລິຫານປະເທດ, ຊຸກຍູ້ໃຫ້ສາຍພົວພັນຈີນ-ຫວຽດນາມແລະ ພາລະກິດສັງຄົມນິຍົມສອງປະເທດໄດ້ຮັບປະສິດທິຜົນຫຼາຍກວ່າເກົ່າ. CMG ນຳສະເໜີລາຍການ “ຄຳບູຮານທີ່ທ່ານສີຈິ້ນຜິງມັກ” ພາກທີ 2 (ພາສາຫວຽດນາມ)ທີ່ເຕັມໄປດ້ວຍມົນສະເໜ່ແຫ່ງວັດທະນະທຳຈີນແລະພະລັງຊີວິດແຫ່ງຍຸກສະໄໝຕໍ່ຜູ້ຊົມຫວຽດນາມ, ເພື່ອແບ່ງປັນສະຕິປັນຍາແລະບົດຮຽນດ້ານການປົກຄອງບໍລິຫານປະເທດຂອງທ່ານສີຈິ້ນຜິງ ທີ່ສະແດງອອກໃນຄຳບູຮານເຫຼົ່ານີ້.
ຂ່າວ: ຊີອາໄອ
ອົງການໃຈບຸນສາກົນ ເດເຊເຣັດ (DIC) ມອບເຂົ້າສານ 300 ໂຕນ ໃຫ້ ສນຊ
ເພື່ອເປັນການປະກອບສ່ວນຮ່ວມໃຈບັນເທົາທຸກ ມອບນໍ້າໃຈໃຫ້ຜູ້ປະສົບໄພ, ໃນວັນທີ 14 ກັນຍາ 2026, ທີ່ສູນກາງແນວລາວສ້າງຊາດ (ສນຊ) ໄດ້ມີພິທີ ມອບ-ຮັບ ເຂົ້າສານ ຈຳນວນ 300 ໂຕນລວມມູນຄ່າ 248,017 ໂດລາ ຈາກອົງການໃຈບຸນສາກົນ ເດເຊເຣັດ (Deseret International Charities ຫຼື DIC) ເພື່ອສົ່ງຕໍ່ຄວາມຫ່ວງໃຍ ແລະ ໃຫ້ການຊ່ວຍເຫຼືອຟື້ນຟູຊີວິດການເປັນຢູ່ ຂອງປະຊາຊົນ ທີ່ໄດ້ຮັບຜົນກະທົບຢ່າງໜັກໜ່ວງຈາກໄພນ້ຳຖ້ວມ ຢູ່ 2 ແຂວງພາກໃຕ້ ຄື: ແຂວງສະຫວັນນະເຂດ ແລະ ແຂວງຈຳປາສັກ.
ຄໍາເຫັນ