ທ່ານ ນາງ ປິ່ງຄຳ ລາຊະສິມມາ ເລຂາທິການສະພາແຫ່ງຊາດ ໄດ້ຕ້ອນຮັບການເຂົ້າຢ້ຽມຂໍ່ານັບຂອງ ທ່ານ ຊ. ບັດບາທາຣ ຮອງເລຂາທິການໃຫຍ່ ສະພາຄູຣານໃຫຍ່ ແຫ່ງ ມົງໂກລີ ໃນວັນທີ 7 ພະຈິກ ນີ້ ທີ່ສະພາແຫ່ງຊາດລາວ ໃນໂອກາດທີ່ຄະນະຜູ້ແທນຂັ້ນສູງດັ່ງກ່າວ ເດີນທາງມາຢ້ຽມຢາມ ແລະ ເຮັດວຽກຢູ່ ສປປ ລາວ ລະຫວ່າງວັນທີ 6-14 ພະຈິກ 2023.
ໂອກາດນີ້, ທ່ານເລຂາທິການສະພາແຫ່ງຊາດ ໄດ້ກ່າວສະແດງຄວາມຍິນດີຕ້ອນຮັບ, ຕີລາຄາສູງ ຕໍ່ການການຢ້ຽມຢາມ ແລະ ເຮັດວຽກຢູ່ ສປປ ລາວ ຄັ້ງນີ້ ຊຶ່ງເປັນການປະກອບສ່ວນເສີມຂະຫຍາຍສາຍພົວພັນມິດຕະພາບອັນເປັນມູນເຊື້ອ ແລະ ການຮ່ວມມືທີ່ດີ ລະຫວ່າງ ສອງອົງການນິຕິບັນຍັດ ກໍຄື ລະຫວ່າງ ຄະນະເລຂາທິການສະພາແຫ່ງຊາດລາວ ແລະ ຫ້ອງວ່າການສະພາຄູຣານໃຫຍ່ມົງໂກລີ ໃຫ້ໄດ້ຮັບການເສີມຂະຫຍາຍແໜ້ນແຟ້ນຍິ່ງໆຂຶ້ນ. ພ້ອມນີ້, ກໍຍັງສະແດງຄວາມຊົມເຊີຍ ຕໍ່ການພົບປະສອງຝ່າຍລະຫວ່າງ ຮອງເລຂາທິການສະພາແຫ່ງຊາດລາວ ແລະ ຮອງເລຂາທິການໃຫຍ່ສະພາຄູຣານໃຫຍ່ມົງໂກລີ ໂດຍໄດ້ຮັບໝາກຜົນສໍາເລັດຢ່າງຈົບງາມ ໂດຍມີການປຶກສາຫາລື ແລະ ແລກປ່ຽນຄຳເຫັນນຳກັນຫຼາຍບັນຫາ ໂດຍສະເພາະແມ່ນການຊຸກຍູ້ ແລະ ສົ່ງເສີມການພົວພັນຮ່ວມມືສອງຝ່າຍທີ່ດີຢູ່ແລ້ວນັ້ນ ໃຫ້ໄດ້ຮັບການເພີ່ມພູນຄູນສ້າງຂຶ້ນໄປເລື້ອຍໆ.
ທ່ານ ນາງ ປິ່ງຄຳ ລາຊະສິມມາ ຍັງໄດ້ສະແດງຄວາມຂອບໃຈຕໍ່ການຊ່ວຍເຫຼືອຜ້າພົມ ຂອງສະພາຄູຣານໃຫຍ່ມົງໂກລີ ເພື່ອເປັນຂອງຂວັນ ໃຫ້ແກ່ສະພາແຫ່ງຊາດລາວ. ພ້ອມນີ້, ກໍໄດ້ນຳພາພະນັກງານເຕັກນິກ ມາຕິດຕັ້ງ ຊຶ່ງຈະເປັນການປະກອບສ່ວນໃນການເສີມຂະຫຍາຍສາຍພົວພັນມິດຕະພາບອັນເປັນມູນເຊື້ອ ແລະ ການຮ່ວມມືທີ່ດີງາມ ລະຫວ່າງ ສອງອົງການນິຕິບັນຍັດ ກໍຄື ປະຊາຊົນສອງຊາດ ລາວ ແລະ ມົງໂກລີ ໃຫ້ໄດ້ຮັບການພັດທະນາ ແລະ ເປັນຮູບປະທຳຍິ່ງໆຂຶ້ນ. ສຳລັບ, ຝ່າຍລາວ ກໍໄດ້ມອບໂຕະຕັ່ງ ຈຳນວນ 50 ຊຸດ ທີ່ ສປປ ລາວ ໄດ້ມອບໃຫ້ເປັນຂອງຂວັນ ໃຫ້ແກ່ສະພາຄູຣານໃຫຍ່, ປັດຈຸບັນ ໄດ້ຜະລິດສຳເລັດແລ້ວ ແລະ ໄດ້ສົ່ງໄປມົງໂກລີ ແລ້ວຈຳນວນໜຶ່ງ ນຳຍົນພິເສດ ຂອງປະທານາທິບໍດີມົງໂກລີ, ສ່ວນຈຳນວນທີ່ເຫຼືອຈະໄດ້ສົ່ງໄປມົງໂກລີ ໃນໄວໆນີ້, ສ່ວນຂັ້ນຕອນໃນການນຳໄປຕິດຕັ້ງແມ່ນຈະໄດ້ມີການປະສານງານຂອງສອງຝ່າຍ ລະອຽດຕື່ມ. ຕອນທ້າຍ, ທ່ານ ເລຂາທິການສະພາແຫ່ງຊາດ ກໍໄດ້ອວຍພອນໃຫ້ ທ່ານ ຊ. ບັດບາທາຣ ພ້ອມຄະນະ ປະສົບຜົນສຳເລັດ ໃນການເດີນທາງມາຢ້ຽມຢາມ ແລະ ເຮັດວຽກຢູ່ ສປປ ລາວ ຄັ້ງນີ້.
ໂອກາດດຽວກັນ, ທ່ານ ຊ. ບັດບາທາຣ ກໍໄດ້ຂອບໃຈຕໍ່ ທ່ານເລຂາທິການສະພາແຫ່ງຊາດ ໃນການຕ້ອນຮັບອັນອົບອຸ່ນ ແລະ ໄດ້ແຈ້ງແຜນການເຄື່ອນໄຫວຂອງຄະນະຕົນໃຫ້ຊາບ; ພ້ອມນີ້, ໄດ້ຕີລາຄາສູງການຮ່ວມມືລະຫວ່າງ ລາວ ແລະ ມົງໂກລີ ເວົ້າລວມ,ເວົ້າສະເພາະສອງອົງການນິຕິບັນຍັດ ໂດຍສະເພາະແມ່ນ ການຮ່ວມມື ລະຫວ່າງ ເລຂາທິການສະພາແຫ່ງຊາດລາວ ແລະ ເລຂາທິການໃຫຍ່ ສະພາຄູຣານໃຫຍ່ ແຫ່ງມົງໂກລີ.
(ຂ່າວ: ສຸກສະຫວັນ, ພາບ: ສະພາແຫ່ງຊາດ)
ໂອກາດນີ້, ທ່ານເລຂາທິການສະພາແຫ່ງຊາດ ໄດ້ກ່າວສະແດງຄວາມຍິນດີຕ້ອນຮັບ, ຕີລາຄາສູງ ຕໍ່ການການຢ້ຽມຢາມ ແລະ ເຮັດວຽກຢູ່ ສປປ ລາວ ຄັ້ງນີ້ ຊຶ່ງເປັນການປະກອບສ່ວນເສີມຂະຫຍາຍສາຍພົວພັນມິດຕະພາບອັນເປັນມູນເຊື້ອ ແລະ ການຮ່ວມມືທີ່ດີ ລະຫວ່າງ ສອງອົງການນິຕິບັນຍັດ ກໍຄື ລະຫວ່າງ ຄະນະເລຂາທິການສະພາແຫ່ງຊາດລາວ ແລະ ຫ້ອງວ່າການສະພາຄູຣານໃຫຍ່ມົງໂກລີ ໃຫ້ໄດ້ຮັບການເສີມຂະຫຍາຍແໜ້ນແຟ້ນຍິ່ງໆຂຶ້ນ. ພ້ອມນີ້, ກໍຍັງສະແດງຄວາມຊົມເຊີຍ ຕໍ່ການພົບປະສອງຝ່າຍລະຫວ່າງ ຮອງເລຂາທິການສະພາແຫ່ງຊາດລາວ ແລະ ຮອງເລຂາທິການໃຫຍ່ສະພາຄູຣານໃຫຍ່ມົງໂກລີ ໂດຍໄດ້ຮັບໝາກຜົນສໍາເລັດຢ່າງຈົບງາມ ໂດຍມີການປຶກສາຫາລື ແລະ ແລກປ່ຽນຄຳເຫັນນຳກັນຫຼາຍບັນຫາ ໂດຍສະເພາະແມ່ນການຊຸກຍູ້ ແລະ ສົ່ງເສີມການພົວພັນຮ່ວມມືສອງຝ່າຍທີ່ດີຢູ່ແລ້ວນັ້ນ ໃຫ້ໄດ້ຮັບການເພີ່ມພູນຄູນສ້າງຂຶ້ນໄປເລື້ອຍໆ.
ທ່ານ ນາງ ປິ່ງຄຳ ລາຊະສິມມາ ຍັງໄດ້ສະແດງຄວາມຂອບໃຈຕໍ່ການຊ່ວຍເຫຼືອຜ້າພົມ ຂອງສະພາຄູຣານໃຫຍ່ມົງໂກລີ ເພື່ອເປັນຂອງຂວັນ ໃຫ້ແກ່ສະພາແຫ່ງຊາດລາວ. ພ້ອມນີ້, ກໍໄດ້ນຳພາພະນັກງານເຕັກນິກ ມາຕິດຕັ້ງ ຊຶ່ງຈະເປັນການປະກອບສ່ວນໃນການເສີມຂະຫຍາຍສາຍພົວພັນມິດຕະພາບອັນເປັນມູນເຊື້ອ ແລະ ການຮ່ວມມືທີ່ດີງາມ ລະຫວ່າງ ສອງອົງການນິຕິບັນຍັດ ກໍຄື ປະຊາຊົນສອງຊາດ ລາວ ແລະ ມົງໂກລີ ໃຫ້ໄດ້ຮັບການພັດທະນາ ແລະ ເປັນຮູບປະທຳຍິ່ງໆຂຶ້ນ. ສຳລັບ, ຝ່າຍລາວ ກໍໄດ້ມອບໂຕະຕັ່ງ ຈຳນວນ 50 ຊຸດ ທີ່ ສປປ ລາວ ໄດ້ມອບໃຫ້ເປັນຂອງຂວັນ ໃຫ້ແກ່ສະພາຄູຣານໃຫຍ່, ປັດຈຸບັນ ໄດ້ຜະລິດສຳເລັດແລ້ວ ແລະ ໄດ້ສົ່ງໄປມົງໂກລີ ແລ້ວຈຳນວນໜຶ່ງ ນຳຍົນພິເສດ ຂອງປະທານາທິບໍດີມົງໂກລີ, ສ່ວນຈຳນວນທີ່ເຫຼືອຈະໄດ້ສົ່ງໄປມົງໂກລີ ໃນໄວໆນີ້, ສ່ວນຂັ້ນຕອນໃນການນຳໄປຕິດຕັ້ງແມ່ນຈະໄດ້ມີການປະສານງານຂອງສອງຝ່າຍ ລະອຽດຕື່ມ. ຕອນທ້າຍ, ທ່ານ ເລຂາທິການສະພາແຫ່ງຊາດ ກໍໄດ້ອວຍພອນໃຫ້ ທ່ານ ຊ. ບັດບາທາຣ ພ້ອມຄະນະ ປະສົບຜົນສຳເລັດ ໃນການເດີນທາງມາຢ້ຽມຢາມ ແລະ ເຮັດວຽກຢູ່ ສປປ ລາວ ຄັ້ງນີ້.
ໂອກາດດຽວກັນ, ທ່ານ ຊ. ບັດບາທາຣ ກໍໄດ້ຂອບໃຈຕໍ່ ທ່ານເລຂາທິການສະພາແຫ່ງຊາດ ໃນການຕ້ອນຮັບອັນອົບອຸ່ນ ແລະ ໄດ້ແຈ້ງແຜນການເຄື່ອນໄຫວຂອງຄະນະຕົນໃຫ້ຊາບ; ພ້ອມນີ້, ໄດ້ຕີລາຄາສູງການຮ່ວມມືລະຫວ່າງ ລາວ ແລະ ມົງໂກລີ ເວົ້າລວມ,ເວົ້າສະເພາະສອງອົງການນິຕິບັນຍັດ ໂດຍສະເພາະແມ່ນ ການຮ່ວມມື ລະຫວ່າງ ເລຂາທິການສະພາແຫ່ງຊາດລາວ ແລະ ເລຂາທິການໃຫຍ່ ສະພາຄູຣານໃຫຍ່ ແຫ່ງມົງໂກລີ.
(ຂ່າວ: ສຸກສະຫວັນ, ພາບ: ສະພາແຫ່ງຊາດ)
ຄໍາເຫັນ