ໜັງສືພິມເຢິນເຢີນປະຈຳລາວ ອວຍພອນໜັງສືພິມປະຊາຊົນໃນໂອກາດປີໃໝ່ລາວ

ເນື່ອງໃນໂອກາດປີໃໝ່ລາວ ພ.ສ 2567 ໃກ້ຈະມາເຖິງນີ້, ທ່ານ ຈິ້ງ ກັວກ ຢຸງ ຫົວໜ້າສຳນັກ ງານໜັງສືພິມເຢິນເຢີນສຽງຂອງສູນກາງພັກ-ລັດ ແລະ ປະຊາຊົນຫວຽດນາມປະຈຳລາວ ພ້ອມດ້ວຍຄະນະໄດ້ເຂົ້າອວຍພອນທ່ານ ວັນໄຊ ຕະວິນຍານ ຮອງຫົວໜ້າຄະນະໂຄສະນາອົບຮົມສູນກາງພັກຫົວໜ້າບັນນາທິການໃຫຍ່ໜັງສືພິມປະຊາຊົນໃນວັນທີ 10 ເມສານີ້ ທີ່ສຳນັກງານໜັງສືພິມປະຊາຊົນ.
ໃນໂອກາດນີ້, ທ່ານ ວັນໄຊ ຕະວິນຍານ ໄດ້ຕາງໜ້າຄະນະນຳ, ພະນັກງານ-ລັດຖະກອນໜັງສືພິມ ປະຊາຊົນ ສະແດງຄວາມຂອບໃຈຕໍ່ທ່ານ ຈິ້ງ ກັວກ ຢຸງ ພ້ອມຄະນະ ແລະ ອວຍພອນໃຫ້ການນຳໜັງສືພິມເຢີນເຢີນສຽງຂອງສູນກາງພັກ-ລັດ ແລະ ປະຊາຊົນຫວຽດນາມປະຈຳລາວຈົ່ງມີສຸຂະພາບແຂງແຮງ ປະສົບຜົນສຳເລັດໃນໜ້າທີ່ວຽກງານຍາດໄດ້ຜົນງານໃໝ່ໃຫຍ່ຫຼວງກວ່າເກົ່າ, ອວຍພອນແດ່ມິດຕະພາບ ແລະ ການຮ່ວມມືລາວ-ຫວຽດນາມ. ເວົ້າລວມ, ເວົ້າສະເພາະໜັງສືພິມປະຊາຊົນ ແລະ ໜັງສືພິມເຢິນເຢີນ ຈົ່ງເຂົ້າສູ່ລວງເລິກ ແລະ ຈະເລີນງອກງາມຍິ່ງໆຂຶ້ນໄປ. ພ້ອມນີ້, ທ່ານຈິ້ງກັວກຢຸງ ກໍໄດ້ອວຍພອນໃຫ້ພະນັກງານໜັງສືພິມປະຊາຊົນ ຈົ່ງມີສຸຂະພາບແຂງແຮງ, ມີຄວາມສຸກໃນຊີວິດສ່ວນຕົວ ແລະ ຄອບຄົວ ປະສົບຜົນສຳເລັດໃນໜ້າທີ່ວຽກງານທຸກປະການ ແລະ ຈະເລີນຮຸ່ງເຮືອງຂຶ້ນໄປເລື້ອຍໆ.
ຂ່າວ-ພາບ: ວັນເພັງ