ພິທີເປີດຊຸດອົບຮົມວຽກງານຄຸ້ມຄອງສື່ມວນຊົນໃນໄລຍະໃໝ່ ໃຫ້ພະນັກງານນຳພາ-ຄຸ້ມຄອງໃນຂົງເຂດສື່ມວນຊົນຂອງລາວ ໄດ້ຈັດຂຶ້ນໃນວັນທີ 3 ຕຸລາ ນີ້ ທີ່ສະຖາບັນໂຄສະນາ ແລະ ຂ່າວສານ ນະຄອນຫຼວງຮ່າໂນ້ຍ ສສ ຫວຽດນາມ ໂດຍມີ ທ່ານ ມາຍດຶກນອກ ປະທານສະພາສະຖາບັນໂຄສະນາ ແລະ ຂ່າວສານ; ທ່ານ ຟ້າມມິງເຊີນ ຫົວໜ້າສະຖາບັນໂຄສະນາ ແລະ ຂ່າວສານ ສສ ຫວຽດນາມ; ຜູ້ຕາງໜ້າຈາກສະຖານທູດລາວ ປະຈຳ ສສ ຫວຽດນາມ ແລະ ພາກສ່ວນກ່ຽວຂ້ອງເຂົ້າຮ່ວມ.
ຊຸດອົບຮົມຄັ້ງນີ້, ສໍາມະນາກອນຈະໄດ້ຝຶກອົບຮົມໄລຍະ2 ເດືອນ ຊຶ່ງຈະໄດ້ຮຽນຮູ້ ແລະ ແລກປ່ຽນບົດຮຽນ, ປະສົບການຫຼາຍດ້ານ ກັບຄູ-ອາຈານທີ່ມີປະສົບການ ຂອງ ສສ ຫວຽດນາມ, ເພື່ອເປັນການເພີ່ມທັກສະ, ຄວາມຮູ້, ຄວາມສາມາດ ໃຫ້ພະນັກງານນຳພາ- ຄຸ້ມຄອງວຽກງານສື່ມວນຊົນ ຂອງລາວ ໄດ້ນຳໄປໝູນໃຊ້ໃນວຽກງານຕົວຈິງຢ່າງມີປະສິດທິພາບ ແລະ ປະສິດທິຜົນ. ໃນນັ້ນ ຈະໄດ້ແລກປ່ຽນບົດຮຽນກ່ຽວກັບ ການນຳພາຂອງພັກ ແລະ ການຄຸ້ມຄອງຂອງລັດຕໍ່ວຽກງານສື່ມວນຊົນໃນໄລຍະໃໝ່; ການຫັນວຽກງານສື່ມວນຊົນເປັນດີຈີຕອນ; ບົດຮຽນການຄຸ້ມຄອງວຽກງານສື່ມວນຊົນຂອງ ສສ ຫວຽດນາມ; ບົດບາດຂອງສື່ມວນຊົນໃນການນຳພາຫາງສຽງສັງຄົມໃນໄລຍະໃໝ່ ແລະ ອື່ນໆ. ນອກຈາກນີ້ ຍັງຈະໄດ້ໄປທັດສະນະສຶກສາຢູ່ບັນດາອົງການສື່ສານມວນຊົນຂອງຫວຽດນາມ ທັງຢູ່ສູນກາງ ແລະ ທ້ອງຖິ່ນ. ໃນຊຸດອົບຮົມມີສຳມະນາກອນ ຈາກ ສປປ ລາວ ເຂົ້າຮ່ວມທັງໝົດ 15 ທ່ານ ທີ່ເປັນພະນັກງານນຳພາ-ຄຸ້ມຄອງວຽກງານສື່ມວນຊົນ ຢູ່ຂັ້ນສູນກາງ ແລະ ທ້ອງຖິ່ນ.
ໃນໂອກາດດັ່ງກ່າວ, ທ່ານ ຟ້າມມິງເຊີນ ໄດ້ຍົກໃຫ້ເຫັນວ່າ: ຊຸດຝຶກອົບຮົມຄັ້ງນີ້ ແມ່ນໂຄງການຮ່ວມມືຂອງສອງພັກ ສອງລັດຖະບານລາວ-ຫວຽດນາມ ທີ່ມີມາຫຼາຍປີ ເພື່ອແນໃສ່ສ້າງຄວາມເຂັ້ມແຂງ ໃຫ້ພະນັກງານນຳພາ-ຄຸ້ມຄອງຂອງລາວ, ໂດຍສະເພາະແມ່ນໃນຂົງເຂດສື່ມວນຊົນ ຊຶ່ງຜ່ານມາທັງສອງປະເທດໄດ້ມີການຮ່ວມມືກັນເປັນຢ່າງດີ ແລະ ມີປະສິດທິຜົນສູງພໍສົມຄວນ ອັນເປັນການປະກອບສ່ວນເຮັດໃຫ້ການພົວພັນຮ່ວມມືລະຫວ່າງສອງພັກ ສອງລັດ ແລະ ປະຊາຊົນສອງຊາດ ລາວ-ຫວຽດນາມ ນັບມື້ແຕກດອກອອກຜົນຍິ່ງໆຂຶ້ນ, ທັງເປັນການສະແດງໃຫ້ເຫັນວ່າ ສາຍພົວພັນແບບພິເສດ ແລະ ການຮ່ວມມືຮອບດ້ານ ຂອງສອງປະເທດ ລາວ-ຫວຽດນາມ ຍາມໃດກໍຍັງໄດ້ຮັບການຖະນຸຖະໜອມໃຫ້ສວຍສົດງົດງາມຕະຫຼອດໄປ.
ພ້ອມດຽວກັນ ທ່ານ ໄພບູນ ພິລາທອງ ຫົວໜ້າພະແນກຄຸ້ມຄອງຜະລິດຕະພັນສື່ມວນຊົນ ຂອງກົມສື່ມວນຊົນກະຊວງຖະແຫຼງຂ່າວ, ວັດທະນະທຳ ແລະ ທ່ອງທ່ຽວ(ຖວທ) ໃນນາມຫົວໜ້າຄະນະ ໄດ້ສະແດງຄວາມດີໃຈທີ່ໄດ້ເຂົ້າຮ່ວມຝຶກອົບຮົມໃນວຽກງານສຳຄັນດັ່ງກ່າວ ແລະ ຈະນຳເອົາບົດຮຽນອັນລໍ້າຄ່າຈາກຄູ-ອາຈານ ກໍຄືຜູ້ມີປະສົບການ ຂອງ ສສ ຫວຽດ ນາມ ທີ່ຖ່າຍທອດໃຫ້ໄປໝູນໃຊ້ໃນວຽກງານຕົວຈິງທີ່ຮັບຜິດຊອບຢ່າງມີຜົນສຳເລັດ ໂດຍສະເພາະແມ່ນວຽກງານການຄຸ້ມຄອງສື່ມວນຊົນໃນໄລຍະໃໝ່ ເພື່ອໃຫ້ສື່ມວນຊົນສາມາດປະຕິບັດໜ້າທີ່ເປັນກະບອກສຽງໃຫ້ແກ່ສັງຄົມໄດ້ຢ່າງມີຄຸນນະພາບຍິ່ງຂຶ້ນ.
ຂ່າວ: ວຽງຈັນໃໝ່
ຊຸດອົບຮົມຄັ້ງນີ້, ສໍາມະນາກອນຈະໄດ້ຝຶກອົບຮົມໄລຍະ2 ເດືອນ ຊຶ່ງຈະໄດ້ຮຽນຮູ້ ແລະ ແລກປ່ຽນບົດຮຽນ, ປະສົບການຫຼາຍດ້ານ ກັບຄູ-ອາຈານທີ່ມີປະສົບການ ຂອງ ສສ ຫວຽດນາມ, ເພື່ອເປັນການເພີ່ມທັກສະ, ຄວາມຮູ້, ຄວາມສາມາດ ໃຫ້ພະນັກງານນຳພາ- ຄຸ້ມຄອງວຽກງານສື່ມວນຊົນ ຂອງລາວ ໄດ້ນຳໄປໝູນໃຊ້ໃນວຽກງານຕົວຈິງຢ່າງມີປະສິດທິພາບ ແລະ ປະສິດທິຜົນ. ໃນນັ້ນ ຈະໄດ້ແລກປ່ຽນບົດຮຽນກ່ຽວກັບ ການນຳພາຂອງພັກ ແລະ ການຄຸ້ມຄອງຂອງລັດຕໍ່ວຽກງານສື່ມວນຊົນໃນໄລຍະໃໝ່; ການຫັນວຽກງານສື່ມວນຊົນເປັນດີຈີຕອນ; ບົດຮຽນການຄຸ້ມຄອງວຽກງານສື່ມວນຊົນຂອງ ສສ ຫວຽດນາມ; ບົດບາດຂອງສື່ມວນຊົນໃນການນຳພາຫາງສຽງສັງຄົມໃນໄລຍະໃໝ່ ແລະ ອື່ນໆ. ນອກຈາກນີ້ ຍັງຈະໄດ້ໄປທັດສະນະສຶກສາຢູ່ບັນດາອົງການສື່ສານມວນຊົນຂອງຫວຽດນາມ ທັງຢູ່ສູນກາງ ແລະ ທ້ອງຖິ່ນ. ໃນຊຸດອົບຮົມມີສຳມະນາກອນ ຈາກ ສປປ ລາວ ເຂົ້າຮ່ວມທັງໝົດ 15 ທ່ານ ທີ່ເປັນພະນັກງານນຳພາ-ຄຸ້ມຄອງວຽກງານສື່ມວນຊົນ ຢູ່ຂັ້ນສູນກາງ ແລະ ທ້ອງຖິ່ນ.
ໃນໂອກາດດັ່ງກ່າວ, ທ່ານ ຟ້າມມິງເຊີນ ໄດ້ຍົກໃຫ້ເຫັນວ່າ: ຊຸດຝຶກອົບຮົມຄັ້ງນີ້ ແມ່ນໂຄງການຮ່ວມມືຂອງສອງພັກ ສອງລັດຖະບານລາວ-ຫວຽດນາມ ທີ່ມີມາຫຼາຍປີ ເພື່ອແນໃສ່ສ້າງຄວາມເຂັ້ມແຂງ ໃຫ້ພະນັກງານນຳພາ-ຄຸ້ມຄອງຂອງລາວ, ໂດຍສະເພາະແມ່ນໃນຂົງເຂດສື່ມວນຊົນ ຊຶ່ງຜ່ານມາທັງສອງປະເທດໄດ້ມີການຮ່ວມມືກັນເປັນຢ່າງດີ ແລະ ມີປະສິດທິຜົນສູງພໍສົມຄວນ ອັນເປັນການປະກອບສ່ວນເຮັດໃຫ້ການພົວພັນຮ່ວມມືລະຫວ່າງສອງພັກ ສອງລັດ ແລະ ປະຊາຊົນສອງຊາດ ລາວ-ຫວຽດນາມ ນັບມື້ແຕກດອກອອກຜົນຍິ່ງໆຂຶ້ນ, ທັງເປັນການສະແດງໃຫ້ເຫັນວ່າ ສາຍພົວພັນແບບພິເສດ ແລະ ການຮ່ວມມືຮອບດ້ານ ຂອງສອງປະເທດ ລາວ-ຫວຽດນາມ ຍາມໃດກໍຍັງໄດ້ຮັບການຖະນຸຖະໜອມໃຫ້ສວຍສົດງົດງາມຕະຫຼອດໄປ.
ພ້ອມດຽວກັນ ທ່ານ ໄພບູນ ພິລາທອງ ຫົວໜ້າພະແນກຄຸ້ມຄອງຜະລິດຕະພັນສື່ມວນຊົນ ຂອງກົມສື່ມວນຊົນກະຊວງຖະແຫຼງຂ່າວ, ວັດທະນະທຳ ແລະ ທ່ອງທ່ຽວ(ຖວທ) ໃນນາມຫົວໜ້າຄະນະ ໄດ້ສະແດງຄວາມດີໃຈທີ່ໄດ້ເຂົ້າຮ່ວມຝຶກອົບຮົມໃນວຽກງານສຳຄັນດັ່ງກ່າວ ແລະ ຈະນຳເອົາບົດຮຽນອັນລໍ້າຄ່າຈາກຄູ-ອາຈານ ກໍຄືຜູ້ມີປະສົບການ ຂອງ ສສ ຫວຽດ ນາມ ທີ່ຖ່າຍທອດໃຫ້ໄປໝູນໃຊ້ໃນວຽກງານຕົວຈິງທີ່ຮັບຜິດຊອບຢ່າງມີຜົນສຳເລັດ ໂດຍສະເພາະແມ່ນວຽກງານການຄຸ້ມຄອງສື່ມວນຊົນໃນໄລຍະໃໝ່ ເພື່ອໃຫ້ສື່ມວນຊົນສາມາດປະຕິບັດໜ້າທີ່ເປັນກະບອກສຽງໃຫ້ແກ່ສັງຄົມໄດ້ຢ່າງມີຄຸນນະພາບຍິ່ງຂຶ້ນ.
ຂ່າວ: ວຽງຈັນໃໝ່
ຄໍາເຫັນ