ຍົກລະດັບວຽກງານສະກັດກັ້ນ ແລະ ຕ້ານອາຊະຍາກຳສັດປ່າ

ການຝຶກອົບຮົບຄັ້ງນີ້, ເພື່ອຖ່າຍທອດບົດຮຽນ ປະສົບການ ຄວາມຮູ້ ແລະ ເຕັກນິກຕ່າງໆ ຈາກຜູ້ຊ່ຽວຊານໂຄງການ ເພື່ອເຜີຍແຜ່ແລກປ່ຽນບົດຮຽນ ປະສົບການໃຫ້ນັກສຳມະນາກອນ ສາມາດຫັນເປັນມືອາຊີບໃນການເປັນຜູ້ນຳດ້ານວຽກງານສະກັດກັ້ນ ແລະ ຕ້ານອາຊະຍາກຳສັດປ່າ. ການຝຶກອົບຮົມ ແມ່ນນຳສະເໜີພາກທິດສະດີ ຜູ້ເຂົ້າຮ່ວມໄດ້ຮຽນຮູ້ກ່ຽວກັບເຕັກນິກວິທີການ, ກຳນົດຄວາມເປັນມາຂອງຫົວບົດ, ກຳນົດວິທີການແກ້ໄຂບັນຫາ, ກໍານົດຄາດຄະເນຕົວຊີ້ວັດຂອງໂຄງການ ແລະ ວາງແຜນດ້ານບຸກຄະລາກອນ ແລະ ງົບປະມານ.

ໂອກາດນີ້, ທ່ານປະທານໄດ້ມີທິດຊີ້ນຳໃຫ້ນັກສຳມະນາກອນເອົາໃຈໃສ່ ຄົ້ນຄວ້າ ແລະ ແລກປ່ຽນບົດຮຽນນໍາຜູ້ຊ່ຽວຊານ ແລະ ວິທະຍາກອນ ໃນວຽກງານການສ້າງຄວາມເຂັ້ມແຂງໃນການບໍລິຫານໂຄງການ, ການວິເຄາະ ແລະ ການນໍາໃຊ້ຜົນການວິເຄາະເຂົ້າໃນວຽກງານຕົວຈິງ ໂດຍໄດ້ຮັບການສະໜັບສະໜູນງົບປະມານຈາກສະຫະ ພາບເອີຣົບ ໂດຍຜ່ານກິດຈະກຳຂອງໂຄງການ GUARD ເພື່ອຫຼຸດຜ່ອນ ແລະ ລົບລ້າງອາຊະຍາກຳສັດປ່າສາກົນ ຮ່ວມມືຈັດຕັ້ງປະຕິບັດກິດຈະກຳໂດຍອົງການ ICCWC ແລະ ອົງການອະນຸລັກສັດປ່າປະຈຳ ສປປ ລາວ.

ຂ່າວ: ວຽງຈັນໃໝ່