(ຫ້ອງການຜູ້ປະສານງານອົງການສະຫະປະຊາຊາດ, ອົງການສະຫະປະຊາຊາດ ເພື່ອການພັດທະນາ, ອົງການອາຫານ ແລະການກະເສດ, ອົງການສະຫະປະຊາຊາດ ດ້ານເຄຫາສະຖານ ແລະອົງການຈັດຕັ້ງສາກົນເພື່ອການຍ້າຍຖິ່ນຖານ) ໄດ້ໄປເຄື່ອນໄຫວຢ້ຽມຢາມແລະຊຸກຍູ້ການຈັດຕັ້ງປະຕິບັດກິດຈະກຳພາກສະໜາມເພື່ອສ້າງຄວາມເຂັ້ມແຂງໃນການວາງແຜນ, ການຕິດຕາມກົນໄກການປະສານງານ, ການລາຍງານແລະການສະໜັບສະໜູນການຈັດຕັ້ງປະຕິບັດແຜນພັດທະນາເສດຖະກິດ-ສັງຄົມແຫ່ງຊາດ 5 ປີຄັ້ງທີIX. ພາຍໃຕ້ການນຳພາຂອງ ທ່ານ ນາງ ພອນວັນ ອຸທະວົງ ຮອງລັດຖະມົນຕີ ກະຊວງແຜນການ ແລະການລົງທຶນແລະ ທ່ານ ບັກໂຄເດັຍ ເບີຄະນອຟ ຜູ້ປະສານງານອົງການສະຫະປະຊາຊາດ ປະຈຳ ສປປ ລາວ.
ໃນໂອກາດມາເຮັດວຽກໃນຄັ້ງນີ້ ທ່ານ ນາງ ພອນວັນ ອຸທະວົງ ຮອງລັດຖະມົນຕີ ກະຊວງແຜນການ ແລະ ການລົງທຶນ ໄດ້ນໍາພາ ທ່ານ ບັກໂຄເດັຍ ເບີຄະນອຟ ເຂົ້າຢ້ຽມຂໍ່ານັບ ທ່ານ ທອງຈັນ ມະນີໄຊ ເຈົ້າແຂວງບໍ່ແກ້ວ ເພື່ອລາຍງານສະພາບການຮ່ວມມື ພາຍໃຕ້ການສະໜັບສະໜູນຂອງ ອົງການສະຫະປະຊາຊາດ ພ້ອມທັງແຈ້ງຈຸດປະສົງ ແລະແຜນການເຄືອນໄຫວໃຫ້ແກ່ທ່ານເຈົ້າແຂວງບໍ່ແກ້ວ ຊາບ.
ຈຸດປະສົງ ໃນການຢ້ຽມຢາມໃນຄັ້ງນີ້ ເພື່ອເປັນການສົ່ງເສີມການຮ່ວມມືລະຫວ່າງລັດຖະບານສປປລາວ ກໍຄືແຂວງບໍ່ແກ້ວແລະບັນດາອົງການເຄືອຂ່າຍສະຫະປະຊາຊາດໂດຍສະເພາະຂອດການປະສານງານ ແລະການຈັດຕັ້ງປະຕິບັດແຜນງານ/ໂຄງການ, ສ້າງຄວາມເຂົ້າໃຈກ່ຽວກັບສິ່ງທ້າທາຍທັງພາຍໃນ ແລະສາກົນ ຕໍ່ກັບສະພາບຄວາມຮຽກຮ້ອງຕ້ອງການຂອງການພັດທະນາ ໃນປັດຈຸບັນ.ທັ້ງນີ້, ກໍເພື່ອແນໃສ່ກໍານົດເປົ້າໝາຍການຮ່ວມມືໃນຕໍ່ໜ້າ ລະຫວ່າງ ລັດຖະບານ ສປປ ລາວ ກໍຄືແຂວງບໍ່ແກ້ວຮ່ວມກັບບັນດາ ອົງການເຄືອຂ່າຍສະຫະປະຊາຊາດ.
ພາຍຫຼັງທີ່ສຳເລັດການຢ້ຽມຂໍ່ານັບອຳນາດການປົກຄອງແຂວງແລ້ວໃນຕອນບ່າຍຂອງວັນດຽວກັນຄະນະດັ່ງກ່າວຮ່ວມກັບພະແນກແຜນການແລະການລົງທືນແຂວງບໍ່ແກ້ວແລະພາກສ່ວນທີ່ກ່ຽວຂ້ອງໄດ້ເດີນທາງໄປຢ້ຽມຢາມ ສູນໃຫ້ຄຳປຶກສາແລະປົກປ້ອງແມ່ຍິງເພື່ອເບີ່ງກິດຈະກຳການສົ່ງເສີມຄວາມປອດໄພ, ການຮັກສາຄວາມລັບ, ການບໍ່ຈໍາແນກແລະການເຄົາລົບໃນທາງເລືອກຂອງຜູ້ລອດຊີວິດ. ຫຼັງຈາກນັ້ນ, ກໍໄດ້ໄປຢ້ຽມຢາມຂົວມິດຕະພາບ ແຫ່ງທີ 4 ເພື່ອເບິ່ງກິດຈະກໍາ ການອໍານວຍຄວາມສະດວກສໍາລັບການເຄື່ອນຍ້າຍແຮງງານຂອງ ບັນດາປະເທດທີມີຊາຍແດນຕິດກັບເມືອງຫ້ວຍຊາຍແຂວງບໍ່ແກ້ວ.
ໃນວັນທີ 21ສິງຫາ 2024,ຄະນະຜູ້ແທນລະດັບສູງຈາກສູນກາງພ້ອມດ້ວຍທີມງານໄດ້ເດີນທາງໄປຢ້ຽມຢາມພົບປະກັບຄະນະຫ້ອງການເຂດເສດຖະກິດພິເສດແລະພາກສ່ວນກ່ຽວຂ້ອງເພື່ອຮັບຟັງລາຍງານພາບລວມການຈັດຕັ້ງປະຕິບັດວຽກງານແລະຂໍ້ສະເໜີພ້ອມທັງແລກປ່ຽນຄວາມຄິດໃນການພັດທະນາ, ຢ້ຽມຢາມດ່ານຊາຍແດນສາກົນ, ຢ້ຽມຢາມຕະຫຼາດດອນຊາວເຂດເສດຖະກິດພິເສດແລະໂຄງການກອງທຶນສິ່ງແວດລ້ອມໂລກແຜນງານໂຄງການຂະໜາດນ້ອຍ ການປັບຕົວຕໍ່ກັບການປ່ຽນແປງດິນຟ້າອາກາດເພື່ອສົມເສີມການຜະລິດກະສິກຳທີ່ຍືນຍົງ.
ຂ່າວ: ກະຊວງແຜນການ
ຄໍາເຫັນ