ວັນທີ 5 ພະຈິກນີ້ທີ່ນະຄອນຫຼວງວຽງຈັນ, ທ່ານ ບຸນຂວາງ ຄໍາບຸນເຮືອງ ອະດີດຮອງລັດຖະມົນຕີກະຊວງກະສິກໍາ ແລະ ປ່າໄມ້ປະທານສະມາຄົມມິດຕະພາບ ລາວ-ມົງໂກລີ ໄດ້ເຂົ້າຢ້ຽມຂໍ່ານັບ ພະນະທ່ານ ຄູເຣລສຸກຄ໌ ໂອຄະນາປະທານາທິບໍດີ ແຫ່ງ ມົງໂກລີ, ໃນໂອກາດທີ່ຄະນະຜູ້ແທນຂັ້ນສູງ ມົງໂກລີ ເດີນທາງມາຢ້ຽມຢາມລັດຖະກິດ ທີ່ ສປປ ລາວ ໃນວັນທີ 5-6 ພະຈິກ 2023.
ໃນໂອກາດນີ້, ທ່ານປະທານສະມາຄົມມິດຕະພາບ ລາວ-ມົງໂກລີ ໄດ້ສະແດງຄວາມຂອບໃຈ ແລະ ຮູ້ສຶກເປັນກຽດຢ່າງສູງ ທີ່ ພະນະທ່ານປະທານາທິບໍດີ ມົງໂກລີ ໄດ້ສະຫຼະເວລາ ແລະ ຕ້ອນຮັບການເຂົ້າຢ້ຽມຂໍ່ານັບໃນຄັ້ງນີ້, ພ້ອມທັງໄດ້ຕີລາຄາສູງຕໍ່ການຢ້ຽມຢາມຄັ້ງນີ້ວ່າ: ຈະເປັນການປະກອບສ່ວນສໍາຄັນເຂົ້າໃນການເສີມຂະຫຍາຍ ແລະ ເພີ່ມພູນຄູນສ້າງສາຍພົວພັນມິດຕະພາບທີ່ເປັນມູນເຊື້ອອັນດີງາມ ແລະ ການຮ່ວມມື ລະຫວ່າງ ສອງປະເທດ ກໍຄື ລະຫວ່າງ ປະຊາຊົນສອງຊາດ ລາວ ແລະ ມົງໂກລີ ໃຫ້ນັບມື້ນັບແໜ້ນແຟ້ນ ແລະ ເກີດດອກອອກຜົນເປັນກ້າວໆ. ທ່ານ ບຸນຂວາງ ຄໍາບຸນເຮືອງ ໄດ້ສະແດງຄວາມຊົມເຊີຍຕໍ່ຜົນສໍາເລັດຂອງປະຊາຊົນມົງໂກລີ ທີ່ຍາດມາໄດ້ໃນພາລະກິດປົກປັກຮັກສາ ແລະ ສ້າງສາພັດທະນາປະເທດຊາດ, ພ້ອມທັງໄດ້ລາຍງານຫຍໍ້ກ່ຽວກັບການເຄື່ອນໄຫວຂອງສະມາຄົມມິດຕະພາບ ລາວ-ມົງໂກລີ ໃນໄລຍະຜ່ານມາ ຊຶ່ງໃນເດືອນກັນຍາ 2023 ຜ່ານມາ ຄະນະຜູ້ແທນສະມາຄົມດັ່ງກ່າວ ກໍໄດ້ໄປຢ້ຽມຢາມ ແລະ ເຮັດວຽກຢູ່ມົງໂກລີ ເພື່ອສືບຕໍ່ຊຸກຍູ້ການພົວພັນຮ່ວມມືດ້ານການທູດປະຊາຊົນ ລະຫວ່າງ ສອງປະເທດ ໃນຕໍ່ໜ້າ ໂດຍສະເພາະແມ່ນການຊຸກຍູ້ໃຫ້ປະຊາຊົນມີການໄປມາຫາສູ່, ຮ່ວມມື ແລະ ຊ່ວຍເຫຼືອຊຶ່ງກັນ ແລະ ກັນ. ໃນໂອກາດດັ່ງກ່າວ, ທ່ານປະທານສະມາຄົມມິດຕະພາບ ລາວ-ມົງໂກລີ ໄດ້ສະແດງຄວາມຂອບໃຈຢ່າງຈິງໃຈ ຕໍ່ລັດຖະບານ ແລະ ປະຊາຊົນມົງໂກລີ ທີ່ໄດ້ໃຫ້ການຊ່ວຍເຫຼືອ ແກ່ລັດຖະບານລາວ ກໍຄື ປະຊາຊົນລາວ ຕະຫຼອດໄລຍະຜ່ານມາ.
ໃນຂະນະດຽວກັນ, ພະນະທ່ານ ຄູເຣລສຸກຄ໌ ໂອຄະນາ ກໍໄດ້ສະແດງຄວາມຊົມເຊີຍ ແລະ ຕີລາຄາສູງ ຕໍ່ໝາກຜົນຂອງການເຄື່ອນໄຫວຂອງສອງສະມາຄົມມິດຕະພາບ ມົງໂກລີ-ລາວ, ລາວ-ມົງໂກລີ ໃນໄລຍະຜ່ານມາ, ພ້ອມທັງໄດ້ໃຫ້ທິດເຍືອງທາງແກ່ສອງສະມາຄົມດັ່ງກ່າວ ຈົ່ງສືບຕໍ່ຮັດແໜ້ນສາຍພົວພັນ ແລະ ການຮ່ວມມືນໍາກັນ ໃຫ້ຫຼາຍຂຶ້ນຕື່ມ ເພື່ອປະກອບສ່ວນໃນການສົ່ງເສີມສາຍພົວພັນມິດຕະພາບທີ່ເປັນມູນເຊື້ອ ແລະ ການຮ່ວມມືທີ່ດີ ລະຫວ່າງສອງປະເທດ ເພື່ອນໍາເອົາຜົນປະໂຫຍດສູງສຸດມາສູ່ປະຊາຊົນສອງຊາດ ມົງໂກລີ-ລາວ ໃນອະນາຄົດ.
(ຂ່າວ: ກົມການຂ່າວ, ກະຊວງການຕ່າງປະເທດ)
ໃນໂອກາດນີ້, ທ່ານປະທານສະມາຄົມມິດຕະພາບ ລາວ-ມົງໂກລີ ໄດ້ສະແດງຄວາມຂອບໃຈ ແລະ ຮູ້ສຶກເປັນກຽດຢ່າງສູງ ທີ່ ພະນະທ່ານປະທານາທິບໍດີ ມົງໂກລີ ໄດ້ສະຫຼະເວລາ ແລະ ຕ້ອນຮັບການເຂົ້າຢ້ຽມຂໍ່ານັບໃນຄັ້ງນີ້, ພ້ອມທັງໄດ້ຕີລາຄາສູງຕໍ່ການຢ້ຽມຢາມຄັ້ງນີ້ວ່າ: ຈະເປັນການປະກອບສ່ວນສໍາຄັນເຂົ້າໃນການເສີມຂະຫຍາຍ ແລະ ເພີ່ມພູນຄູນສ້າງສາຍພົວພັນມິດຕະພາບທີ່ເປັນມູນເຊື້ອອັນດີງາມ ແລະ ການຮ່ວມມື ລະຫວ່າງ ສອງປະເທດ ກໍຄື ລະຫວ່າງ ປະຊາຊົນສອງຊາດ ລາວ ແລະ ມົງໂກລີ ໃຫ້ນັບມື້ນັບແໜ້ນແຟ້ນ ແລະ ເກີດດອກອອກຜົນເປັນກ້າວໆ. ທ່ານ ບຸນຂວາງ ຄໍາບຸນເຮືອງ ໄດ້ສະແດງຄວາມຊົມເຊີຍຕໍ່ຜົນສໍາເລັດຂອງປະຊາຊົນມົງໂກລີ ທີ່ຍາດມາໄດ້ໃນພາລະກິດປົກປັກຮັກສາ ແລະ ສ້າງສາພັດທະນາປະເທດຊາດ, ພ້ອມທັງໄດ້ລາຍງານຫຍໍ້ກ່ຽວກັບການເຄື່ອນໄຫວຂອງສະມາຄົມມິດຕະພາບ ລາວ-ມົງໂກລີ ໃນໄລຍະຜ່ານມາ ຊຶ່ງໃນເດືອນກັນຍາ 2023 ຜ່ານມາ ຄະນະຜູ້ແທນສະມາຄົມດັ່ງກ່າວ ກໍໄດ້ໄປຢ້ຽມຢາມ ແລະ ເຮັດວຽກຢູ່ມົງໂກລີ ເພື່ອສືບຕໍ່ຊຸກຍູ້ການພົວພັນຮ່ວມມືດ້ານການທູດປະຊາຊົນ ລະຫວ່າງ ສອງປະເທດ ໃນຕໍ່ໜ້າ ໂດຍສະເພາະແມ່ນການຊຸກຍູ້ໃຫ້ປະຊາຊົນມີການໄປມາຫາສູ່, ຮ່ວມມື ແລະ ຊ່ວຍເຫຼືອຊຶ່ງກັນ ແລະ ກັນ. ໃນໂອກາດດັ່ງກ່າວ, ທ່ານປະທານສະມາຄົມມິດຕະພາບ ລາວ-ມົງໂກລີ ໄດ້ສະແດງຄວາມຂອບໃຈຢ່າງຈິງໃຈ ຕໍ່ລັດຖະບານ ແລະ ປະຊາຊົນມົງໂກລີ ທີ່ໄດ້ໃຫ້ການຊ່ວຍເຫຼືອ ແກ່ລັດຖະບານລາວ ກໍຄື ປະຊາຊົນລາວ ຕະຫຼອດໄລຍະຜ່ານມາ.
ໃນຂະນະດຽວກັນ, ພະນະທ່ານ ຄູເຣລສຸກຄ໌ ໂອຄະນາ ກໍໄດ້ສະແດງຄວາມຊົມເຊີຍ ແລະ ຕີລາຄາສູງ ຕໍ່ໝາກຜົນຂອງການເຄື່ອນໄຫວຂອງສອງສະມາຄົມມິດຕະພາບ ມົງໂກລີ-ລາວ, ລາວ-ມົງໂກລີ ໃນໄລຍະຜ່ານມາ, ພ້ອມທັງໄດ້ໃຫ້ທິດເຍືອງທາງແກ່ສອງສະມາຄົມດັ່ງກ່າວ ຈົ່ງສືບຕໍ່ຮັດແໜ້ນສາຍພົວພັນ ແລະ ການຮ່ວມມືນໍາກັນ ໃຫ້ຫຼາຍຂຶ້ນຕື່ມ ເພື່ອປະກອບສ່ວນໃນການສົ່ງເສີມສາຍພົວພັນມິດຕະພາບທີ່ເປັນມູນເຊື້ອ ແລະ ການຮ່ວມມືທີ່ດີ ລະຫວ່າງສອງປະເທດ ເພື່ອນໍາເອົາຜົນປະໂຫຍດສູງສຸດມາສູ່ປະຊາຊົນສອງຊາດ ມົງໂກລີ-ລາວ ໃນອະນາຄົດ.
(ຂ່າວ: ກົມການຂ່າວ, ກະຊວງການຕ່າງປະເທດ)
ຄໍາເຫັນ