 |
ການອົບຮົມ-ຫັດແອບຄັ້ງນີ້, ເພື່ອເປັນການເສີມສ້າງ, ຮັດແໜ້ນສາຍພົວພັນສອງຊາດ, ສອງກອງທັບທີ່ມີສາຍພົວພັນມິດຕະພາບ ແລະ ການຮ່ວມມືອັນຍາວນານ ບົນພື້ນຖານການເຄົາລົບຊຶ່ງກັນ ແລະ ກັນ, ໄວ້ເນື້ອເຊື່ອໃຈ, ຊ່ວຍເຫຼືອ ແລະ ສະໜັບສະໜູນ ເປັນການປະກອບສ່ວນອັນສຳຄັນ ໃນການເສີມຂະຫຍາຍການຮ່ວມມືດ້ານວຽກງານປ້ອງກັນຊາດ, ຍົກລະດັບການປະສານສົບທົບ ສູ້ຮົບຮ່ວມກັນ, ແລກປ່ຽນບົດຮຽນຊຶ່ງກັນ ແລະ ກັນ ເສີມສ້າງຄວາມໝັ້ນຄົງໃນພາກພື້ນ ເພື່ອຕີລາຄາການປະສານສົມທົບ ຕໍ່ຄວາມພ້ອມຂອງເພື່ອນມິດໃນການປະຕິບັດໜ້າທີ່ ພ້ອມທັງແລກປ່ຽນຄວາມຮູ້ຂອງສອງກອງທັບ ໃນການອົບຮົມ-ຫັດແອບຄັ້ງນີ້, ເພື່ອນໍາໄປຈັດຕັ້ງປະຕິບັດໃຫ້ມີປະສິດທິຜົນສູງ ແລະ ເປັນບົດຮຽນພື້ນຖານອັນສໍາຄັນ ໃນການເສີມຂະຫຍາຍການຮ່ວມມືລະຫວ່າງ 2 ຊາດ ລາວ-ຣັດເຊຍ, ຣັດເຊຍ-ລາວ ໃຫ້ນັບມື້ນັບແໜ້ນແຟ້ນຍິ່ງຂຶ້ນ.
ໂອກາດນີ້, ສະຫາຍ ພົນໂທ ສາຍໃຈ ກົມມະສິດ ໄດ້ກ່າວເປີດການອົບຮົມ-ຫັດແອບ ຊຶ່ງໄດ້ເນັ້ນໜັກໃຫ້ພະນັກງານ-ນັກຮົບ ເອົາໃຈໃສ່ເກັບກໍາເນື້ອໃນ, ທິດສະດີ ຫຼັກການທີ່ເພື່ອນຣັດເຊຍອົບຮົມ-ຫັດແອບໃຫ້ ສ້າງຄວາມສາມັກຄີ ພ້ອມທັງແລກປ່ຽນບົດຮຽນຊຶ່ງກັນ ແລະ ກັນ ເພື່ອເຮັດໃຫ້ບັນຍາກາດໃນການອົບຮົມ-ຫັດແອບເຕັມໄປດ້ວຍບັນຍາການຟົດຟື້ນ ມີໄມຕີຈິດມິດຕະພາບ ສາມັກຄີ ຊ່ວຍເຫຼືອ, ແລກປ່ຽນບົດຮຽນຊຶ່ງກັນ ແລະ ກັນ ເພື່ອເຮັດສໍາເລັດໜ້າທີ່ ທີ່ສອງຊາດ, ສອງກອງທັບໄດ້ມອບໝາຍໃຫ້. ຈາກນັ້ນ, ກໍໄດ້ຮ່ວມຊົມການສະແດງພາ ຫະນະອາວຸດຂອງຝ່າຍຣັດເຊຍ ທີ່ນໍາມາວາງສະແດງ ເປັນຕົ້ນ ອາວຸດປະຈໍາການພົນທະຫານ, ໂດຣນ ແລະ ອື່ນໆ. ຂ່າວ: ພຸດທະພອນ ລັດດານາວ
ຄໍາເຫັນ