ສູນກາງຊາວໜຸ່ມ ປະຊາຊົນ ປະຕິວັດລາວ (ສຊປລ) ໄດ້ຈັດກອງປະຊຸມຄະນະຊີ້ນຳລະດັບຊາດ ແລະ ຄະນະປະສານງານລະດັບຊາດການຜັນຂະຫຍາຍຍຸດທະສາດການພັດທະນາຊາວໜຸ່ມ, ເຍົາວະຊົນລາວ ປີ 2021-2030 ໂດຍໄດ້ຮັບການສະໜັບສະໜູນ ຈາກອົງການ UNFPA ຂຶ້ນໃນວັນທີ 18 ທັນວານີ້, ທີ່ໂຮງແຮມແລນມາກ ນະຄອນຫຼວງວຽງຈັນ ໂດຍການເປັນປະທານຮ່ວມຂອງທ່ານ ມອນໄຊ ລາວມົວຊົ່ງ ເລຂາຄະນະບໍລິຫານງານ ສຊປລ ແລະ ທ່ານ ບາກທີຢໍ ຄາດີເຣິບ ຜູ້ຕາງໜ້າອົງການ ສະຫະປະຊາຊາດກອງທຶນສໍາລັບປະຊາກອນ ປະຈໍາ ລາວ, ມີຄະນະຮັບຜິດຊອບຜັນຂະຫຍາຍຍຸດທະສາດພັດທະນາຊາວໜຸ່ມ, ເຍົາວະຊົນ ພ້ອມດ້ວຍກະຊວງ-ອົງການກ່ຽວຂ້ອງເຂົ້າຮ່ວມ.
ທ່ານ ມອນໄຊ ລາວມົວຊົ່ງ ກ່າວວ່າ: ກອງປະຊຸມຄັ້ງນີ້ ຈັດຂຶ້ນເພື່ອທົບທວນ ແລະ ຍົກເອົາບັນດາຜົນສໍາເລັດ ຂອງການເຄື່ອນໄຫວໃນການຜັນຂະຫຍາຍຍຸດທະສາດການພັດທະນາຊາວໜຸ່ມ, ເຍົາວະຊົນລາວ ໃນໄລຍະ 1 ປີິ ທີ່ຜ່ານມາ ແລະ ໄດ້ຈັດຂຶ້ນທຸກໆປີ ເພື່ອທົບທວນຄວາມຄືບໜ້າ ໃນການເຜີຍແຜ່ ແລະ ການປະຕິບັດຍຸດທະສາດ ແລະ ນຳໃຊ້ຍຸດທະສາດຕົວຈິງຢູ່ຂັ້ນທ້ອງຖິ່ນ ແລະ ຂັ້ນສູນກາງ. ຍຸດທະສາດພັດທະນາໄວໜຸ່ມ, ເຍົາວະຊົນ ແມ່ນກຳນົດແນວທາງ, ວິທີການ ກ່ຽວຂ້ອງກັບ 5 ຂົງເຂດ ໃນການສົ່ງເສີມດ້ານສຸຂະພາບ ແລະ ສະຫວັດດີພາບ, ການສຶກສາ, ວຽກເຮັດງານທໍາ, ການປົກປ້ອງທາງສັງຄົມ ແລະ ການມີສ່ວນຮ່ວມຂອງທຸກຄົນ ໃນການພັດທະນາໄວໜຸ່ມ ແລະ ເຍົາວະຊົນ.
ສຳລັບ ສປປ ລາວ ມີປະຊາກອນຫຼາຍກວ່າເຄິ່ງໜຶ່ງທີ່ມີອາຍຸຕໍ່າກວ່າ 25 ປີ ແລະ ເປັນໜຶ່ງໃນບັນດາປະເທດໃນພາກພື້ນທີ່ມີປະຊາກອນໜຸ່ມທີ່ສຸດ ຊຶ່ງເປັນກໍາລັງແຮງໃນການຊຸກຍູ້ການພັດທະນາເສດຖະກິດ-ສັງຄົມຂອງປະເທດໃນບັນດາຊຸມປີຕໍ່ໜ້ານີ້. ໃນອີກສອງທົດສະວັດຕໍ່ໜ້າຈະເປັນໂອກາດທີ່ສໍາຄັນຕໍ່ກັບຜົນປະໂຫຍດທີ່ຈະໄດ້ຮັບ “ຜົນປະໂຫຍດ ດ້ານປະຊາກອນ”, ການເຕີບໂຕທາງດ້ານເສດຖະກິດທີ່ເລັ່ງລັດ, ຖ້າວ່າຊາວໜຸ່ມ-ເຍົາວະຊົນ ຫາກໄດ້ຮັບການພັດທະນາ, ການສຶກສາ, ສ້າງຄວາມເຂັ້ມແຂງ, ເຂົ້າເຖິງໂອກາດທາງດ້ານເສດຖະກິດ ແລະ ມີວຽກເຮັດງານທໍາທີ່ເໝາະສົມແລ້ວ. ສປປ ລາວ ຈະໄດ້ຮັບຜົນປະໂຫຍດທາງດ້ານປະຊາກອນຈາກການລົງທຶນເພື່ອພັດທະນາຊັບພະຍາກອນມະນຸດແບບມີຍຸດທະສາດ ແລະ ໃຫ້ທັນເວລາໂດຍສະເພາະ ເຍົາວະຊົນ ແລະ ຊາວໜຸ່ມທີ່ສາມາດຫັນປ່ຽນເສດຖະກິດ-ສັງຄົມຂອງປະເທດໃຫ້ດີຂຶ້ນ.
ທ່ານມອນໄຊ ລາວມົວຊົ່ງ ກ່າວຕື່ມວ່າ: ໂລກກຳລັງປ່ຽນແປງຢ່າງໄວວາ ແລະ ຄວາມຕ້ອງການຂອງໄວໜຸ່ມກຳລັງພັດທະນາ ຈໍາເປັນຢ່າງຍິງ ທີ່ຄວນມາຮ່ວມກັນເພື່ອປະເມີນສະຖານະການຂອງການພັດທະນາຊາວໜຸ່ມໃນປັດຈຸບັນ, ກໍານົດຊ່ອງຫວ່າງ ແລະ ອຸປະສັກທີ່ມີຢູ່ ພ້ອມວາງວິທີການຈະສາມາດສະໜັບສະໜູນ ແລະ ເພີ່ມຂີດຄວາມສາມາດໃຫ້ຊາວໜຸ່ມສາມາດບັນລຸໄດ້ຢ່າງເຕັມທີ່.ກອງປະຊຸມຄັ້ງນີ້ ຜູ້ເຂົ້າຮ່ວມຍັງພ້ອມກັນເອກະພາບຕໍ່ກັບກອບແຜນງານການຈັດຕັ້ງຜັນຂະຫຍາຍຍຸດທະສາດພັດທະນາຊາວໜຸ່ມ, ເຍົາວະຊົນລາວ 2021-2030 ເພື່ອເປັນບ່ອນອີງໃນການຈັດຕັ້ງປະຕິບັດ ແລະ ອໍານວຍຄວາມສະດວກໃນການສະຫຼຸບລາຍງານ ເນື່ອງຈາກໃນກອບແຜນງານນີ້ຈະລະບຸກິດຈະກຳ ແລະ ຕົວຊີ້ວັດຢ່າງຊັດເຈນ. ທັງນີ້ ກໍເພື່ອເປັນການພັດທະນາຮູບແບບ ການຜັນຂະຫຍາຍຍຸດທະສາດການພັດທະນາໄວໜຸ່ມໃຫ້ສົມບູນແບບ ແລະ ຮອບດ້ານ ເພື່ອຕອບສະໜອງຄວາມຕ້ອງການທີ່ຫຼາກຫຼາຍຂອງໄວໜຸ່ມຈາກທຸກຂົງເຂດ ຕ້ອງພິຈາລະນາເຖິງສິ່ງທ້າທາຍ ໂດຍສະເພາະໄວໜຸ່ມທີ່ດ້ອຍໂອກາດ, ມີຄວາມສ່ຽງ ແລະ ຮັບປະກັນວ່າຍຸດທະສາດແມ່ນ ມີຄວາມເທົ່າທຽມ ແລະ ສາມາດເຂົ້າເຖິງສໍາລັບທຸກຄົນ.
(ຂ່າວ-ພາບ: ວັນເພັງ)
ທ່ານ ມອນໄຊ ລາວມົວຊົ່ງ ກ່າວວ່າ: ກອງປະຊຸມຄັ້ງນີ້ ຈັດຂຶ້ນເພື່ອທົບທວນ ແລະ ຍົກເອົາບັນດາຜົນສໍາເລັດ ຂອງການເຄື່ອນໄຫວໃນການຜັນຂະຫຍາຍຍຸດທະສາດການພັດທະນາຊາວໜຸ່ມ, ເຍົາວະຊົນລາວ ໃນໄລຍະ 1 ປີິ ທີ່ຜ່ານມາ ແລະ ໄດ້ຈັດຂຶ້ນທຸກໆປີ ເພື່ອທົບທວນຄວາມຄືບໜ້າ ໃນການເຜີຍແຜ່ ແລະ ການປະຕິບັດຍຸດທະສາດ ແລະ ນຳໃຊ້ຍຸດທະສາດຕົວຈິງຢູ່ຂັ້ນທ້ອງຖິ່ນ ແລະ ຂັ້ນສູນກາງ. ຍຸດທະສາດພັດທະນາໄວໜຸ່ມ, ເຍົາວະຊົນ ແມ່ນກຳນົດແນວທາງ, ວິທີການ ກ່ຽວຂ້ອງກັບ 5 ຂົງເຂດ ໃນການສົ່ງເສີມດ້ານສຸຂະພາບ ແລະ ສະຫວັດດີພາບ, ການສຶກສາ, ວຽກເຮັດງານທໍາ, ການປົກປ້ອງທາງສັງຄົມ ແລະ ການມີສ່ວນຮ່ວມຂອງທຸກຄົນ ໃນການພັດທະນາໄວໜຸ່ມ ແລະ ເຍົາວະຊົນ.
ສຳລັບ ສປປ ລາວ ມີປະຊາກອນຫຼາຍກວ່າເຄິ່ງໜຶ່ງທີ່ມີອາຍຸຕໍ່າກວ່າ 25 ປີ ແລະ ເປັນໜຶ່ງໃນບັນດາປະເທດໃນພາກພື້ນທີ່ມີປະຊາກອນໜຸ່ມທີ່ສຸດ ຊຶ່ງເປັນກໍາລັງແຮງໃນການຊຸກຍູ້ການພັດທະນາເສດຖະກິດ-ສັງຄົມຂອງປະເທດໃນບັນດາຊຸມປີຕໍ່ໜ້ານີ້. ໃນອີກສອງທົດສະວັດຕໍ່ໜ້າຈະເປັນໂອກາດທີ່ສໍາຄັນຕໍ່ກັບຜົນປະໂຫຍດທີ່ຈະໄດ້ຮັບ “ຜົນປະໂຫຍດ ດ້ານປະຊາກອນ”, ການເຕີບໂຕທາງດ້ານເສດຖະກິດທີ່ເລັ່ງລັດ, ຖ້າວ່າຊາວໜຸ່ມ-ເຍົາວະຊົນ ຫາກໄດ້ຮັບການພັດທະນາ, ການສຶກສາ, ສ້າງຄວາມເຂັ້ມແຂງ, ເຂົ້າເຖິງໂອກາດທາງດ້ານເສດຖະກິດ ແລະ ມີວຽກເຮັດງານທໍາທີ່ເໝາະສົມແລ້ວ. ສປປ ລາວ ຈະໄດ້ຮັບຜົນປະໂຫຍດທາງດ້ານປະຊາກອນຈາກການລົງທຶນເພື່ອພັດທະນາຊັບພະຍາກອນມະນຸດແບບມີຍຸດທະສາດ ແລະ ໃຫ້ທັນເວລາໂດຍສະເພາະ ເຍົາວະຊົນ ແລະ ຊາວໜຸ່ມທີ່ສາມາດຫັນປ່ຽນເສດຖະກິດ-ສັງຄົມຂອງປະເທດໃຫ້ດີຂຶ້ນ.
ທ່ານມອນໄຊ ລາວມົວຊົ່ງ ກ່າວຕື່ມວ່າ: ໂລກກຳລັງປ່ຽນແປງຢ່າງໄວວາ ແລະ ຄວາມຕ້ອງການຂອງໄວໜຸ່ມກຳລັງພັດທະນາ ຈໍາເປັນຢ່າງຍິງ ທີ່ຄວນມາຮ່ວມກັນເພື່ອປະເມີນສະຖານະການຂອງການພັດທະນາຊາວໜຸ່ມໃນປັດຈຸບັນ, ກໍານົດຊ່ອງຫວ່າງ ແລະ ອຸປະສັກທີ່ມີຢູ່ ພ້ອມວາງວິທີການຈະສາມາດສະໜັບສະໜູນ ແລະ ເພີ່ມຂີດຄວາມສາມາດໃຫ້ຊາວໜຸ່ມສາມາດບັນລຸໄດ້ຢ່າງເຕັມທີ່.ກອງປະຊຸມຄັ້ງນີ້ ຜູ້ເຂົ້າຮ່ວມຍັງພ້ອມກັນເອກະພາບຕໍ່ກັບກອບແຜນງານການຈັດຕັ້ງຜັນຂະຫຍາຍຍຸດທະສາດພັດທະນາຊາວໜຸ່ມ, ເຍົາວະຊົນລາວ 2021-2030 ເພື່ອເປັນບ່ອນອີງໃນການຈັດຕັ້ງປະຕິບັດ ແລະ ອໍານວຍຄວາມສະດວກໃນການສະຫຼຸບລາຍງານ ເນື່ອງຈາກໃນກອບແຜນງານນີ້ຈະລະບຸກິດຈະກຳ ແລະ ຕົວຊີ້ວັດຢ່າງຊັດເຈນ. ທັງນີ້ ກໍເພື່ອເປັນການພັດທະນາຮູບແບບ ການຜັນຂະຫຍາຍຍຸດທະສາດການພັດທະນາໄວໜຸ່ມໃຫ້ສົມບູນແບບ ແລະ ຮອບດ້ານ ເພື່ອຕອບສະໜອງຄວາມຕ້ອງການທີ່ຫຼາກຫຼາຍຂອງໄວໜຸ່ມຈາກທຸກຂົງເຂດ ຕ້ອງພິຈາລະນາເຖິງສິ່ງທ້າທາຍ ໂດຍສະເພາະໄວໜຸ່ມທີ່ດ້ອຍໂອກາດ, ມີຄວາມສ່ຽງ ແລະ ຮັບປະກັນວ່າຍຸດທະສາດແມ່ນ ມີຄວາມເທົ່າທຽມ ແລະ ສາມາດເຂົ້າເຖິງສໍາລັບທຸກຄົນ.
(ຂ່າວ-ພາບ: ວັນເພັງ)
ຄໍາເຫັນ