ກອງປະຊຸມພົບປະສື່ມວນຊົນກ່ຽວກັບວຽກງານຢາສູບແລະ ຢາສູບໄຟຟ້າ ເພື່ອໃຫ້ສື່ມວນຊົນສືບຕໍ່ໂຄສະນາອອກຂ່າວຜ່ານສື່ຕ່າງໆຂອງຕົນໄດ້ຈັດຂຶ້ນໃນວັນທີ 31 ມັງກອນຜ່ານມາ ທີ່ຮ້ານກາເຟອາເມຊອນ ຮ່ອງແກ ເມືອງໄຊເສດຖາ ນະຄອນຫຼວງວຽງຈັນ ໂດຍມີທ່ານນາງມະນີພັນ ວົງໂພສີ ຜູ້ປະສານງານວຽກງານຄວບຄຸມຢາສູບ ສະມາພັນຄວບຄຸມຢາສູບອາຊຽນ(SEATCA), ທ່ານນາງ ກອງບຸນ ສຸລິວົງ ຫົວໜ້າພະແນກຄຸ້ມຄອງສື່ມວນຊົນ ກະຊວງຖະແຫຼງຂ່າວ, ວັດທະນະທຳ ແລະ ທ່ອງທ່ຽວ ພ້ອມດ້ວຍສື່ມວນຊົນພາກສ່ວນຕ່າງໆເຂົ້າຮ່ວມ.
ການພົບປະໃນຄັ້ງນີ້ ເພື່ອເປັນການປຶກສາຫາລືແລກປ່ຽນບົດຮຽນຮ່ວມກັນດ້ານວຽກງານຢາສູບ ແລະ ຢາສູບໄຟຟ້າ ພ້ອມໃຫ້ສື່ມວນຊົນສືບຕໍ່ຊ່ວຍເປັນກະບອກສຽງໂຄສະນາ ອອກຂ່າວຜ່ານສື່ຕ່າງໆຂອງຕົນເປັນຕົ້ນ ສື່ອອນລາຍ, ໜັງສືພິມ, ວິທະຍຸ, ໂທລະພາບ ແລະ ສື່ອື່ນໆ ທີ່ເປັນທາງການເພື່ອໃຫ້ສັງຄົມກໍຄືທຸກຄົນໄດ້ເຂົ້າໃຈ, ຮັບຮູ້ຜົນຮ້າຍຂອງຢາສູບ ແລະ ຢາສູບໄຟຟ້າ. ປັດຈຸບັນຢາສູບໄຟຟ້າກໍາລັງເປັນທີ່ລະບາດຕໍ່ກຸ່ມໄວໜຸ່ມ, ນັກຮຽນເປັນຈຳນວນຫຼາຍ. ຍ້ອນຢາສູບໄຟຟ້າມີຫຼາຍຊະນິດ, ຫຼາຍຮູບແບບ, ມີຫຼາຍສີສັນ, ມີລົດຊາດ, ກິ່ນຫອມ ຊວນໃຫ້ເປັນທີ່ດຶງດູດຈິດໃຈ ແຕ່ໃນຢາສູບໄຟຟ້າມີສານນິໂຄຕິນທີ່ເປັນອັນຕະລາຍຕໍ່ສຸຂະພາບ. ພ້ອມນັ້ນ, ໃນຄວັນຢາສູບໄຟຟ້າຍັງມີສານຕ່າງໆ 7.000 ຊະນິດທີ່ເປັນອັນຕະລາຍຕໍ່ສຸຂະພາບ, ການພັດທະນາສະໝອງ, ເຮັດໃຫ້ຈິດໃຈງຸດງິດ ແລະ ອື່ນໆ.
ໃນໂອກາດນີ້, ຜູ້ເຂົ້າຮ່ວມຍັງໄດ້ຮັບຟັງຜົນຮ້າຍຂອງຢາສູບໄຟຟ້າ, ຢາສູບໄຟຟ້າຜິດກົດໝາຍ ແລະ ຫ້າມສູບຢາສູບໄຟຟ້າຮອບດ້ານ, ການປາບປາມ ແລະ ສະກັດກັ້ນຢາສູບໄຟຟ້າໃນສປປ ລາວ.
(ຂ່່່າວ: ວັນເພັງ, ພາບ: ຄໍາໄຍ )
ການພົບປະໃນຄັ້ງນີ້ ເພື່ອເປັນການປຶກສາຫາລືແລກປ່ຽນບົດຮຽນຮ່ວມກັນດ້ານວຽກງານຢາສູບ ແລະ ຢາສູບໄຟຟ້າ ພ້ອມໃຫ້ສື່ມວນຊົນສືບຕໍ່ຊ່ວຍເປັນກະບອກສຽງໂຄສະນາ ອອກຂ່າວຜ່ານສື່ຕ່າງໆຂອງຕົນເປັນຕົ້ນ ສື່ອອນລາຍ, ໜັງສືພິມ, ວິທະຍຸ, ໂທລະພາບ ແລະ ສື່ອື່ນໆ ທີ່ເປັນທາງການເພື່ອໃຫ້ສັງຄົມກໍຄືທຸກຄົນໄດ້ເຂົ້າໃຈ, ຮັບຮູ້ຜົນຮ້າຍຂອງຢາສູບ ແລະ ຢາສູບໄຟຟ້າ. ປັດຈຸບັນຢາສູບໄຟຟ້າກໍາລັງເປັນທີ່ລະບາດຕໍ່ກຸ່ມໄວໜຸ່ມ, ນັກຮຽນເປັນຈຳນວນຫຼາຍ. ຍ້ອນຢາສູບໄຟຟ້າມີຫຼາຍຊະນິດ, ຫຼາຍຮູບແບບ, ມີຫຼາຍສີສັນ, ມີລົດຊາດ, ກິ່ນຫອມ ຊວນໃຫ້ເປັນທີ່ດຶງດູດຈິດໃຈ ແຕ່ໃນຢາສູບໄຟຟ້າມີສານນິໂຄຕິນທີ່ເປັນອັນຕະລາຍຕໍ່ສຸຂະພາບ. ພ້ອມນັ້ນ, ໃນຄວັນຢາສູບໄຟຟ້າຍັງມີສານຕ່າງໆ 7.000 ຊະນິດທີ່ເປັນອັນຕະລາຍຕໍ່ສຸຂະພາບ, ການພັດທະນາສະໝອງ, ເຮັດໃຫ້ຈິດໃຈງຸດງິດ ແລະ ອື່ນໆ.
ໃນໂອກາດນີ້, ຜູ້ເຂົ້າຮ່ວມຍັງໄດ້ຮັບຟັງຜົນຮ້າຍຂອງຢາສູບໄຟຟ້າ, ຢາສູບໄຟຟ້າຜິດກົດໝາຍ ແລະ ຫ້າມສູບຢາສູບໄຟຟ້າຮອບດ້ານ, ການປາບປາມ ແລະ ສະກັດກັ້ນຢາສູບໄຟຟ້າໃນສປປ ລາວ.
(ຂ່່່າວ: ວັນເພັງ, ພາບ: ຄໍາໄຍ )
ຄໍາເຫັນ