ຊຸດອົບຮົມວຽກງານຄຸ້ມຄອງສື່ມວນຊົນໃນໄລຍະໃໝ່ໃຫ້ພະນັກງານນຳພາ-ຄຸ້ມຄອງໃນຂົງເຂດສື່ມວນຊົນຂອງລາວ ທີ່ດຳເນີນເປັນເວລາ 2 ເດືອນ ໄດ້ສຳເລັດລົງໃນຕອນບ່າຍວັນທີ 21ພະຈິກ 2023 ທີ່ສະຖາບັນສື່ມວນຊົນ ແລະ ໂຄສະນານະຄອນຫຼວງຮ່າໂນ້ຍ ສສ ຫວຽດນາມ, ໂດຍມີ ທ່ານ ຟ້າມມິງເຊີນ ຫົວໜ້າສະຖາບັນສື່ມວນຊົນ ແລະ ໂຄສະນາ ສສ ຫວຽດນາມ, ມີຜູ້ຕາງໜ້າຈາກສະຖານທູດລາວ ປະຈຳ ສສ ຫວຽດນາມ, ຄະນະສະຖາບັນ, ຄູ-ອາຈານ ແລະ ພາກສ່ວນກ່ຽວຂ້ອງເຂົ້າຮ່ວມ.
ໃນຊຸດອົບຮົມຄັ້ງນີ້, ມີສຳມະນາກອນ ຈາກ ສປປ ລາວ ເຂົ້າຮ່ວມທັງໝົດ 15 ທ່ານ ທີ່ເປັນພະນັກງານນຳພາ-ຄຸ້ມຄອງວຽກງານສື່ມວນຊົນ ຢູ່ຂັ້ນສູນກາງ ແລະ ທ້ອງຖິ່ນ ຊຶ່ງຕະຫຼອດໄລຍະຝຶກອົບຮົມ 2 ເດືອນ ໄດ້ຮຽນຮູ້ ແລະ ແລກປ່ຽນບົດຮຽນ, ປະສົບການຫຼາຍດ້ານ ກັບຄູ-ອາຈານທີ່ມີປະສົບການສູງ ຂອງ ສສ ຫວຽດນາມ ເພື່ອເປັນການເພີ່ມທັກສະ, ຄວາມຮູ້, ຄວາມສາມາດ ໃຫ້ພະນັກງານນຳພາ-ຄຸ້ມຄອງວຽກງານສື່ມວນຊົນ ຂອງ ສປປ ລາວ ໄດ້ນຳໄປໝູນໃຊ້ໃນວຽກງານຕົວຈິງຢ່າງມີປະສິດທິພາບ ແລະ ປະສິດທິຜົນ. ໃນນັ້ນ, ໄດ້ແລກປ່ຽນບົດຮຽນກ່ຽວກັບ ການນຳພາຂອງພັກ ແລະ ການຄຸ້ມຄອງຂອງລັດຕໍ່ວຽກງານສື່ມວນຊົນໃນໄລຍະໃໝ່, ການຫັນວຽກງານສື່ມວນຊົນເປັນດີຈີຕອນ, ບົດຮຽນການຄຸ້ມຄອງວຽກງານສື່ມວນຊົນຂອງ ສສ ຫວຽດນາມ, ບົດບາດຂອງສື່ມວນຊົນໃນການນຳພາຫາງສຽງສັງຄົມໃນໄລຍະໃໝ່ ແລະ ອື່ນໆ. ນອກຈາກນີ້, ຍັງໄດ້ໄປທັດສະນະສຶກສາຢູ່ບັນດາອົງການສື່ມວນຊົນຂອງຫວຽດນາມ ທັງຢູ່ສູນກາງ ແລະ ທ້ອງຖິ່ນຈຳນວນໜຶ່ງ.
ທ່ານ ຟ້າມມິງເຊີນ ໄດ້ຍົກໃຫ້ເຫັນວ່າ: ຊຸດຝຶກອົບຮົມຄັ້ງນີ້ ແມ່ນໂຄງການຮ່ວມມືຂອງສອງພັກ, ສອງລັດຖະບານ ລາວ-ຫວຽດນາມ ທີ່ມີດຳເນີນມາໄດ້ 6 ຊຸດແລ້ວ ໂດຍມີພະນັກງານນຳພາ-ຄຸ້ມຄອງວຽກງານສື່ມວນຊົນຂອງລາວເຂົ້າຮ່ວມ 132 ທ່ານ. ທັງນີ້ກໍເພື່ອແນໃສ່ສ້າງຄວາມເຂັ້ມແຂງ ໃຫ້ພະນັກງານນຳພາ-ຄຸ້ມຄອງຂອງລາວ ໂດຍສະເພາະແມ່ນໃນຂົງເຂດສື່ມວນຊົນ ຊຶ່ງຜ່ານມາທັງສອງປະເທດກໍໄດ້ມີການຮ່ວມມືກັນເປັນຢ່າງດີ ແລະ ມີປະສິດທິຜົນສູງພໍສົມຄວນ ອັນເປັນການປະກອບສ່ວນເຮັດໃຫ້ການພົວພັນຮ່ວມມືລະຫວ່າງສອງພັກ, ສອງລັດ ແລະ ປະຊາຊົນສອງຊາດ ລາວ-ຫວຽດນາມ ນັບມື້ແຕກດອກອອກຜົນຍິ່ງໆຂຶ້ນ, ທັງເປັນການສະແດງໃຫ້ເຫັນວ່າ ສາຍພົວພັນອັນຍິ່ງໃຫຍ່, ຄວາມສາມັກຄີແບບພິເສດ ແລະ ການຮ່ວມມືຮອບດ້ານ ຂອງສອງປະເທດ ລາວ-ຫວຽດນາມ ຍາມໃດກໍຍັງໄດ້ຮັບການຖະນຸຖະໜອມໃຫ້ສວຍສົດງົດງາມຕະຫຼອດກາລະນານ.
ທ່ານ ໄພບູນ ພິລາທອງ ຫົວໜ້າພະແນກຄຸ້ມຄອງຜະລິດຕະພັນສື່ມວນຊົນ ຂອງກົມສື່ມວນຊົນກະຊວງຖະແຫຼງຂ່າວ, ວັດທະນະທຳ ແລະ ທ່ອງທ່ຽວ ໃນນາມຫົວໜ້າຄະນະ ກໍໄດ້ສະແດງຄວາມຂອບໃຈ ຕໍ່ຄະນະສະຖາບັນ, ຄູ-ອາຈານ ແລະ ທຸກພາກສ່ວນທີ່ກ່ຽວຂ້ອງ ທີ່ໄດ້ອຳນວຍຄວາມສະດວກທຸກດ້ານຕະຫລອດການຝຶກອົບຮົມ ແລະ ຈະນຳເອົາບົດຮຽນອັນລໍ້າຄ່າ ຈາກຄູ-ອາຈານ ກໍຄືຜູ້ມີປະສົບການຂອງ ສສ ຫວຽດນາມ ທີ່ຖ່າຍທອດໃຫ້ໄປໝູນໃຊ້ໃນວຽກງານຕົວຈິງທີ່ຮັບຜິດຊອບຢ່າງມີຜົນສຳເລັດ ໂດຍສະເພາະແມ່ນວຽກງານການຄຸ້ມຄອງສື່ມວນຊົນໃນໄລຍະໃໝ່ ໂດຍສະເພາະການຫັນເປັນດີຈີຕອນໃນຂະແຫນງສື່ມວນຊົນ ເພື່ອໃຫ້ສາມາດປະຕິບັດໜ້າທີ່ເປັນກະບອກສຽງໃຫ້ແກ່ສັງຄົມໄດ້ຢ່າງມີຄຸນນະພາບຍິ່ງຂຶ້ນ.
ຂ່າວ-ພາບ: ຄຳປະສິດ
ໃນຊຸດອົບຮົມຄັ້ງນີ້, ມີສຳມະນາກອນ ຈາກ ສປປ ລາວ ເຂົ້າຮ່ວມທັງໝົດ 15 ທ່ານ ທີ່ເປັນພະນັກງານນຳພາ-ຄຸ້ມຄອງວຽກງານສື່ມວນຊົນ ຢູ່ຂັ້ນສູນກາງ ແລະ ທ້ອງຖິ່ນ ຊຶ່ງຕະຫຼອດໄລຍະຝຶກອົບຮົມ 2 ເດືອນ ໄດ້ຮຽນຮູ້ ແລະ ແລກປ່ຽນບົດຮຽນ, ປະສົບການຫຼາຍດ້ານ ກັບຄູ-ອາຈານທີ່ມີປະສົບການສູງ ຂອງ ສສ ຫວຽດນາມ ເພື່ອເປັນການເພີ່ມທັກສະ, ຄວາມຮູ້, ຄວາມສາມາດ ໃຫ້ພະນັກງານນຳພາ-ຄຸ້ມຄອງວຽກງານສື່ມວນຊົນ ຂອງ ສປປ ລາວ ໄດ້ນຳໄປໝູນໃຊ້ໃນວຽກງານຕົວຈິງຢ່າງມີປະສິດທິພາບ ແລະ ປະສິດທິຜົນ. ໃນນັ້ນ, ໄດ້ແລກປ່ຽນບົດຮຽນກ່ຽວກັບ ການນຳພາຂອງພັກ ແລະ ການຄຸ້ມຄອງຂອງລັດຕໍ່ວຽກງານສື່ມວນຊົນໃນໄລຍະໃໝ່, ການຫັນວຽກງານສື່ມວນຊົນເປັນດີຈີຕອນ, ບົດຮຽນການຄຸ້ມຄອງວຽກງານສື່ມວນຊົນຂອງ ສສ ຫວຽດນາມ, ບົດບາດຂອງສື່ມວນຊົນໃນການນຳພາຫາງສຽງສັງຄົມໃນໄລຍະໃໝ່ ແລະ ອື່ນໆ. ນອກຈາກນີ້, ຍັງໄດ້ໄປທັດສະນະສຶກສາຢູ່ບັນດາອົງການສື່ມວນຊົນຂອງຫວຽດນາມ ທັງຢູ່ສູນກາງ ແລະ ທ້ອງຖິ່ນຈຳນວນໜຶ່ງ.
ທ່ານ ຟ້າມມິງເຊີນ ໄດ້ຍົກໃຫ້ເຫັນວ່າ: ຊຸດຝຶກອົບຮົມຄັ້ງນີ້ ແມ່ນໂຄງການຮ່ວມມືຂອງສອງພັກ, ສອງລັດຖະບານ ລາວ-ຫວຽດນາມ ທີ່ມີດຳເນີນມາໄດ້ 6 ຊຸດແລ້ວ ໂດຍມີພະນັກງານນຳພາ-ຄຸ້ມຄອງວຽກງານສື່ມວນຊົນຂອງລາວເຂົ້າຮ່ວມ 132 ທ່ານ. ທັງນີ້ກໍເພື່ອແນໃສ່ສ້າງຄວາມເຂັ້ມແຂງ ໃຫ້ພະນັກງານນຳພາ-ຄຸ້ມຄອງຂອງລາວ ໂດຍສະເພາະແມ່ນໃນຂົງເຂດສື່ມວນຊົນ ຊຶ່ງຜ່ານມາທັງສອງປະເທດກໍໄດ້ມີການຮ່ວມມືກັນເປັນຢ່າງດີ ແລະ ມີປະສິດທິຜົນສູງພໍສົມຄວນ ອັນເປັນການປະກອບສ່ວນເຮັດໃຫ້ການພົວພັນຮ່ວມມືລະຫວ່າງສອງພັກ, ສອງລັດ ແລະ ປະຊາຊົນສອງຊາດ ລາວ-ຫວຽດນາມ ນັບມື້ແຕກດອກອອກຜົນຍິ່ງໆຂຶ້ນ, ທັງເປັນການສະແດງໃຫ້ເຫັນວ່າ ສາຍພົວພັນອັນຍິ່ງໃຫຍ່, ຄວາມສາມັກຄີແບບພິເສດ ແລະ ການຮ່ວມມືຮອບດ້ານ ຂອງສອງປະເທດ ລາວ-ຫວຽດນາມ ຍາມໃດກໍຍັງໄດ້ຮັບການຖະນຸຖະໜອມໃຫ້ສວຍສົດງົດງາມຕະຫຼອດກາລະນານ.
ທ່ານ ໄພບູນ ພິລາທອງ ຫົວໜ້າພະແນກຄຸ້ມຄອງຜະລິດຕະພັນສື່ມວນຊົນ ຂອງກົມສື່ມວນຊົນກະຊວງຖະແຫຼງຂ່າວ, ວັດທະນະທຳ ແລະ ທ່ອງທ່ຽວ ໃນນາມຫົວໜ້າຄະນະ ກໍໄດ້ສະແດງຄວາມຂອບໃຈ ຕໍ່ຄະນະສະຖາບັນ, ຄູ-ອາຈານ ແລະ ທຸກພາກສ່ວນທີ່ກ່ຽວຂ້ອງ ທີ່ໄດ້ອຳນວຍຄວາມສະດວກທຸກດ້ານຕະຫລອດການຝຶກອົບຮົມ ແລະ ຈະນຳເອົາບົດຮຽນອັນລໍ້າຄ່າ ຈາກຄູ-ອາຈານ ກໍຄືຜູ້ມີປະສົບການຂອງ ສສ ຫວຽດນາມ ທີ່ຖ່າຍທອດໃຫ້ໄປໝູນໃຊ້ໃນວຽກງານຕົວຈິງທີ່ຮັບຜິດຊອບຢ່າງມີຜົນສຳເລັດ ໂດຍສະເພາະແມ່ນວຽກງານການຄຸ້ມຄອງສື່ມວນຊົນໃນໄລຍະໃໝ່ ໂດຍສະເພາະການຫັນເປັນດີຈີຕອນໃນຂະແຫນງສື່ມວນຊົນ ເພື່ອໃຫ້ສາມາດປະຕິບັດໜ້າທີ່ເປັນກະບອກສຽງໃຫ້ແກ່ສັງຄົມໄດ້ຢ່າງມີຄຸນນະພາບຍິ່ງຂຶ້ນ.
ຂ່າວ-ພາບ: ຄຳປະສິດ
ຄໍາເຫັນ