ສະມາຄົມມິດຕະພາບຕ່າງປະເທດ ສປ ຈີນ ມະຫາວິທະຍາໄລຫົວສຽວ (HUA QIAO) ສປ ຈີນ ແລະ ໂຮງຮຽນຈີນຈຸງເຕັກໄດ້ສຳເລັດກິດຈະກຳຕັ້ງຄ້າຍ “ສວນວັດທະນະທຳຈີນ” ທີ່ສະຫວັນນະເຂດ ສປປ ລາວ ປີ 2023 ໃນວັນທີ 24 ຕຸລາຜ່ານມາ, ພາຍຫຼັງດຳເນີນມາເປັນເວລາ 12 ວັນ, ເປັນກຽດເຂົ້າຮ່ວມຂອງທ່ານ ປະສົງສິນ ຈະເລີນສຸກ ເຈົ້ານະຄອນໄກສອນ ພົມວິຫານ, ມີທ່ານນາງ ວິລະຄຳ ສະຫວັນວາລີ ປະທານໂຮງຮຽນຈີນຈຸງເຕັກ, ທ່ານ ຖູອຸ່ຍ ຫົວໜ້າພະແນກການສຶກສາພາສາຈີນ ມະຫາວິທະຍາໄລຫົວສຽວ, ມີບັນດາແຂກຖຶກເຊີນ, ຄູ-ອາຈານ, ນັກຮຽນ ພ້ອມດ້ວຍພາກສ່ວນກ່ຽວຂ້ອງເຂົ້າຮ່ວມ.
ທ່ານນາງ ວິລະຄຳ ສະຫວັນວາລີ ກ່າວວ່າ: 12 ມື້ທີ່ຜ່ານມາ, ພວກເຮົາໄດ້ເຕົ້າໂຮມກັນທີ່ຄ້າຍ“ສວນວັດທະນະທຳຈີນ” ເພື່ອສຶກສາແລກປ່ຽນ ຮຽນຮູ້ຊຶ່ງກັນ ແລະ ກັນ, ຂ້າພະເຈົ້າຂໍສະແດງຄວາມຂອບໃຈມາຍັງພາກສ່ວນຕ່າງໆ ທີ່ໃຫ້ການສະໜັບສະໜູນຊ່ວຍເຫຼືອເຮັດໃຫ້ເກີດກິດຈະກຳຕັ້ງຄ້າຍໃນຄັ້ງນີ້ຂຶ້ນ ໂດຍສະ ເພາະສະມາຄົມມິດຕະພາບຕ່າງປະເທດ ສປ ຈີນ ທີ່ເປັນເຈົ້າພາບຈັດກິດຈະກຳດີໆໃນຄັ້ງນີ້ຂຶ້ນ ພ້ອມດ້ວຍພາກສ່ວນຕ່າງທີ່ກ່ຽວຂ້ອງ ທີ່ໃຫ້ການສະໜັບສະໜູນໃນທຸກໆດ້ານ, ຂໍຂອບໃຈມະຫາວິທະຍາໄລຫົວສຽວ ທີ່ໄດ້ນຳເອົາທີມງານຄູສອນທີ່ມີຄວາມຮູ້-ຄວາມສາມາດ ເພື່ອໃຫ້ນັກຮຽນໄດ້ສຳຜັດ ແລະ ເຂົ້າເຖິງມົນສະເໜ່ຂອງວັດທະນະທຳຈີນຢ່າງແທ້ຈິງ ພ້ອມທັງໄດ້ເອົາໃຈໃສ່ທຸ້ມເທເຮັດໃຫ້ກິດຈະກຳການຮຽນ-ການສອນ ໃນການຕັ້ງຄ້າຍຄັ້ງນີ້ດຳເນີນໄປຢ່າງຈົບງາມ ແລະ ໄດ້ຮັບຜົນສຳເລັດຕາມຄາດໝາຍ.
ທ່ານ ຖູອຸ່ຍ ກ່າວວ່າ: ໃນ 12 ວັນຂອງການຮຽນຮູ້ໃນຄ້າຍ “ສວນວັດທະນະທຳຈີນ” ຊຶ່ງນັກຮຽນທັງໝົດ 377 ຄົນທີ່ເຂົ້າຮ່ວມໃນກິດຈະກຳນີ້ ແມ່ນເປັນຄັ້ງທຳອິດທີ່ພວກເຮົາມາປະເທດລາວ, ໄດ້ມີການຈັດສຳມະນາບັນ ຍາຍກ່ຽວກັບການໄປສຶກສາຕໍ່ ຢູ່ທີ່ມະຫາວິທະຍາໄລຫົວສຽວໃຫ້ນັກຮຽນຊັ້ນ ມ.5 ເຖິງ ມ.7 ໄດ້ຮັບຮູ້ຂໍ້ມູນຂ່າວ ສານ, ໂດຍທາງມະຫາວິທະຍາໄລ ຍັງຈະສືບຕໍ່ສ້າງຈຸດຮັບສະໝັກນັກຮຽນ ເພື່ອໄປຮຽນຕໍ່ທີ່ມະຫາວິທະຍາໄລຫົວສຽວ ທີ່ໂຮງຮຽນຈີນຈຸງເຕັກ, ສອງຝ່າຍໄດ້ປຶກສາຫາລືກ່ຽວກັບການກະກຽມສ້າງຈຸດຝຶກງານ ໃຫ້ກັບນັກສຶກສາຂອງມະຫາວິທະຍາໄລຫົວສຽວອີກດ້ວຍ. ນອກນີ້ຍັງຈະມີການຈັດສົ່ງນັກສຶກສາທີ່ມີພອນສະຫວັນ ມາຮຽນທີ່ໂຮງຮຽນຈີນຈຸງເຕັກ ເພື່ອສ້າງໂອກາດໃຫ້ນັກຮຽນໄດ້ໄປສຶກສາຕໍ່ໃນປະເທດຈີນຫຼາຍຂຶ້ນ.
ໃນພິທີໄດ້ມີການລົງນາມເຊັນບົດບັນທຶກການຮ່ວມມືລະຫວ່າງໂຮງຮຽນຈີນຈຸງເຕັກ ແລະ ມະຫາວິທະຍາ ໄລຫົວສຽວ, ມີການມອບຂອງທີ່ລະນຶກໃຫ້ຄະນະຄູຈາກມະຫາວິທະຍາໄລຫົວສຽວ, ມອບໃບຢັ້ງຢືນໃຫ້ແກ່ນັກຮຽນ ພ້ອມນີ້ຍັງໄດ້ຮັບຊົມການສະແດງສິລະປະ-ວັນນະຄະດີຕື່ມອີກ. ຂ່າວ: ສະຫວັນນະເຂດ
ອົງການໃຈບຸນສາກົນ ເດເຊເຣັດ (DIC) ມອບເຂົ້າສານ 300 ໂຕນ ໃຫ້ ສນຊ
ເພື່ອເປັນການປະກອບສ່ວນຮ່ວມໃຈບັນເທົາທຸກ ມອບນໍ້າໃຈໃຫ້ຜູ້ປະສົບໄພ, ໃນວັນທີ 14 ກັນຍາ 2026, ທີ່ສູນກາງແນວລາວສ້າງຊາດ (ສນຊ) ໄດ້ມີພິທີ ມອບ-ຮັບ ເຂົ້າສານ ຈຳນວນ 300 ໂຕນລວມມູນຄ່າ 248,017 ໂດລາ ຈາກອົງການໃຈບຸນສາກົນ ເດເຊເຣັດ (Deseret International Charities ຫຼື DIC) ເພື່ອສົ່ງຕໍ່ຄວາມຫ່ວງໃຍ ແລະ ໃຫ້ການຊ່ວຍເຫຼືອຟື້ນຟູຊີວິດການເປັນຢູ່ ຂອງປະຊາຊົນ ທີ່ໄດ້ຮັບຜົນກະທົບຢ່າງໜັກໜ່ວງຈາກໄພນ້ຳຖ້ວມ ຢູ່ 2 ແຂວງພາກໃຕ້ ຄື: ແຂວງສະຫວັນນະເຂດ ແລະ ແຂວງຈຳປາສັກ.
ຄໍາເຫັນ