ໃຫ້ກຽດເຂົ້າຮ່ວມຝ່າຍແຂວງສະຫວັນນະເຂດນຳໂດຍສະຫາຍ ບຸນໂຈມ ອຸບົນປະເສີດ ກຳມະການສູນກາງພັກເລຂາພັກແຂວງເຈົ້າແຂວງສະຫວັນນະເຂດພ້ອມຄະນະນຳຂອງແຂວງ, ຝ່າຍແຂວງກວາງບິ່ງ ນຳໂດຍສະຫາຍ ຫວູ໊ ດ້າຍ ຖັງ ກຳມະການສູນກາງພັກເລຂາພັກແຂວງຫົວໜ້າຄະນະຜູ້ແທນສະມາຊິກສະພາແຫ່ງຊາດ ແຂວງກວາງບິ່ງ ສສ ຫວຽດນາມ ພ້ອມຄະນະ.
ກອງປະຊຸມຄັ້ງນີ້, ຄະນະຜູ້ແທນທັງສອງຝ່າຍໄດ້ແຈ້ງສະພາບການພັດທະນາເສດຖະກິດ-ສັງຄົມ, ວຽກງານປ້ອງກັນຊາດປ້ອງກັນຄວາມສະຫງົບ, ວຽກງານກໍ່ສ້າງພັກ, ອຳານາດການປົກຄອງ, ວຽກງານແນວລາວສ້າງຊາດ, ແນວໂຮມປະເທດຊາດ ແລະ ວຽກງານອົງການຈັດຕັ້ງມະຫາຊົນຂອງແຕ່ລະແຂວງ, ພ້ອມດຽວກັນນັ້ນຍັງໄດ້ຕີລາຄາຄືນສະພາບການ ແລະ ຜົນສຳເລັດຂອງການຈັດຕັ້ງປະຕິບັດເນື້ອໃນບົດບັນທຶກກອງປະຊຸມພົບປະທີ່ໄດ້ລົງນາມກັນໃນວັນທີ 19 ມິຖຸນາ 2022 ທີ່ດົງເຫີຍ ແຂວງກວາງບິ່ງ ສສ ຫວຽດນາມ; ຜ່ານການລາຍງານຄະນະຜູ້ແທນທັງສອງແຂວງໄດ້ຮັບຮູ້ວ່າໃນໄລຍະຜ່ານມາ ພາຍໃຕ້ການນຳພາຊີ້ນຳຂອງຄະນະພັກ, ອົງການປົກຄອງແຂວງໃນເງື່ອນໄຂທີ່ຕ້ອງປະເຊີນໜ້າກັບບັນດາຂໍ້ຫຍ້ງຍາກ, ສິ່ງທ້າທາຍ, ແຕ່ສອງແຂວງກໍສາມາດຍາດມາໄດ້ຜົນສຳເລັດທີ່ສຳຄັນຫຼາຍດ້ານໃນຂົງເຂດການເມືອງ, ເສດຖະກິດ, ວັດທະນະທຳ-ສັງຄົມ, ປ້ອງກັນຊາດ-ປ້ອງກັນຄວາມສະຫງົບ, ການຕ່າງປະເທດ ແລະ ກໍ່ສ້າງພັກ.
ກອງປະຊຸມຄັ້ງນີ້, ທັງສອງຝ່າຍໄດ້ມີການປຶກສາຫາລືຮ່ວມກັນວຽກງານຮອບດ້ານເພື່ອເຮັດໃຫ້ຄວາມສາມັກຄີແບບພິເສດລະຫວ່າງສອງແຂວງ,ສະຫວັນນະເຂດ - ກວາງບິ່ງກ້າວຂຶ້ນສູ່ບາດກ້າວມິດຕະພາບອັນໃໝ່ທີ່ຕ່າງຝ່າຍຕ່າງໄດ້ຮັບຜົນປະໂຫຍດ, ໃນວາລະປະຊຸມທັງສອງຝ່າຍໄດ້ລົງນາມໃນບົດບັນທຶກຮ່ວມມືໃນວຽກງານດ້ານຕ່າງໆ ຊຶ່ງທັງສອງແຂວງເຫັນດີເປັນເອກະພາບເສີມຂະຫຍາຍການຜັດປ່ຽນປີລະຄັ້ງ, ຄະນະຜູ້ແທນຂັ້ນສູງ, ຄະນະກຳມະການຊາຍແດນຂອງສອງແຂວງ, ບັນດາອົງການຈັດຄັ້ງພັກ, ອຳນາກການປົກຄອງ, ອົງການຈັດຄັ້ງມະຫາຊົນຂອງສອງແຂວງຢ້ຽມຍາມ ແລກປ່ຽນບົດຂຽນໃນບັນດາເນື້ອໃນທີ່ແທບເໝາະກັບສະພາບຕົວຈິງ. ພ້ອມນັ້ນ, ຄະນະການນຳຂັ້ນສູງຂອງແຂວງກວາງບິ່ງໄດ້ມອບເງິນ 200 ລ້ານດົ່ງໃຫ້ແຂວງສະຫວັນນະເຂດ. ຈາກນັ້ນ, ຜູ້ແທນທັງສອງຝ່າຍໄດ້ມອບຂອງຂວັນທີ່ລະນຶກຮ່ວມກັນດ້ວຍບັນຍາກາດແຫ່ງໄມຕີຈິດມິດຕະພາບ ແລະ ການຮ່ວມມື.
(ຂ່າວ: ສະຫວັນ)
ຄໍາເຫັນ