ທະນາຄານພັດທະນາອາຊີ (ADB) ຮ່ວມກັບກະຊວງການເງິນ ໄດ້ຈັດພິທີຖະແຫຼງຂ່າວກອງປະຊຸມລະດັບສູງເພື່ອປຶກສາຫາລືກ່ຽວກັບການສ້າງຄວາມເຂັ້ມແຂງທາງດ້ານການຄຸ້ມຄອງໜີ້ສິນສາທາລະນະຢູ່ ສປປ ລາວ ຂຶ້ນໃນວັນທີ 5 ຕຸລາ ຜ່ານມາ ທີ່ໂຮງແຮມແລນມາກ ນະຄອນຫຼວງວຽງຈັນ ໂດຍມີ ທ່ານ ສຸລິວັດ ສຸວັນນະຈູມຄໍາ ຫົວໜ້າກົມຄຸ້ມຄອງໜີ້ສິນສາທາລະນະກະຊວງການເງິນ, ມີທ່ານນາງ ເອັມມາ ວີເວ ຮອງຫົວໜ້າກົມອາຊີຕາເວັນອອກສ່ຽງໃຕ້ຂອງ ADB ພ້ອມດ້ວຍພາກສ່ວນກ່ຽວສື່ມວນຊົນເຂົ້າຮ່ວມ.
ກອງປະຊຸມຄັ້ງນີ້ໄດ້ສຸມໃສ່ການກໍານົດການພົວພັນລະຫວ່າງ ການຄຸ້ມຄອງໜີ້ສິນສາທາລະນະ ແລະ ນະໂຍບາຍການເງິນ, ເງິນຕາ ເພື່ອຊ່ວຍສ້າງວິທີການຂອງລັດຖະບານທັງໝົດ ແນໃສ່ເພີ່ມທະວີການຄຸ້ມຄອງໜີ້ສິນສາທາລະນະ, ການຖອດຖອນບົດຮຽນຈາກພາກພື້ນ ແລະ ສາກົນ, ບັນດາເຈົ້າໜ້າທີ່ພາກລັດ, ຜູ້ຕາງໜ້າພາກເອກະຊົນ, ນັກຊ່ຽວຊານ, ຄູ່ຮ່ວມພັດທະນາຈາກພາກພື້ນ ແລະ ສາກົນ ໄດ້ທົບທວນຄືນບົດຮຽນ ແລະ ໃຫ້ຂໍ້ສະເໜີແກ່ລັດຖະບານ ສປປ ລາວ ພິຈາລະນາເຂົ້າໃນແຜນການທີ່ຈະສ້າງຄວາມເຂັ້ມແຂງໃຫ້ແກ່ວຽກງານການຄຸ້ມຄອງໜີ້ສາທາລະນະ.
ທ່ານ ສຸລິວັດ ສຸວັນນະຈູມຄໍາ ກ່າວວ່າ: ການສົນທະນາປຶກສາຫາລືລະດັບສູງໄດ້ສະໜອງຂໍ້ສະເໜີທີ່ເປັນປະ ໂຫຍດຫຼາຍຂໍ້ ທີ່ຈະຊ່ວຍໃຫ້ລັດຖະບານໃນການປັບປຸງກົດໝາຍວ່າດ້ວຍການຄຸ້ມຄອງໜີ້ສິນສາທາລະນະ ແລະ ຍຸດທະສາດການຄຸ້ມຄອງໜີ້ສິນໄລຍະກາງ ຊຶ່ງບັນດາຂໍ້ສະເໜີທີ່ໄດ້ຍົກຂຶ້ນມາໃນກອງປະຊຸມຈະຊ່ວຍຮັບປະກັນທິດທາງທີ່ຍືນຍົງກວ່າເກົ່າສຳລັບໜີ້ສິນສາທາລະນະ. ໃນນັ້ນລວມທັງການກ້າວໄປສູ່ການປະສານສົມທົບກັນພາຍໃນໜ່ວຍງານພາກລັດທີ່ດີຂຶ້ນ. ພ້ອມນັ້ນຍັງມີຄວາມຈຳເປັນຕ້ອງຮັບປະກັນການແກ້ໄຂບັນຫາທີ່ຫຼີກລ່ຽງບໍ່ໄດ້ລະຫວ່າງນະໂຍບາຍເງິນຕາ, ງົບປະມານ, ນະໂຍບາຍທາງການເງິນ ແລະ ການຄຸ້ມຄອງໜີ້ສາທາລະນະຕ້ອງໄດ້ຮັບການລະບຸ ແລະ ແກ້ໄຂ. ໂດຍນັ້ນໃສ່ການຕິດຕາມກວດກາໜີ້ສິນພາກລັດຢ່າງຮອບດ້ານ, ຖືກຕ້ອງ, ທັນການ ແລະ ໂປ່ງໃສຫຼາຍຂຶ້ນ. ໃນການຕິດຕາມໜີ້ສິນພາກລັດທັງໝົດ, ການຄໍ້າປະກັນ, ການປ່ອຍກູ້ຕໍ່ ພ້ອມທັງໜີ້ສິນສຳຮອງຂອງບັນດາລັດວິສາຫະກິດຈາກການລົງທຶນຮ່ວມລະຫວ່າງພາກລັດ ແລະ ເອກະຊົນ.ສຳລັບການປະເມີນຄວາມສ່ຽງດ້ານງົບປະມານ ແມ່ນໜຶ່ງໃນຫຼາຍໆຄຸນລັກສະນະທີ່ສຳຄັນ ທີ່ຈະຕ້ອງໄດ້ຮັບການພິຈາລະນາເຂົ້າໃນບົດລາຍງານໜີ້ສິນສາທາລະນະໃນອານາຄົດອັນໃກ້ ເພື່ອຮັບປະກັນການແກ້ໄຂບັນຫາທີ່ຫຼີກລ່ຽງບໍ່ໄດ້ລະຫວ່າງລັດຖະບານ ຊຶ່ງໄດ້ມີການປະຕິບັດຫຼາຍມາດຕະການແກ້ໄຂຢ່າງຕໍ່ເນື່ອງ ເພື່ອຫຼຸດຜ່ອນອັດຕາເງິນເຟີ້ ແລະ ຮັກສາສະຖຽນລະພາບຂອງອັດຕາແລກປ່ຽນ. ກະຊວງການເງິນໄດ້ປະກອບສ່ວນເຂົ້າໃນ ການສັງລວມງົບປະມານ ໂດຍເພີ່ມການເກັບລາຍຮັບ ແລະ ຫຼຸດຜ່ອນລາຍຈ່າຍ.
ທ່ານນາງ ເອັມມາ ວີເວ ກ່າວວ່າ: ການປຶກສາຫາລືລະດັບສູງແມ່ນມີສ່ວນຮ່ວມ ແລະ ມີເນື້ອໃນທີ່ສໍາຄັນ ແລະ ຜົນໄດ້ຮັບຂອງກອງຊຸມຊ່ວຍໃຫ້ພາກລັດມີອົງປະກອບທີ່ຈຳເປັນໃນການຄຸ້ມຄອງໜີ້ສິນສາທາລະນະໃຫ້ມີປະສິດທິພາບຫຼາຍຂຶ້ນ. ພ້ອມນັ້ນ ADB ຈະສືບຕໍ່ສະໜັບສະໜູນກະຊວງການເງິນ, ບັນດາກະຊວງ ແລະ ສະຖາບັນຂອງລັດອື່ນໆ ເພື່ອສ້າງຄວາມເຂັ້ມແຂງໃຫ້ແກ່ການຄຸ້ມຄອງໜີ້ສິນສາທາລະນະຢູ່ໃນສປປ ລາວ ໂດຍມີການປຶກສາຫາລືຢ່າງໃກ້ຊິດກັບບັນດາຄູ່ຮ່ວມພັດທະນາອາຊີ ລວມທັງຜ່ານໂຄງການຊ່ວຍເຫຼືອທາງດ້ານວິຊາການຢ່າງຕໍ່ເນື່ອງ ແລະ ຜ່ານຍຸດທະສາດເພື່ອການຮ່ວມມືກັບປະເທດ. ໃນປີ 2024-2028 ຊຶ່ງແຜນຍຸດທະສາດດັ່ງກ່າວຈະຜ່ານການຮັບຮອງຈາກສະພາບໍລິຫານຂອງ ADB ພາຍໃນຕົ້ນປີ 2024.
(ຂ່າວ-ພາບ: ວັນເພັງ)
ກອງປະຊຸມຄັ້ງນີ້ໄດ້ສຸມໃສ່ການກໍານົດການພົວພັນລະຫວ່າງ ການຄຸ້ມຄອງໜີ້ສິນສາທາລະນະ ແລະ ນະໂຍບາຍການເງິນ, ເງິນຕາ ເພື່ອຊ່ວຍສ້າງວິທີການຂອງລັດຖະບານທັງໝົດ ແນໃສ່ເພີ່ມທະວີການຄຸ້ມຄອງໜີ້ສິນສາທາລະນະ, ການຖອດຖອນບົດຮຽນຈາກພາກພື້ນ ແລະ ສາກົນ, ບັນດາເຈົ້າໜ້າທີ່ພາກລັດ, ຜູ້ຕາງໜ້າພາກເອກະຊົນ, ນັກຊ່ຽວຊານ, ຄູ່ຮ່ວມພັດທະນາຈາກພາກພື້ນ ແລະ ສາກົນ ໄດ້ທົບທວນຄືນບົດຮຽນ ແລະ ໃຫ້ຂໍ້ສະເໜີແກ່ລັດຖະບານ ສປປ ລາວ ພິຈາລະນາເຂົ້າໃນແຜນການທີ່ຈະສ້າງຄວາມເຂັ້ມແຂງໃຫ້ແກ່ວຽກງານການຄຸ້ມຄອງໜີ້ສາທາລະນະ.
ທ່ານ ສຸລິວັດ ສຸວັນນະຈູມຄໍາ ກ່າວວ່າ: ການສົນທະນາປຶກສາຫາລືລະດັບສູງໄດ້ສະໜອງຂໍ້ສະເໜີທີ່ເປັນປະ ໂຫຍດຫຼາຍຂໍ້ ທີ່ຈະຊ່ວຍໃຫ້ລັດຖະບານໃນການປັບປຸງກົດໝາຍວ່າດ້ວຍການຄຸ້ມຄອງໜີ້ສິນສາທາລະນະ ແລະ ຍຸດທະສາດການຄຸ້ມຄອງໜີ້ສິນໄລຍະກາງ ຊຶ່ງບັນດາຂໍ້ສະເໜີທີ່ໄດ້ຍົກຂຶ້ນມາໃນກອງປະຊຸມຈະຊ່ວຍຮັບປະກັນທິດທາງທີ່ຍືນຍົງກວ່າເກົ່າສຳລັບໜີ້ສິນສາທາລະນະ. ໃນນັ້ນລວມທັງການກ້າວໄປສູ່ການປະສານສົມທົບກັນພາຍໃນໜ່ວຍງານພາກລັດທີ່ດີຂຶ້ນ. ພ້ອມນັ້ນຍັງມີຄວາມຈຳເປັນຕ້ອງຮັບປະກັນການແກ້ໄຂບັນຫາທີ່ຫຼີກລ່ຽງບໍ່ໄດ້ລະຫວ່າງນະໂຍບາຍເງິນຕາ, ງົບປະມານ, ນະໂຍບາຍທາງການເງິນ ແລະ ການຄຸ້ມຄອງໜີ້ສາທາລະນະຕ້ອງໄດ້ຮັບການລະບຸ ແລະ ແກ້ໄຂ. ໂດຍນັ້ນໃສ່ການຕິດຕາມກວດກາໜີ້ສິນພາກລັດຢ່າງຮອບດ້ານ, ຖືກຕ້ອງ, ທັນການ ແລະ ໂປ່ງໃສຫຼາຍຂຶ້ນ. ໃນການຕິດຕາມໜີ້ສິນພາກລັດທັງໝົດ, ການຄໍ້າປະກັນ, ການປ່ອຍກູ້ຕໍ່ ພ້ອມທັງໜີ້ສິນສຳຮອງຂອງບັນດາລັດວິສາຫະກິດຈາກການລົງທຶນຮ່ວມລະຫວ່າງພາກລັດ ແລະ ເອກະຊົນ.ສຳລັບການປະເມີນຄວາມສ່ຽງດ້ານງົບປະມານ ແມ່ນໜຶ່ງໃນຫຼາຍໆຄຸນລັກສະນະທີ່ສຳຄັນ ທີ່ຈະຕ້ອງໄດ້ຮັບການພິຈາລະນາເຂົ້າໃນບົດລາຍງານໜີ້ສິນສາທາລະນະໃນອານາຄົດອັນໃກ້ ເພື່ອຮັບປະກັນການແກ້ໄຂບັນຫາທີ່ຫຼີກລ່ຽງບໍ່ໄດ້ລະຫວ່າງລັດຖະບານ ຊຶ່ງໄດ້ມີການປະຕິບັດຫຼາຍມາດຕະການແກ້ໄຂຢ່າງຕໍ່ເນື່ອງ ເພື່ອຫຼຸດຜ່ອນອັດຕາເງິນເຟີ້ ແລະ ຮັກສາສະຖຽນລະພາບຂອງອັດຕາແລກປ່ຽນ. ກະຊວງການເງິນໄດ້ປະກອບສ່ວນເຂົ້າໃນ ການສັງລວມງົບປະມານ ໂດຍເພີ່ມການເກັບລາຍຮັບ ແລະ ຫຼຸດຜ່ອນລາຍຈ່າຍ.
ທ່ານນາງ ເອັມມາ ວີເວ ກ່າວວ່າ: ການປຶກສາຫາລືລະດັບສູງແມ່ນມີສ່ວນຮ່ວມ ແລະ ມີເນື້ອໃນທີ່ສໍາຄັນ ແລະ ຜົນໄດ້ຮັບຂອງກອງຊຸມຊ່ວຍໃຫ້ພາກລັດມີອົງປະກອບທີ່ຈຳເປັນໃນການຄຸ້ມຄອງໜີ້ສິນສາທາລະນະໃຫ້ມີປະສິດທິພາບຫຼາຍຂຶ້ນ. ພ້ອມນັ້ນ ADB ຈະສືບຕໍ່ສະໜັບສະໜູນກະຊວງການເງິນ, ບັນດາກະຊວງ ແລະ ສະຖາບັນຂອງລັດອື່ນໆ ເພື່ອສ້າງຄວາມເຂັ້ມແຂງໃຫ້ແກ່ການຄຸ້ມຄອງໜີ້ສິນສາທາລະນະຢູ່ໃນສປປ ລາວ ໂດຍມີການປຶກສາຫາລືຢ່າງໃກ້ຊິດກັບບັນດາຄູ່ຮ່ວມພັດທະນາອາຊີ ລວມທັງຜ່ານໂຄງການຊ່ວຍເຫຼືອທາງດ້ານວິຊາການຢ່າງຕໍ່ເນື່ອງ ແລະ ຜ່ານຍຸດທະສາດເພື່ອການຮ່ວມມືກັບປະເທດ. ໃນປີ 2024-2028 ຊຶ່ງແຜນຍຸດທະສາດດັ່ງກ່າວຈະຜ່ານການຮັບຮອງຈາກສະພາບໍລິຫານຂອງ ADB ພາຍໃນຕົ້ນປີ 2024.
(ຂ່າວ-ພາບ: ວັນເພັງ)
ຄໍາເຫັນ