 |
ກອງປະຊຸມຄັ້ງນີ້, ທັງສາມກອງບັນຊາການທະຫານແຂວງ ລາວ-ຫວຽດນາມ ໄດ້ພັດປ່ຽນກັນຂຶ້ນລາຍງານສະພາບການທີ່ພົ້ນເດັ່ນພາຍໃນແຂວງ ແລະ ໝາກຜົນໃນການພົວພັນຮ່ວມມືກັນໃນໄລຍະຜ່ານມາ ຂອງສາມກອງບັນຊາການ ໂດຍສະເພາະ ການພັດທະນາເສດຖະກິດ-ສັງຄົມ, ວຽກງານປ້ອງກັນຊາດ-ປ້ອງກັນຄວາມສະຫງົບ, ການພົວພັນວຽກງານການຕ່າງປະເທດຂອງແຕ່ລະແຂວງ, ເວົ້າສະເພາະ ສາມກອງບັນຊາການທະຫານແຂວງໃນໄລຍະຜ່ານມາ, ເຖິງວ່າຈະພົບຄວາມຫຍຸ້ງຍາກຫຼາຍບັນຫາກໍຕາມ ແຕ່ທັງສາມແຂວງ ກໍຄື ສາມກອງບັນຊາການທະຫານແຂວງ ກໍສາມາດຍາດໄດ້ຜົນສຳເລັດຫຼາຍດ້ານ ໄດ້ເພີ່ມພູນຄູນສ້າງ, ຮັດແໜ້ນ ແລະ ພັດທະນາຢ່າງບໍ່ຢຸດຢັ້ງ.
 |
ພ້ອມກັນສືບຕໍ່ເພີ່ມພູນຄູນສ້າງພັດທະນາການຮ່ວມມືອັນດີງາມ ໃນກຳລັງປະກອບອາວຸດໃນສາມແຂວງໃຫ້ໜັກແໜ້ນເຂັ້ມແຂງ, ປະສານສົມທົບວຽກງານໂຄສະນາສຶກສາອົບຮົມໃຫ້ດີຂຶ້ນຢ່າງບໍ່ຢຸດຢັ້ງ ແນໃສ່ຍົກສູງສະຕິຄວາມຮັບຜິດຊອບ, ຄວາມຮັບຮູ້, ຄວາມເຂົ້າໃຈຂອງພະນັກງານ-ນັກຮົບໃນທົ່ວກຳລັງປະກອບອາວຸດ ແລະ ປະ ຊາຊົນໃຫ້ມີຄວາມເຂົ້າໃຈຢ່າງເລິກເຊິ່ງກວ່າເກົ່າ. ກ່ຽວກັບການພົວພັນແບບພິເສດ ແລະ ການຮ່ວມມືຮອບດ້ານລະຫວ່າງສອງຊາດລາວ-ຫວຽດນາມໃຫ້ຈະເລີນງອກງາມຍິ່ງໆຂຶ້ນ. ເພີ່ມທະວີປະສານສົມທົບແລກປ່ຽນຂໍ້ມູນຂ່າວ ສານກ່ຽວກັບສະພາບການລຽບຕາມຊາຍແດນ, ສ້າງເສັ້ນຊາຍແດນໃຫ້ກາຍເປັນຊາຍແດນແຫ່ງສັນຕິພາບ, ສະ ຖຽນລະພາບ ແລະ ພັດທະນາ ພ້ອມທັງສ້າງເງື່ອນໄຂອຳນວຍຄວາມສະດວກໃຫ້ບັນດາກຸ່ມບ້ານທີ່ມີຊາຍແດນຕິດຈອດກັນ, ໄດ້ມີການພົວພັນແລກປ່ຽນສະພາບການ ແລະ ຊ່ວຍເຫຼືອຊຶ່ງກັນ ແລະ ກັນໃນທຸກດ້ານ, ສືບຕໍ່ປະສານສົມທົບ ແລະ ຊ່ວຍເຫຼືອກອງຂຸດຄົ້ນອັດຖິ 584,289 ກອງບັນຊາການທະຫານແຂວງກວາງຈິ, ໄດ້ຈັດຕັ້ງປະຕິບັດໜ້າທີ່ສຳຫຼວດ, ຊອກຄົ້ນ ແລະ ທ້ອນໂຮມອັດຖິທະຫານອາສາສະໝັກ ແລະ ຊ່ຽວຊານຫວຽດນາມ ທີ່ເສຍສະຫຼະຊີວິດໃນປາງສົງຄາມຢູ່ພື້ນທີ່ແຂວງສະຫວັນນະເຂດ ແລະ ຄຳມ່ວນ ໃນລະດູແລ້ງ ສົກປີ 2026-2027 ໃຫ້ໄດ້ຕາມແຜນການ.
 |
ພິເສດກອງບັນຊາການທະຫານແຂວງກວາງຈິ ຈະໄດ້ຈັດຕັ້ງຝຶກອົບຮົມວຽກງານການທະຫານທ້ອງຖິ່ນ,ການສ້າງເຂດປ້ອງກັນບໍລິເວນຂັ້ນເມືອງ ຫຼື ແຂວງ ແລະ ການສ້າງກຸ່ມບ້ານປ້ອມໝັ້ນສູ້ຮົບຕິດລຽນໃຫ້ກອງບັນຊາການທະຫານແຂວງສະຫວັນນະເຂດ, ຈັດຕັ້ງຝຶກອົບຮົມວຽກງານກວດກາພັກ-ລັດ ໃຫ້ກອງບັນຊາການທະຫານແຂວງຄຳມ່ວນ ແລະ ຈັດຕັ້ງຄະນະວິຊາການສອງຝ່າຍພົບປະແລກປ່ຽນບົດຮຽນ ປະສົບການກ່ຽວກັບວຽກງານເພີ່ມພູນຜະລິດຜົນໃຫ້ພະນັກງານສອງກອງບັນຊາການທະຫານແຂວງສະຫວັນນະເຂດ ແລະ ຄໍາມ່ວນນໍາອີກ.
ໃນພິທີໄດ້ລົງນາມເຊັນບົດບັນທຶກຊ່ວຍຈຳ ໃນການຈັດຕັ້ງປະຕິບັດໜ້າທີ່ວຽກງານປ້ອງກັນຊາດ-ປ້ອງກັນຄວາມສະຫງົບໃນຕໍ່ໜ້າໃຫ້ມີປະສິດທິພາບສູງຂຶ້ນ. ຂ່າວ: ພານິດ ພິລາວົງ
ຄໍາເຫັນ