ທະຫານເຂດ 5 ສສ ຫວຽດນາມ ອວຍພອນຄະນະນໍາແຂວງສາລະວັນໃນໂອກາດປີໃໝ່ລາວ

ທ່ານ ພັອ. ເຈິ່ນ ແທັງ ຮ້າຍ ຮອງຫົວໜ້າເສນາທິການ ກອງບັນຊາການທະຫານເຂດ 5 ສສ ຫວຽດນາມ ພ້ອມດ້ວຍຄະນະ ເດີນທາງມາຢ້ຽມຍາມ ແລະ ເຂົ້າອ່ວຍພອນຄະນະການນໍາ ແຂວງສາລະວັນ ສປປ ລາວ ເນື່ອງໃນໂອກາດປີໃໝ່ລາວ ພສ 2567 ຢູ່ຫ້ອງປະຊຸມສະໂມສອນໃຫ່ຍຊັ້ນສອງຂອງແຂວງ ໃນວັນທີ 8 ເມສາຜ່ານມານີ້, ໃຫ້ກຽດຕ້ອນຮັບໂດຍ ທ່ານ ດາວວົງ ພອນແກ້ວ ກໍາມະການສູນກາງພັກ ເລຂາພັກແຂວງ ເຈົ້າແຂວງສາລະວັນ ພ້ອມຄະນະ.
       ໂອກາດມາຢ້ຽມຢາມຄັ້ງນີ້, ທ່ານ ພັອ. ເຈິ່ນ ແທັງ ຮ້າຍ ໄດ້ກ່າວອ່ວຍພອນມາຍັງຄະນະນຳຂອງແຂວງ, ພະນັກງານລັດຖະກອນ ແລະ ປະຊາຊົນບັນດາເຜົ່າແຂວງສາລະວັນ ຈົ່ງມີສຸຂະພາທີ່ເຂັ້ມແຂງ ແລະ ປະສົບຜົນສຳເລັດທຸກດ້ານ. ທ່ານຍັງໃຫ້ຮູ້ວ່າ: ເມື່ອບໍ່ດົນມານີ້ກອງບັນຊາການທະຫານເຂດ 5 ໄດ້ຊີ້ນໍາກອງບັນຊາການທະຫານນະຄອນດານັງ ຈັດຕັ້ງພະນັກງານແພດຢ້ຽມຢາມ, ກວດພະຍາດ, ຈ່າຍຢາໃຫ້ປະຊາຊົນແຂວງສາລະວັນ ເພື່ອປະກອບສ່ວນເພີ່ມທະວີການພົວພັນມິດຕະພາບອັນຍິ່ງໃຫຍ່ທີ່ເປັນມູນເຊື້ອອັນດີງມລະຫວ່າງສອງປະເທດຫວຽດນາມ-ລາວ.  ພ້ອມນັ້ນ ທັງ 2 ຝ່າຍ ຍັງໄດ້ລາຍງານຫຍໍ້ສະພາບການພັດທະນາເສດຖະກິດ-ສັງຄົມ ໃຫ້ ແລະ ກັນໄດ້ຮັບຊາບ.
ທ່ານ ເຈົ້າແຂວງສາລະວັນ ກໍ່ໄດ້ກ່າວສະແດງຄວາມຂອບໃຈຍັງ ທ່ານ ຮອງຫົວໜ້າເສນາທິການ ກອງບັນຊາການທະຫານເຂດ 5 ສສ ຫວຽດນາມ ພ້ອມດ້ວຍຄະນະ ທີ່ໄດ້ເສຍສະຫຼະເວລາເດີນທາງມາຢ້ຽມຢາມ ແລະ ອວຍພອນການນໍາແຂວງ, ພໍ່ແມ່ປະຊາຊົນແຂວງສາລະວັນ ດ້ວຍຄວາມຮັກແພງຈິງໃຈຖານອ້າຍນ້ອງ ພ້ອມທັງອວຍພອນໄຊອັນປະເສີດເຖິງຄະນະ ກອງບັນຊາການທະຫານເຂດ 5 ສສ ຫວຽດນາມ. ອ້າຍນ້ອງທະຫານທີ່ຍາມໃດກໍໄດເອົາໃຈໃສປະສານສົມ, ສະໜັບສະໜູນຊ່ວຍເຫຼືອ ແລະ ຄຽງບ່າຄຽງໄຫຼ່ກັບແຂວງສາລະວັນຕະຫຼອດມາ.
(ຂ່າວ: ສາລະວັນ)