ທ່ານ ວິໄລວັນ ບຸດດາຄໍາ ຮອງປະທານຄະນະກວດກາສູນກາງພັກຮອງປະທານອົງການກວດກາແຫ່ງລັດ ແລະ ຮອງຫົວໜ້າອົງການຕ້ານການສໍ້ລາດບັງຫຼວງຂັ້ນສູນກາງ ພ້ອມດ້ວຍຄະນະ ໄດ້ຕ້ອນຮັບການເຂົ້າພົບປະຢ້ຽມຢາມ ຂອງ ທ່ານ ຊູດເດສ ມາເນຍ (Mr. Sudesh Maniar) ເອກອັກຄະລັດຖະທູດສິງກະໂປ ປະຈຳ ສປປ ລາວເມື່ອບໍ່ດົນມານີ້ ທີ່ຄະນະກວດກາສູນກາງພັກ.
ທ່ານວິໄລວັນ ບຸດດາຄໍາ ໄດ້ສະແດງຄວາມຕ້ອນຮັບຢ່າງອົບອຸ່ນ ຕໍ່ການມາພົບປະຢ້ຽມຢາມຂອງທ່ານເອກອັກຄະລັດຖະທູດສິງກະໂປ ໃນຄັ້ງນີ້ ພ້ອມທັງໄດ້ຕີລາຄາສູງຕໍ່ສາຍພົວພັນຮ່ວມມືລະຫວ່າງລາວ-ສິງກະໂປ ໂດຍສະເພາະ, ໄດ້ສະແດງຄວາມຂອບໃຈມາຍັງລັດຖະບານ ແລະ ປະຊາຊົນ ສິງກະໂປ ຕໍ່ການຊ່ວຍເຫຼືອ ອັນລ້ຳຄ່າໃນໄລຍະຜ່ານມາ ແລະ ສະເໜີໃຫ້ສືບຕໍ່ການຊ່ວຍເຫຼືອທາງດ້ານການສ້າງຊັບພະຍາກອນມະນຸດ, ການຈັດຝຶກອົບຮົມພາສາອັງກິດ, ວິຊາການທີ່ກ່ຽວຂ້ອງໃຫ້ແກ່ບັນດາພະນັກງານ-ລັດຖະກອນ, ການແລກປ່ຽນບົດຮຽນລະຫວ່າງຄະນະຜູ້ແທນ, ການນໍາຂັ້ນສູງຂອງທັງສອງປະເທດ ໃນຂົງເຂດວຽກງານຕ້ານການສໍ້ລາດບັງຫຼວງ ແລະ ການຮ່ວມມືສອງຝ່າຍຮ່ວມກັບອົງການຕ້ານການສໍ້ລາດບັງຫຼວງຂອງສິງກະໂປ (CPIB), ລວມທັງການສົ່ງບັນດາຜູ້ຊ່ຽວຊານ ເຂົ້າມາຊ່ວຍເຫຼືອໃນຂະແໜງການຕ້ານການສໍ້ລາດບັງຫຼວງ. ພ້ອມນີ້, ຍັງໄດ້ແລກປ່ຽນຄຳຄິດຄຳເຫັນກ່ຽວກັບສະພາບການພາກພື້ນ ແລະ ສາກົນ ທີ່ມີຄວາມສົນໃຈຮ່ວມກັນ.
ພ້ອມດຽວກັນນີ້, ທ່ານ ຊູດເດສ ມາເນຍ ໄດ້ສະແດງຄວາມຂອບໃຈຕໍ່ການຕ້ອນຮັບອັນອົບອຸ່ນ ແລະ ຊົມເຊີຍໃນໂອກາດທີ່ ສປປ ລາວ ເປັນປະທານອາຊຽນ ຊຶ່ງເປັນພື້ນຖານສຳຄັນສືບຕໍ່ເສີມຂະຫຍາຍການພົວພັນຮ່ວມມືສອງຝ່າຍລາວ-ສິງກະໂປ ໃຫ້ມີຜົນສໍາເລັດໃຫຍ່ຫຼວງກວ່າເກົ່າໃນຕໍ່ໜ້າ,ພ້ອມທັງຕີລາຄາສູງຕໍ່ສາຍພົວພັນການທູດ ລາວ-ສິງກະໂປ ຕະຫຼອດໄລຍະຜ່ານມາທີ່ສືບຕໍ່ໄດ້ຮັບການເພີ່ມພູນຄູນສ້າງເປັນກ້າວໆມາ, ໂດຍສະເພາະການພົບປະແລກປ່ຽນບົດຮຽນ, ການຢ້ຽມຢາມຂອງຄະນະຜູ້ແທນຂັ້ນສູງຂອງສອງປະເທດ, ການພົວພັນຮ່ວມມື ຂອງບັນດາຫົວໜ່ວຍທຸລະກິດ, ການຮ່ວມມືດ້ານການຄ້າ-ການລົງທຶນ, ການສຶກສາ, ການພັດທະນາຊັບພະຍາກອນມະນຸດ ໃນຂະແໜງການຕ່າງໆທີ່ສອງຝ່າຍມີທ່າແຮງຮ່ວມກັນ ເປັນຕົ້ນການຜະລິດກະສິກຳ, ພະລັງງານສີຂຽວ (ພະລັງງານນໍ້າ, ແສງຕາເວັນ, ລົມ) ແລະ ການຊື້-ຂາຍ ພະລັງງານໄຟຟ້າ. ພ້ອມນັ້ນ ຍັງຍິນດີຊຸກຍູ້ໃຫ້ພາກສ່ວນກ່ຽວຂ້ອງຂອງຕົນ ປະສານສົມທົບກັນຢ່າງໃກ້ຊິດ ກັບຝ່າຍ ອົງການກວດກາແຫ່ງລັດ ເພື່ອເສີມຂະຫຍາຍການພົວພັນຮ່ວມມືສອງຝ່າຍ ສິງກະໂປ-ລາວ ໃຫ້ແຕກດອກອອກຜົນ ເພື່ອນຳເອົາຜົນປະໂຫຍດສູງສຸດມາສູ່ປະຊາຊົນ ສິງກະໂປ-ລາວ ແລະ ສືບຕໍ່ໃຫ້ການສະໜັບສະໜູນຊ່ວຍເຫຼອຊຶ່ງກັນ ແລະ ກັນ ໃນເວທີພາກພື້ນ ແລະ ສາກົນ.
ຂ່າວ-ພາບ: ຄະນະກວດກາສູນກາງພັກ
ທ່ານວິໄລວັນ ບຸດດາຄໍາ ໄດ້ສະແດງຄວາມຕ້ອນຮັບຢ່າງອົບອຸ່ນ ຕໍ່ການມາພົບປະຢ້ຽມຢາມຂອງທ່ານເອກອັກຄະລັດຖະທູດສິງກະໂປ ໃນຄັ້ງນີ້ ພ້ອມທັງໄດ້ຕີລາຄາສູງຕໍ່ສາຍພົວພັນຮ່ວມມືລະຫວ່າງລາວ-ສິງກະໂປ ໂດຍສະເພາະ, ໄດ້ສະແດງຄວາມຂອບໃຈມາຍັງລັດຖະບານ ແລະ ປະຊາຊົນ ສິງກະໂປ ຕໍ່ການຊ່ວຍເຫຼືອ ອັນລ້ຳຄ່າໃນໄລຍະຜ່ານມາ ແລະ ສະເໜີໃຫ້ສືບຕໍ່ການຊ່ວຍເຫຼືອທາງດ້ານການສ້າງຊັບພະຍາກອນມະນຸດ, ການຈັດຝຶກອົບຮົມພາສາອັງກິດ, ວິຊາການທີ່ກ່ຽວຂ້ອງໃຫ້ແກ່ບັນດາພະນັກງານ-ລັດຖະກອນ, ການແລກປ່ຽນບົດຮຽນລະຫວ່າງຄະນະຜູ້ແທນ, ການນໍາຂັ້ນສູງຂອງທັງສອງປະເທດ ໃນຂົງເຂດວຽກງານຕ້ານການສໍ້ລາດບັງຫຼວງ ແລະ ການຮ່ວມມືສອງຝ່າຍຮ່ວມກັບອົງການຕ້ານການສໍ້ລາດບັງຫຼວງຂອງສິງກະໂປ (CPIB), ລວມທັງການສົ່ງບັນດາຜູ້ຊ່ຽວຊານ ເຂົ້າມາຊ່ວຍເຫຼືອໃນຂະແໜງການຕ້ານການສໍ້ລາດບັງຫຼວງ. ພ້ອມນີ້, ຍັງໄດ້ແລກປ່ຽນຄຳຄິດຄຳເຫັນກ່ຽວກັບສະພາບການພາກພື້ນ ແລະ ສາກົນ ທີ່ມີຄວາມສົນໃຈຮ່ວມກັນ.
ພ້ອມດຽວກັນນີ້, ທ່ານ ຊູດເດສ ມາເນຍ ໄດ້ສະແດງຄວາມຂອບໃຈຕໍ່ການຕ້ອນຮັບອັນອົບອຸ່ນ ແລະ ຊົມເຊີຍໃນໂອກາດທີ່ ສປປ ລາວ ເປັນປະທານອາຊຽນ ຊຶ່ງເປັນພື້ນຖານສຳຄັນສືບຕໍ່ເສີມຂະຫຍາຍການພົວພັນຮ່ວມມືສອງຝ່າຍລາວ-ສິງກະໂປ ໃຫ້ມີຜົນສໍາເລັດໃຫຍ່ຫຼວງກວ່າເກົ່າໃນຕໍ່ໜ້າ,ພ້ອມທັງຕີລາຄາສູງຕໍ່ສາຍພົວພັນການທູດ ລາວ-ສິງກະໂປ ຕະຫຼອດໄລຍະຜ່ານມາທີ່ສືບຕໍ່ໄດ້ຮັບການເພີ່ມພູນຄູນສ້າງເປັນກ້າວໆມາ, ໂດຍສະເພາະການພົບປະແລກປ່ຽນບົດຮຽນ, ການຢ້ຽມຢາມຂອງຄະນະຜູ້ແທນຂັ້ນສູງຂອງສອງປະເທດ, ການພົວພັນຮ່ວມມື ຂອງບັນດາຫົວໜ່ວຍທຸລະກິດ, ການຮ່ວມມືດ້ານການຄ້າ-ການລົງທຶນ, ການສຶກສາ, ການພັດທະນາຊັບພະຍາກອນມະນຸດ ໃນຂະແໜງການຕ່າງໆທີ່ສອງຝ່າຍມີທ່າແຮງຮ່ວມກັນ ເປັນຕົ້ນການຜະລິດກະສິກຳ, ພະລັງງານສີຂຽວ (ພະລັງງານນໍ້າ, ແສງຕາເວັນ, ລົມ) ແລະ ການຊື້-ຂາຍ ພະລັງງານໄຟຟ້າ. ພ້ອມນັ້ນ ຍັງຍິນດີຊຸກຍູ້ໃຫ້ພາກສ່ວນກ່ຽວຂ້ອງຂອງຕົນ ປະສານສົມທົບກັນຢ່າງໃກ້ຊິດ ກັບຝ່າຍ ອົງການກວດກາແຫ່ງລັດ ເພື່ອເສີມຂະຫຍາຍການພົວພັນຮ່ວມມືສອງຝ່າຍ ສິງກະໂປ-ລາວ ໃຫ້ແຕກດອກອອກຜົນ ເພື່ອນຳເອົາຜົນປະໂຫຍດສູງສຸດມາສູ່ປະຊາຊົນ ສິງກະໂປ-ລາວ ແລະ ສືບຕໍ່ໃຫ້ການສະໜັບສະໜູນຊ່ວຍເຫຼອຊຶ່ງກັນ ແລະ ກັນ ໃນເວທີພາກພື້ນ ແລະ ສາກົນ.
ຂ່າວ-ພາບ: ຄະນະກວດກາສູນກາງພັກ
ຄໍາເຫັນ