ທ່ານ ໄພວີ ສີບົວລິພາລັດຖະມົນຕີກະຊວງຍຸຕິທໍາ ໄດ້ຕ້ອນຮັບການເຂົ້າຢ້ຽມພົບປະຂອງ ທ່ານ ກຣາຕ້າເອັນດາເວິຣນິງຕຽດເອກອັກຄະລັດຖະທູດວິສາມັນຜູ້ມີອຳນາດເຕັມແຫ່ງສາທາລະນະລັດອິນໂດເນເຊຍຄົນໃໝ່ປະຈຳສປປລາວໃນວັນທີ 21 ພະຈິກນີ້ທີ່ກະຊວງຍຸຕິທຳເພື່ອປຶກສາຫາລື ແລະແລກປ່ຽນຄຳເຫັນໃນການຮ່ວມມື.
ໃນໂອກາດນີ້,ທ່ານ ໄພວີ ສີບົວລິພາກໍໄດ້ສະແດງຄວາມຕ້ອນຮັບແລະຕິລາຄາສູງຕໍ່ ທ່ານກຣາຕ້າເອັນດາເວິຣນິງຕຽດທີ່ໄດ້ຖືກແຕ່ງຕັ້ງມາດຳລົງຕຳແໜ່ງເປັນເອກອັກຄະລັດຖະທູດວິສາມັນຜູ້ມີອຳນາດເຕັມແຫ່ງສາທາລະນະລັດ ອິນໂດເນເຊຍຄົນໃໝ່ປະຈຳສປປລາວຊຶ່ງຈະເປັນການປະກອບສ່ວນອັນສຳຄັນເຂົ້າໃນການເສີມຂະຫຍາຍສາຍພົວພັນມິດຕະພາບແລະການຮ່ວມມືລະຫວ່າງສປປລາວແລະສອິນໂດເນເຊຍ;ນອກຈາກນັ້ນຍັງເປັນການສະໜັບສະນູນສປປລາວເພື່ອບັນລຸເປົ້າໝາຍການເປັນເຈົ້າພາບກອງປະຊຸມສຸດຍອດອາຊຽນແລະກອງປະຊຸມອື່ນໆ ທີ່ຕິດພັນໃນປີ 2024 ໂດຍສະເພາະກໍເປັນໂອກາດທີ່ຈະແລກປ່ຽນຄຳຄິດເຫັນປຶກສາຫາລືໃນການສືບຕໍ່ຊຸກຍູ້ສົ່ງເສີມການຮ່ວມມືດ້ານວຽກງານຍຸຕິທຳລະຫວ່າງກະຊວງຍຸຕິທຳສປປລາວແລະກະຊວງຍຸຕິທຳສອິນໂດເນເຊຍທີ່ມີມາດົນນານນັ້ນໃຫ້ມີປະສິດທິພາບແລະປະສິດທິຜົນຍິ່ງຂຶ້ນ.
ໃນໂອກາດນີ້,ທ່ານ ກຣາຕ້າເອັນດາເວິຣນິງຕຽດກໍໄດ້ສະແດງຄວາມຂອບໃຈຕໍ່ທ່ານ ໄພວີ ສີບົວລິພາທີ່ໄດ້ໃຫ້ການຕ້ອນຮັບຢ່າງອົບອຸ່ນໃນຄັ້ງນີີ້ແລະຈະເຮັດສຸດຄວາມສາມາດເພື່ອປະກອບສ່ວນເສີມຂະຫຍາຍສາຍພົວພັນມິດຕະພາບແລະການຮ່ວມມືລະຫວ່າງສອິນໂດເນເຊຍແລະສປປລາວ.ເວົ້າລວມເວົ້າສະເພາະແມ່ນການຮ່ວມມືດ້ານວຽກງານຍຸຕິທຳລະຫວ່າງກະຊວງຍຸຕິທຳສອິນໂດເນເຊຍແລະ ກະຊວງຍຸຕິທຳສປປລາວ ທີ່ມີມາດົນນານນັ້ນໃຫ້ມີປະສິດທິພາບແລະປະສິດທິຜົນຍິ່ງຂຶ້ນ.
ຂ່າວ-ພາບ:ບຸນຕອມ
ໃນໂອກາດນີ້,ທ່ານ ໄພວີ ສີບົວລິພາກໍໄດ້ສະແດງຄວາມຕ້ອນຮັບແລະຕິລາຄາສູງຕໍ່ ທ່ານກຣາຕ້າເອັນດາເວິຣນິງຕຽດທີ່ໄດ້ຖືກແຕ່ງຕັ້ງມາດຳລົງຕຳແໜ່ງເປັນເອກອັກຄະລັດຖະທູດວິສາມັນຜູ້ມີອຳນາດເຕັມແຫ່ງສາທາລະນະລັດ ອິນໂດເນເຊຍຄົນໃໝ່ປະຈຳສປປລາວຊຶ່ງຈະເປັນການປະກອບສ່ວນອັນສຳຄັນເຂົ້າໃນການເສີມຂະຫຍາຍສາຍພົວພັນມິດຕະພາບແລະການຮ່ວມມືລະຫວ່າງສປປລາວແລະສອິນໂດເນເຊຍ;ນອກຈາກນັ້ນຍັງເປັນການສະໜັບສະນູນສປປລາວເພື່ອບັນລຸເປົ້າໝາຍການເປັນເຈົ້າພາບກອງປະຊຸມສຸດຍອດອາຊຽນແລະກອງປະຊຸມອື່ນໆ ທີ່ຕິດພັນໃນປີ 2024 ໂດຍສະເພາະກໍເປັນໂອກາດທີ່ຈະແລກປ່ຽນຄຳຄິດເຫັນປຶກສາຫາລືໃນການສືບຕໍ່ຊຸກຍູ້ສົ່ງເສີມການຮ່ວມມືດ້ານວຽກງານຍຸຕິທຳລະຫວ່າງກະຊວງຍຸຕິທຳສປປລາວແລະກະຊວງຍຸຕິທຳສອິນໂດເນເຊຍທີ່ມີມາດົນນານນັ້ນໃຫ້ມີປະສິດທິພາບແລະປະສິດທິຜົນຍິ່ງຂຶ້ນ.
ໃນໂອກາດນີ້,ທ່ານ ກຣາຕ້າເອັນດາເວິຣນິງຕຽດກໍໄດ້ສະແດງຄວາມຂອບໃຈຕໍ່ທ່ານ ໄພວີ ສີບົວລິພາທີ່ໄດ້ໃຫ້ການຕ້ອນຮັບຢ່າງອົບອຸ່ນໃນຄັ້ງນີີ້ແລະຈະເຮັດສຸດຄວາມສາມາດເພື່ອປະກອບສ່ວນເສີມຂະຫຍາຍສາຍພົວພັນມິດຕະພາບແລະການຮ່ວມມືລະຫວ່າງສອິນໂດເນເຊຍແລະສປປລາວ.ເວົ້າລວມເວົ້າສະເພາະແມ່ນການຮ່ວມມືດ້ານວຽກງານຍຸຕິທຳລະຫວ່າງກະຊວງຍຸຕິທຳສອິນໂດເນເຊຍແລະ ກະຊວງຍຸຕິທຳສປປລາວ ທີ່ມີມາດົນນານນັ້ນໃຫ້ມີປະສິດທິພາບແລະປະສິດທິຜົນຍິ່ງຂຶ້ນ.
ຂ່າວ-ພາບ:ບຸນຕອມ
ຄໍາເຫັນ