ໃນວັນທີ 7 ພະຈິກ ນີ້ ທີ່ຫ້ອງຮັບແຂກ ຫ້ອງວ່າການແຂວງໄຊຍະບູລີ, ທ່ານ ພົງສະຫວັນ ສິດທະວົງເຈົ້າແຂວງໄຊຍະບູລີ ໄດ້ຕ້ອນຮັບຄະນະອະດີດທະຫານອາສາສະໝັກ ແລະ ຊ່ຽວຊານການທະຫານແຂວງຟູເຖາະ, ແຂວງອຽນບາຍ ແລະ ແຂວງລາວການ ສສ ຫວຽດນາມ ນໍາໂດຍ ທ່ານ ພັນເອກ ຫງຽນຈ໋ອງຕັງ ອະດີດຫົວໜ້າກົມການເງິນ ກະຊວງຕໍາຫຼວດ ຫວຽດນາມ ພ້ອມຄະນະ.
ກ່ອນອື່ນ ທ່ານ ພັນເອກ ຫງຽນຈ໋ອງຕັງໄດ້ແຈ້ງຈຸດປະສົງທີ່ມາຢ້ຽມຢາມ ແລະ ທັດສະນະສຶກສາຢູ່ແຂວງໄຊຍະບູລີ ໂດຍສະເພາະແມ່ນເພື່ອຢ້ຽມຢາມເບິ່ງການພັດທະນາຂອງແຂວງພາຍຫຼັງປະເທດຊາດໄດ້ຮັບການປົດປ່ອຍ ຊຶ່ງທີມງານດັ່ງກ່າວສ່ວຍຫຼາຍແມ່ນໄດ້ມາຊ່ວຍ ສປປລາວ, ໂດຍສະເພາະແມ່ນມາຊ່ວຍແຂວງໄຊຍະບູລີ ໃນການຕໍ່ສູ້ຕ້ານສັດຕູຜູ້ຮຸກຮານໃນອະດີດ ຈົນສາມາດໄດ້ຮັບໄຊຊະນະ ແລະ ສາມາດປົດປ່ອຍແຂວງກໍຄືປະເທດຊາດໃນປີ 1975, ພ້ອມດຽວກັນຍັງໄດ້ພົບປະແລກປ່ຽນບົດຮຽນນໍາສະຫະພັນນັກຮົບເກົ່າ, ແນວລາວສ້າງຊາດແຂວງໄຊຍະບູລີ ຕື່ມອີກ,ໂອກາດດັ່ງກ່າວ ທ່ານ ເຈົ້າແຂວງໄຊຍະບູລີ ກໍໄດ້ສະແດງຄວາມຍິນດີຕ້ອນຮັບຄະນະຜູ້ແທນ ພ້ອມທັງສະແດງຄວາມກະຕັນຍູຮູ້ບຸນຄຸນຕໍ່ອະດີດທະຫານອາສາສະໝັກ ແລະ ຊ່ຽວຊານການທະຫານ ທີ່ໄດ້ສະລະເຫື່ອແຮງເພື່ອເຮັດການປະຕິວັດກໍຄືປົກປັກຮັກສາເຂດນໍ້າແດນດິນອັນຄົບຖ້ວນຂອງແຂວງໄຊຍະບູລີ ໄວ້ໄດ້ຢ່າງໝັ້ນຄົງ ແລະ ເຊື່ອວ່າການຊ່ວຍເຫຼືອ ແລະ ຄວາມສາມັກຄີແບບພິເສດຂອງສອງຊາດລາວ-ຫວຽດນາມ, ເວົ້າລວມ, ເວົ້າສະເພາະແມ່ນແຂວງໄຊຍະບູລີ ກັບບັນດາແຂວງແຮກສ່ຽວຂອງ ສສ ຫວຽດນາມນັ້ນຈະສືບຕໍ່ຮັດແໜ້ນ ແລະ ໝັ້ນຄົງຂະໜົງແກ່ນຊົ່ວກາລະນານ.
ພ້ອມດຽວກັນຍັງໄດ້ລາຍງານສະພາບການພັດທະນາເສດຖະກິດຂອງແຂວງໂດຍສັງເຂບ ຊຶ່ງເສດຖະກິດຂອງແຂວງແມ່ນໄດ້ອາໄສ 3 ທ່າແຮງຕົ້ນຕໍຄື: 1. ອຸດສາຫະກໍາ, ກະສິກໍາ ຕິດພັນກັບການປຸງແຕ່ງເພື່ອສົ່ງອອກ, 2. ການຄ້າຊາຍແດນ, ການຂົນສົ່ງ, ການທ່ອງທ່ຽວ, 3. ແມ່ນພະລັງງານໄຟຟ້າ, ສ່ວນການປູກພືດເປັນສິນຄ້ານັ້ນປະກອບມີ: ມັນຕົ້ນ, ສາລີຫົວອາຫານສັດ, ໝາກເດືອຍ ແລະ ພືດອື່ນໆອີກຈໍານວນໜຶ່ງ.
ຂ່າວ-ພາບ: ອຸ່ນເຮືອນ ໂພທິລັກ
ກ່ອນອື່ນ ທ່ານ ພັນເອກ ຫງຽນຈ໋ອງຕັງໄດ້ແຈ້ງຈຸດປະສົງທີ່ມາຢ້ຽມຢາມ ແລະ ທັດສະນະສຶກສາຢູ່ແຂວງໄຊຍະບູລີ ໂດຍສະເພາະແມ່ນເພື່ອຢ້ຽມຢາມເບິ່ງການພັດທະນາຂອງແຂວງພາຍຫຼັງປະເທດຊາດໄດ້ຮັບການປົດປ່ອຍ ຊຶ່ງທີມງານດັ່ງກ່າວສ່ວຍຫຼາຍແມ່ນໄດ້ມາຊ່ວຍ ສປປລາວ, ໂດຍສະເພາະແມ່ນມາຊ່ວຍແຂວງໄຊຍະບູລີ ໃນການຕໍ່ສູ້ຕ້ານສັດຕູຜູ້ຮຸກຮານໃນອະດີດ ຈົນສາມາດໄດ້ຮັບໄຊຊະນະ ແລະ ສາມາດປົດປ່ອຍແຂວງກໍຄືປະເທດຊາດໃນປີ 1975, ພ້ອມດຽວກັນຍັງໄດ້ພົບປະແລກປ່ຽນບົດຮຽນນໍາສະຫະພັນນັກຮົບເກົ່າ, ແນວລາວສ້າງຊາດແຂວງໄຊຍະບູລີ ຕື່ມອີກ,ໂອກາດດັ່ງກ່າວ ທ່ານ ເຈົ້າແຂວງໄຊຍະບູລີ ກໍໄດ້ສະແດງຄວາມຍິນດີຕ້ອນຮັບຄະນະຜູ້ແທນ ພ້ອມທັງສະແດງຄວາມກະຕັນຍູຮູ້ບຸນຄຸນຕໍ່ອະດີດທະຫານອາສາສະໝັກ ແລະ ຊ່ຽວຊານການທະຫານ ທີ່ໄດ້ສະລະເຫື່ອແຮງເພື່ອເຮັດການປະຕິວັດກໍຄືປົກປັກຮັກສາເຂດນໍ້າແດນດິນອັນຄົບຖ້ວນຂອງແຂວງໄຊຍະບູລີ ໄວ້ໄດ້ຢ່າງໝັ້ນຄົງ ແລະ ເຊື່ອວ່າການຊ່ວຍເຫຼືອ ແລະ ຄວາມສາມັກຄີແບບພິເສດຂອງສອງຊາດລາວ-ຫວຽດນາມ, ເວົ້າລວມ, ເວົ້າສະເພາະແມ່ນແຂວງໄຊຍະບູລີ ກັບບັນດາແຂວງແຮກສ່ຽວຂອງ ສສ ຫວຽດນາມນັ້ນຈະສືບຕໍ່ຮັດແໜ້ນ ແລະ ໝັ້ນຄົງຂະໜົງແກ່ນຊົ່ວກາລະນານ.
ພ້ອມດຽວກັນຍັງໄດ້ລາຍງານສະພາບການພັດທະນາເສດຖະກິດຂອງແຂວງໂດຍສັງເຂບ ຊຶ່ງເສດຖະກິດຂອງແຂວງແມ່ນໄດ້ອາໄສ 3 ທ່າແຮງຕົ້ນຕໍຄື: 1. ອຸດສາຫະກໍາ, ກະສິກໍາ ຕິດພັນກັບການປຸງແຕ່ງເພື່ອສົ່ງອອກ, 2. ການຄ້າຊາຍແດນ, ການຂົນສົ່ງ, ການທ່ອງທ່ຽວ, 3. ແມ່ນພະລັງງານໄຟຟ້າ, ສ່ວນການປູກພືດເປັນສິນຄ້ານັ້ນປະກອບມີ: ມັນຕົ້ນ, ສາລີຫົວອາຫານສັດ, ໝາກເດືອຍ ແລະ ພືດອື່ນໆອີກຈໍານວນໜຶ່ງ.
ຂ່າວ-ພາບ: ອຸ່ນເຮືອນ ໂພທິລັກ
ຄໍາເຫັນ