ທ່ານຄຳພັນພົມມະທັດຕ້ອນຮັບທູດອາເມຣິກາເຂົ້າຢ້ຽມຂໍ່ານັບ

ທ່ານຄຳພັນພົມມະທັດປະທານຄະນະກວດກາສູນກາງພັກປະທານອົງການກວດກາແຫ່ງລັດຫົວໜ້າອົງການຕ້ານການສໍ້ລາດບັງຫຼວງຂັ້ນສູນກາງໄດ້ຕ້ອນຮັບທ່ານນາງແຮັດເຕີວາເຣຍອາວາເອກອັກຄະລັດຖະທູດວິສາມັນຜູ້ມີອຳນາດເຕັມແຫ່ງສະຫະລັດອາເມຣິກາຄົນໃໝ່ປະຈຳ ສປປລາວເຂົ້າຢ້ຽມຂ່ຳນັບເມື່ອວັນທີ 26 ມີນານີ້ທີ່ຫ້ອງຮັບແຂກຄະນະກວດກາສູນກາງພັກ,ເນື່ອງໃນໂອກາດທ່ານທູດມາດຳລົງຕຳແໜ່ງເປັນເອກອັກຄະລັດຖະທູດສະຫະລັດອາເມຣິກາຄົນໃໝ່ປະຈຳລາວ.
ໃນໂອກາດດັ່ງກ່າວ, ທ່ານຄຳພັນພົມມະທັດໄດ້ສະແດງຄວາມຍິນດີຕ້ອນຮັບແລະຊົມເຊີຍຕໍ່ທ່ານນາງແຮັດເຕີວາເຣຍອາວາທີ່ຖືກແຕ່ງຕັ້ງມາດຳລົງຕຳແໜ່ງເປັນເອກອັກຄະລັດຖະທູດສະຫະລັດອາເມຣິກາຄົນໃໝ່ປະຈຳລາວຊຶ່ງເປັນການປະກອບສ່ວນຮັດແໜ້ນສາຍພົວພັນຮ່ວມມືແລະຊ່ວຍເຫຼືອຊຶ່ງກັນແລະກັນລະຫວ່າງລາວ- ອາເມຣິກາໃຫ້ນັບມື້ແຕກດອກອອກຜົນຍິ່ງໆຂຶ້ນ,ທ່ານຄຳພັນພົມມະທັດຍັງໄດ້ອວຍພອນໃຫ່ທ່ານທູດຈົ່ງປະສົບຜົນສຳເລັດໃນການມາປະຕິບັດໜ້າທີ່ການທູດປະຈຳລາວໃນຄັ້ງນີ້ແລະອວຍພອນໃຫ້ສາຍພົວພັນມິດຕະພາບແລະການຮ່ວມມືທີ່ດີລະຫວ່າງສອງປະເທດຈົ່ງໄດ້ຮັບການເສີມຂະຫຍາຍນັບມື້ແໜ້ນແຟ້ນຍິ່ງໆຂຶ້ນ.
ທ່ານທູດກໍໄດ້ສະແດງຄວາມຂອບໃຈຕໍ່ທ່ານຄຳພັນພົມທະທັດທີ່ໄດ້ໃຫ້ການຕ້ອນຮັບຢ່າງອົບອຸ່ນແລະກ່າວຢືນຢັນວ່າຈະຕັ້ງໜ້າປະຕິບັດໜ້າທີ່ເພື່ອເປັນຂົວຕໍ່ໃຫ້ແກ່ການພົວພັນຮ່ວມມືລະຫວ່າງສອງປະເທດໃຫ້ເກີດດອກອອກຜົນຢ່າງແທ້ຈິງ.
ສປປລາວແລະສອາເມຣິກາໄດ້ສ້າງຕັ້ງສາຍພົວພັນການທູດນໍາກັນໃນວັນທີ10ສິງຫາ1955ໃນນັ້ນການພົວພັນລະຫວ່າງສປປລາວແລະສອາເມຣິກາມີຫຼາຍດ້ານຄື:ດ້ານການເມືອງ,ການຮ່ວມມືດ້ານວຽກງານຊອກຄົ້ນຫາກະດູກແລະສິ່ງເສດເຫຼືອຂອງທະຫານອາເມຣິກາທີ່ຫາຍສາບສູນໃນປາງສົງຄາມຢູ່ລາວ (MIA),ການຮ່ວມມືດ້ານການປາບປາມຢາເສບຕິດ (Narcotic),ການຮ່ວມມືດ້ານວຽກງານເກັບກູ້ລະເປີດບໍ່ທັນແຕກ(UXO),ການຮ່ວມມືດ້ານການຄ້າແລະການລົງທຶນ,ການໃຫ້ການສະໜັບສະໜູນຊຶ່ງກັນແລະກັນ,ການຮ່ວມມືດ້ານສາທາລະນະສຸກ,ການຮ່ວມມືຕ້ານລັດທິກໍ່ການຮ້າຍ, ອາຊະຍະກຳຂ້າມຊາດແລະການບັງຄັບໃຊ້ກົດໝາຍ,ດ້ານການຮ່ວມມືບັນດາປະເທດລຸ່ມແມ່ນໍ້ຂອງ,ການຮ່ວມມືໃນຂອບຄະນະກຳມະການແມ່ນໍ້ຂອງສາກົນ (MRC)ແລະດ້ານອື່ນໆ.
ໃນໄລຍະຜ່ານມາສອາເມຣິກາໄດ້ຊ່ວຍເຫຼືອດ້ານການແພດເພື່ອມະນຸດສະທໍາທີ່ປິ່ນອ້ອມ,ໄດ້ຊ່ວຍເຫຼືອດ້ານການແພດແກ່ບັນດາແຂວງ,ປຸກສ້າງໂຮງຮຽນ, ໂຮງໝໍແລະອື່ນໆຊຶ່ງມາເຖິງປັດຈຸບັນກໍມີມູນຄ່າຫຼາຍສິບລ້ານໂດລາ.
(ຂ່າວ-ພາບ:ສຳນານ)