ເພື່ອເປັນການຍ້ອງຍໍ ແລະ ສັນລະເສີນຕໍ່ຜົນງານດັ່ງກ່າວ.ພິທີມອບຫຼຽນກຽດຕິຍົດອັນສູງສົ່ງນີ້, ໄດ້ຈັດຂຶ້ນໃນຕອນຄໍ່າວັນທີ 18 ທັນວາ ຜ່ານມາ ທີ່ເຮືອນພັກທູດຍີ່ປຸ່ນ ປະຈຳນະຄອນຫຼວງວຽງຈັນ ຊຶ່ງມີການຂຶ້ນມອບຫຼຽນໂດຍທ່ານ ໂຄອິຊຶມິ ຊຶໂຕມຸ ເອກອັກຄະຣາຊະທູດຍີ່ປຸ່ນປະຈຳ ສປປລາວຊຶ່ງມີບັນດາຮອງລັດຖະມົນຕີ ແລະ ອະດີດລັດຖະມົນຕີ, ຕາງໜ້າຄົນຍີ່ປຸ່ນທີ່ອາໄສຢູ່ໃນປະເທດລາວ ແລະ ພາກສ່ວຍກ່ຽວຂ້ອງເຂົ້າຮ່ວມ.
ໃໃນພິທີ, ທ່ານທູດ ໄດ້ສະແດງຄວາມຍິນດີຕໍ່ກັບທ່ານ ພຸດສິມມາລາວົງຊຶ່ງໃນໄລຍະດຳລົງຕຳແໜ່ງເປັນຮອງຄະນະບໍດີແລະເປັນຄະນະບໍດີຄະນະວິທະຍາສາດສັງຄົມ,ມະຫາວິທະຍາໄລແຫ່ງຊາດ, ທ່ານພຸດສິມມາລາວົງໄດ້ອຸທິດຕົນໃນການສະໜັບສະໜຸນນັກຄົ້ນຄວ້າຄົນຍີ່ປຸ່ນທີ່ຢູ່ໃນຄະນະ, ທັງຍັງໄດ້ໃຫ້ການປຶກສາໃນການສຳຫຼວດ ແລະ ຄົ້ນຄວ້າຂອງເຂົາເຈົ້າ.ພ້ອມທັງໄດ້ປະກອບສ່ວນຢ່າງໃຫຍ່ຫຼວງໃນການສ້າງນັກຄົ້ນຄວ້າຄົນຍີ່ປຸ່ນທີ່ຄົ້ນຄວ້າກ່ຽວກັບປະເທດລາວແລະການແລກປ່ຽນທາງວິຊາການລະຫວ່າງລາວ ແລະ ຍີ່ປຸ່ນ.
ນັນັບແຕ່ປີ2019 ຫາປີ2021, ທ່ານ ພຸດ ສິມມາລາວົງໄດ້ດຳລົງຕຳແໜ່ງຮອງລັດຖະມົນຕີກະຊວງສຶກສາທິການແລະກິລາ ແລະ ໄດ້ປັບປຸງຄຸນະພາບຂອງຄູ-ອາຈານຜ່ານການຊ່ວຍເຫຼືອພາຍໃຕ້ “ໂຄງການປັບປຸງວິທະຍາໄລຄູ”ໂດຍປະສານງານຢ່າງໃກ້ຊິດກັບອົງການຮ່ວມມືສາກົນຍີ່ປຸ່ນ(JICA) ແລະໄດ້ປັບປຸງປຶ້ມແບບຮຽນຄະນິດສາດຊັ້ນປະຖົມສຶກສາພາຍໃຕ້ “ໂຄງການປັບປຸງການຮຽນ-ການສອນຄະນິດສາດຊັ້ນປະຖົມສຶກສາ” ຜ່ານການຮ່ວມມືທາງດ້ານວິຊາການ.ນອກຈາກນັ້ນ, ທ່ານຍັງໄດ້ເອົາໃຈໃສ່ຕໍ່ວຽກງານສົ່ງລັດຖະກອນລາວໄປຮຽນຕໍ່ທີ່ປະເທດຍີ່ປຸ່ນຜ່ານການຊ່ວຍເຫຼືອທີ່ລວມທັງ“ໂຄງການທຶນການສຶກສາເພື່ອການພັດທະນາຊັບພະຍາກອນມະນຸດ (JDS)”.ໃນລະຫວ່າງການດໍາລົງຕໍາແໜ່ງຂອງທ່ານມາຮອດປັດຈຸບັນ, ມີນັກສຶກສາລະດັບປະລິນຍາໂທ156ທ່ານ ແລະລະດັບປະລິນຍາເອກ39ທ່ານທີ່ໄດ້ຖືກສົ່ງໄປເພື່ອສຶກສາຕໍ່ທີ່ປະເທດຍີ່ປຸ່ນ. ນອກຈາກນີ້, ທ່ານ ພຸດ ສິມມາລາວົງຍັງໄດ້ເອົາໃຈໃສ່ໃນການສ້າງຄວາມເຂັ້ມແຂງດ້ານການສຶກສາພາສາຍີ່ປຸ່ນໃນປະເທດລາວ. ມາຮອດປີ2021, ຈຳນວນຜູ້ຮຽນພາສາຍີ່ປຸ່ນໄດ້ເພີ່ມຂຶ້ນເປັນ3 ທົບຈາກ1,046 ຄົນເປັນ3,118 ຄົນເມື່ອທຽບໃສ່ປີ2015 ທີ່ລິເລີ່ມໂຄງການ.
ໃໃນຖານະລັດຖະມົນຕີກະຊວງສຶກສາທິການແລະກິລາ,ນັບແຕ່ປີ2021 ຮອດປັດຈຸບັນ, ທ່ານໄດ້ຮ່ວມກັບລັດຖະບານຍີ່ປຸ່ນແລະອົງການຈັດຕັ້ງສາກົນປະຕິບັດນະໂຍບາຍຕ່າງໆຢ່າງຕັ້ງໜ້າເພື່ອຟື້ນຟູໂອກາດທາງດ້ານການສຶກສາທີ່ສູນເສຍໄປຍ້ອນພະຍາດໂຄວິດເຊັ່ນ: ການຈັດຕັ້ງລະບົບການຮຽນຮູ້ເສີມໂດຍນຳເອົາການຮຽນຮູ້ແບບດີຈີຕອນເຂົ້າມານຳໃຊ້ ແລະຍັງໄດ້ເຂົ້າຮ່ວມງານຕ່າງໆເພື່ອເຜີຍແຜ່ໝາກຜົນການຊ່ວຍເຫຼືອຂອງປະເທດຍີ່ປຸ່ນ. ພ້ອມກັນນັ້ນ, ທ່ານຍັງໄດ້ປະກອບສ່ວນໃນການເຮັດໃຫ້ “ໂຄງການປັບປຸງສະໜາມກິລາເຈົ້າອະນຸວົງ”ໂຄງການນີ້ຈະກາຍເປັນສັນຍາລັກແຫ່ງສາຍພົວພັນມິດຕະພາບແລະການຮ່ວມມືຂອງສອງປະເທດອີກດ້ວຍ.
ນນອກຈາກນັ້ນ, ໃນຖານະປະທານສະມາຄົມມິດຕະພາບລາວ-ຍີ່ປຸ່ນ, ທ່ານພຸດ ສິມມາລາວົງຍັງໄດ້ຕ້ອນຮັບບັນດາການນຳລະດັບສູງຈາກຍີ່ປຸ່ນຢ່າງອົບອຸ່ນເປັນຈຳນວນຫຼາຍຄັ້ງແລະໄດ້ແລກປ່ຽນຄຳຄິດຄຳເຫັນຢ່າງມີຄວາມໝາຍກັບບັນດາທ່ານດັ່ງກ່າວ. ທ່ານພຸດສິມມາລາວົງຍັງເປັນອະດີດນັກສຶກສາລາວທີ່ຮຽນຈົບຈາກມະຫາວິທະຍາໄລTohokuປະເທດຍີ່ປຸ່ນດ້ວຍທຶນການສຶກສາຂອງກະຊວງສຶກສາທິການ, ວິທະຍາສາດ, ກິລາ ແລະ ວັດທະນະທຳຂອງຍີ່ປຸ່ນ(MEXT)ແຕ່ປີ1997 ຫາ1999ແລະ ໄດ້ຮັບປະລິນຍາໂທສາຂາປະຫວັດສາດອີກດ້ວຍ.ທ່ານຍັງໄດ້ໃຫ້ກຽດເຂົ້າຮ່ວມໃນງານລ້ຽງສົ່ງນັກສຶກສາລາວທີ່ຈະເດີນທາງໄປສຶກສາຕໍ່ຢູ່ປະເທດຍີ່ປຸ່ນພາຍໃຕ້ທຶນການສຶກສາລັດຖະບານຍີ່ປຸ່ນແລະໃຫ້ຄຳໂອວາດປຸກຂວັນກຳລັງໃຈນັກສຶກສາແຕ່ລະຄົນ.
ນັ້ນີ້ກໍແມ່ນການປະກອບສ່ວນຢ່າງໃຫຍ່ຫຼວງຂອງ ທ່ານພຸດສິມມາລາວົງໃນການສ້າງຄົນທີ່ມັກປະເທດຍີ່ປຸ່ນໃຫ້ກາຍເປັນຜູ້ສືບທອດຂອງທ່ານຕໍ່ໄປໃນອະນາຄົດ.
(ຂ່າວ: ສຸກສະຫວັນ, ຂໍ້ມູນ-ພາບ: ສະຖານທູດຍີ່ປຸ່ນ)
ຄໍາເຫັນ