ໃນໂອກາດນີ້, ທ່ານນາງຄຳເພົາເອີນທະວັນໄດ້ຕາງໜ້າເອກອັກຄະລັດຖະທູດບັນດາປະເທດອາຊຽນແລະຕີມໍແລັດສະເຕສະແດງຄວາມຊົມເຊີຍແລະນຳເອົາຄວາມຊົມເຊີຍຈາກຜູ້ນຳພັກ, ລັດລາວແລະຜູ້ນຳບັນດາປະເທດອາຊຽນເຖິງທ່ານປະທານປະເທດຄົນໃໝ່ຂອງຫວຽດນາມ. ທ່ານເນັ້ນໜັກວ່າ, ໃນການເຂົ້າຮ່ວມເປັນສະມາຊິກອາຊຽນເກືອບ 30 ປີຜ່ານມາ, ຫວຽດນາມໄດ້ປະກອບສ່ວນຢ່າງຕັ້ງໜ້າເຂົ້າໃນການເພີ່ມທະວີຄວາມມັກຄີແລະບົດບາດເປັນໃຈກາງຂອງອາຊຽນກໍຄືການກໍ່ສ້າງວິໃສທັດອາຊຽນຫຼັງປີ 2025. ອາຊຽນແມ່ນເປັນແກ່ນສານຕໍ່ສັນຕິພາບ, ສະຖຽນລະພາບແລະຄວາມສະຫງົບໃນຂົງເຂດ; ການແກ້ໄຂບັນຫາດ້ວຍສັນຕິວິທີແລະການຮ່ວມມືເປັນວິທີທີ່ດີສຸດໃນການແກ້ໄຂບັນຫາທາງການເມືອງແລະເສດຖະກິດໃນປັດຈຸບັນ. ຄຳຂວັນຂອງການເປັນປະເທດອາຊຽນປີ 2024 ຂອງ ສປປລາວແມ່ນ“ເພີ່ມທະວີການເຊື່ອມຈອດ ແລະ ຄວາມເຂັ້ມແຂງອາຊຽນ”,ໃຫ້ບຸລິມະສິດການເພີ່ມທະວີການເຊື່ອມໂຍງທາງດ້ານເສດຖະກິດ, ສ້າງຄວາມເຂັ້ມແຂງແລະໃຫ້ຄວາມສຳຄັນຕໍ່ການເປັນໃຈກາງຂອງອາຊຽນ. ທ່ານທູດຍັງໄດ້ສະແດງຄວາມເຊື່ອໝັ້ນວ່າ: ການພົວພັນຮ່ວມມືລະຫວ່າງຫວຽດນາມແລະບັນດາປະເທດອາຊຽນຈະໄດ້ຮັບການຂະຫຍາຍຕົວຢ່າງບໍ່ຢຸດຢັ້ງແລະເຂົ້າສູ່ລວງເລິກປະກອບສ່ວນເຂົ້າໃນສັນຕິພາບ, ສະຖຽນລະພາບແລະຄວາມສະຫງົບໃນຂົງເຂດ.
ທ່ານໂຕເລິມປະທານປະເທດສສຫວຽດນາມຄົນໃໝ່ໄດ້ສະແດງຄວາມຂອບໃຈຕໍ່ການສະແດງຄວາມຊົມເຊີຍຂອງບັນດາການນຳແລະ ເອກະອັກຄະລັດຖະທູດບັນດາປະເທດອາຊຽນແລະຕີມໍແລັດສະເຕ. ພ້ອມທັງຢືນຢັນວ່າ: ອາຊຽນແມ່ນຄອບຄົວແມ່ນປະເທດເພື່ອນມິດອ້າຍນ້ອງທີ່ສະໜິດສະໜົມຂອງຫວຽດນາມ. ທ່ານສະແດງຄວາມປິຕິຍິນດີຕໍ່ການພົວພັນອັນດີງາມລະຫວ່າງຫວຽດນາມແລະບັນດາປະເທດອາຊຽນໃນຂອບສອງຝ່າຍແລະຫຼາຍຝ່າຍ. ທ່ານຫວັງວ່າ, ເອກອັກຄະລັດຖະທູດບັນດາປະເທດອາຊຽນຈະເປັນຂົວຕໍ່ອັນສຳຄັນປະກອບສ່ວນເຂົ້າໃນການຊຸກຍູ້ສາຍພົວພັນມິດຕະພາບແລະການຮ່ວມມືລະຫວ່າງຫວຽດນາມແລະບັນດາປະເທດອາຊຽນໃຫ້ຫຼາຍຂຶ້ນກວ່າເກົ່າ. ພ້ອມກັນສ້າງປະຊາຄົມອາຊຽນໃຫ້ເປັນປະຊາຄົມຄວາມສາມັກຄີ, ເຂັ້ມແຂງ, ສັນຕິພາບ, ສະຖຽນລະພາບ, ຮ່ວມມືແລະພ້ອມກັນພັດທະນາໃນຂົງເຂດແລະໃນໂລກ.ໃນໂອກາດນີ້, ທ່ານປະທານປະເທດ ສສຫວຽດນາມໄດ້ສະແດງຄວາມຊົມເຊີຍສປປລາວໃນການປະຕິບັດບົດບາດການເປັນປະທານອາຊຽນ 2024 ຂອງຕົນດ້ວຍຄວາມຫ້າວຫັນແລະເອົາໃຈໃສ່ເປັນຢ່າງດີ, ພ້ອມທັງອວຍພອນໃຫ້ສປປລາວຈົ່ງສືບຕໍ່ຍາດໄດ້ຜົນສຳເລັດອັນຈົບງາມໃນການເປັນປະທານກອງປະຊຸມສຸດຍອດອາຊຽນແລະກອງປະຊຸມລັດຖະສະພາອາຊຽນໃກ້ຈະມາເຖິງນີ້.
ຂ່າວ-ພາບ: ສະຖານທູດລາວປະຈຳຫວຽດນາມ.
ຄໍາເຫັນ