ຄຳມ່ວນຍົກລະດັບນັກປະຊາສຳພັນທ່ອງທ່ຽວ ເພື່ອດຶງດູດນັກທ່ອງທ່ຽວຂ້າມແດນ

ເນື້ອໃນການອົບຮົມໄດ້ເນັ້ນການປັບປ່ຽນຮູບແບບການປະຊາສຳພັນການທ່ອງທ່ຽວໃຫ້ທັນສະໄໝ ໂດຍນຳແນວຄິດ Storytelling ມາໃຊ້ໃນການສ້າງເນື້ອຫາປະຊາສໍາພັນໂດຍຖ່າຍທອດສະເໜ່ ແລະ ເອກະລັກຂອງແຫຼ່ງທ່ອງທ່ຽວ ໃຫ້ກາຍເປັນເລື່ອງລາວທີ່ໜ້າຕິດຕາມ ເພື່ອສ້າງຄວາມປະທັບໃຈ ແລະ ກະຕຸ້ນໃຫ້ນັກທ່ອງທ່ຽວຢາກເດີນທາງມາສໍາພັດດ້ວຍຕົນເອງ. ນອກນັ້ນ ຜູ້ເຂົ້າຮ່ວມອົບຮົມຍັງໄດ້ຮຽນຮູ້ການຜະລິດສື່ດິຈິຕອນເຊັ່ນ Infographic, One Page ແລະ ວິດີໂອສັ້ນ ເພື່ອສາມາດສື່ສານໄດ້ຢ່າງເຂົ້າໃຈງ່າຍ ແລະ ຕອບໂຈດຜູ້ໃຊ້ສື່ອອນລາຍໃນປັດຈຸບັນ.

ການບັນຍາຍຍັງໄດ້ເນັ້ນໜັກເຖິງການພັດທະນາການທ່ອງທ່ຽວແບບຍືນຍົງ ການສ້າງກິດຈະກຳ ແລະ ສະທ້ອນເຖິງເອກະລັກທ້ອງຖິ່ນ ພ້ອມຜັກດັນແນວຄິດ “Weekend Trip ນະຄອນພະນົມ–ຄຳມ່ວນ” ເພື່ອເຊື່ອມໂຍງເສັ້ນທາງການທ່ອງທ່ຽວຂ້າມແດນສອງຝັ່ງແມ່ນໍ້າຂອງ ລະຫວ່າງສອງປະເທດ ໃຫ້ກາຍເປັນຈຸດໝາຍປາຍທາງສຳລັບການທ່ອງທ່ຽວໄລຍະສັ້ນ ທີ່ຄອບຄຸມທັງດ້ານສາສະໜາ, ວັດທະນະທຳ, ປະຫວັດສາດ, ທຳມະຊາດ ແລະ ວິຖີຊີວິດໃຫ້ກາຍເປັນຈຸດໝາຍໃໝ່ຂອງນັກທ່ອງທ່ຽວ.

ໂຄງການດັ່ງກ່າວມີເປົ້າໝາຍສຳຄັນໃນການພັດທະນາບຸກຄະລາກອນດ້ານການທ່ອງ

ທ່ຽວ ແລະ ສື່ມວນຊົນ ໃຫ້ມີຄວາມຮູ້ດ້ານການສື່ສານທັນສະໄໝ ພ້ອມສ້າງໃຫ້ນັກທ່ອງທ່ຽວເປັນ “ກະບອກສຽງອອນລາຍ” ຜ່ານການໂພດ, ການຣີວິວ ແລະ ການບອກຕໍ່ ເພື່ອຊ່ວຍຂະຫຍາຍການຮັບຮູ້ ດ້ານການທ່ອງທ່ຽວ, ດຶງດູດນັກທ່ອງທ່ຽວ ແລະ ກະຕຸ້ນເສດຖະກິດຊຸມຊົນຂອງສອງຝັ່ງແມ່ນ້ຳຂອງໃຫ້ເຕີບໂຕຮ່ວມກັນຢ່າງຍືນຍົງ.ຂ່າວ: ມະນີວັນ