ສູນກາງແນວລາວສ້າງຊາດ (ສນຊ) ຮ່ວມກັບຄະນະຂົນຂວາຍປະຊາຊົນ ສູນກາງພັກກອມມູນິດຫວຽດ ນາມ ໄດ້ຈັດກອງປະຊຸມແລກປ່ຽນບົດຮຽນວຽກງານຂົນຂວາຍປະຊາຊົນຂຶ້ນໃນລະຫວ່າງວັນທີ 11-14 ທັນວາ ນີ້ ທີ່ ສນຊ ໂດຍການເປັນປະທານຮ່ວມຂອງສະຫາຍນາງ ອິນລາວັນ ແກ້ວບຸນພັນ ກຳມະການສູນກາງພັກ ຮອງປະ ທານ ສນຊ ແລະ ສະຫາຍ ຈ໋ຽວ ຕ໋າຍ ວິງ ຮອງຫົວໜ້າຄະນະຂົນຂວາຍປະຊາຊົນສູນກາງພັກກອມມູນິດ ສສ ຫວຽດນາມ ພ້ອມດ້ວຍພາກສ່ວນກ່ຽວຂ້ອງສອງຝ່າຍເຂົ້າຮ່ວມ.
ສະຫາຍນາງ ອິນລາວັນ ແກ້ວບຸນພັນ ກ່າວວ່າ: ກອງປະຊຸມໃນຄັ້ງນີ້ຖືເປັນວຽກໜຶ່ງທີ່ສໍາຄັນຂອງພັກໃນການເຮັດວຽກງານການເມືອງແນວຄິດໃຫ້ສະມາຊິກພັກ-ພະນັກງານ ແລະ ປະຊາຊົນລາວບັນດາເຜົ່າ ທັງພາຍໃນ ແລະ ພີ່ນ້ອງຄົນເຊື້ອຊາດລາວຢູ່ຕ່າງປະເທດ, ພາລະບົດບາດ ແລະ ໜ້າທີ່ຂອງ ສນຊ ມີຂອບເຂດກວ້າງຂວາງ ມີການພົວພັນກັບບັນດາອົງການຈັດຕັ້ງຕ່າງໆທັງພາກລັດ ແລະ ສັງຄົມ, ທັງອົງການຈັດຕັ້ງສາກົນພາຍໃນ ແລະ ຕ່ງປະເທດ ຮ່ວມມືກັບບັນດາປະເທດຕ່າງໆໃນປະຊາຄົມໂລກ. ເວົ້າລວມ, ເວົ້າສະເພາະກັບ ສສ ຫວຽດນາມມີ 4 ຄະນະ, ລະດັບສູນກາງພັກກອມມູນິດຫວຽດນາມເປັນຕົ້ນ ວຽກງານແນວໂຮມ, ວຽກງານຊົນເຜົ່າ, ວຽກງານສາສະໜາ ແລະ ວຽກງານຂົນຂວາຍປະຊາຊົນໃນການແລກປ່ຽນບົດຮຽນກ່ຽວກັບວຽກງານຂົນຂວາຍປະຊາຊົນ ທີ່ທາງວິທະຍາກອນຜູ້ທີ່ມີຄວາມຊ່ຽວຊານຈາກຄະນະຂົນຂວາຍປະຊາຊົນ ສູນກາງພັກກອມມູນິດຫວຽດນາມໄດ້ນໍາມາແລກປ່ຽນນຳບັນດາທ່ານ, ບັນດາສະຫາຍຊຶ່ງບົດຮຽນດັ່ງກ່າວມີທັງດ້ານທິດສະດີ ແລະ ພຶດຕິກຳຕົວຈິງທີ່ລ້ວນແລ້ວແຕ່ເປັນຫົວຂໍ້ທີ່ສຳຄັນຫຼາຍເປັນຕົ້ນ ວຽກງານຂົນຂວາຍໃນສະພາບການໃໝ່, ວຽກງານຂົນຂວາຍປະຊາຊົນບັນດາເຜົ່າສ່ວນໜ້ອຍ, ຂົນຂວາຍປະຊາຊົນໃນການຄຸ້ມຄອງສາສະໜາ ແລະ ຂະບວນການແຂ່ງຂັນຂົນຂວາຍ ປະຊາຊົນແບບຄ່ອງແຄ້ວ. ຊຶ່ງບົດຮຽນດັ່ງກ່າວຈະເຮັດໃຫ້ຜູ້ເຂົ້າຮ່ວມຮັບຮູ້ ແລະ ເຂົ້າໃຈ ເພື່ອນຳມາໝູນໃຊ້ເຂົ້າໃນວຽກງານໃຫ້ສອດຄ່ອງ ແລະ ເໝາະສົມ ປະກອບສ່ວນເຂົ້າໃນການປະຕິບັດໜ້າທີ່ການເມືອງໃນໄລຍະໃໝ່ໂດຍສະເພາະປະກອບສ່ວນປຸກລະດົມຂົນຂວາຍປະຊາຊົນຊັ້ນຄົນຕ່າງໆ ເຂົ້າຮ່ວມຂະບວນການແຂ່ງຂັນຮັກຊາດ ແລະພັດທະນາ ຕິດພັນກັບການປະຕິບັດ 2 ວາລະແຫ່ງຊາດ, ຂະບວນການຕ່າງໆເຊັ່ນ: ສ້າງເມືອງ, ບ້ານ ແລະຄອບຄົວສາມັກຄີປອງດອງ, “ຮັກບ້ານເກີດ, ພັດທະນາຊົນນະບົດໃໝ່ ແລະ ບ້ານພັດທະນາຢູ່ໃນບ້ານຂອງຕົນ, ຄົນລາວຜະລິດ-ຊື້ສິນຄ້າລາວ, ຕ້ານຢາເສບຕິດ, ພົນລະເມືອງດີ, ນັກທຸລະກິດດີເດັ່ນ ແລະ 4 ເສີມສ້າງ.
(ຂ່າວ-ພາບ: ວັນເພັງ)
ສະຫາຍນາງ ອິນລາວັນ ແກ້ວບຸນພັນ ກ່າວວ່າ: ກອງປະຊຸມໃນຄັ້ງນີ້ຖືເປັນວຽກໜຶ່ງທີ່ສໍາຄັນຂອງພັກໃນການເຮັດວຽກງານການເມືອງແນວຄິດໃຫ້ສະມາຊິກພັກ-ພະນັກງານ ແລະ ປະຊາຊົນລາວບັນດາເຜົ່າ ທັງພາຍໃນ ແລະ ພີ່ນ້ອງຄົນເຊື້ອຊາດລາວຢູ່ຕ່າງປະເທດ, ພາລະບົດບາດ ແລະ ໜ້າທີ່ຂອງ ສນຊ ມີຂອບເຂດກວ້າງຂວາງ ມີການພົວພັນກັບບັນດາອົງການຈັດຕັ້ງຕ່າງໆທັງພາກລັດ ແລະ ສັງຄົມ, ທັງອົງການຈັດຕັ້ງສາກົນພາຍໃນ ແລະ ຕ່ງປະເທດ ຮ່ວມມືກັບບັນດາປະເທດຕ່າງໆໃນປະຊາຄົມໂລກ. ເວົ້າລວມ, ເວົ້າສະເພາະກັບ ສສ ຫວຽດນາມມີ 4 ຄະນະ, ລະດັບສູນກາງພັກກອມມູນິດຫວຽດນາມເປັນຕົ້ນ ວຽກງານແນວໂຮມ, ວຽກງານຊົນເຜົ່າ, ວຽກງານສາສະໜາ ແລະ ວຽກງານຂົນຂວາຍປະຊາຊົນໃນການແລກປ່ຽນບົດຮຽນກ່ຽວກັບວຽກງານຂົນຂວາຍປະຊາຊົນ ທີ່ທາງວິທະຍາກອນຜູ້ທີ່ມີຄວາມຊ່ຽວຊານຈາກຄະນະຂົນຂວາຍປະຊາຊົນ ສູນກາງພັກກອມມູນິດຫວຽດນາມໄດ້ນໍາມາແລກປ່ຽນນຳບັນດາທ່ານ, ບັນດາສະຫາຍຊຶ່ງບົດຮຽນດັ່ງກ່າວມີທັງດ້ານທິດສະດີ ແລະ ພຶດຕິກຳຕົວຈິງທີ່ລ້ວນແລ້ວແຕ່ເປັນຫົວຂໍ້ທີ່ສຳຄັນຫຼາຍເປັນຕົ້ນ ວຽກງານຂົນຂວາຍໃນສະພາບການໃໝ່, ວຽກງານຂົນຂວາຍປະຊາຊົນບັນດາເຜົ່າສ່ວນໜ້ອຍ, ຂົນຂວາຍປະຊາຊົນໃນການຄຸ້ມຄອງສາສະໜາ ແລະ ຂະບວນການແຂ່ງຂັນຂົນຂວາຍ ປະຊາຊົນແບບຄ່ອງແຄ້ວ. ຊຶ່ງບົດຮຽນດັ່ງກ່າວຈະເຮັດໃຫ້ຜູ້ເຂົ້າຮ່ວມຮັບຮູ້ ແລະ ເຂົ້າໃຈ ເພື່ອນຳມາໝູນໃຊ້ເຂົ້າໃນວຽກງານໃຫ້ສອດຄ່ອງ ແລະ ເໝາະສົມ ປະກອບສ່ວນເຂົ້າໃນການປະຕິບັດໜ້າທີ່ການເມືອງໃນໄລຍະໃໝ່ໂດຍສະເພາະປະກອບສ່ວນປຸກລະດົມຂົນຂວາຍປະຊາຊົນຊັ້ນຄົນຕ່າງໆ ເຂົ້າຮ່ວມຂະບວນການແຂ່ງຂັນຮັກຊາດ ແລະພັດທະນາ ຕິດພັນກັບການປະຕິບັດ 2 ວາລະແຫ່ງຊາດ, ຂະບວນການຕ່າງໆເຊັ່ນ: ສ້າງເມືອງ, ບ້ານ ແລະຄອບຄົວສາມັກຄີປອງດອງ, “ຮັກບ້ານເກີດ, ພັດທະນາຊົນນະບົດໃໝ່ ແລະ ບ້ານພັດທະນາຢູ່ໃນບ້ານຂອງຕົນ, ຄົນລາວຜະລິດ-ຊື້ສິນຄ້າລາວ, ຕ້ານຢາເສບຕິດ, ພົນລະເມືອງດີ, ນັກທຸລະກິດດີເດັ່ນ ແລະ 4 ເສີມສ້າງ.
(ຂ່າວ-ພາບ: ວັນເພັງ)
ຄໍາເຫັນ