ໂດຍມີກຳລັງການຜະລິດ 1,026 ເມກາວັດ, ລັດຖະບານມຽນມາພວມເລັ່ງໃສ່ໂຄງການພະລັງງານໝູນວຽນ ເພື່ອຊຸກຍູ້ການຜະລິດພະລັງງານໄຟຟ້າຕອບສະໜອງຄວາມຕ້ອງການທີ່ເພີ່ມຂຶ້ນ
ຄະນະກຳມະການພັດທະນາໄຟຟ້າແລະພະລັງງານ ຂອງມຽນມາລະບຸວ່າ:4 ໂຄງການແມ່ນຢູ່ນະຄອນຫຼວງເນປີດໍ, 3 ໂຄງການຢູ່ເຂດມັນດາເລ, 1 ໂຄງການຢູ່ເຂດພະໂຄ ແລະ 1 ໂຄງການຢູ່ລັດຊານ, ຄິດເປັນກຳລັງການຜະລິດ 530 ເມກາວັດ, ສຳລັບໂຄງການໂຮງໄຟຟ້າໄຮບຣິດ (ເຄື່ອງຈັກອາຍແກັສ ແລະພະລັງງານແສງຕາເວັນ) ໃນເຂດມັນດາເລ ແລະ ມາເກວ ມີກຳລັງຕິດຕັ້ງທັງໝົດ 496 ເມກາວັດ.
ທັງນີ້, ຄະນະກໍາມາທິການດັ່ງກ່າວວາງເປົ້າໝາຍໃຫ້ຄວາມສຳຄັນກັບການພັດທະນາໂຄງສ້າງພື້ນຖານດ້ານໄຟຟ້າ ແລະ ພະລັງງານ ເພື່ອສະໜັບສະໜູນການດຳລົງຊີວິດປະຈຳວັນ ແລະ ການເຕີບໂຕທາງເສດຖະກິດ ໂດຍອາໄສການຊ່ວຍເຫຼືອຈາກການລົງທຶນພາຍໃນແລະຕ່າງປະເທດ.
ບົດລາຍງານລະບຸຕື່ມວ່າ:ມຽນມາ ເລີ່ມດຳເນີນງານເຂື່ອນໄຟຟ້ານໍ້າຕົກ 28 ແຫ່ງ, ໂຮງໄຟຟ້າພະລັງງານຄວາມຮ້ອນ 27 ແຫ່ງ ແລະ ໂຮງໄຟຟ້າແສງຕາເວັນ 8 ແຫ່ງ, ໂດຍມີກຳລັງການຕິດຕັ້ງທັງໝົດ 6.371 ເມກາວັດ.
ຄໍາເຫັນ