ປະທານປະເທດ ແຫ່ງ ສປປ ລາວ ແລະ ຄະນະ ເດີນທາງຢ້ຽມຢາມລັດຖະກິດ ທີ່ ສສ ຫວຽດນາມ

ພັນລະຍາເລຂາທິການໃຫຍ່ ປະທານປະເທດ ຢ້ຽມຢາມ ພັນລະຍາອະດີດການນໍາຫວຽດນາມ ແລະບ້ານເດັກກໍາພ້າ ເບີລາ

13:33 11/09/2024

ໃນໂອກາດຕິດຕາມ ສະຫາຍ ທອງລຸນ ສີສຸລິດເລຂາທິການໃຫຍ່ ປະທານປະເທດ ແຫ່ງ ສປປ ລາວ ແລະ ຄະນະ ເດີນທາງຢ້ຽມຢາມລັດຖະກິດ ທີ່ ສສ ຫວຽດນາມ ໃນວັນທີ 10-13 ກັນຍາ 2024, ສະຫາຍ ນາງ ນາລີ ສີສຸລິດ ພັນລະຍາ ສະຫາຍ ເລຂາທິການໃຫຍ່ ປະທານປະເທດ ແຫ່ງ ສປປ ລາວ

ໄດ້ເຄື່ອນໄຫວຢ້ຽມຢາມ ພັນລະຍາ ອະດີດການນໍາ ສສ ຫວຽດນາມ ແລະ ຢ້ຽມຢາມໝູ່ບ້ານເດັກກໍາພ້າ ເບີລາ.
ໃນຕອນເຊົ້າຂອງວັນທີ 10 ກັນຍາ 2024, ສະຫາຍ ນາງ ນາລີ ສີສຸລິດ ແລະ ຄະນະ ໄດ້ໄປຢ້ຽມຢາມ ສະຫາຍ ນາງ ໂງ ທິ ເມິ້ນ ພັນລະຍາ ສະຫາຍ ຫງວຽນ ຝູ ຈ້ອງ ອະດີດເລຂາທິການໃຫຍ່ ຄະນະບໍລິຫານງານສູນກາງພັກກອມມູນິດ ຫວຽດນາມ ທີ່ ນະຄອນຫຼວງຮ່າໂນ້ຍ. ໃນໂອກາດນີ້, ສະຫາຍ ນາງ ນາລີ ສີສຸລິດ ໄດ້ນໍາເອົາຄວາມຢື້ຢາມຖາມຂ່າວອັນອົບອຸ່ນ, ສະໜິດສະໜົມ, ຮັກແພງແບບຄອບຄົວໄປຍັງ ສະຫາຍ ນາງ ໂງ ທິ ເມິ້ນ ພ້ອມດ້ວຍຄອບຄົວ.
ໃນຕອນບ່າຍຂອງວັນດຽວກັນ, ສະຫາຍ ນາງ ນາລີ ສີສຸລິດ ກໍໄດ້ເຄື່ອນໄຫວຮ່ວມກັບ ສະຫາຍ ນາງ ໂງ່ ເຟືອງ ລີ ພັນລະຍາ ສະຫາຍ ໂຕ ເລິມ ເລຂາທິການໃຫຍ່ ປະທານປະເທດ ແຫ່ງ ສສ ຫວຽດນາມ ຢ້ຽມຢາມໝູ່ບ້ານເດັກກໍາພ້າ ເບີລາ ທີ່ ນະຄອນຫຼວງຮ່າໂນ້ຍ. ໃນໂອກາດດັ່ງກ່າວ, ສອງພັນລະຍາການນໍາ ລາວ-ຫວຽດນາມ ໄດ້ເຂົ້າຮ່ວມງານກິດຈະກໍາໃນງານໄຫວ້ພະຈັນ, ຊົມການສະແດງ, ມອບຂອງຂັວນໃຫ້ແກ່ເດັກນ້ອຍ ລວມທັງມອບເຄື່ອງຊ່ວຍເຫຼືອໃຫ້ແກ່ໝູ່ບ້ານດັ່ງກ່າວ ເພື່ອປະກອບສ່ວນໃນການສົ່ງເສີມການຮຽນຮູ້ ແລະ ການຈະເລີນເຕີບໂຕຂອງເດັກກໍາພ້າທີ່ອາໄສຢູ່ໝູ່ບ້ານດັ່ງກ່າວ ເພື່ອອະນາຄົດທີ່ສົດໃສຂອງເຂົາເຈົ້າ.
ໝູ່ບ້ານເດັກກໍາພ້າ ເບີລາ ຮ່າໂນ້ຍ ສ້າງຕັ້ງຂຶ້ນໃນປີ 1987 ຊຶ່ງໃນຕະຫຼອດໄລຍະ 30 ກວ່າປີຜ່ານມາ ໝູ່ບ້ານເດັກກໍາພ້າດັ່ງກ່າວ ໄດ້ຮັບລ້ຽງດູເດັກກໍາພ້າຫຼາຍກວ່າ 500 ຄົນ. ຢູ່ໝູ່ບ້ານດັ່ງກ່າວ, ເດັກນ້ອຍໄດ້ຮັບການລ້ຽງດູແບບຄອບຄົວ ແບບພໍ່ແມ່ອ້າຍເອື້ອຍນ້ອງ, ພ້ອມທັງໄດ້ຮັບການຮັບປະກັນໃຫ້ໄດ້ເຂົ້າໂຮງຮຽນຕາມເກນອາຍຸທີ່ກໍານົດ ແລະ ຍັງສາມາດຮຽນຮູ້ວິຊາຊີບຢູ່ສູນຕ່າງໆອີກດ້ວຍ.
ຂ່າວ: ກະຊວງການຕ່າງປະເທດ

ຄໍາເຫັນ

ຂ່າວການຮ່ວມມື

ບັນດາບໍລິສັດຂອງຈີນເຂົ້າອວຍພອນວັນຊາດແຂວງຊຽງຂວາງ

02/12/2025 08:53

ໃນວັນທີ1ທັນວານີ້ ຢູ່ທີ່ຫ້ອງວ່າການແຂວງຊຽງຂວາງ, ໄດ້ມີບັນດາບໍລິສັດຂອງຈີນ ນຳໂດຍທ່ານ ຫຼີວ ຫວີ ຫວູ(Liu Weiwu) ປະທານບໍລິສັດເວຍຕະເອເລັກໂທຣນິກຈຳກັດ ພ້ອມດ້ວຍບັນດາບໍລິສັດອື່ນໆ ໄດ້ເຂົ້າອວຍພອນການນຳແຂວງຊຽງຂວາງ ເນື່ອງໃນວັນຊາດທີ2ທັນວາ ຄົບຮອບ50ປີ(2ທັນວາ1975-2ທັນວາ2025) ແລະວັນເກີດປະທານ ໄກສອນ ພົມວິຫານ ຄົບຮອບ105ປີ(13ທັນວາ1920-13ທັນວາ2025),ຊຶ່ງທ່ານໄດ້ກ່າວສະແດງ ຄວາມຂອບໃຈມາຍັງການນຳ ກໍຄືປະຊາຊົນບັນດາເຜົ່າຊາວຊຽງຂວາງ ທີ່ໄດ້ເບິ່ງແຍງ ດູແລ ຮ່ວມມື ແລະ ໃຫ້ຄຳແນະນຳນັກທຸລະກິດ ຊາວຄ້າຂາຍ ທີ່ເປັນຄົນຈີນ ມາດຳລົງຊີວິດຢູ່ແຂວງຊຽງຂວາງ ອວນພອນໃຫ້ການນຳ ແລະ ປະຊາຊົນບັນດາເຜົ່າ ຊາວຊຽງຂວາງ ຈົ່ງມີແຕ່ຄວາມຜາສຸກ ມີພາລາໄມສົມບູນ ປະສົບຜົນສຳເລັດໃນການພັດທະນາ ເສດຖະກິດ-ສັງຄົມຂອງຄອບຄົວ ກໍຄືຂອງແຂວງ ມີຄວາມຈະເລີນກ້າວໜ້າຍິ່ງໆຂຶ້ນ.

ຕາງໜ້າບໍລິສັດໂກເອໂກອວຍພອນວັນຊາດ2ທັນວາ

01/12/2025 13:15

ທ່ານພັນເອກພິເສດ ຈູ ຫງ໋ອກ ອານ ຮອງເລຂາຄະນະພັກ ປະທານບໍລິສັດແຮ່ຄຳ ຕາງໜ້າກຸ່ມບໍລິສັດຮ່ວມມືເສດຖະກິດ ທີ່ຂຶ້ນກັບກອງບັນຊາການທະຫານເຂດ4 ສສ ຫວຽດນາມ ພ້ອມດ້ວຍຄະນະ ເຂົ້າອວຍພອນການນຳແຂວງຊຽງຂວາງ ເນື່ອງໃນວັນຊາດທີ2ທັນວາຄົບຮອບ50ປີ(2ທັນວາ1975-2ທັນວາ2025) ແລະ ວັນເກີດປະທານ ໄກສອນ ພົມວິຫານ ຄົບຮອບ105ປີ(13ທັນວາ1920-13ທັນວາ2025) ຢູ່ທີ່ຫ້ອງວ່າການແຂວງ.

ນາຍົກລັດຖະມົນຕີ ສປ ຈີນ ສົ່ງສານອວຍພອນວັນຊາດ ຄົບຮອບ 50 ປີ

01/12/2025 10:56

ສະຫາຍ ຫຼີສຽງ ນາຍົກລັດຖະມົນຕີ ແຫ່ງ ສປ ຈີນ ໄດ້ສົ່ງສານອວຍພອນ ເຖິງ ສະຫາຍ ສອນໄຊ ສີພັນດອນ ນາຍົກລັດຖະມົນຕີແຫ່ງສປປ ລາວ ເຊິ່ງມີເນື້ອໃນວ່າ: ເນື່ອງໃນໂອກາດວັນສະຖາປະນາສາທາລະນະລັດປະຊາທິປະໄຕປະຊາຊົນລາວຄົບຮອບ 50 ປີ, ຂ້າພະເຈົ້າຂໍສະແດງຄວາມຊົມເຊີຍມາຍັງສະຫາຍຢ່າງສຸດໃຈ.

ເລຂາທິການໃຫຍ່ ຄະນະບໍລິຫານງານສູນກາງພັກກອມມູນິດຫວຽດນາມ ເດີນທາງເຖິງນະຄອນຫຼວງວຽງຈັນ

01/12/2025 10:44

ສະຫາຍ ໂຕ ເລິມ ເລຂາທິການໃຫຍ່ ຄະນະບໍລິຫານງານສູນກາງພັກກອມມູນິດຫວຽດນາມ ພ້ອມດ້ວຍພັນລະຍາ ແລະ ຄະນະຜູ້ແທນຂັ້ນສູງຂອງພັກ, ລັດ ແຫ່ງ ສສ ຫວຽດນາມ ໄດ້ເດີນທາງມາເຖິງສະໜາມບິນສາກົນວັດໄຕ, ນະຄອນຫຼວງວຽງວຽງຈັນ ໃນຕອນເຊົ້າວັນທີ 1 ທັນວາ 2025 ໂດຍມີ ສະຫາຍ ບຸນທອງ ຈິດມະນີ ກຳມະການກົມການເມືອງສູນກາງພັກຜູ້ປະຈຳການຄະນະເລຂາທິການສູນກາງພັກຮອງປະທານປະເທດພ້ອມດ້ວຍຄະນະ ໃຫ້ການຕ້ອນຮັບຢ່າງອົບອຸ່ນ ແລະ ສົມກຽດ.

ສະຫາຍສີຈິ້ນຜິງສົ່ງສານອວຍພອນວັນຊາດຄົບຮອບ 50 ປີ

01/12/2025 10:26

ສະຫາຍສີຈິ້ນຜິງເລຂາທິການໃຫຍ່ຄະນະກໍາມະການສູນກາງພັກກອມມູນິດຈີນປະທານປະເທດແຫ່ງສາທາລະນະລັດປະຊາຊົນຈີນໄດ້ສົ່ງສານອວຍພອນເຖິງສະຫາຍທອງລຸນສີສຸລິດເລຂາທິການໃຫຍ່ຄະນະບໍລິຫານງານສູນກາງພັກປະຊາຊົນປະຕິວັດລາວປະທານປະເທດ ແຫ່ງ ສາທາລະນະລັດ ປະຊາທິປະໄຕ ປະຊາຊົນລາວເຊິ່ງມີເນື້ອໃນດັ່ງນີ້: ເນື່ອງໃນໂອກາດວັນສະຖາປະນາ ສາທາລະນະລັດ ປະຊາທິປະໄຕ ປະຊາຊົນລາວ ຄົບຮອບ 50 ປີ, ຂ້າພະເຈົ້າຂໍຕາງໜ້າພັກກອມມູນິດຈີນ, ລັດຖະບານຈີນ ແລະ ປະຊາຊົນຈີນ, ສະແດງຄວາມຊົມເຊີຍຢ່າງສຸດໃຈ ມາຍັງພັກປະຊາຊົນປະຕິວັດລາວ, ລັດຖະບານລາວ ແລະປະຊາຊົນລາວ.

ການນຳພັກ-ລັດ ສສ ຫວຽດນາມ ສົ່ງສານອວຍພອນ ວັນຊາດ ສປປ ລາວ ຄົບຮອບ 50 ປີ

01/12/2025 09:37

ຄະນະບໍລິຫານງານສູນກາງພັກກອມມູນິດ ຫວຽດນາມ, ປະທານປະເທດ ແຫ່ງ ສາທາລະນະລັດ ສັງຄົມນິຍົມ ຫວຽດນາມ, ສະພາແຫ່ງຊາດ ສາທາລະນະລັດ ສັງຄົມນິຍົມ ຫວຽດນາມ, ລັດຖະບານ ສາທາລະນະລັດ ສັງຄົມນິຍົມ ຫວຽດນາມ, ຄະນະກຳມະການສູນກາງແນວໂຮມປະເທດຊາດຫວຽດນາມ ໄດ້ສົ່ງສານອວຍພອນ ເຖິງ ຄະນະບໍລິຫານງານສູນກາງພັກ ປະຊາຊົນ ປະຕິວັດ ລາວ, ປະທານປະເທດ ແຫ່ງ ສາທາລະນະລັດ ປະຊາທິປະໄຕ ປະຊາຊົນລາວ, ສະພາແຫ່ງຊາດ ສາທາລະນະລັດ ປະຊາທິປະໄຕ ປະຊາຊົນລາວ, ລັດຖະບານ ສາທາລະນະລັດ ປະຊາທິປະໄຕ ປະຊາຊົນລາວ, ຄະນະກຳມະການສູນກາງແນວລາວສ້າງຊາດ ເຊິ່ງມີເນື້ອໃນດັ່ງນີ້: ເນື່ອງໃນໂອກາດສະເຫຼີມສະຫຼອງວັນສະຖາປະນາ ສາທາລະນະລັດ ປະຊາທິປະໄຕ ປະຊາຊົນລາວຄົບຮອບ 50 ປີ, ຄະນະບໍລິຫານງານສູນກາງພັກກອມມູນິດຫວຽດນາມ, ລັດ, ສະພາແຫ່ງຊາດ, ລັດຖະບານ ແຫ່ງ ສສ ຫວຽດນາມ, ຄະນະກຳມະການສູນກາງແນວໂຮມປະເທດຊາດຫວຽດນາມ ຂໍສົ່ງຄຳອວຍພອນໄຊອັນປະເສີດ ແລະອົບອຸ່ນມາຍັງ ຄະນະບໍລິຫານງານສູນກາງພັກ ປະຊາຊົນ ປະຕິວັດລາວ, ປະທານປະເທດ, ລັດຖະບານ, ສະພາແຫ່ງຊາດ ແຫ່ງ ສປປ ລາວ, ຄະນະກຳມະການສູນກາງແນວລາວສ້າງຊາດ.

ສາຍພົວພັນ ລະຫວ່າງ ລາວ-ຫວຽດນາມ:

28/11/2025 10:51

“ມິດຕະພາບອັນຍິ່ງໃຫຍ່, ຄວາມສາມັກຄີພິເສດແລະ ການຮ່ວມມືຮອບດ້ານເປັນສາຍພົວພັນ ໜຶ່ງບໍ່ມີສອງ, ບໍ່ຄືໃຜ ແລະ ບໍ່ມີໃຜຄື; ເອກະລາດຂອງຊາດລາວ ແລະ 50 ປີແຫ່ງການປົກປັກຮັກສາ, ສ້າງສາພັດທະນາປະເທດຊາດຂອງ ສປປ ລາວ ຍາມໃດກໍຕິດພັນກັບສາຍພົວພັນຂອງ ສອງພັກ, ສອງລັດ ແລະ ປະຊາຊົນສອງຊາດ”

50 ປີວັນສະຖາປານາສປປ ລາວ: ສາຍໃຈຫວຽດນາມ - ລາວອັນແໜ້ນແຟ້ນ ຮ່ວມກ້າວສູ່ຄວາມຈະເລີນຮຸ່ງເຮືອງໃນຍຸກສະໄໝໃໝ່

28/11/2025 10:36

ເນື່ອງໃນໂອກາດຄົບຮອບ 50 ປີ ວັນສະຖາປະນາ ສາທາລະນະລັດ ປະຊາທິປະໄຕ ປະຊາຊົນລາວ (ສປປ ລາວ), ສະຫາຍ ຫງວຽນ ມິງ ເຕິມ ເອກອັກຄະລັດຖະທູດ ວິສາມັນຜູ້ມີອໍານາດເຕັມ ແຫ່ງ ສສ ຫວຽດນາມ ປະຈໍາ ສປປ ລາວ ໄດ້ມີບົດຄວາມ ໃນຫົວຂໍ້ “50 ປີວັນສະຖາປານາສປປລາວ: ສາຍໃຈຫວຽດນາມ - ລາວອັນແໜ້ນແຟ້ນຮ່ວມກ້າວສູ່ຄວາມຈະເລີນຮຸ່ງເຮືອງໃນຍຸກສະໄໝໃໝ່” ຊຶ່ງມີເນື້ອໃນດັ່ງລຸມ່ນີ້:

ຜົນສໍາເລັດກອງປະຊຸມຄະນະກຳມາທິການຮ່ວມວ່າດ້ວຍການຮ່ວມມືສອງຝ່າຍລາວ-ກຳປູເຈຍ ຄັ້ງທີ15

27/11/2025 14:52

ໂດຍຕອບສະໜອງຕາມຄຳເຊື້ອເຊີນຂອງທ່ານທອງສະຫວັນ ພົມວິຫານ, ລັດຖະມົນຕີກະຊວງການຕ່າງປະເທດແຫ່ງ ສາທາລະນະລັດ ປະຊາທິປະໄຕ ປະຊາຊົນລາວ, ປະທານຄະນະກຳມາທິການຮ່ວມຝ່າຍລາວວ່າດ້ວຍການຮ່ວມມືສອງຝ່າຍລາວ-ກຳປູເຈຍ,ທ່ານ ປຣາກ ໂຊຄົນ, ຮອງນາຍົກລັດຖະມົນຕີ, ລັດຖະມົນຕີກະຊວງການຕ່າງປະເທດ ແລະ ຮ່ວມມືສາກົນແຫ່ງຣາຊະອານາຈັກກໍາປູເຈຍ, ປະທານຄະນະກຳມາທິການຮ່ວມຝ່າຍກຳປູເຈຍວ່າດ້ວຍການຮ່ວມມືສອງຝ່າຍກຳປູເຈຍ-ລາວ ພ້ອມດ້ວຍຄະນະໄດ້ເດີນທາງມາຢ້ຽມຢາມສປປ ລາວ ຢ່າງເປັນທາງການແລະ ເປັນປະທານກອງປະຊຸມຄະນະກຳມາທິການຮ່ວມວ່າດ້ວຍການຮ່ວມມືສອງຝ່າຍ ລາວ-ກຳປູເຈຍ (JC) ຄັ້ງທີ 15 ທີ່ນະຄອນຫຼວງວຽງຈັນ, ສປປລາວ,ໃນລະຫວ່າງວັນທີ 26-28ພະຈິກ 2025.

ມອບ-ຮັບໂຄງການກໍ່ສ້າງຕາໜ່າງສະຖານີວັດແທກແຜ່ນດິນໄຫວແຫ່ງຊາດລາວໄລຍະທີ I

27/11/2025 13:51

ພິທີມອບ-ຮັບໂຄງການກໍ່ສ້າງຕາໜ່າງສະຖານີວັດແທກແຜ່ນດິນໄຫວແຫ່ງຊາດລາວໄລຍະທີ I ຈັດຂຶ້ນວັນທີ 27 ພະຈິກ 2025 ທີ່ກົມອຸຕຸນິຍົມ ແລະ ອຸທົກກະສາດ ນະຄອນຫຼວງວຽງຈັນ ມີທ່ານ ໄຊນະຄອນ ອິນທະວົງ ຮອງລັດຖະມົນຕີກະຊວງກະສິກຳ ແລະ ສິ່ງແວດລ້ອມ ທ່ານ Li Yonglin ຮອງລັດຖະມົນຕີອົງການບໍລິຫານຄຸ້ມຄອງແຜ່ນດິນໄຫວຈີນ ທ່ານ ນາງ ລີ ສີເຈີນ ທີ່ປຶກສາທູດເສດຖະກິດ-ການຄ້າສະຖານທູດຈີນປະຈໍາລາວ ແລະ ພາກສ່ວນທີ່ກ່ຽວຂ້ອງສອງຝ່າຍເຂົ້າຮ່ວມ.

ເພີ່ມເຕີມ