ກອງປະຊຸມແລກປ່ຽນບົດຮຽນວຽກງານຂົນຂວາຍປະຊາຊົນໄດ້ສຳເລັດລົງໃນວັນທີ 13 ທັນວານີ້ທີ່ ສນຊ ພາຍຫຼັງດໍາເນີນມາເປັນເວລາ 3 ວັນໂດຍການເປັນປະທານຮ່ວມຂອງສະຫາຍນາງ ອິນລາວັນ ແກ້ວບຸນພັນ ກໍາມະການສູນກາງພັກ ຮອງປະທານ ສນຊ ແລະສະຫາຍ ຈ໋ຽວ ຕ໋າຍ ວິງ ຮອງຫົວໜ້າຄະນະຂົນຂວາຍປະຊາຊົນສູນກາງພັກກອມມູນິດຫວຽດນາມ ພ້ອມດ້ວຍພາກສ່ວນກ່ຽວສອງຝ່າຍເຂົ້າຮ່ວມ.
ສະຫາຍນາງ ອິນລາວັນ ແກ້ວບຸນພັນ ກ່າວວ່າ:ກອງປະຊຸມຄັ້ງນີ້ໄດ້ຮັບຟັງການບັນຍາຍກ່ຽວກັບວຽກງານຂົນຂວາຍປະຊາຊົນ ຈາກຄະນະຂົນຂວາຍປະຊາຊົນສູນກາງພັກກອມມູນິດຫວຽດນາມເປັນຕົ້ນວຽກງານຂົນຂວາຍປະຊາຊົນໃນສະພາບການໃໝ່; ວຽກງານຂົນຂວາຍປະຊາຊົນບັນດາເຜົ່າສ່ວນໜ້ອຍ; ການຂົນຂວາຍປະຊາຊົນໃນການສ້າງຊົນນະບົດໃໝ່; ຂະບວນການແຂ່ງຂັນແບບຄ່ອງແຄ້ວ; ວຽກງານຂົນຂວາຍປະຊາຊົນທາງສາສະໜາຕ່າງໆ ຊຶ່ງລ້ວນແຕ່ແມ່ນເນື້ອໃນທີ່ສຳຄັນຫຼາຍ. ພ້ອມນີ້, ກອງປະຊຸມຍັງໄດ້ຮັບຟັງການປະກອບຄໍາຄິດ-ຄໍາເຫັນທີ່ເປັນປະໂຫຍດຕໍ່ວຽກງານດັ່ງກ່າວ.ຜົນສໍາເລັດກອງປະຊຸມຄັ້ງນີ້ ໝາຍເຖິງການຜັນຂະຫຍາຍເນື້ອໃນມະຕິກອງປະຊຸມວຽກງານການເມືອງແນວຄິດທົ່ວປະເທດຄັ້ງທີ V ໃຫ້ເຂົ້າສູ່ລວງເລິກ, ການເພີ່ມທະວີເອົາໃຈໃສ່ວຽກງານປຸກລະດົມຂົນຂວາຍ ເປັນວຽກໜຶ່ງໃນການສ້າງຄວາມເປັນເອກະພາບດ້ານແນວຄິດ, ການກະທໍາ, ຄວາມເຊື່ອໝັ້ນ ແລະ ນໍ້າໃຈຟົດຟື້ນປະຕິວັດຂອງສະມາຊິກພັກ-ພະນັກງານ, ກໍາລັງປະກອບອາວຸດ ແລະ ປະຊາຊົນລາວບັນດາເຜົ່າ ນຳເອົາກໍາລັງແຮງເຂົ້າຮ່ວມຂະບວນການຕ່າງໆປົກປັກຮັກສາ ແລະ ສ້າງສາພັດທະນາປະເທດຊາດ.
ສະຫາຍນາງ ອິນລາວັນ ແກ້ວບຸນພັນ ກ່າວຕື່ມວ່າ: ເພື່ອເລັ່ງໃສ່ການພັດທະນາວຽກງານແນວລາວສ້າງຊາດ ໃຫ້ກ້າວໜ້າຂຶ້ນໄປເລື້ອຍໆເປັນຕົ້ນຕ້ອງສ້າງການຫັນປ່ຽນໃໝ່ດ້ານຈິນຕະນາການ ຕໍ່ວຽກງານແນວໂຮມໃນໄລຍະໃໝ່ຢ່າງເລິກເຊິ່ງ.ກ່ອນອື່ນຕ້ອງເຮັດໃຫ້ຖັນແຖວພະນັກງານນໍາພາທຸກຂັ້ນ, ພະນັກງານຫຼັກແຫຼ່ງໄດ້ຮັບການປະກອບຄວາມຮັບຮູ້ລັດທິມາກ-ເລນິນ ທີ່ເປັນທິດສະດີພື້ນຖານກ່ຽວກັບການປະຕິວັດ. ເວົ້າລວມ, ເວົ້າສະເພາະແນວຄິດ ໄກສອນ ພົມວິຫານ ທີ່ເປັນຜົນແຫ່ງການຄົ້ນຄວ້າ, ໝູນໃຊ້ ແລະ ປະດິດສ້າງທິດສະດີລວມເຂົ້າໃນພຶດຕິກໍາແຫ່ງການນໍາພາພາລະກິດປະຕິວັດ ເພີ່ມທະວີການເຄື່ອນໄຫວດ້ານການເມືອງ ແລະ ນໍາພາດ້ານແນວຄິດຢູ່ພາຍໃນການຈັດຕັ້ງ, ອົງຄະນະພັກ, ບັນດາໜ່ວຍພັກຂອງສູນກາງແນວລາວສ້າງຊາດ ແລະ ຄະນະກໍາມະການແນວລາວສ້າງຊາດທົ່ວປະເທດ; ການເຕົ້າໂຮມຄວາມສາມັກຄີປອງດອງ ເປັນປຶກແຜ່ນຂອງປວງຊົນລາວທັງຊາດ ພາຍໃຕ້ການນຳພາຂອງພັກ; ເພີ່ມທະວີການປຸກລະດົມຂົນຂວາຍປະຊາຊົນຊັ້ນຄົນຕ່າງໆເຂົ້າຮ່ວມຂະບວນການແຂ່ງຂັນຮັກຊາດ ແລະ ພັດທະນາຕາມຄວາມຮຽກຮ້ອງຂອງພັກ-ລັດໃນຕໍ່ໜ້າ ໂດຍສະເພາະສືບຕໍ່ສ້າງເມືອງ, ບ້ານ ແລະຄອບຄົວສາມັກຄີປອງດອງ, ຂະບວນການພັດທະນາຊົນນະບົດໃໝ່ ແລະ ພັດທະນາບ້ານຢູ່ຂອງຕົນເອງ, ຂະບວນການສ້າງສະຕິຊາດເປັນເຈົ້າຕົນເອງດ້ວຍການສົ່ງເສີມລາວຜະລິດສິນຄ້າ ແລະ ຊື້ສິນຄ້າລາວຜະລິດ,ຕ້ານຢາເສບຕິດ, ພົນລະເມືອງດີ, ຂະບວນການນັກທຸລະກິດດີເດັ່ນ ແລະ 4 ເສີມສ້າງ; ສືບຕໍ່ເສີມຂະຫຍາຍປະຊາທິປະໄຕ, ສິດເປັນເຈົ້າ ແລະ ປົກປ້ອງຜົນປະໂຫຍດຂອງປະຊາຊົນຊັ້ນຄົນຕ່າງໆ.ແນວລາວສ້າງຊາດ ແລະ ອົງການຈັດຕັ້ງມະຫາຊົນ ຕ້ອງເປັນຫຼັກແຫຼ່ງເຕົ້າໂຮມຄວາມສາມັກຄີປອງດອງ, ຍົກສູງບົດບາດຕິດຕາມ ແລະ ໃຫ້ຄໍາປຶກສາຕາມກົດໝາຍວ່າດ້ວຍ ແນວລາວສ້າງຊາດ ແລະ ຂໍ້ກໍານົດຂອງຄະນະເລຂາທິການສູນກາງພັກເລກທີ 01/ຄລສພ; ເພີ່ມທະວີຄວາມສາມັກຄີພົວພັນສາກົນ ແລະ ເປີດກວ້າງການພົວພັນການທູດປະຊາຊົນຕາມແນວທາງການຕ່າງປະເທດຂອງພັກ; ສືບຕໍ່ຮັດແໜ້ນສາຍພົວພັນມິດຕະພາບ ແລະ ການຮ່ວມມືກັບຄູ່ຮ່ວມມື ເປັນຕົ້ນ ຄະນະກຳມະການສູນກາງແນວໂຮມປະເທດຊາດຫວຽດນາມ, ຄະນະຂົນຂວາຍປະຊາຊົນສູນກາງພັກກອມມູນິດຫວຽດນາມ, ຄະນະກໍາມາທິການຊົນເຜົ່າແຫ່ງ ສສ ຫວຽດນາມ ແລະ ກຳມາທິການສາສະໜາແຫ່ງ ສສ ຫວຽດນາມ, ບັນດາອົງການຈັດຕັ້ງພາກປະຊາຊົນຂອງປະເທດເພື່ອນມິດທັງໃກ້ ແລະ ໄກ; ສືບຕໍ່ສ້າງການຫັນປ່ຽນໃນວຽກງານຂອງຄະນະກໍາມະການແນວລາວສ້າງຊາດໃນຕໍ່ໜ້າ,ສືບຕໍ່ເພີ່ມທະວີວຽກງານຂົນຂວາຍປະຊາຊົນຂອງແນວລາວສ້າງຊາດໃນໄລຍະໃໝ່ແລະ ອື່ນໆ.
(ຂ່າວ: ວັນເພັງ, ພາບ: ສນຊ)
ສະຫາຍນາງ ອິນລາວັນ ແກ້ວບຸນພັນ ກ່າວວ່າ:ກອງປະຊຸມຄັ້ງນີ້ໄດ້ຮັບຟັງການບັນຍາຍກ່ຽວກັບວຽກງານຂົນຂວາຍປະຊາຊົນ ຈາກຄະນະຂົນຂວາຍປະຊາຊົນສູນກາງພັກກອມມູນິດຫວຽດນາມເປັນຕົ້ນວຽກງານຂົນຂວາຍປະຊາຊົນໃນສະພາບການໃໝ່; ວຽກງານຂົນຂວາຍປະຊາຊົນບັນດາເຜົ່າສ່ວນໜ້ອຍ; ການຂົນຂວາຍປະຊາຊົນໃນການສ້າງຊົນນະບົດໃໝ່; ຂະບວນການແຂ່ງຂັນແບບຄ່ອງແຄ້ວ; ວຽກງານຂົນຂວາຍປະຊາຊົນທາງສາສະໜາຕ່າງໆ ຊຶ່ງລ້ວນແຕ່ແມ່ນເນື້ອໃນທີ່ສຳຄັນຫຼາຍ. ພ້ອມນີ້, ກອງປະຊຸມຍັງໄດ້ຮັບຟັງການປະກອບຄໍາຄິດ-ຄໍາເຫັນທີ່ເປັນປະໂຫຍດຕໍ່ວຽກງານດັ່ງກ່າວ.ຜົນສໍາເລັດກອງປະຊຸມຄັ້ງນີ້ ໝາຍເຖິງການຜັນຂະຫຍາຍເນື້ອໃນມະຕິກອງປະຊຸມວຽກງານການເມືອງແນວຄິດທົ່ວປະເທດຄັ້ງທີ V ໃຫ້ເຂົ້າສູ່ລວງເລິກ, ການເພີ່ມທະວີເອົາໃຈໃສ່ວຽກງານປຸກລະດົມຂົນຂວາຍ ເປັນວຽກໜຶ່ງໃນການສ້າງຄວາມເປັນເອກະພາບດ້ານແນວຄິດ, ການກະທໍາ, ຄວາມເຊື່ອໝັ້ນ ແລະ ນໍ້າໃຈຟົດຟື້ນປະຕິວັດຂອງສະມາຊິກພັກ-ພະນັກງານ, ກໍາລັງປະກອບອາວຸດ ແລະ ປະຊາຊົນລາວບັນດາເຜົ່າ ນຳເອົາກໍາລັງແຮງເຂົ້າຮ່ວມຂະບວນການຕ່າງໆປົກປັກຮັກສາ ແລະ ສ້າງສາພັດທະນາປະເທດຊາດ.
ສະຫາຍນາງ ອິນລາວັນ ແກ້ວບຸນພັນ ກ່າວຕື່ມວ່າ: ເພື່ອເລັ່ງໃສ່ການພັດທະນາວຽກງານແນວລາວສ້າງຊາດ ໃຫ້ກ້າວໜ້າຂຶ້ນໄປເລື້ອຍໆເປັນຕົ້ນຕ້ອງສ້າງການຫັນປ່ຽນໃໝ່ດ້ານຈິນຕະນາການ ຕໍ່ວຽກງານແນວໂຮມໃນໄລຍະໃໝ່ຢ່າງເລິກເຊິ່ງ.ກ່ອນອື່ນຕ້ອງເຮັດໃຫ້ຖັນແຖວພະນັກງານນໍາພາທຸກຂັ້ນ, ພະນັກງານຫຼັກແຫຼ່ງໄດ້ຮັບການປະກອບຄວາມຮັບຮູ້ລັດທິມາກ-ເລນິນ ທີ່ເປັນທິດສະດີພື້ນຖານກ່ຽວກັບການປະຕິວັດ. ເວົ້າລວມ, ເວົ້າສະເພາະແນວຄິດ ໄກສອນ ພົມວິຫານ ທີ່ເປັນຜົນແຫ່ງການຄົ້ນຄວ້າ, ໝູນໃຊ້ ແລະ ປະດິດສ້າງທິດສະດີລວມເຂົ້າໃນພຶດຕິກໍາແຫ່ງການນໍາພາພາລະກິດປະຕິວັດ ເພີ່ມທະວີການເຄື່ອນໄຫວດ້ານການເມືອງ ແລະ ນໍາພາດ້ານແນວຄິດຢູ່ພາຍໃນການຈັດຕັ້ງ, ອົງຄະນະພັກ, ບັນດາໜ່ວຍພັກຂອງສູນກາງແນວລາວສ້າງຊາດ ແລະ ຄະນະກໍາມະການແນວລາວສ້າງຊາດທົ່ວປະເທດ; ການເຕົ້າໂຮມຄວາມສາມັກຄີປອງດອງ ເປັນປຶກແຜ່ນຂອງປວງຊົນລາວທັງຊາດ ພາຍໃຕ້ການນຳພາຂອງພັກ; ເພີ່ມທະວີການປຸກລະດົມຂົນຂວາຍປະຊາຊົນຊັ້ນຄົນຕ່າງໆເຂົ້າຮ່ວມຂະບວນການແຂ່ງຂັນຮັກຊາດ ແລະ ພັດທະນາຕາມຄວາມຮຽກຮ້ອງຂອງພັກ-ລັດໃນຕໍ່ໜ້າ ໂດຍສະເພາະສືບຕໍ່ສ້າງເມືອງ, ບ້ານ ແລະຄອບຄົວສາມັກຄີປອງດອງ, ຂະບວນການພັດທະນາຊົນນະບົດໃໝ່ ແລະ ພັດທະນາບ້ານຢູ່ຂອງຕົນເອງ, ຂະບວນການສ້າງສະຕິຊາດເປັນເຈົ້າຕົນເອງດ້ວຍການສົ່ງເສີມລາວຜະລິດສິນຄ້າ ແລະ ຊື້ສິນຄ້າລາວຜະລິດ,ຕ້ານຢາເສບຕິດ, ພົນລະເມືອງດີ, ຂະບວນການນັກທຸລະກິດດີເດັ່ນ ແລະ 4 ເສີມສ້າງ; ສືບຕໍ່ເສີມຂະຫຍາຍປະຊາທິປະໄຕ, ສິດເປັນເຈົ້າ ແລະ ປົກປ້ອງຜົນປະໂຫຍດຂອງປະຊາຊົນຊັ້ນຄົນຕ່າງໆ.ແນວລາວສ້າງຊາດ ແລະ ອົງການຈັດຕັ້ງມະຫາຊົນ ຕ້ອງເປັນຫຼັກແຫຼ່ງເຕົ້າໂຮມຄວາມສາມັກຄີປອງດອງ, ຍົກສູງບົດບາດຕິດຕາມ ແລະ ໃຫ້ຄໍາປຶກສາຕາມກົດໝາຍວ່າດ້ວຍ ແນວລາວສ້າງຊາດ ແລະ ຂໍ້ກໍານົດຂອງຄະນະເລຂາທິການສູນກາງພັກເລກທີ 01/ຄລສພ; ເພີ່ມທະວີຄວາມສາມັກຄີພົວພັນສາກົນ ແລະ ເປີດກວ້າງການພົວພັນການທູດປະຊາຊົນຕາມແນວທາງການຕ່າງປະເທດຂອງພັກ; ສືບຕໍ່ຮັດແໜ້ນສາຍພົວພັນມິດຕະພາບ ແລະ ການຮ່ວມມືກັບຄູ່ຮ່ວມມື ເປັນຕົ້ນ ຄະນະກຳມະການສູນກາງແນວໂຮມປະເທດຊາດຫວຽດນາມ, ຄະນະຂົນຂວາຍປະຊາຊົນສູນກາງພັກກອມມູນິດຫວຽດນາມ, ຄະນະກໍາມາທິການຊົນເຜົ່າແຫ່ງ ສສ ຫວຽດນາມ ແລະ ກຳມາທິການສາສະໜາແຫ່ງ ສສ ຫວຽດນາມ, ບັນດາອົງການຈັດຕັ້ງພາກປະຊາຊົນຂອງປະເທດເພື່ອນມິດທັງໃກ້ ແລະ ໄກ; ສືບຕໍ່ສ້າງການຫັນປ່ຽນໃນວຽກງານຂອງຄະນະກໍາມະການແນວລາວສ້າງຊາດໃນຕໍ່ໜ້າ,ສືບຕໍ່ເພີ່ມທະວີວຽກງານຂົນຂວາຍປະຊາຊົນຂອງແນວລາວສ້າງຊາດໃນໄລຍະໃໝ່ແລະ ອື່ນໆ.
(ຂ່າວ: ວັນເພັງ, ພາບ: ສນຊ)
ຄໍາເຫັນ