ຂ້າພະເຈົ້າເຊື່ອໝັ້ນວ່າ ພາຍໃຕ້ການຊີ້ນໍາ-ນໍາພາຂອງພະນະທ່ານ, ອົສຕຣາລີ ຈະມີບົດບາດອັນສໍາຄັນໃນການສົ່ງເສີມສັນຕິພາບ, ຄວາມສະຖຽນລະພາບ ແລະ ຄວາມສົມບູນພູນສຸກ ທັງໃນລະດັບພາກພື້ນ ແລະ ສາກົນ.
ສປປ ລາວ ແລະ ອົສຕຣາລີ ມີສາຍພົວພັນມິດຕະພາບອັນດີງາມ ແລະ ການຮ່ວມມືອັນແໜ້ນແຟ້ນມາເປັນເວລາຫຼາຍກວ່າເຈັດທົດສະວັດ. ຂ້າພະເຈົ້າ ມີຄວາມປິຕິຍິນດີທີ່ຈະໄດ້ສືບຕໍ່ເຮັດວຽກຮ່ວມກັບພະນະທ່ານ ເພື່ອເສີມຂະຫຍາຍສາຍພົວພັນມິດຕະພາບ ແລະ ການຮ່ວມມືອັນດີງາມໃນຖານະຄູ່ຮ່ວມມືຮອບດ້ານໃຫ້ນັບມື້ນັບຂະຫຍາຍຕົວຍິ່ງໆຂຶ້ນ ທັງໃນຂອບສອງຝ່າຍ ແລະ ຫຼາຍຝ່າຍ ເພື່ອຜົນປະໂຫຍດຮ່ວມກັນຂອງປະຊາຊົນທັງສອງຊາດ.
ຂ້າພະເຈົ້າ ຂໍຖືໂອກາດອັນສະຫງ່າລາສີນີ້ ອວຍພອນໃຫ້ພະນະທ່ານ ຈົ່ງມີສຸຂະພາບເຂັ້ມແຂງ, ມີຄວາມຜາສຸກ ແລະ ປະສົບຜົນສຳເລັດໃນໜ້າທີ່ອັນມີກຽດສູງສົ່ງຂອງພະນະທ່ານ ແລະ ຂໍໃຫ້ປະຊາ ຊົນ ອົສຕຣາລີ ຈົ່ງມີຄວາມກ້າວໜ້າ ແລະ ວັດທະນາຖາວອນ ຍິ່ງໆຂຶ້ນ.
ຄໍາເຫັນ