ໂດຍມີເນື້ອໃນວ່າ: ເນື່ອງໃນໂອກາດທີ່ພະນະທ່ານໄດ້ຮັບເລືອກຕັ້ງໃຫ້ດໍາລົງຕໍາແໜ່ງເປັນນາຍົກລັດຖະມົນຕີແຫ່ງປະເທດຍີ່ປຸ່ນ, ໃນນາມລັດຖະບານແລະປະຊາຊົນແຫ່ງສາທາລະນະລັດປະຊາທິປະໄຕປະຊາຊົນລາວກໍຄືໃນນາມສ່ວນຕົວ, ຂ້າພະເຈົ້າຂໍຖືເປັນກຽດຢ່າງສູງສົ່ງຄໍາຊົມເຊີຍອັນອົບອຸ່ນແລະພອນໄຊອັນປະເສີດມາຍັງ ພະນະທ່ານ.
ຂ້າພະເຈົ້າເຊື່ອໝັ້ນວ່າພາຍໃຕ້ການຊີ້ນໍາ ແລະ ນໍາພາກໍຄືປະສົບການອັນອຸດົມສົມບູນຂອງພະນະທ່ານ, ປະເທດຍີ່ປຸ່ນຈະສືບຕໍ່ໄດ້ຮັບການພັດທະນາໃຫ້ຈະເລີນກ້າວໜ້າແລະວັດທະນະຖາວອນ ຢ່າງບໍ່ຢຸດຢັ້ງ. ຂ້າພະເຈົ້າມີຄວາມປິຕິຍິນດີທີ່ຈະໄດ້ເຮັດວຽກຮ່ວມກັບພະນະທ່ານຢ່າງໃກ້ຊິດເພື່ອສືບຕໍ່ເສີມຂະຫຍາຍສາຍພົວພັນມິດຕະພາບອັນເປັນມູນເຊື້ອແລະການຮ່ວມມືອັນດີງາມພາຍໃຕ້ການເປັນຄູ່ຮ່ວມຍຸດທະສາດ ລະຫວ່າງສປປລາວແລະຍີ່ປຸ່ນໃຫ້ຈະເລີນງອກງາມແລະແຕກດອກອອກຜົນຍິ່ງໆຂຶ້ນແລະ ກ້າວໄປເຖິງການຍົກລະດັບການພົວພັນຮ່ວມມືຂອງສອງປະເທດພວກເຮົາ ຂຶ້ນສູ່ລະດັບໃໝ່ຍິ່ງໃຫຍ່ກວ່າເກົ່າ ໃນໂອກາດສະເຫຼີມສະຫຼອງຄົບຮອບ 70 ປີ ແຫ່ງການສ້າງຕັ້ງສາຍພົວພັນການທູດ ແລະ ຄົບຮອບ 10 ປີ ແຫ່ງການເປັນຄູ່ຮ່ວມຍຸດທະສາດ ລະຫວ່າງ ສປປ ລາວ ແລະ ຍີ່ປຸ່ນ ໃນປີ 2025 ທີ່ຈະມາເຖິງນີ້ ເພື່ອຈະນໍາເອົາຜົນປະໂຫຍດຕົວຈິງ ມາສູ່ ປະຊາຊົນສອງຊາດ ລາວ ແລະ ຍີ່ປຸ່ນ ກໍຄືເພື່ອສັນຕິພາບ, ສະຖຽນລະພາບ ແລະ ການຮ່ວມມື ເພື່ອການພັດທະນາ ໃນພາກພື້ນ ແລະ ສາກົນ.
ອີກຄັ້ງໜຶ່ງ, ຂ້າພະເຈົ້າ ຂໍສະແດງຄວາມຂອບໃຈທີ່ລັດຖະບານຍີ່ປຸ່ນ ໃຫ້ການສະໜັບສະໜູນ ສປປ ລາວ ໃນການເປັນປະທານອາຊຽນ ປີ 2024 ນີ້ ແລະ ຄອງຄອຍທີ່ຈະໄດ້ຕ້ອນຮັບ ແລະ ພົບປະກັບ ພະນະທ່ານໃນໂອກາດເຂົ້າຮ່ວມກອງປະຊຸມສຸດຍອດອາຊຽນແລະ ກອງປະຊຸມປິ່ນອ້ອມອື່ນໆໃນເດືອນຕຸລາ 2024 ທີ່ ນະຄອນຫຼວງວຽງຈັນ.
ຂ້າພະເຈົ້າຂໍຖືໂອກາດອັນສະຫງ່າລາສີນີ້ອວຍພອນໄຊອັນປະເສີດມາຍັງພະນະທ່ານຈົ່ງມີພະລານາໄມສົມບູນ, ມີຄວາມຜາສຸກແລະປະສົບຄວາມສໍາເລັດໃນໜ້າທີ່ອັນສູງສົ່ງຂອງພະນະທ່ານ.
ໃນໂອກາດດຽວກັນພະນະທ່ານສະເຫຼີມໄຊກົມມະສິດຮອງນາຍົກລັດຖະມົນຕີລັດຖະມົນຕີກະຊວງການຕ່າງປະເທດແຫ່ງສປປລາວສົ່ງເຖິງພະນະທ່ານອິວາຢະທາເກຊິ (IWAYA Takeshi) ໃນໂອກາດທີ່ໄດ້ຮັບການແຕ່ງຕັ້ງເປັນລັດຖະມົນຕີກະຊວງການຕ່າງປະເທດຍີ່ປຸ່ນຄົນໃໝ່ເຊັ່ນດຽວກັນ
ຄໍາເຫັນ